المساعد الشخصي الرقمي

مشاهدة النسخة كاملة : مشكله اختي



noora qatar
02/01/2006, 11:49 PM
السلام عليكم ورحمة الله وبركاته
بنات انا خبرتكم ان اختي تملكت بس اهي وايد متضايقة لانها بتسكن بس في غرفة وحدة ولها حمام بس وهي متضايقة وايد لان مرت اخو زوجها اهي ويا اختي في نفس الملحق بس مرت اخوه لها صاله واهي لا اهي تبي تشترط انها يكون لها ملحق بروحها بس اهم مو راضيييين شتسوي يا بنات
كل الوقت قاعدة تحلطم وتقول انا في بيت ابوي لي جناح ويوم عرست صارت لي بس غرفة وحدة
امي تقولهم ان البنت ما تبي واهم يقولون يصير خير

De3LaT_7aBeBY
03/01/2006, 03:53 AM
اذا ريلها عنده قدره انه ياجر شقه خليه ياجر احسن لهاا بعد ..... انا باقولج مشكلتي انااا ريلي يبي ياخذ بيت وانا مو راضيه انا ابى شقه لانها صغيره وسهله التنظيف والبيت كبيررر 3 ادوار وتنظيفه صعب ما يعجبني ابدااا.... وللحين ما لقيناا حل لمسالتنااا............ يعني حالي من حال اختج بس العكس .....

RoO7 QtR
03/01/2006, 03:55 AM
فديتج ماعندي خبره .. بس قولي لاختج لا تضايق عمرها وان شاء الله كل مشكله ولها حل ..

وممكن يوم تكلم زوجها وجي تتفاهم معاه واحتمال هالشي يكون مؤقت ومايطول ..

ودام قالو يصير خير يعني في أمل يسوون لها ملحق بروحها ..

بالتوفيق ان شاء الله وألف مبروك ع الملكه .. = )

طلوع الفجر
03/01/2006, 08:08 AM
اشوف انه لا تضايق عمرها بهالاشياء العادية يعني ان شاء الله بعدين إذا صبرت الله بيعطيها اكثر خليها تصبر

umjana79
03/01/2006, 09:13 AM
اختي الفاضلة السلام عليكم ورحمه الله وبركاته ...

مع كل احترامي لرأي الأخوات بس انا اقول الي اوله شرط اخرته نور..... يعني اختي الكريمه هي عايشه في بيت مشترك يعني طلعته ودشتها محسوبه عليها وتعالي تمشي في البيت بحجاب .... والله صعب ... يبه خليها تشرط وتصمم على رأيها .. ودام الريال ما عنده خليه يعيش معاها في بيتها اذا ما يستطيع .. يعني انا مع البنت حرام من جناح واحد .. إلى غرفه ... وحمام بس .. يعني ما تطلع ولا تروح ولا تجي ولا بعد حتى المطبخ بيكون مشترك..... انا عن نفسي ما رضيت الا لمه سوا لي محلق كامل بروحي .... من مطبخ وحمام وغرفتين وصاله ... والا شقه او يتصرف .. مهما كان اختي ... دام توها في الخطوبه .. خليها تصر على رأيها وخلي ابوج يكلم ابوها عشان . يحط حل للوضع أنا حاسه فيج اختي .. وعندي صديقات عايشين في الزنقه هذي .... وصديقني مو مرتاحين ..

والشي الثاني اما اذا كانت تحبه.. لازم تتحمل عشانه .. اما اذا المسأله مسأله خطوبه بس .. لا حبيبتي خليها تفرض رأيها .. ولا تحدد موعد للزواج قبل لا يعطونها حل ويسون لها مكان .. اما كلمه يصير خير هذي .. أحنا عندنا معناها ان مشي بوزج .... مع احترامي يعني لا تزعلين مني .... خلين تتوعى لنفسها اختي ... تحياتي لها والله يوفقها وطمنينا علهيها ...

اختك نور

رقة بنفسـج
03/01/2006, 09:32 AM
اختي انا الصراحه ما عندي خبره في هالسوالف واسألي اهل الخبرة يمكن يفدوك اكثر عني..
لكن بقولك شي اللي اوله شرط اخره نور
وايد ناس يفركشونها بس من اسباب بسيطه بسبب المهور او الشبكه مثلا وهاي اسباب تافهه وموب مقياس للحياه
لكن ظرف اختك هني اهم واهو السكنى ،، خصوصا انها تعودت عيشة غييير وتختلف في بيت ابوها وصعب تتأقلم لان الفرق بين الحياتين واااااايد كبير... لو انها شقه صغيره على قدهم ترى ممكن تتأقلم مع الوقت
لكن غرفة وااحده بس انا من رأيي حراااام
وايامنا هذي اختلفت عن ايام زمان اللي كانو كل العيلة يسكنون في بيت واحد
اختك تبى خصوصية وبالذات لانها عروس
هذا رأيي واحترم كل آراء البنات اللي سبقوني :)

قطاف
03/01/2006, 09:37 AM
والله ما أدري شاقول لج إختي

بس إنتو وافقتوا من البداية قبل ما تشرطون كان لازم تعرفون ضروفه ووين بيسكنها.

