المساعد الشخصي الرقمي

مشاهدة النسخة كاملة : بلدي والا الغربه مع هالزوج.....



wasmeya
28/12/2005, 06:46 AM
السلام عليكم


انا باقولكم قصتي بالمختصر ....

انا عمري 21 سنه ومالجه وزوجي ولد عمي ........ صارلنا حوالي سنه مالجين وللحين ما تزوجنا لانه اهو يبي يعيش في دوله غير دولتنا وانااا مو راضيه ..... وفوق هذا انه حاله الماديه ما تسر ... ما يقدر يفتح بيت .... بس الاهل زوجونا واناا واهو فرحانين والحمدالله اهو يحبني واناا اعتقد اني احبه ... وبعد كل هذا زوجي ما عنده شهاده بس اهو يحب الشغل ويشتغل من النهار لليل عنده عادي .... بس المشكله الحين بعد ما طالت المده في الملكه حاسه اني تسرعت وغلطت في اختياري... والي زاد الطين بله اني كنت احب شخص قبل لا اتزوج وهالشخص الي احبه انسان مقتدر ويحبني وايد بس للاسف ظروفنا ما خلتنا نتزوج ... بس الحين اهو يقول انه ظروفه زين وطلب مني اني انفصل عن زوجي وارجع له ونتزوج انا واهو ................ صراحه احس نفسي ضايعه اوافق والا اطلب الطلاق والا اتزوج ولد عمي واسكت واروح معاه للغربه والا شوو اساوي؟؟؟

ماني عارفه ياليت لو وحده فيكم تنصحني وتقول لي رايهاا واذا اهي بمكاني شنو تسوي ؟؟؟

صلصوحه
28/12/2005, 06:51 AM
اذا انتي وايد محتاره صلي استخاره

وبعدين حبيبج لو صدق يحبج كان خلاج في حالج عقب ما عرستي

والله هذا رايي


والسموحه منج

بنت قمر راكبه همر
28/12/2005, 07:37 AM
إنتي إلى الحين لش علاقه في إللي تحبيه قبل...

أصلا هذا ما يحبش لأن لو يحبش كان لما شاف سعادتش مع واحد تباعد عنش نهائي..

حبيبتي هذي يبغى يخرب حياتش إش دراش إنه ما سجل صوتش وإنتي تكلميه أو صورش أو أي شيء...

ترى الرجال ذياب.. وهذا ذيب من الذياب إنتبهي لنفسش منه.. والله بتندمين يوم إللي بتخسرين زوجش...

وفي نفس الوقت هذا ماراح يجي يخطبش ولا شيء... بس بيخلي سمعتش ببلاش..

منال الكويت
28/12/2005, 08:24 AM
ديري بالج من الحبيب ترى شكله ذيب وبعدين اهلج ما وافقوا عليه بالاول تتوقعين راح يوافقون عليه بالتالي نصيحتي تركيه ورجعي لولد عمج

( خذوا الفقراء والمغني الله ) واذا فكرتي بالطلاق او تطلقتي من اللي راح يضمن لج انه الحبيب راح يخطبج لا تصدقينه هذا لو عنده كرامة ما يكلم

واحدة متزوجة الا اذا يبي يطلب الثأر منها فديري بالج حبيبتي منه........

مرموم
28/12/2005, 11:35 AM
السلام عليكم و رحمة الله و بركاته

هلا بيكي أختي...

راح أحلّل كلامك...و أفهمك وين الغلط فيه...


لانه اهو يبي يعيش في دوله غير دولتنا وانااا مو راضيه ..... وفوق هذا انه حاله الماديه ما تسر ... ما يقدر يفتح بيت .... بس الاهل زوجونا واناا واهو فرحانين والحمدالله اهو يحبني واناا اعتقد اني احبه ... وبعد كل هذا زوجي ما عنده شهاده بس اهو يحب الشغل ويشتغل من النهار لليل عنده عادي
هذا الكلام أختي يصاغ بطريقة ثانية و هي كلآتي :

خطبني ابن عمتي...و تمت ملكتنا...

