المساعد الشخصي الرقمي

مشاهدة النسخة كاملة : لماذا الرجال يخونون ؟



3uooon
31/12/2005, 01:28 AM
مرحبا ياحريم الخير


اليوم أنا عندي مشكلة ومحتاجتنكم وياي



أنا وأعوذ بالله من كلمة أنا


تعرضت للخيانه



وليس بمرة ولا مرتان






بل




هذه




المرة









1



2



3



4



5




والله الخامسة تصدجون

القصة وبأختصار

أني تزوجت زوجي عن قصة حب جميلة جدا جدا جدا




جدا
جدا



جدا


المهم وبعد الزواج حملت على طووووووووول





في فترة الحمل كانت الخيانة الأولى وحلف انه مابعيدها

ودايما يقول موب انا هذه ربيعة ربيعي



والثانية في فترة النفاس ونفس العذر


والثالثة

بع ما كملنا 2شهرين وهكذا المرة ال3حلف ووعدني جداام عمتي (اللي هي أمه فديته والله)

والمرة الخامسة توها من أسبوع

كشفته وكل مرة يحط اللغلط على ربعه


كيف أكشفه

والله ان الله سبحان الله يكشفلي أياه بدون ما أحس ولا أعلم


المهم شو أسوي

بتقولون مقصرة ومهتمة بالولد

لأ حشى انا على قدر كبير من الجمال


ومهتمه فيه واااايد


وكل شي بس ما أدري شو السالفة


دخيلكم ساعدوني

سمراء الوادى
31/12/2005, 01:37 AM
صراحه صعب ارد عليج لان ردى يمكن مايعجبج ،،،


لانى ما اتحمل الخياااااااااااااانه ابدا ولو فييها شنو ؟؟

اتمنى احد يفيدج لانى شخصيتى ما اتنازل عن حقى

الدانـــــه
31/12/2005, 01:49 AM
أختي 3uooon

أختي طبيعي اللي يخون مره راح يتجرأ ويخون 100مره

بس حاولي تذكرينه بالله سبحانه و تعالى سوي نفسج ما تعرفين شي عن

خيانته تكلمي معاه عن الخائن و عذابه وشنو جزاته عند رب العالمين

وذكريه بآيات الله تعالى يمكن الله يهديه

والله يصبرج على ما ابتلاج و عليج بقيام الليل وطلبي من الله ان يصلح لج زوجج

أختج الصبوره

3uooon
31/12/2005, 01:49 AM
في شي انا نسيت أقوله


أنا ليش عنواني جي

لأن عمي اللي هو أبو زوجي







نفس الحالة وألعن

تزوج على عمتي


وهي



قمة من الجمال وما قصرت بشي يمكن


يكون العرق دساس

برنسيسه1
31/12/2005, 01:51 AM
الي يخون مره يخون الف مررررررررره بلنسبه لي الي ما يخاف من ربه ماينفع يكون اب لولدي او زوج لي وراح اطلب الطلاق ومحد راح يعاتبني وبعدين انتي ما نخافين على نفسك من الامراض الي ينقلها لك............. لو قلتي احبه تكونين مجنونه

مشتاقة لقطر
31/12/2005, 01:57 AM
انا مع راي الاخت برنسيسة
بالإضافة انج ممكن تسألينه سؤال انه هو يرضى انج تخونينه
وايش؟ بيحس لو انتي مكانه
؟؟
وقولي له مادام انت احتجت لغيري ومو محتاجني
انا بعد مو محتاجتك ومستغنية عنك ..

يمكن يحس
واحقريه ترى الحقران يقطع المصران
وترى ما تدرين اللي يخونج معاها اليوم او بكرة شتحمل من الامراض والاوساخ اللي مجمعتهم من قذارتها ..

