المساعد الشخصي الرقمي

مشاهدة النسخة كاملة : مليت يا خوات.....انا مليت



عروس الموج
17/01/2006, 01:22 PM
ما أعرف وين أكتب...

بس انا مليت والله مليت من كل الشي...

واحس ان خلاص مافي حد يستاهل شي ولا في حد يستاهل اني اكلمه...اتمنى اني اعيش روحي..

Miss Oops
17/01/2006, 01:52 PM
http://www.al3nabi.net/upload/show.php?pic=102287 http://www.al3nabi.net/upload/show.php?pic=102287 http://www.al3nabi.net/upload/show.php?pic=102287 http://www.al3nabi.net/upload/show.php?pic=102287


http://www.al3nabi.net/upload/show.php?pic=102286 اختي الحبيبة http://www.al3nabi.net/upload/show.php?pic=102286

اكيد انتي تحت ضغط كبير ... بس ليش كل ها .. اصبري ان الله مع الصابرين ..... صح ان الناس الحين الواحد استوا ما يقدر يوثق في حد .. بس ما عليه ربج كبير ... ادعي وصلي وصومي وامري بالمعروف وتصدقي لو بدرهم .. هذا احلى شي في الحياة ... انسى الناس ... اذا حد طلب منج مساعده ساعديه واذا ما طلب خلج بعيد ... فكري في ربج اول شي وعقب نفسج واتركي الناس وراج لان ما منهم فائدة سوي اللي يملية عليج ضميرج .... واللي يرضي ربج .. واتركي الباقي ع الله ......

هاي دنيا .... وترها ما بتكون كامله لحد .... سوي اللي الله أمرنا فيه واستمري عليه ,, هاي دنيا مصرينا نتركها .....

لا تحاتين ولا تضايقين .. .ربج كبير ... خلج مع ربج اتركي الباقي ........... خلي ربج بيجازيهم .....

وادعي بالدعاء ...... اللهم ان اعوذ بك من الشقاق والنفاق وسوء الاخلاق

http://www.al3nabi.net/upload/show.php?pic=102286 نصيحة http://www.al3nabi.net/upload/show.php?pic=102286

لو أنك مررت بتجربة قاسية بعض الشئ ؟ هل تحزن؟ هل تيأس ؟ .......... لابد ان اجابتك .. نعم..
أيامنا هذه تحتاج للأقويا فقط .. فكن سعيداً .. فأنت الان بعد هذه التجارب قد تخطيت مرحلة من مراحلة حياتك .. وأعلم ان الايام ربما تخفى شيئا لك في طياتها فكن صبورا وستجد في كل مرحلة من الايام اللحظات السعيدة واللحظات الساكنة الهادئة كما ستصادف بعض الحزن والصعوبات .. احتفظ بالسعيد منها ف مخيلتك .. لا تسمح للحظات السكون ان تفر منك .. تأمل .. ادخل خلالها الطمأنينة الى قلبك .. املاها بتذكر السعيد من أيامك وخذ العبرة مما قاسيت .. واجة الاحزان لا تفر منها .. هكذا سوف تتخطى الصعاب (كن متفائلاً) فقد مضت مرحلة ولن تعود .. كن متأكدا أن كل يوم يمر عليك لن يعود مرة اخرى لذا لن يجدي حزنك على ما فات نفعا .. توكل ع الخالق توكل ع الحي الذي لا يموت .. فكل ما تصادفة ف حياتك هو مقدر وكتوب لك .. كن قنوعا بما قسم الخالق لك .. واشكر الخالق ع كل شي .... وهكذا تصل الى قمة السعادة ,, لا ترجع لاي لحظة من لحظات الماضي ان كانت قاسية ولا تجعلها تعكر عليك صفو حياتك لا تدع جروح الماضي تؤثر ع نفسك وعلاقتك بمن حولك سواء كان قريبا او بعيدا .. امنح الحب لمن يستحقة .. لاتبخل به وكن ع ثقة انك لن تستطيع الحياة من غير مشاعر لا تقسو ع نفسك كثيرا فكلنا يجب ان نواجة نفس الصعاب لابد لنا ان نتعلم منها .. من هنا تنبع قوتك بأعطاء كل ذي حق حقه ... أنس الماضي فقد انتهى ... وعش ايامن سعيدة مع من يستحق حبك ويريد السعادة لك .. كن قنوعا بما قسم لك الخالق .. فالقناعة كنز لا يفنى ..........

http://www.al3nabi.net/upload/show.php?pic=102287 http://www.al3nabi.net/upload/show.php?pic=102287 http://www.al3nabi.net/upload/show.php?pic=102287 http://www.al3nabi.net/upload/show.php?pic=102287

عروس الموج
17/01/2006, 02:15 PM
والله كلامج وايد كبير ويريح القلب...