حالته المادية ليست ميسورة...لكنه يسعى ليل نهار حتى يحسّنها...و ينوي أن يسافر للخارج بحثا عن مورد رزق أفضل...

و هو الحمد لله يحبني و يتمسّك بي...



لكن لماذا لم تقولي هذا الكلام منذ البداية بهذه الطريقة ؟

أقول لك لماذا :


اني كنت احب شخص قبل لا اتزوج وهالشخص الي احبه انسان مقتدر ويحبني وايد بس للاسف ظروفنا ما خلتنا نتزوج ... بس الحين اهو يقول انه ظروفه زين وطلب مني اني انفصل عن زوجي وارجع له ونتزوج انا واهو

هذا أختي اللي خلاكي تسردي مميزات زوجك و حالته المادية على إنها عيوب فيه...

حاولتي وضع مبررات لنفسك...تبرر لك خيانة زوجك !

ألا تعلمي أنك امرأة متزوجة...تكلم رجل أجنبي بدون علم زوجها...و هذا يسمى خيانة ؟!

الرسول صلى الله عليه و سلم يقول ( لا يخطب أحدكم على خطبة أخيه )...

و هذا جاي لك بعد ما صرتي زوجة يقول لك...إطلقي و أنا أتزوجك ؟؟؟؟؟؟

كيف يتجرّأ أختي يفتح معاكي هذا الموضوع و يقول لك هذا الكلام...؟

و الآن جاية تفكري محتارة بين الإثنين ؟

محتارة بين الحق و الباطل ؟

محتارة بين اللي دخل البيت من بابه و كان نظيف في تعامله...و بين اللي يتلصص و يدخل من الشبابيك مثل الحرامية ؟

الله يهديكي أختي و يرشدك لطريق الصواب..

&&_عاشقة الجوري_&&
28/12/2005, 12:20 PM
شوفي عزيزتي لولا خروج الشخص الي تحبينه مره ثانيه في حياتك كان اقتنعتي بزوجك ورضيتي تمام الرضى فيه
خذيها مني تزوجي شخص هو يحبك مو انتي تحبينه والي ماديته على قده مصير ربي باذنه بيفتحها عليه
طبعا هذا مايمنعك من الاستخاره

سحايب دبي
28/12/2005, 12:26 PM
ِيلي من بالك فكرة الحبيب و ثدقيني بتكوني مرتاحه
و انتي وش ضمنك لو طلقك ابن عمك يجي هالحبيب و يتقدملج و ما يخونك
و لا وش ضمنك لو طلقك ابن عمك و تقدم لج الحبيب أهلك يوافقون عليه

ما غير بعدين تصفقين كفوف الندم على ابن العم المسكين اللي يحبج و يبي يسوي المستحيل علشانج و على الحبيب اللي وعدج و اختفى و لا عيشج بالاحلام و راح

لا تغلطين غلطة عمرج يالغاليه و تعقلي و تروي و شوفي المستقبل و لا تشوين هاليومين .. و ثقي انه الراحه و الاستقرار ما يجون الا بالتعب وقفي بجانب ابن عمج و ان شاء الله ربنا بيوقف معاكم و بتتحسن ظروفكم
و من يعلم يمكن لو شافج جنيه و شجعتيه يكمل دراسته ور بنا يرزقه بمنصب و يصير غير شكل
ارضي بالواقع و بقسمة رب العالمين و اتركي عنك الأوهام

أمـــل مفقود
28/12/2005, 01:03 PM
الله يهديج الشيخه انتي في هالحاله ناويه ترتكبين جرايم في حق دينج وتربيتج ونفسج

