المساعد الشخصي الرقمي

مشاهدة النسخة كاملة : لو زوجج انقلبت الدنيا فوقه تمشين وراه؟



De3LaT_7aBeBY
14/01/2006, 06:40 AM
السلام عليكم ورحمة الله وبركاته


احد اقرب الناس لي للاسف في مشكله وحيره من امرهاا الله يسر امرهاا وتفرج عليها يارب

مشكلتهاا كبيره بس انا قلت باحط نفسي بمكانهاا وابيكم انتو بعد تحطون مكانكم في مكانهاا وتقولون لي رايكم بهالموضوع؟؟


قريبتي مالجه من تقريبا سنه وزوجها زين معاها ويحبها موت واهي بعد تحبه وما تبي تستغنه عنه..... للعلم اهم فقط مالجين يعني للحين ماا سوو عرس ....

خطيبها او زوجهاا طاح في مشكله واضطرت الدوله تطرده لمساله ظلم حرام شكله يكسر الخاطر وراح طلع لدوله عربيه ولكن مو خليجيه وبدى حياته هناك والحين اهل الزوج اسالوو العروس واهلهاا تبون بنتكم تكمل في زواجهاا ونعيش معاه هناك والااا نفصل الملجه يعني تتطلق...


ما رايكم؟؟ بصراحه

De3LaT_7aBeBY
14/01/2006, 07:14 AM
بما انكم للحين ما رديتو علي باكمل الموضوع واوضح لكم شغلات قبل لاا تكتبون ردودكم ....

البنت صغيره بالعمره عمرها 20 سنه فقط

تدرس بكليه......

عايشه بمستوى وايد حلوو بس زوجهاا مستواه اقل صراحه بس يتمنى يسويلها الي تبيه .....

زوجهاا ماعنده شهاده جامعيه او كليه للاسف فقط الثانويه ................

ويصير فوق هذا قريبها ولد عمها................

الناس يقولون لهاا خليه عادي يطلقج انتي للحين بنت ما دخل عليج باجر بتلقين احسن منه......... بس اهي تفكر تقول احبه وابيه بس بعد ابي مستقبلي وابي اعيش بين اهلي ........... ما تدري الغربه في دوله عربيه او الطلاق...................

رايكم بسرعه الله يخليكم

kholoud_sa
14/01/2006, 07:22 AM
تستخير رب العالمين

اذا تحبه اوكي مافيها شي بس تحط ببالها بكره والله اعلم شو بيصير بكره ؟؟

اولادها

اهلها

تنتبه انها بتضحي باشياء اكبر واكثر

الافضل تستخير قبل لا ترد

والله يكون بعونها

**أميرة الورد**
14/01/2006, 08:09 AM
السلام عليكم ورحمة الله وبركاته

أنا معاج أخت Kholoud _sa بانها تستخير لان رب العالمين هو أللي بنور لها طريجها

وبما انها بنت صغيره فخلها اتفكر أكثر لان الحب ألحين ممكن يكون أهم شي لكن بعد

بتكون بعيده عن أهلها وعن المكان اللي عاشت فيه طول ال 20 سنه من عمرها

وما راح اتكون مطلقه في هذي الحالة فقط إنفصال بسبب الضروف وانتي اتقولين

ان عيشتها في بيت ابوها تختلف عن إمكانية خطيبها فما بتقدر تستحمل كل هالضغوط

حتى لو كانت اتحبه وقبل ما تفكر في نفسها وفيه خلها تفكر في مستقبلها وعيالها لان

الحياة ماراح تتوقف عند الزواج والسفر لبلد ثاني بس وخلاص بتأقلم مع الوضع وخلاص لاالحياة

طويله وفيها أمور أصعب من هالشي ..ترى انا رديت من وجهة نظري ومن رأي الشخصي بالموضوع

واسمحيلي ع الإطاله .......................... تحياتي **أميرة الورد**

عروسة يزيد
14/01/2006, 08:37 AM
انا لو كنت في نفس حالتها...اول شي راح استخير...بعدين حسأل اهلي...لانو الاهل دايما يشوفوا لاشياء الي في المستقبل الي احنا ما نشوفها...و بعدها حمشي على رأيهم...لانو البنت صغيره لساتها...و ما تقدر تحكم....