تحملي على نفسج

ولا تسكتين لين متى بتسامحينه ..
هو مستحلي السالفة لانج انتي ما وقفتيه عند حده
موفقة حبيبتي
وهذي وجهة نظري تحتمل الصواب او الخطأ؟؟

تحياتي

3uooon
31/12/2005, 02:09 AM
فديــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــتكم والله



ومشكورين أغلب اللي قلتوه أنا سويته بس ما في فايده


السشي الثاني شو ذنب ولدي وهو روحه بأبوه وايد يحبه


وما أقدر أطلق لأني تحديت البشر عشانه ومايستاهل


وهو ما له علاقة فيهم ......فهمتو؟






بس يكلمهم بالتلفون ,

ويشوفهم أما شي ثاني لا


بس بعد أنا أتقطع


فديتكم على مروركم وردكم

سمراء الوادي :flower:

و

مشتاقة لقطر:flower:

و

برنسيسة1:flower:

و

الصبورة :flower:


مشكورين والله كلامكم ريحني شوي بس :cry::cry:


بعد فيني:mad2::mad2::mad2: نار:mad2::mad2::mad2:

مشتاقة لقطر
31/12/2005, 02:16 AM
حابة اضيف شي اختي
انا تطمنت لما قلتي ان مافيه شي
من اللي ببالنا


حاولي تعرفين وين النقص ؟؟

ايش اللي هو يدوره برع ؟؟

بالاسئلة .. وقعدتج مع نفسج .. بتعرفين

والله يهدي جميع الرياييل

ويصلح بالهم
موفقة حبيبتي ..

اسمحيلنا هدينا عليج من البداية ؟؟

تحياتي
وحاولي تعوضينه

ظبية دبى
31/12/2005, 02:27 AM
حسبى الله ونعم الوكيل على كل رجل يخون زوجته

مدام يبون يخنون ليش يتزوجون


ما اقدر اقولج غير اصبرى شوى وشوفى شو اخرتها وبعدين واجيه اما انت او افعاله


وانشاء الله الله يصلح حاله

3uooon
31/12/2005, 02:41 AM
مشكورين يالغالين


بس مشتاقة انا ماقصرت بشي أبدا وعمتي تساندني بهالشي


صدجيني بس هالمرة لازم يكون لي موقف حاسم

بس دلع


ومشكورين والله هونتو علي السالفة وشجعتوني

De3LaT_7aBeBY
31/12/2005, 03:09 AM
يا بعد عمري يا عيوون سالفه الخيانه مافيهاا امر حاسم وفيه دلع ما يركبون يا حبيبتي


اختاري يا انه دلع اووو انه امر حاسم ............................................


انا لو مكانج اصارحه واهاوووشه واخليه يعرف انه الله حق ..... حبيبتي اذا ما وقفتيه عند حده من الاول ماراح يوقف بعد بالعكس بيزيد وهذا الي صار معاج ....


لازم تاخذين موقف كبير

RoOoOmy
31/12/2005, 09:55 AM
الله يكون في عونك اختي

صحيح الخيانة تحرق القلب

بس اسمحي لي انا مو معاك في ان الرجال خاينين بالفطرة

اصابع اليد الوحدة مو مثل بعضها

المشكلة ان اللي يتعود على الخيانة خلاص ما يقدر يتركها خاصة لو انك ما واجهتيه بحزم وحسستيه انه غلطان في حقك

حصه السويدى
31/12/2005, 12:54 PM
حبيبتى ... الريايل ما يترس عينهم شئ....أعرف وحده نفس سالفتج بالضبط ... ماشاء الله عليها حلوه مش مقصره معاه بشئ...

وخانها ...الله يصبرج حبيبتى... ويكون فى عونج....

ღرومانسيةღ
31/12/2005, 09:50 PM
الله يهديه ان شاء الله

ماعندي كلام اكثر اقوله ،، ومافي احسن من الدعاء

سمراء الوادى
31/12/2005, 11:57 PM
حبيبتى باين من كلامج انج متساهله،،،

وتبررين انه بس يكلم تلفون ويقابل شدراج انتى اذا يصير بينهم شى او لا كل شى وارد ؟؟


وشى اخر مفروض يحس ان لج اهل يعنى احد من اخوانه او ابوج يوقف له وقفه رجاااااااااال حاسمه عشان يحس ان لج ظهر