خليني ابدا معاج بالاولى ..
انتي ملجتي وخذتي ولد عمج وكنتي فعلا تحبينه او تحسين بهالشي لفتره محدوده انتهت متى ؟؟ .. يوم رجع لج الحبيب الاولاني يطلب منج تردين وتكونين له .. وكنتي راضيه وعلى استعداد انج تتزوجين ولد عمج رغم ظروفه بغض النظر عن ظرف السفر لانج حتى ولو ما كنتي تبينه ماظنج كنتي حاطه فكره الطلاق في راسج لين ما ظهر الاولاني .. وخذتيها علثه وسبب لطلب الطلاق من ولد عمج بدون ما تدرين ان هالسبب ما يعتبر سبب لطلب الطلاق او حتى لمجرد التفكير فيه .. يعني ناويه ترتكبين ذنب اللي قال عنها الرسول صلى الله عليه وسلم في حديثه : (( أيما امرأة سألت الطلاق من غير ما بأس فحرام عليها رائحة الجنة)) الكلام اللي بالأحمر تدرين شو معناته .. فكري فيه زين لانه مصيييبه ناويه عليها انتي في حق نفسج ..

والثانيه والمشكله الكبيره اللي عقديتها بنفسج هي رجوع الحبيب الاولاني لج وطلبه الفضييع بانج تطلقين وتردين له .. اوكي انا ما بقول انه ما يحبج او انه طلب منج هالشي قصده يضرج .. ممكن فعلا انه صادق ومن كثر ما يحبج يبغيج حلاله لكن هل فكر هو عن الاثم او الجزاء اللي يترياه من عقب سواته هاذي .. هنا قال الرسول صلى الله عليه وسلم : ( من خبب عبدا على أهله فليس منا , ومن أفسد امرأة على زوجها فليس منا ) .. شو معناته هالكلام .. انه مش من المسلمين .. عيل من منووو تهقين ؟!!!!

اختي كبري عقلج ولا تسمعين قلبج لانج انتي ما تحبين الاولاني صدقيني والا ما كنتي رضيتي تاخذين ولد عمج من الاساس وسويتي كل شي عشان تاخذين اللي تبينه .. وهالموقف يثبت انج عاااقله ومش متهورة في تصرفاتج ..... خذيها مني انا مريت بنفس ظرفج لكن كان فيه فرق بسيط ان اللي كنت ابيه ويباني عمره ما طلب مني انفصل عن زوجي رغم انه كان عارف معزته في قلبي .. بالعكس من الاهل وصلني كلام قاله هو بنفسه بعد ما ملجت .. قال صح اني تمنيتها حليلتي لكن الله اعلم بالحكمه في اللي حصل وهي الحين مالها غير بيتها وريلها اللي اتمنى انه يسعدها ويحبها اكثر مني ..

صدقيني هالجمله عمري ما بنساها ولا بنسى اللي قالها بس فيه شي بسيط تبدل اني صرت احب ريلي اكثر واكثر من بعد ما كنت احس بالاحباط ليش اني انجبرت عليه وانا في قلبي ثاني وان اللي كنت ابغيه قبل تحولت مشاعري تجاهه من الحب اللي كنت اتخيله لمعزة واحترام مالها حدود من طيب اخلاقه ..

مثل ما حاولت انا حاولي انتي بعد انج تحبين ولد عمج .. واذا فكرة السفر تضايقج حاولي تقنعينه يغير رايه .. يمكن ما عنده شهاده لكن عنده عزيمة وشباب وصحه والرزق بيد الله وياما ناس وصلت لاعلى المناصب وهم حتى الشهاده الجامعيه ما عندهم .. شجعيه على انه يكمل دراسته وكوني معاه خطوة بخطوه .. لا تنكرين فضله عليج ولا تحسسينه بالقصور المادي حتى ولو كنتي تحسين به .. وقفي معاه بالحلوه والمره وهو صدقيني في خاطره لو الدنيا بكبرها يعطيج . بس اهم شي تحكمين عقلج وتتوكلين على ربج في كل الامور ومافيه احسن من كلام النبي صلى الله عليه وسلم : « لو أنكم تتوكلون على الله حق توكله لرزقكم كما يرزق الطير»

الله يحفظج ويهديج للي فيه خير لج يا رب

ماسة دبي
28/12/2005, 07:41 PM
الخوات ماشاء الله ما قصرو ما عندي كلام بعد إلي قالوه

الدانـــــه
28/12/2005, 07:46 PM
بس الحين اهو يقول انه ظروفه زين وطلب مني اني انفصل عن زوجي وارجع له ونتزوج انا واهو

أختي wasmeya

شلون كلمتي اللي يحبج وانتي على ذمة ولد عمج يعني ( زوجته على سنة الله ورسوله ) !!!!