مرموم
14/01/2006, 11:07 AM
السلام عليكم و رحمة الله و بركاته

هلا بيكي أختي...

شوفي...طبعا الموضوع مش سهل...و لازم تحسب حساباتها كويس...

واضح إنه زوجها صعب يربجع بلده ثاني...هي لو تزوجته راح تظل معاه في بلده...هل سيسمح لها تروح تزور أهلها ؟

هل وضعه في البلد الآخر مستقر ؟ و له بيت و وظيفة ثابتة ؟

هل له أي أحد هناك في هذه البلد ؟ واللا بيكونوا لوحدهم في غربة ؟

رأي أهلها مهم جدا...كمان علشان تعرف لو أحبت تترك هذا الشخص...ذلك سيؤثر على العلاقة بين الأسرتين ؟

أسرة أهل زوجها...ما رأيهم ؟

إن شاء الله ربي يوفقها للي فيه الخير لها بإذن الله...

سحايب دبي
14/01/2006, 11:52 AM
اطلبي منها ان تستخير الله

و عسى الله ان يهيدها لما فيه الصلاح و الخير
و لتتأكد انه ما سيكتبه الرب انما هو خير للطرفين

أمـــل مفقود
14/01/2006, 01:06 PM
اذا كنت مكانها بشوف زوجي .. بعييييد عن الحـــــــب لازم اشووووف ..
هل فيه صلاح وتقوى وخوف من الله والتزام يخليه يحترمني ويقدرني ويسندني طووول عمري وانا بعييده عن اهلي كلهم ..

كيف هي ظروفه الماديه في بلاد الغربه .. عنده وظيفه ثابته ؟؟ او مصدر دخل معتمد ؟؟ او قادر انه يعيشها عيشه ما تقل عن اللي توقعتها لو كانت معاه في البلاد ..؟؟

هي نفسيا قادره تتقبل فكره الابتعاد عن بلدها واهلها في سنها الصغير هذا ؟؟ وهو بيسمح لها بزياره اهلها بروحها بعدين ؟؟

خليها تقرر بينها وبين نفسها وتصلي الاستخاره كثر ما تقدر وان شاء الله الله بيكتب لها اللي فيه خير لها امين

الله يعينها ويفرج همها وكربتها اميييييين

بعيدةالمنال
14/01/2006, 01:39 PM
السلام عليكم ورحمة الله وبركاه
انا من راي انه ماتتخلى عن زوجها عشان سافر خارج البلاد خيروياطير شو يعني
اذا الرجال طاح في مشاكل بتتخلى عنه وبعدهم في اول مشوار ..... الحياة حلو ومر ولازم يتقاسمونها اهي زوجته واكثر واحدة محتاجلها في الوقت الحالي واهي تجازي انها تتخلى عنه مفروض توقف وياه وتواسي يكيفيه انه انظلم وايد وسفروا خارج البلاد
والبنت بتكبر في عينيه اكيد اللي كانت له سند في وقت الشدة باجر مابيتنازل عنها وبيقدر وقفتها
واذا على المادة ربنا الرزاق
ياحبيبتي نفس القصة هاذي بالضبط صارت حق وحدة قريبتي
ونفس الظروف تقريبا بنت مدللة وتدرس وريلها طاح في مشكلة وسفروه لخارج الدولة والله ماتخلت عنه وتعالي شوفيهم الحين عايشين بسعادة والله رزقهم بطفل
وبعد هذا مب ولد عمها
نصيحتي يالغالية تقولين حق ربيعتج خلها مع زوجها لو شو ماصار خلهم اقوى من الظروف مش الظروف تجي اقوى عنهم
تحياتي