ولازم بعد إذا إختج عاجبها وضعها الإجتماعي أنها ما تنزل لمستوى أقل لأنها ما بتقدر تتأقلم

إحنا عندنا إذا الوحدة تبغي بيت مستقل تشرط عليه في ورقة النكاح، وبجذي كل واحد يعرف مسئولياته، وما أحبذ السكن في بيت العايلة لأنه خانق يعني كل شي محاسبه عليه وين رايحين ومن وين جايين، عندنا ضيوف قول لمرتك تنزل، كنسلي عزومتج محتاجين المجلس، خلي الخدامة إحنا مو يايبينها عشانج ولا هي مسئوله عنج ولابها ما تقدرين تلبسين جينزات وفانيلات ولا تمشين على راحتج في البيت، السكن في بيت مستقل هو الحل قولي لأختج تطلع ولو في شقه ولو كانت بعيده عن أهله وأهلج أحسن بجذي كلهم بيسألون عليج وينهي فلانه ما يات والله لها وحشه، وتدخلين عزيزه وتطلعين عزيزه.

منال الكويت
03/01/2006, 01:43 PM
حبيبتي اللي انا اعرفه انكم تشرطون عليهم قبل لا تتملك والمفروض تشوفون الشقة بعد مو بعد الملجة تقول ان الشقة غرفة وحمام وين قاعدين واذا يابت ياهل


باجر وين تحطه بصراحة مافي عندهم احساس لو بنتهم رضوا يحطونها بغرفة وحمام الله يعينها عليهم دام هذا أولهم ينعاف تاليهم ...:mad2::mad2::mad2:


خلي أختج تقول له ابي شقة ولا مار اح ايي البيت عندك خليها تهدده عشان يتصرف بنات الناس مو لعبة (6)(6)(6)(6)(6)(6)

سوسو نكد
03/01/2006, 02:37 PM
انا بقول خليا تطلأ ...لانو البنت اذا متعودة على عيشو وغيرتا بعيشة اقل منها فما بتتوفق بحياتا.... ليش رضيت من الاول؟
وشكلون بيت اهل زوجا مستقويين كتير,, خليا تتركون وانشالله بيجيا نصيب احسن

عذاب_البحرين
03/01/2006, 02:44 PM
شوفي حبيبتي قولي حق اختج اهم شي انها تكون مرتاحه ويه ريلها ياما في ناس يعيشون في قصور ومب مرتاحين انه بالنسبه لي مستعده اعيش باي مكان اهم شي زوجي يكون وياي وماتدرين يمكن على صبرها يعيشها عقب زوجها في مكان تسرح وتمرح على كيفها انه عن نفسي كنت عايشه في بيت ابوي بغرفه بروحي والغرفه كبيره حيل بس لما تزوجت عشت مع زوجي بشقه صغيره وحاسه اني بسكن في بيت كبير بعد جم سنه بس اهم شي عندي راحة البال والله يوفق اختج

noora qatar
03/01/2006, 11:16 PM
الله يعطيكم العافية يا بنات
الله يعين والله اهي كل الوقت تحاتي
ادعوا لها يا بنات والله العيشة في ضيق بعد الوسع مو حلوة
اوففففففففففففففففففففففف فففف الواحد يبي يرتاح بعد ما يتزوج وتصير لها حياة مستقرة
والله كلامكم عين العقل المفروض انها تشرطت بس اهي كانت تعتقد ان بيحطون لها ملحق

مجنونة زماني
04/01/2006, 12:21 AM
خلي ابوج يتفاهم معاهم ... و يشترط عليهم
و يقولهم دام نحن في البر هذه شروطنا ... و اذا ما تبون كل واحد يروح في حال سبيله

و خلو عنكم شعارات الحب و غيره البيت معناته استقرار و امان
و اللي عندها غرفه و حمام هذا مب بيت و سألوا اللي مجرب

باجر بيصير عندها عيال اولاد و بنات
البنت تحطها في الحمام
و الولد تحت السرير ؟؟؟

شويه عقل وين بتفر عيالها باجر ولا ان شاء الله الكل في غرفه وحدة ...لين يصير عمرهم 10 و 20 سنه