تسلميلي اختي وكل يوم بقرا ردج عسب اتفائل دايما وحاول انسى الي فيني

انا الحمدالله مؤمنه اب رب العالمين بس ادري اني وااااااااااااااااايد امقصره مب من ناحية الصلاه او اني اتصدق
لا بس انا يالسه اعاندعمري ويالسه اعق عمري في مشاكل واعرف الي اسويه انه كله غلط او ما منه فايدة ابدا وانا متاكده بس ما اعرف شووو مستوي فيني المشكله اني مب حاسه ابندم بس مستمره فالغلط وانا اعرف انه غلط

وطن
17/01/2006, 02:29 PM
اول شي اخي الله يرحم الوالده ويسكنها الجنه ان شاء الله


ثاني شي

الدنيا ما تسوى كل هالضيقه والزعل اللي فيج

ولا اظن ان الوالده لو كانت عايشه رايح يعجبها عنادج وتصرفاتج الغلط "اللي انتي اساسا متضايقه منها"
اختي قبل لا تفكرين في اي شي فكري هل الله بيكون راضي عن هالتصرف
هل امي لو كانت عايشه بيعجبها
هل انا ارضى ان حد يحطني في هالوقف ولا يعاملني بهالاسلوب او يسوي فيني جذي ... الخ

فكري لو انتي انحطيتي في هالموقف وحد سوى لج مشكله شنو شعورج !!!

فلا تكونين انتي سبب ضيقة حد او اكتئاب حد
انتي مبين عليج انسانة طيبه وفيج الخير

بس مو قادرة تسوين كونترول على العند اللي فيج وتتداركين اخطائج
انتي تدرين انه غلط لانج طيبه وبنت اصل
لكن لازم تمنعين هالشي اللي تسوينه وتسيطرين عليه

انتي اقوى من الضغوط اللي حولج

عليج بالدعاء والصبر وذكر الله


والله يوفقج اختي :)

أنيين الصمت
17/01/2006, 02:36 PM
الله يفرج همك حبيبتي خليها على ربك والله انا مثلك ساعات اروح اي مكان بس اكون وحدي وما ابي اشوف احد ولا اكلم احد ولا ارتاح اكذب على نفسي بالعكس اضايق زياده لين يوم دخلت غرفه وحدي وسرت استغفر ربي وادعي لين ما حسيت انى فعلا ارتحت والله اختي الاستغفار يريح القلب الله يريح قلبك انشالله ويبعد عنك كل الهموم انا اتوقع انك مثلي من النوع اللي تخلى الموضوع براسك جبل وتشيلين همه لكن والله لاحضت اني انا ماراح استفيد شئ بالعكس والله تعبت نفسي ليه انا ما اعيش حياتي بدون ما انكد على نفسي والله الدنيا دي ما تستاهل انى ازعل عليها ما في شئ باقي على حاله ولا حناخد من الدنيا دي شئ . جربي انت انك تعملى جو غير لما تكونى مضايقه بحيث تبعدي التفكير باللي يضايق ما تتخيالي انا بعيد الفطر اللي راح والله دمعتى على خدي لكن ما تصدقي وش سويت انا والدتي مريضه لكن عملت جو بالبيت ما تصدقي لو تشوفيني بصراحه خليت جو البيت ونااااااسه .. أختى لااااازم تحاولين بنفسك ...
أختك أنيين الصمت

miss_faith
17/01/2006, 08:39 PM
هلا حبيبتي مدام انج حاسه الي اتسوينه غلط هذا معناته انج في امان خلاص شدي على عمرج و ابتعدي عن اي اشي اتشوفينه غلط و يعكر حياتج و مزاج و اذكري الله و حاولي انج اتجددين حياتج و روتينج اليومي :) انا انصحج بحفظ سوره البقره حبيبتي حاولي اتخصصين لج في اليوم الواحد 3 او 4 ايات و صدقيني بتمر الأيام و خلاص 5 شهور بتحفظين بقدره الله بعد حاولي تشتركين في نادي اتسوين نشاطات اتزورين مراكز المعاقين لا تتركين في حياتج اي لحظه فراغ لانه الفراغ مشكله يحسس الأنسان بضيجه و ملل فظيع.