m_f_t_r
14/01/2006, 03:41 PM
انا رايى انها تستخير الله اولا
و من وجهة نظرى انها تسيبة لان اولا هى صغيرة و فرصتها لسة فى الحياة كبيرة
ثانيا فى اختلاف شاسع بين المستوى الثقافى و المستوى الاجتماعى بينهم
و الحب مش بيقدر يقف امام الاختلافات دى لانة دايما هيكون حاسس بانها احسن منة ودة ممكن يولد غيرة او مشاكل من اى نوع
وكمان مش تنسي انه مش جوزها يعنى لسة مش عارفة طباعة اوى دايما العيشة فى بيت واحد بتبين الشخص على حقيقتة اكتر
اى اللى هيحصل اذا حصل بينهم اى مشاكل لا قدر اللة مش هيكون فى اهلها عشان يقفوا جمبها ولا هيكون فى اى حد معاها
و كمان هى هيكون من السهل عليها انها تبعد عن اهلها ؟
و ارجوا الاستخارة اولا
دومتم بود
ايما

االعاش
14/01/2006, 04:18 PM
أنصحها بالإستخارة والله ييسر لها إنشاء الله الله يكون في عونها بين مستقبلها والشخص اللي تحبة ...

ღرومانسيةღ
14/01/2006, 04:33 PM
السلام عليكم ورحمة الله وبركاه
انا من راي انه ماتتخلى عن زوجها عشان سافر خارج البلاد خيروياطير شو يعني
اذا الرجال طاح في مشاكل بتتخلى عنه وبعدهم في اول مشوار ..... الحياة حلو ومر ولازم يتقاسمونها اهي زوجته واكثر واحدة محتاجلها في الوقت الحالي واهي تجازي انها تتخلى عنه مفروض توقف وياه وتواسي يكيفيه انه انظلم وايد وسفروا خارج البلاد
والبنت بتكبر في عينيه اكيد اللي كانت له سند في وقت الشدة باجر مابيتنازل عنها وبيقدر وقفتها
واذا على المادة ربنا الرزاق
ياحبيبتي نفس القصة هاذي بالضبط صارت حق وحدة قريبتي
ونفس الظروف تقريبا بنت مدللة وتدرس وريلها طاح في مشكلة وسفروه لخارج الدولة والله ماتخلت عنه وتعالي شوفيهم الحين عايشين بسعادة والله رزقهم بطفل
وبعد هذا مب ولد عمها
نصيحتي يالغالية تقولين حق ربيعتج خلها مع زوجها لو شو ماصار خلهم اقوى من الظروف مش الظروف تجي اقوى عنهم
تحياتي


ماعندي كلام ازيده عن اختي بعيدة المنال غير انه اهم شي يكون خايف الله
ويحبها ،،، وبعدين ماتعرف اذا تخلت عنه وهو انسان صالح الله بيعاقبها ويبليها بواحد مو زين

#رومانسية#

bent^cute
14/01/2006, 06:05 PM
أنصحها بالإستخارة والله ييسر لها إنشاء الله الله يكون في عونها بين مستقبلها والشخص اللي تحبة ...

أم كرومي
14/01/2006, 08:28 PM
اختي و الله لو انا كنت مكانها
ما اتخلى عن زوجي و حبيبي لاي سبب من الاسباب
و خاصتآ بموضوع يكون في مظلوم....
مستحيل اتنازل عن حبي لاي سبب :no:

De3LaT_7aBeBY
14/01/2006, 11:39 PM
تستخير رب العالمين

اذا تحبه اوكي مافيها شي بس تحط ببالها بكره والله اعلم شو بيصير بكره ؟؟

اولادها

اهلها

تنتبه انها بتضحي باشياء اكبر واكثر

الافضل تستخير قبل لا ترد

والله يكون بعونها


صح كلامج وانا قلت لهاا هالكلام المستقبل شلون بيصير باجر؟؟؟ بس اهي محتاره اهي مقتنعه انه عمرها صغير وتقدر تلقى الاحسن منه بس تقول شنو نظره الناس لي وانا مطلقه ؟؟؟

قلت لهاا هذا مو طلاق هذا انفصال للحين ما دخل عليج اهو ....