بنت أبووووها
04/01/2006, 02:27 AM
لا تعليـــــــــــق

rدلوعة باباتها
04/01/2006, 03:10 AM
السلام علييكم
الصراحة اهنييييييج عذاب _البحرين على تفكيييرج.. ماشلله عليج هذا الرد العدل ... اهم شي التفاهم بين الريل و مرته .. يا بنات مو جذي تنحل المشاكل ... هي تقدر تتفاهم مع ريلها بهدوء و اهم شي تكون معاه


و اخت سوسو نكد اسمحيي اختي و من غير زعل تفكيرج خطأفي خطأ و مو شرط .. اذا جذي معظم الناس تطلقت .. الطلاق عبالج بسهولة ايي ... و بعدين ليش تطلق مافي سبب يجربها .. الحمدلله عايشه احسن من غيرها و اذا عن البيت و الشقة و الغرفه هاي كلها اشيه مؤقته اهم شي التفاهم يكون موجود ... و الله يوفقها انشالله

أمـــل مفقود
04/01/2006, 07:13 AM
على حسب اختج كيف الغاليه
اذا هي عارفه نفسها انها مش قادره تقتنع في هالعيشه وبتم طول وقتها تتافف وتتذمر جدامه افضل انها تشترط عليه الحين بملحق قبل كل شي عشان ما تنكد عيشتها وعيشته معاها باجر وتصير مشااكل مالها داعي من الاساس
اما اذا كانت هي من النوع القنوع اللي قادر يتكيف مع اي جو في وجود الانسان اللي تحبه بقربها فالافضل تقدر ظرفه وما تحسسه بالضيقه لين ما الله يفرجها

الله يرزقج ويرزقها كل خير ويحفظج وياها امين

ღ رآقيهـ ღ‏
04/01/2006, 10:40 AM
حبيبتي اذا مقتدر وممكن يطلع لها بيت او شقة فيكون الافضل لها

انا احسه ضيق لمن تعيش ببيت اهل زوجها يعني كل شي محسوب عليها بس ببيتها هي بكيفها تطلع تدخل تعزم وتسوي كل شي من غير ما احد يتحكم فيها

بس لو مادياته صعبة فترصى والله بيفرج عليها ان شاء الله باوسع بيت

noora qatar
04/01/2006, 07:33 PM
يا بنات زوجها مقتدر وقادر يحط لها فيلا بس اهو رافض المبدا من اساسة يقولها اهلي ثم انتي وان بعدين بحط لج بيت اذا كثروا اليهال
اخت سوسو نكد ترى الطلاق مو هين والناس اللي عندنا بيقولون تستاهل تطلقت عشان ما تبي تسكم مع اهله وبيحطون كل اللوم عليها بس انا اقولها انتي صبري والله بيرزقج بالبين اللي تبينة

مجنونة زماني
04/01/2006, 09:18 PM
لا تزعلين اختي الشرع يحقلها انها اطالب اب بيت ان كان مكتوب في العقد ولا لا

و هذا الشي ما يخصه في اهله
خلها تقوله اهلك على عيني و على راسي و دايما اهلك بالاول و انا بعدين ما عندي مانع

بس لا تزعلين هذا شكله ما يحترم اختج من الحينه لان ماخذ المبدأ عناد

خل تقوله انا راضيه بس ابا ملحق بروحي على الاقل غرفتين و صاله و حمام لا اكثر ولا اقل

Arnobat_ALfreej
04/01/2006, 09:50 PM
لاااااااااااااااااااااااا وألف لا

أنا مجربة الغرفة الوحدة جحيييم مب غرفة أولاً تنسى إنه يكون عندها تلفزيون ثانياً لو يبى أحد يدج ويتكلم مع ريلها لازم تييلس محترمة بثوب محتشم يعني مب مملكتها ثالثاً لما تيييب يهال وين بتحطهم ولا بتحشر فيهم الناس إسألوني أنا في وقت البرد يمكن هي تبى أو ما تبى كنديشن وريلها العكس ها بيييب مشاكل وريلها بيطلع وبينام برع الغرفة وها شكله مووووووووول مب حلوو

والله لما كنت في غرفة وحدة أحيانا ما ييني رقاد فأريد أيلس أقرأ شيء يكون ظلام ولا لما كنت في الجامعة وتوه طايف شهر على زواجنا كنت أريد أذاكر فريلي ( المعرس ) يشل أغراضه وينام في ميلس الريال تخيلوا عاد إسمعوا كلام أهله ( إنتي ليش زعلتي وتوكم عرسان )

يعني خليها تقيم الدنيا وتقعدها بس مااااا تسكن في غرفة وحدة وحمام ولو ريلها صج يحبها بيسوي المستحيل علشان يرضيها

غلادبي
04/01/2006, 10:27 PM
واااااااااااااااااااااااا ااااااايد بنات جذي خلها تتوكل على الله