الله يوفقج حياتي دنيا و اخره و لاتنسينا من دعائج الصالح :)

ماسة دبي
17/01/2006, 09:04 PM
السلام عليكم و رحمة الله و بركاته

سبحان الله نفس الشعور

لكن من أحس بالضيق أقرا قرآن و أستغفر و أصلي و لازم أصيح أرتاح إشوي

و الله إن شاء الله بيصبرنا و صدق الدنيا ما تستاهل

الله يردني إن شاء الله نفس ما كنت و تكون هذي أزمه و تعدي على خير يا رب

kholoud_sa
17/01/2006, 09:35 PM
احلى شي الواحد يدعي لنفسه

تقربي الى الله شوفي شلون بيكون لك الصديق الصدوق

سوسو نكد
17/01/2006, 10:58 PM
اهلا اختي...
بنصحك تنفردي بنفسك شوي وتعيدي حساباتك مع نفسك ومع المحيطين فيكي.. وحطي خطة جديدة للتعامل مع الناس ومع نفسك
وكوني قريبة من الله لانو الله الوحيد الي بيخفف الهموم وبيزيح الغمامة عن قلوبنا... والله يهدي سرك انشالله انتي وكل المسلمين

عروس الموج
18/01/2006, 07:40 AM
وطـــــن - أنين الصمت - Miss -faith - ماسة دبي - kholoud-sa - سوسو نكد

تسلمولي خواتي على الردوود وتعاونكم معي..

الحمدالله انا انسانه مؤمنه ابرب العالمين...يعني الحمدالله اصلي اصوم اقرا قراءن استغفر بس يابنات عن الغلط الي اسويه ادري اني اقدر ابتعد عنه بسهوله بعد بس ما ادري ليش اسويه..ابا خلاص ابتعد عن الشي بس ما اقدر ارد نفس الحاله والله ان مب مستفيده شي بس جي يالسه اغلط..

وانا كلشي اسوي لعمري ما اعتمد على حد يعني كل مكان اسير روحي سوق حتى الكوفي شوب ايلس فيه روحي والله ايلس اقرا كتب بس بعد الواحد يمل لين متى بتم على هاي الحاله
اذا ما طلعت من البيت احبس عمري فالغرفة عادي يوم كامل ما يشوفوني ايلس امجابله هالتلفزيون ولا ارقد..

يا خوات لين متى انا بتم على هاي الحاله.؟؟؟

دلوعه قطريه
18/01/2006, 09:19 AM
حبيبتي هدي اعصابج
قومي صلي وبعدين نامي شوي ارتاحي عشان تهدين
فديتج لاتسوين بعمرج جذي مب زين

يالله حبيبتي روحي صلي وارجعي بعدين واحنا بنسمعج بس اهم شي لاتحرقين اعصابج جذي

عروس الموج
18/01/2006, 09:33 AM
دلوعة قطر...... والله يا حبيبتي انا عادي ريلكس وانشالله بسير اصلي

انا الحين فالدوام بالعكس ودوامي وايد حلوووووو وانا مرتاحة منه يعني انا اداوم من الساعه 7:00 لين 3:30 بس المشكله لما ارد البيت هدوء عجيب اتخيلي روحج فالبيت محد يسال عنج لو تحطي مريضه محد يدري...يعني كلشي اتسوينه روحج ...

بس المشكله عندي اني ابا اودر الغلط الي مستمره فيه ومثل ما قلت انه سهل اني اودر الشي بس بتم روحي وقت الصلاه بصلي وقت قراءة القران بقرا وبيلس استغفر...بس بعد الانسان محتاج حد يستند عليه وها الشي الي يخليني استمر..

والله احس اني دوختكم ويايه شو اسوي ما كنت بكتب عن نغسي بس الوقت خلاني الجا إلكم

طلوع الفجر
18/01/2006, 09:39 AM
اختي عروس الموج صدقيني ما راح اتمين روحج وحاولي انج تتقربين من ربج اكثر بتحسين بسعادة عمرج ما حستيها وكل همومج راح تنفرج فكري أكثر بآخرتج وشو سويتي لها لا تضيعيين حياتج في اشياء يمكن بعدين تندمين عليها والله يوفقج يارب

زوجة راشد
18/01/2006, 12:33 PM
بقولج كلام اشوي جاسي بس معليه استحملينى ....


اتخيلي انه رب العالمين يقبض روحج الحين وانتى على الغلط .... جيف بتجابلين ويهه .؟؟؟؟
مب احساس كريهه ومزعج .... تركي الغلط دام انتى اتعرفين انه غلط ... اندمجي مع ربيعاتج اكثر ووسعي دائرة معارفج ........وتعوذي من ابليس .. واقري قران .....ماراح اقول سورة معينه ...
وقولي خلاص ماراح ارجع للغلط ... وتحدي الشيطان ترا اهو ايزين لج الغلط .... وصديقينى صدقينى الانسان اقوى مليون مره من الشيطان ................