انشالله تستخير وتشوف شيطلع معاهاا والله يكون بعون الجميع اختي مشكوره علي كلامج الطيب

De3LaT_7aBeBY
14/01/2006, 11:41 PM
السلام عليكم ورحمة الله وبركاته

أنا معاج أخت Kholoud _sa بانها تستخير لان رب العالمين هو أللي بنور لها طريجها

وبما انها بنت صغيره فخلها اتفكر أكثر لان الحب ألحين ممكن يكون أهم شي لكن بعد

بتكون بعيده عن أهلها وعن المكان اللي عاشت فيه طول ال 20 سنه من عمرها

وما راح اتكون مطلقه في هذي الحالة فقط إنفصال بسبب الضروف وانتي اتقولين

ان عيشتها في بيت ابوها تختلف عن إمكانية خطيبها فما بتقدر تستحمل كل هالضغوط

حتى لو كانت اتحبه وقبل ما تفكر في نفسها وفيه خلها تفكر في مستقبلها وعيالها لان

الحياة ماراح تتوقف عند الزواج والسفر لبلد ثاني بس وخلاص بتأقلم مع الوضع وخلاص لاالحياة

طويله وفيها أمور أصعب من هالشي ..ترى انا رديت من وجهة نظري ومن رأي الشخصي بالموضوع

واسمحيلي ع الإطاله .......................... تحياتي **أميرة الورد**

حياج الله اختي وصح كلامج اهي لازم تفكر اكثر بمستقبلها وبمستقبل اعيالها الله يكون بعونهاا وشكرا للمرورج حبيبتي

De3LaT_7aBeBY
14/01/2006, 11:45 PM
السلام عليكم و رحمة الله و بركاته

هلا بيكي أختي...

شوفي...طبعا الموضوع مش سهل...و لازم تحسب حساباتها كويس...

واضح إنه زوجها صعب يربجع بلده ثاني...هي لو تزوجته راح تظل معاه في بلده...هل سيسمح لها تروح تزور أهلها ؟

هل وضعه في البلد الآخر مستقر ؟ و له بيت و وظيفة ثابتة ؟

هل له أي أحد هناك في هذه البلد ؟ واللا بيكونوا لوحدهم في غربة ؟

رأي أهلها مهم جدا...كمان علشان تعرف لو أحبت تترك هذا الشخص...ذلك سيؤثر على العلاقة بين الأسرتين ؟

أسرة أهل زوجها...ما رأيهم ؟

إن شاء الله ربي يوفقها للي فيه الخير لها بإذن الله...



للاسف يا اختي مرموم وضعه في البلد الثاني مو مستقر يعني اهو ماعنده شهاده اللهم الثانويه وماعنده بيت ملك يعني اجار ورح يكونون لوحدهم في الغربه يعني مالهم اقرباء ... بس اهي تقدر تروح وترجع لاهلهااا عادي مافيها مشكله تقدر تشوف اهلها باي وقت تبي
علاقه الاسرتين مادري خصوصا انهم اعيال عمام يعني مادري شنو بيكون الموقف