واذا لجئتى بس لاهله ولو انهم اهلج راح يحالون يغطون على ولدهم

عموما فكرى ولا تخليين احد يتهاون فى كرامتج

^^روز^^
01/01/2006, 02:29 AM
مادري اختي احسها صعبه


بس اذا هويقول خويااااات ربعه قولي له قولهم انا انسان متزوج ومابي اخرب بيتي عشانكم

يعني وانتي تفاهمي معاه لحالكم وقولي له وش اللي ينقصني عشان تخون

احسها قويه بحقك

والله يعينك

Love's bride
01/01/2006, 03:19 AM
السلام عليكم
و الله حبيبتي انقهرت لك كتييير كتييير..
الله يعينك
بصر احه انا لكل شي بقول التالته ثابته
اسمعي انا من رايي
بيوم تناديه بصوت حازم و مافيه اي نوع من الرحمه او المحبه
و خليه يجلس ادامك
و كلميه بالعقل
انتي واقفه و هو قاعد
و خليك شديده معه بالكلام ما يصعب عليكي
اول شي تقولي
انك لو سكتي و طنشتي معناته انك تكرهينه و كلامك لصالحه هو بكل الاحوال و انه الزمن راح يبرهن له..
و حسسيه بانكساره حتى ينكسر..
قولي له انك حبيتيه اكثر من اي حد و انه بافعاله و اصحابه ما عاد يستاهل الحب هذا لانه هو بايده الي خربه...
امسكي نفسك حبيبتي و حاولي تحبسي دمعتك..خلي دمعه تنزل وامسكي نفسك
يعني بيني انك متماسكه, و خذي نفس و على اسأليه
انت تقرا قرآن؟؟ ليش؟؟
خليه يجاوب و قولي له.. يعني تفهم اش فيه؟؟
و اسكتي
اذا تم ساكت كملي على طول الآيه آيه الزناة و عقابهم" الزاني والزانيه"
او اذا تكوني مجهزة شريط قرآن على هالايه بالضبط علشان بصوت الشيخ اقوى و سكري على طول
و اسأليه تعرف عقاب المحصن اذا زنى شنو؟؟
خليييه يصحى على روححححه..
اذا ثبت عليه بشهود تقدري ترفعي الموضوع لمحكمة و سمعته راح يشوهها بايده..بس انتي سامحتي كتيير..
و قولي" كما تدين تدان" اذا مو في زوجتك في بناتك في خواتك..
وو بعد هذا كله..ما تكثري كلام.. بس قولي
اتمنى تكون فهمت علي, فكر زين..و انت حر بروحك..
و حبيبتي لازم تحسسيه بقيمتك..اسألي مفتيين يصيير تروحي تقعدي في بيت اهلك كم يوم..ممكن يزودها بغيابك بس قبل لا تروحي
ذكريه انه ممكن بتصرفاته يفقد كل حياته و اولاده. مثل ما فقد حبك تقريبا. كل ما راح يسوي شي و هو بروحه راح يتذكر كلماتك
و ياحبذا لو تتركيها ع لى ورقة قبل لا تروحين على مخدته..
ىسفه اذا كت طولت عليكي.. شو رايك؟؟ ردي علي..
الله معك و يوفقك

ام سليم
01/01/2006, 04:33 AM
شوفي حبيبتي قبل ماينام روحي له وابكي على صدره وذكريه بحبكم وذكرياتكم

بس انتبهي اذا تساهلتي معاه يستمر ويمكن يتزوج لاني اعرف وحده كان زوجها يمزح معاها انو بيتزوج وهي عادي عندها الوضع

واتزوج لانها ماحسسته انها تحبه

وقريت كتاب يقول اخصائي اجتماعي ان الزوج اذا كان مثلاً يكلم وحده فهو يعتبرها صديقته ويتسلى فقط اثناء الحديث معاه واذا

قفل هو يعود لحياته عادي ولا كان شي صار فمدام انتي تقولي 5 مرات

فهذا يعني انو ماخذ الموضوع تسليه لااكثر.........فحلو انو ينكر لانو مايبغى يزعلك ويحبك