منال الكويت
18/01/2006, 02:16 PM
تعوذي من ابليس وخلي ايمانج بالله اقوى من جذيه ( يا ايتها النفس المطمئنة ارجعي الى ربك راضية مرضية وادخلي في عبادي وادخلي جنتي ) هذا قضاء الله وقدره

كلنا حق هاليوم وكلنا لازم نرضى بالمكتوب على الجبين وانتي عليج بالدعاء للمرحومة وقراءة القرآن والنوافل وما بيدج شي غير الصبر والله يلهمج الصبر والسلوان

يارب العالمين والله يعينج على فراقها ...........

ღ رآقيهـ ღ‏
18/01/2006, 02:29 PM
حياتي الي متعبك استمرارك بالغلط

طيب مستفيده شي من الغلط الي تسوينه ؟

ما اعتقد بس جالسة تعذبي بروحك على الفاضي ولا أحد حاسس فيك ................ بس تخيلي تبتعدي عن الغلط وتقتربي من ربك بيكون شعورك مختلف بالمره


بتحسي انك قوية وراضية عن نفسك والامور كلها تتسهل بوجهك

ابتعدي عن الي يغضب ربك ويضايقك وصدقيني بترتاحي

وشوفي شو الي عندك من نعم وغيرك يتمناها واحمدي ربك عليها

طمنينا عليك عمري

غنوجةزوجي
18/01/2006, 03:36 PM
حبيبتي
انت اكيد انسانة طيبة ورقيقة
الله يرحم الوالدة وكلنا على الدرب
بس لو عن جد بتحبي امك لازم تصلي وتدعيلها بلرحمة لان الله بيريح الميت بقبره لو كان عنده ولد صالح بيدعيلو
والله هو خير صديق والقران خير ونيس وجليس
صدقيني انا مريت بمراحل كتير صعبة بس بوجودي بقرب ربي
كتير هانت المشاكل



والله يفرجها عليكي وعلى كل متضايق

m3rya7
18/01/2006, 03:52 PM
ايه والله ما احد ينوثق فيه وا انا بعد مليت

حنـــ سدير ـــين
18/01/2006, 04:52 PM
السلام عليكم ورحمة الله وبركاته

أختي الحبيبة.. عروس الموج..
تألمت كثيرا عندما قرأت سطوركِ الممزوجة بالألم والأحباط..
أنا متفهمة تماما لما تعانيه .. وخاصة بعد رحيل أمكِ رحمها الله واسكنها جنات النعيم..
وقرأت ماسطرتها أخواتي الغاليات في المنتدى من كلام أكثر من رااائع..
لذا لن أكرر ماذكرته الأخوات..
ولكن سأكتب لكِ كلمات نابعة من قلبي لكِ..

... أختي الحبيبة...
الاستمرار في الذنب لن يجني لكِ سوى غضب الله عز وجل .. وهذا الحزن والإحباط الدائم..
وبقاكِ وحيدة بعيدة عن الناس سيجعلكِ تصرين على هذا الذنب وعلى حالة الحزن والإحباط..
لذا.. أخذلي الشيطان وقاطعي هذا الذنب إلى الأبد و ادعي الله أن يعينكِ على ذلك..
واقتربي من الناس ،، من أحبابكِ،، أقاربكِ ،، صديقاتكِ.. وثقي أن الحياة حينها ستكون بلون آخر مختلف عن ماترينه الآن..

وأود منكِ يالغالية أن تمسكي بورقة وتكتبي فيها التالي..
1* أهدافكِ وطموحاتكِ في الحياة..
2* إيجابيات شخصيتكِ ومميزاتها؟
3* النعم التي أنعم الله بها عليكِ؟
4* الألم الذي ينغص عليكِ هذه الحياة وسببه؟
5* كيفية علاجه والقضاء عليه من وجهة نظركِ؟
* * *
وأنتظر رأيكِ بعد تدوينها بينكِ وبين نفسكِ..