اهله يقولون كيفهاا خلوها تقرر بس الولد يبيهااا وناطرهاا

الله يوفقها انشالله ويسسرلها امرهاا يارب

شكرا لمرورج اختي مرموم

De3LaT_7aBeBY
14/01/2006, 11:48 PM
السلام عليكم ورحمة الله وبركاه
انا من راي انه ماتتخلى عن زوجها عشان سافر خارج البلاد خيروياطير شو يعني
اذا الرجال طاح في مشاكل بتتخلى عنه وبعدهم في اول مشوار ..... الحياة حلو ومر ولازم يتقاسمونها اهي زوجته واكثر واحدة محتاجلها في الوقت الحالي واهي تجازي انها تتخلى عنه مفروض توقف وياه وتواسي يكيفيه انه انظلم وايد وسفروا خارج البلاد
والبنت بتكبر في عينيه اكيد اللي كانت له سند في وقت الشدة باجر مابيتنازل عنها وبيقدر وقفتها
واذا على المادة ربنا الرزاق
ياحبيبتي نفس القصة هاذي بالضبط صارت حق وحدة قريبتي
ونفس الظروف تقريبا بنت مدللة وتدرس وريلها طاح في مشكلة وسفروه لخارج الدولة والله ماتخلت عنه وتعالي شوفيهم الحين عايشين بسعادة والله رزقهم بطفل
وبعد هذا مب ولد عمها
نصيحتي يالغالية تقولين حق ربيعتج خلها مع زوجها لو شو ماصار خلهم اقوى من الظروف مش الظروف تجي اقوى عنهم
تحياتي


بعيده المنال عزيزتي شكرا لمرورج ... انتي تقولين ما تتخلى عن زوجها طيب انتي قريتي الموضوع انه اعيالها شبيصير فيهم مستقبلها حياتها اليوميه شلون بتكون هناك واهي بعيده عن اهلها..... تتوقعين لو كنتي مكانها بتوافقين تتخلين عن كل شي وتروحين مع خطيبج ؟؟

في انتظارج عزيزتي

De3LaT_7aBeBY
14/01/2006, 11:52 PM
اشكركم كلكم وحتى الي قرأ وطلعووا بدون تعليق ...... اناا طبعت لهااا ردودكم وانشالله تقتنع انا صراحه من راي انه العرسان وايد واذا تركت اليوم احسن من انهاا تتاخر اهي صغيره وبعدها باول عمرها ومتعلمه وانشالله بتلقى الاحسن والحب علي قولتهم الحب يجي في اي وقت ومع اي احد عادي يعني باجر انشالله بتحب وبتتزوج ..... الله يوفقها وييسرلها امرهاا انشالله قولوو امين


تحياتي للجميع وانا بانتظار باقي الردود

الموناليزا
15/01/2006, 12:08 AM
الله يكون بعونها صدقيني الله بيساعدها خليها تتوكل على الله وتستخير

بس من كلامج حسيت ان هي مقتنعه بان تتخلى عنه

بس سؤال هل الدوله تخلت عنه تماما يعني مايقدر يرجع البلد حتى ؟؟؟ والله غصه وقهرر

يعور القلب بروحه الدنيا متسكره في وجهه اللحين واتجي هي وتطلب الطلاق احس بالنسبه له بيكون فقد كل شي حتى زوجته

خليها تفكر وتحسبها صح والله بييسر امورها

De3LaT_7aBeBY
15/01/2006, 12:25 AM
الله يجزاج خير اختي الموناليزا للاسف اهي بحيره وللحين ما قررت بس الراي الي بيكون اول شي اهو انهاا تتخلى بعد شتسوي كل واحد يشوف مصلحته والله يوفقنا اجمعين

De3LaT_7aBeBY
15/01/2006, 12:26 AM
الله يجزاج خير اختي الموناليزا للاسف اهي بحيره وللحين ما قررت بس الراي الي بيكون اول شي اهو انهاا تتخلى بعد شتسوي كل واحد يشوف مصلحته والله يوفقنا اجمعين

بعيدةالمنال
15/01/2006, 01:02 AM
هلا غالية
انتي سالتيني شو كان بيكون موقفي
راح اجاوبك وبصراحة ماكنت بتخلى عنه وعن مستقبل عيالي كنا بنتصرف انا وريلي
يمكن نهاجر الى وحده دول الاوربية المهم كنا بنتصرف وتعرفين اليد وحدة ماتصفق
لازم انا اكون مع شريك حياتي في الحلوة والمرة
اجل ليش انا تزوجته اذ مابتحمل معاه ومابسانده في كل ظروفه
وفي نهاية هذا اختبار من ربنا
والله يوفقها وما اوصيج خبرينا شوراح تسوي واي قرار بتتوصل له