أفهم من كلامج انج خنتيه حررام اختي خيانة المرأه لزوجها ما تنغفر انتي مجرد ما تفكرين انج تطلقين منه وتاخذين اللي يقول يحبج تعتبر خيانه وانتي قبل لا تاخذين ولد عمج كنت تعرفين ظروفه ( تزوجو فقراء يغنيكم الله ) الوحده شنو تبي من الدنيا غير زوج يصونها ويحترمها ويحبهااا ومستعد يضحي ويوفر لها كل اللي يقدر عليه ويسعده ، شنو فايدة الفلوس والشهاده وهو خااااين خان ربه واهو قاعد يحرضج انج تطلقين من خطيبج صدقيني لو تسرعتي وسويتها ماراح تتوفقين معاه وراح يقول اذا اهي خانت ولد عمها اكيد في يوم من الايام بتخوني والله مافيه خير مع هله مافيه مع الناس واذا السالفه سالفة غربه عااااااااااااااادي يماااااااااا بنات تغربو مع ازواجهم لعمل او لدراسه من اجل راحة أزواجهم وفي مثل يقول ( ياليتني سعيده وعن اهلي بعيد ) أختي تركي عنج هالشيطان اللي يلعب في عقلج واستغفري ربج وقومي الليل وطلبي من ربج ان يوسع من رزكم الحلال ويسخر قلبج لزوجج


أختج الصبوره

سوسو نكد
30/12/2005, 01:52 AM
الصراحة مالك حق تفكري بهل طريقة وانتي متزوجة وما تزعلي من صراحتي..
يعني انتي بمجرد ما تفكري بلفكرة بتكوني عم تخوني زوجك .... ولازم تعرفي انو اذا ربك كاتبلك غربة رح تتغربي معو او مع غيرو ...العني الشيطان وخليكي مع زوجك وسافري معاه..الغربة ما بتعود غربة لما تكوني مع زوجك لانو هو دنيتك

^^روز^^
01/01/2006, 03:10 AM
سافري مع زوجك

زوجك يبحث عن مورد الرزق..

ولاتسمعي الى الذ يطلب منك الطلاق

تزوجي ابن عمك واتكلي على الله ..

وبالتوفيق

3sooolah
01/01/2006, 11:28 AM
لاتخلين الشيطان يقص عليج و اتكلمين واحد ولا تتواصلين معاه بي طريقه وانتي على ذمة حد ثاني لاني انا بصراحه اعتبر هالشي مثل الزنا وانتي بكرامه

تعوذي من الشيطان و صفي نيتج مع زوجج و ابتعدي عن هالشخص الثاني والله بيسر لج امورج والله لو زوجي ياخذني للقمر بروح معاه

فجرالليل
01/01/2006, 05:33 PM
حبيبتي لا تصعبي الامور....

احتفظي بزوجك ...وانسي الثاني ...وحاولي تبني مستقبلك مع زوجك.....

اذا كان هو يشتغل ليل ونهار فلانه يحبك ويبي ييسر حالته المادية ....

وعادي اذا كنتو سنة مالكين ...انا هي السنة 2,5 وانا مالكة....ولله الحمد العرس قريب ....وهو كمان ابن عمتي...

وبالنسبة للغربة ...انا اتصور انه حنانه راح ينسيكي الغربة ...لانه انا كمان حعيش لبعض السنوات معاه في الغربة ...

لا تصعبي الامور حبيبتي .....ولا تندمي ...لانه ما في احلى من انك تعيشي مع زوج يحبك ويسعى لراحتك.....

وانسي هذاك الشاب الاول ....لانه اكيد حاب يلعب وبس...ولاتنسي تقطعي علاقتك معاه ...والله حرام.....

كوني حجرا في وجهه.....واخبريه انك تحبين زوجك ...

وفكرة الطلاق شيليها من بالك....

انا كتبتلك هذا الكلام لانه انا كمان جربت شوي من موقفك.....

الله يوفقك دنيا واخرة