وحطي ببالك انو لومايحبك كان يعترف لك عادي ولاهمه بس هو يخاف على مشاعرك

بس العتاب لازم وشددي عليه شوي خليك دايم معاه فالبيت فلو تاخر قوليله انتي لكي حق عليه هو متزوج ولكي فقط والبسي جديد

ومكياج جديد ترى الرجال اذا شاف زوجته متكشخه له ولبسها حلو ومغري ينسى كل شي ويروح فيها ترى عن تجربه واجلسي معاه

والعبوا مع بعض كيذا تكسروا الروتين وترجعوا ان شاء الله احباب واكثر

تقبلي تحياتي

3uooon
01/01/2006, 03:40 PM
مشكورين على ردودكم اللي فعلا ردت لي الثقة بنفسي:angry:

فديتكم أدري اني تعبتكم وياي بس لأنا كلنا أخوة المهم أنا أوعدكم بحل المسألة بحزم وبرد عليكم هانت كلها 3أيام

وبشوفه بس هين:sad::sad::sad:

بنتقم لكل حواء خانها آدم :bigsmile::bigsmile:

االعاش
01/01/2006, 04:21 PM
:cry::cry::cry::cry::sad::sad::sad:
شوفي أختي لا يقعد لج يت:حجج بربعه أنهم عرفوه بهالبنات تعرفين انتي خرابيط الرياييل والبنات أنتي ما تشوفين المولات وتشوفين حركات البنات والرييايل سمحيلي أي ربعه أي خرابيط أنا لو منج أطنشه ولدج بينفعك والبركه فيه إنشاء الله وهو ما قول غير الله يهديه لطريق الصواب
ذكرتيني وأنا كنت ناسيه mad2::mad2:

فجرالليل
01/01/2006, 05:12 PM
بصراحة....

اول شي ادعيله في الصلاة بالهداية....وكرر ذالك....

انا عن نفسي ما اقدر اتحمل اعيش معاه اذا عادها مرة اخرى......يعني ممكن اغفر له في الاولى اذا عطاني حجة تقنعني....

زي ما قالو الاخوات .... اللي يعيدها مرات يقدر يعيدها 10000 مرة وخاصة اذا كنت كل مرة تغفر له وبدون صعوبة .....

3uooon
04/02/2006, 10:37 AM
شكرا حبايبي

وأنا آسفه على تأخيري


في الرد

fashion girl
04/02/2006, 01:06 PM
حبـيبتي يوم هو يقولج ربيعه ربيعي و يخربط ... قوليله تلفونك يتغير .. او يوم يوصلك رقم غريب و تطلع وحده قول هـا رقم حرمتي و خلني انـا بتفاهم وياهـا ... و اذا زخيتيه بعد مره يرمس ... هـايج الساعـه راويـه العين الزرقا مب الخضرا ...

3uooon
05/02/2006, 11:25 PM
مشكورة الغالية على مرورج الجميل وردج الأجمل

omdoody
06/02/2006, 12:31 AM
هلا اختي
بقولك شيء مهم الخوان يظل طول عمره خوان هذا امر مفروغ منه لكن انت راجعي نفسك وفكري في هالفترة خانك 5 مرات اجل بعد 10 سنين وش بتسوين معاه انت اليوم عندك طفل واحد تقدرين تربينه بروحك وتكونين قدوه حسنه له ومادام ولدك صغير فكري زييين ترى الزم لى الانسان كرامته وربي ماوديتتعبين نفسك معاه وهو مايسوى
مايسوى=لان فكر مجرد التفكير في الخيانه مو عاد خانك

سمراءالسودان
09/02/2006, 04:55 PM
لان كلهم تافهين وما يستحون انا زوجي بداها مع حريم برا وصرت ادعي له لكن الظاهر انه لسه في انحدار اكتشفت اخيرا انه مسوي علاقه مع بنت خال امي اللي اصغر مني بسنتين بعد هدي انا طالبه الطلاق لانه مادام طالع لقريبتي اللي متربيه معاها بكرة رايح يطالع لاختي وبنات خالاتي من جد دحين ما ابيه