RoOoOmy
17/01/2006, 01:50 PM
بصراحة الله يعينها قرار صعب بس التفكير لازم يكون بالعقل قبل القلب وتفكر بمستقبلها ومستقبل اولادها واذا كانت عنده فرصة لتحسين اوضاعه وتصحيح وضعه في بلده يكون احسن

الله يوفقها ان شاء الله

De3LaT_7aBeBY
18/01/2006, 12:30 AM
انا معاج اخت بعيده المنال بس الهجره ماصارت سهله مثل ما نذكر اهو قاعد يحاول يهاجر بره وانشالله يقدر عشان ما تتخلى عنه .... الفكره اهي انه اهلها مو راضين في الدوله الي اختارها ااهو للاسف دوله فقيره ماعندها شي وين بتعيش بنتهم هناك؟؟

صحيح اهو اختبار من ربنا والله يسرر امورها انشاله ونشوف شنو ترسى عليه.... اشكرج اختي

De3LaT_7aBeBY
18/01/2006, 12:31 AM
تسلمين اخت رومي علي مرورج وصح القرار لازم يكون بالعقل....


العقل يقول خليه باجر يجي نصيبج مع الاحسن والقلب يقول لا تمسكي فيه اهو يحبج مافي وحده لاقيه زوج يحبها مثله...

الله كريم

دلوعه قطريه
18/01/2006, 10:07 AM
بس بقول شي واحد
تخيلو ينطرد من بلاده ومحد حوله
والكل يتخلى عنه؟
حتى زوجته وحبيبته بتهده؟؟؟؟؟

لو انا بتم معاه

Arnobat_ALfreej
18/01/2006, 11:39 PM
لو تحبه صج تستخير

بس أحس إنها بتتبهدل وهي بعدها صغيرة في بلد الغربة وخصوصا لو يمكن إمكاناته المادية صعبة وبعديج باجر لو حملت من بيساعدها باجر العيال بيتهذلون يعني ما أدري أحس ها الزواجه بتكون صعبة ومتعبة ولو تطلقت بتكون معذورة من الناس وبتلاقي اللي أحسن منه

بس بالأساس خلها تستخير سبحان الله يمكن يكون سعادتها في هاذيج الدولة مع ها الريال ربج الوحيد العالم

De3LaT_7aBeBY
20/01/2006, 12:03 AM
شكرا لكم خواتي وعلي ردودكم الي تثلج الصدر والله

احيي فيكم روحكم الطيبه وخبرتكم في الحياه

ღ رآقيهـ ღ‏
21/01/2006, 04:32 AM
شو صار حياتي ان شاء الله توصلت لقرار مناسب

ما ادري ليش ببالي ها السالفة الله يعينها وطمنينا عليها

cat girl
21/01/2006, 05:19 AM
لاحول ولا قوة الابالله والله صدق صعبة

عليها با لاستخارة والله يوفقها انشاء الله

أنا في نفس عمرها ولو منها رحت معها وماتخليت عنها لان مثل ماقالت خيتو صعبة المنال الحياة فيها الحلو والمر
بالعكس بعدين راح يكونون اسعد زوجين بغض النظر عن الاشياء الثانية ,, والوحدة لابد وفي يوم راح تحمل مسؤلية أكبر من هالشي
ولو حصل بعدين وجابوا عيال الله ماينسى عبده ( الله كريم ورؤوف بعباده ) وهالشي ابتلاء من الله لهم هم الاثنين