أختــــــــكِ الداعية لكِ بالخير والسعادة / حنـــــ سدير ــــــين

doctor of the hearts
19/01/2006, 11:11 PM
بسم الله الرحمن الرحيم

سلام الله عليكم
أعتقد أن الأخوات أجدن بما فيه الكفاية.
نصائحهن كانت صادقة وهادفة

لا أريد الإطالة كثيرا فقط وددت بأن أذكرك بشكر الله على كل نعمه التي أنت فيها
لو نظرتي الى غيرك وهم كثر
تجدين أن حالهم يكون أتعس من حالك
ولذلك اللي يشوف مصيبة غيره تهون عليه مصيبته
عموما ربي يهون عليك ويرفع الغمة عنك وعن كل المؤمنين والمؤمنات

doctor of the hearts
20/01/2006, 01:39 AM
اليوم وقبيل ساعات شاركت في هذا الموضوع وسبحان الله وكأن مصيبة كانت تنتظرني في عالم الغيب. إذ أنني مباشرة بعد أنهيت المشاركة تلقيت خبرا فجعت به. والآن وأنا أعيش المصاب تذكرت نصيحتي لك وقلت لك شوفي مصيبة غيرك تهون عليك مصيبتك
الحين انا من يبحث عن العلاج للخروج من الصدمة التي انا فيها

الذين اذا اصابتهم مصيبة قالوا انا لله وانا اليه راجعون

فوافي
20/01/2006, 06:16 AM
اختي الغاليه

مممممممم

والله الاخوات ما قصروا


بس ما نقدر نعطيج حل ...

الا اذا عرفنا شو الخطأ !!!...

بس اذا هالشي يضايقج ع راحتج

ما راح نغصبج

بس بقولج شو سالفتي ..

والله انا كنت شراتج تايهه ما عرف شسوي كرهت كل من حولي

وكل ما اسير الجامعه اقعد بروحي معنه ربيعاتي وايد بس انا اطلب اني اقعد بروحي ..

انا متعوده كل ما ابي اسوي شي افتح دفتري واكتب شو بسوي

مثلا.. انا كنت ابي اقنع اهلي انا ادش الجامعه الامريكيه ..

كنت اكتب مثلا اذا قالولي اهلي جي شو ارد عليهم .. واذا واذا واذا

المهم

وقبل لا ابدا اي عمل او خطوة او مثلا

الحين انا بسير المول بطلع قدلتي !!

اسال روحي

الله راضي عني ؟؟ رقم واحد

عقب الشيخ خليفه راضي عني اني اكون بنت الامارات بهالصفه ؟؟ رقم اثنين

عقب اهلي ؟؟؟ اذا دروا شو بيكون موقفهم ؟؟ رقم ثلاثة

اهم نقاط لازم اتبعه وتتبعينه

قبل قدومج لاي خطوة عزيزتي

انزين

مره بدون لا اسوي شي

قررت ادش النت واتعرف ع بناات من منتدى

المهم تعرفت عليهم

وكانوا يسالوني اساله غريبه

وقررت اني اجذب

ومرت الايام واتعود لساني على قول الجذب

كرهت العالم حسيت

انه كل شخص يخدعني ويالس يجذب علي مثل ما انا اسوي فيه !!

يعني الحينه شو استفدت انا ؟؟ !!!

غصب رب العالمين

و تعب نفسيتي ........ وووووووو

طبعا اقدر اقول اني خسرت في هاي المرحله

واتمنى يا عزيزتي ما تطورين

هالمشكله ..

واتمنى انج تتعودين ع الدفتر والقلم عسب ترتبين امورج وحياتج الشخصية ..

والافضل انه محد يطالعه ..

وطبعا صلي وبعد كل صلاه استغفري ع قد ما تقدرين

ورتبي كل امر بتسوينه وحاولي تتبعين طريقتي


والله بترتاحين والدنيا بتتعدل امامج

وكما يقال :: الدنيا كالباب

يعني الوقت اللي تمرين وتطلعين او تدخلين من الباب

هي الدنيا

والسموحه اذا طولت عليج

عروس الموج
20/01/2006, 12:33 PM
الحمدالله واشكره على ان في ناس في هدنيا اتحس ابغيرها...
وشكركم جميعا خواتي والله من كل قلبي ان يوم اقرا ردودكم ارتاح وحس ان في حد معاي في هالدنيا..

انشالله باذن الله احاول اليوم ابدا حياتي اليديده ..وادري ان هالشي وايد بيكون صعب عليه بس بصبر وبصبر بصبر لين ما الله يفرجها باذنه يارب..

اتمنى من خواتي الي فالمنتدى انهم ما يخلوني روووووحي لاني فعلا محتاجتلهم واااااااااااااااااااايد
والله يسامح كل الي خلاني امر الالم رغم جروحي يحاولون يزيدون عليه ابدال ما يخففون (الله يسامح الجميع )