مجنونة مصطفى
09/02/2006, 06:08 PM
للاسف يا اختي لا يوجد حل غير المغفرة

لانك كلما سامحتيه وغفرتي له ستشعرينه انه صغيييير

وهذا الشعور يشعره بنفسه مع كل خيانة فما بالك مع مغفرتك وتسامحك

اسمعيه بعد كل مرة يخونك فيها كلمة حلوة

سيشعر بعد فترة انه لا يساويك وسيهديه الله الى الصراط المستقيم

نوووسهUAE
10/02/2006, 02:15 AM
الله يصبرك اختي ويفرج عن همك

ونتريا الاخبار الحلوه ان شاء الله

أم دلـع
10/02/2006, 11:01 PM
حسبى الله ونعم الوكيل على كل رجل يخون زوجته

مدام يبون يخنون ليش يتزوجون

الله يكون في عونك وعون جميع المتزوجات واولهم أنا

حتى لو كنت أختي عيون جاء منك تقصير
الخيانه ماهي عذر للتقصير
بس انصحك حبيبتي تأخذين موقف كبير

وخمس مرات خيانة بصراحة قوية
هذه ياعمري اللي انتي صتية فيها

والله يستر من المستور والمتخبي

ولزم تخبرين أحد من أخوانك ولا عائلتك

ولازم تسوين مقاطعة معه علشان يعرف مين أنت

وتذكرينها أن أب وليس مراهق
وبعد أن له ولده بكره راح يكبر وش راح يعمل معه
إذا غلط ولا سوى علاقة مع وحدة

والاهم أدعي ربك يهدي زوجك وزوجي
وجميع الأزواج

والله يسعدك ياقلبي .

ريـمـا
11/02/2006, 12:28 AM
اختي
قعدي معاه وحاولي تفهمين شنو الي ناقص فيج وراح يدوره بغيرج
صحيح محد كامل ولكن ربما في نقاط اهو يشوف انج لاتملكينها
وقوليله انج مستعده تنفذين له الي يبي بس يبتعد عن هالطريق ..

ترى في رياييل مايملي عينهم شي واذا شفتيه زودها اتخذي القرار الحااااسم
اتمنى لج كل خير
وطمنينا عليج يالغاليه
اختج
ريما

جوان الجزيرة
11/02/2006, 01:02 AM
اذا متاكده من الخيانة دوسي على قلبك وخليه يكره اليوم اللي حبك فيه مو بس اليوم اللي خانك فيه -

ZeNa New LQQK
12/02/2006, 08:23 PM
حبيبتي كان الله في عونك و هدا ليكي زوجك
احب اقول ليكي مش شطر تكونيي جميلة و مهتمة بنفسك حتى لا ينظر زوجك لغيرك
هناك أنواع من الازواج يخنون زوجاتهم الجميلات مع اخريات دونهم جمال
لماذا لا تعرفين أي شيئ يريده زوجك غير ألي تعملينه و تعلميه ، اجعلي بينك و بينه حوار
انت عارفه في ازواج بيبصوا للخدامات أعوذ بالله هم بشر برضع بس الخادمة طبعا غير مهتمة بنفسها و برائحتها و بشعرها نظرا لعملها
و يترك زوجته التي هي معطر و انيقة
بالاختصار ليس المهم أن تفعلي ما ترينه جميل و انك اتربيتي عليه
المهم انك تعملي ألي يبيه زوجك منك

اتمنى عن قريب أسمع منك أخبار سارة
ملاحظة : صحيح أنني لست متزوجة و لكني اراقب الكتير من صديقاتي و أهلي في زيجاتهم و اتعلم منها
عسى ان يرزقمني الله بالزوج الصالح

ZeNa New LQQK

غلا عمان
04/07/2006, 10:42 AM
والله ما أول مره أشوف رجال يخون ياما سمعت
بس بصراحه الرجال كذا حالهم يحبوا يكون لهم أكثر من وحده طبعا ما كل الرجال بس الأكثريه ما تملا عينهم وحده ولو كانت جميله وخلوقه وللأسف بعض الرجال عندهم زوجات ملكات في الأخلاق والجمال بس ما يقدروا الوحده الخيانه تسري في دمهم
الله يهدي الرجال إن شاء الله ويوفقك الغاليه