تحياتي

فدوةMلعيونه
21/01/2006, 06:09 AM
لو عن نفسي انا والله العظيم ما أهده حرام كفايه اللي صار له
بحط نفسي مكانه لو اطردوني من البلاد وحتى زوجي قال ما يبيني وتركني ..شنو بسوي؟؟؟؟؟؟؟؟؟؟؟
اقل شي بسوي بكره نفسي وبكره كل الناس لان الدنيا انقلبت على راسي وفي الوقت اللي كنت محتاجه فيه لوقفة زوجي.. خيب ظني وتخلى عني ...؟؟؟

حرام عليج والله انتي الحين مب خطيبته ؟انتي الحين زوجته يعني ما تخلين حد يتدخل في حياتج انتي وياه انا انصحج انج توافقين عليه صدقيني بتكبرين في عينه وبيحطج في عيونه بيتم طول عمره يقول فديت زوجتي اللي وقفت معاي وما تركتني

استغلي هالفرصه وكوني قريبه منه قد ما تقدرين لانه في هالوقت يبيج تكونين جمبه اكثر

لا تخيبين ظنه فيج لا تخيبين ظنه

شوفي قلبج شيقولج وسوي اللي بيريحج..

وعن سالفة العيال... تخيلي لا سمح الله واسم الله عليج..تخيلي انج تطلقتي منه وتزوجتي شخص اخر ولا جبتي عيال ... شنو بتسوين؟

بتقعدين تتحسرين طول عمرج وبتقولين يا ليتني ما تطلقت من حبيبي و زوجي..

اسم الله عليج انشالله يرزقج بالذريه الصالحه

وهاي زوجج وطبعا الخيار الاول والاخير لج ...

وبعدين البنات اللي يقولون كيف بتعيشين بعيده عن اهلج .؟؟

انا اقولج شي .. هاي زوجج يشاركج بكل شي يعرف اشياء اهلج ما يعرفونها له حق عليج اكثر من اهلج بينسئل يوم القيامه عنج مب اهلج .. يعني هو أولى انه تفضلينه وتعيشين معاه.. والاهل تزورينهم وتكلمينهم عادي

اعتبري انج في شهر عسل طويل ويلا لا تصيحين اظحكي و وافقي

والله يوفقج

شهادة
21/01/2006, 07:19 AM
والله انا اقول لا اتهده ولا تاخذه....ايه والله ...اهيه بالاول تستخير وما خاب من استخار وبعدين اهلها وبعدين رابها اهيا لانها بصراحه اهيه صغيره وايد وما اتوقع انها تقدر تتحمل الغربه والبعد عن الاهل والدراسه وبعدين الاولاد وغيره وغيره وغيره...خليها اتحكم ربها وعقلها واتخلي قلبها على صوب ...والله يوفقها للخير يارب

شمس أبوظبي
27/01/2006, 07:00 AM
إذا كانت تحبه وعنده مصدر دخل ثابت .. تتوكل على الله وتتزوجه .. ومن عارف يمكن ما تلاقي اللي احسن منه في المستقبل..
استخيري ربج..

Sunshine_is_me
06/02/2006, 01:22 PM
شوفي حبيبتي انا اعرف وحده صارتلها نفس الظروف بس زوجها راح دولة خليجية وهو ريال راهي حييييييييييييييييييل و بفلوسة اشترا بيت وحول البزنس ماله هناك لا وبعد في ظرف شهر خذ جوازهم وهدت بلادها واهلها وتزوجته لأنها تحبه........................بعد سنه ولأنها ما حملت مع انه كل شي طبيعي تزوج عليها و ماقدر انها تغربت عشانه وانها وقفت وياه في اصعب ظروفه النفسية..........بما تقدرين تحكمين عكل الريايل خلها تستخير والله بينورلها بصيرتها

عذب القوافي
06/02/2006, 01:39 PM
ماشاء الله على الخوات كفوا ووفوا

بس لو آنه مكانها ادوس على قلبي وافكر في مستقبلي ومستقبل عيالي وتنشأتهم واذا على الحب يروح مع الأيام

همس القـلوب
06/02/2006, 02:03 PM
السلام عليكم ورحمة الله وبركاته



أسفة على التأخير بالرد ولكن باين إلى الآن صديقتج ما أتخذت القرار .. وإذا أتخذته يا ليت تبلغينا

أنا رايي يمكن عكس بعض البنات إللي قالوا تفكر في مستقبلها وما ادري شنو..

أنا حطيت نفسي مكانها وعشت الدور وتوصلت إلى الحل التالي:

أول شي طول ما الله سبحانه وتعالى موجود بإذن الله ما راح تضيع وهي لو وين راحت ومع منو

كانت لا تنسى أن الله سبحانه وتعالى موجود بكل مكان يعني ليش الخوف؟ وكلكم تشكون في

قدرة الله عز وجل ؟ وجود الله سبحانه وتعالى مو كافي بالنسبة لكم؟ لا تنسون: عاشر من تعاشر

فلابد من الفراق.. الناس ترى بتفارقونهم اليوم ولا باجر وما دايم غير الله سبحانه..

وأنا مو معاكم في سالفة الحب يروح مع الأيام.. الزوجة المحبة لزوجها والمخلصة له، حبه صعب

أحد ينزعه من قلبها.. عيل إذا الحب يروح مع الايام بكل سهولة ممكن البنات يحبون غير أزواجهم..

شي ثاني أنتي تقولين مظلوم وما قلتيها إلا لأنج متأكدة من هالشي، ما تعرفين أن دعوة

المظلوم ما بينها وبين الله حجاب؟ وهل تشكين في قدرة الله أن ياخذ حقه من إللي ظلموه؟

سؤالي لها، لو كانت متزوجة وعندها عيال منه، هل كانت بتتركه؟

إذا ما وقفت معاه في موقف مثل هذا وهو مظلوم فيه ترا بكرة ما راح تلقى من يوقف معاها..

وإذا هي تحبه شلون تبيعه بهالسهولة.؟. لا تقولون مستقبل ما مستقبل.. المستقبل

ما يعلم به إلا رب السموات والأرض ولو قعدت 10 سنين تفكر بالمستقبل والله ما راح تعرف شنو

بيصير فيه..

قولي لها خليها تفكر عدل وإذا كان الرجل يستحق هالشي فلا تبيعه وتبقى معاه ولا تخاف من

بكرة طول ما الله سبحانه وتعالى موجود..

لا تحتار، تمسك السجادة وتقابل القبلة وتصلي ركعتين تستخير الله .. وتصلي مرة ومرتين و3

إلين ما الله سبحانه يختار له الطريق الصح ، قولي لها اتركي كلمة لو و لو و لو تراها

تفتح عمل الشيطان ... صلاة الإستخارة فيها الحل..

ومن رايي ما تبيع الرجال وتوقف معاه وباين عليه زين.. لو ما كان زين كان ما سألها إذا

كانت تبي تستمر ولا لا.. كان فرض عليها الزواج.. بس من طيبه وحبه لها سألها وأخرتها تبيعه

علشان شي ما يعلم فيه إلا الله سبحانه..؟؟


نصيحتي لها: صلي الإستخارة حبيبتي ووكلي أمرج لله عز وجل واتركي وساوس الشيطان..

الله ييسر أمرج ويرزقج كل الخير إن شاء الله..


و السلام عليكم ورحمة الله وبركاته

سفيرة فوق العاده
06/02/2006, 02:22 PM
بصراحه الأشياء السلبيه اكثر من الأشياء الإيجابيه

فالبتالي ما لها في هالزواج،،،


بس الحلو في الموضوع إنها قريبته ومن ثوبه،،،



سفيرة فوق العاده

همس القـلوب
06/02/2006, 02:32 PM
وفيه آيتين خليها تحطهم قدام عيونها،

" وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ " سورة البقرة



"وَأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ " سورة النور



والله يوفقها