المساعد الشخصي الرقمي

مشاهدة النسخة كاملة : أصعب سؤال ؟؟ موجه للرجال .. وياليت تكملوها للأخير



العروس الهاربة
07/01/2003, 06:12 AM
أصعب سؤال

لو جيتي من عين السما
ومن بين غابات الهدب
نورك يسابق خطوتك
وانا حرارة وانتظار
وشوقي من اللهفة يغار
قدامي هقوات اللقا
ووراي نبرات القرار

لو فرضنا طعت قلبي
لو فرضنا اخترت حبي
وبينت انا ما كنت اخبي
وصرنا سوى
صارت أيادينا يدين
وجانا ولد .. ولا ولدين
طيب وبعدين ؟!
يبقى السؤال ولا يروح ؟؟
الله ياني لا ذكرته .. تصرخ بقلبي جروووح !!
وشلووون ؟؟ وكيف ؟؟ ومتى ؟؟
في الصيف ولا في الشتا ؟
هنا على أرض الرياض ..
أو في الفياض .. اللي حوالين الرياض ؟؟
وإلا بعد خوف الحدود .. وهناك .. ما فيها حدود ..
ولا موانع أو سدود

أمي ذبحتني بهالسؤال
وأبوي .. يسألني بعد ..
والناس ما تخلي أحد

الله ياصعب السؤال
وشلون أجاوب هالسؤال ..
ياهو قوي ..
ياهو ضعيف ..

أنا عرفتك كيف ؟؟؟؟؟


طبعا مهي من كتاباتي بس مدري من قايلها :o أتمنى تنال رضاكم

اديب
07/01/2003, 11:54 AM
هلا فيك اختى العروس الهاربه


مشاركة منتقاة وطيبه منك ولكنى للاسف لم اعرف بالتمام

ماهو المقصود لانى اكملتها للاخر ولكن لم استنتج شيء

اشكر لك جهودك

اديب

العروس الهاربة
07/01/2003, 01:08 PM
أخوي اديب :

أشكر لك مرورك ولكن ممكن سؤال واعذرني فيه :o أشلون عرفت انها طيبة ومنتقاه طالما ما فهمتها ؟؟ :p

عموما أنتظر باقي الردود ولو حسيت انه محد فهمها رح افسرها باللي فهمته طبعا :cool:

لك تحياتي وشكرا لتكرمك بالرد علي (l)

ضياء القمر
07/01/2003, 01:41 PM
هلا أختي العروس الهاربة وتسلم أيدك على هالمشاركة الحلوة أنا بعد مع أخوي أديب قريته للآخر بس ما فهت شالمغزى منها ، فأرجو منك تفسيرها.
:) :D ;) :p :cool:

بنت السعودية
11/01/2003, 05:56 PM
هلا باختي العروس الهاربة..

اسفه لاني تاخرت بالرد..

والمعنى واضح..وهذا شي يتردد دايم في عقول الشباب..

يحب بنت الناس ويلوعها ويبهذلها ويقولها قررت اتزوجك..ولكن..وش اقول لاهلي..؟؟

من وين عرفتك..وهذا عذر بايخ ..لانه كان المفروض من اول مايرتبط

بهذي العلاقة من اصله..

والقهر ..لما يقول

وصرنا سوى
صارت أيادينا يدين
وجانا ولد .. ولا ولدين
طيب وبعدين ؟!:eek:

وش وبعدين يعني خلاص اخذتها لحم وترميها عظم..

وغير كذا عذره بايخ..ليه؟؟

لان الام والاب مايسئلونه من وين عرفتها بعد سنه وسنتين والا بعد مايجيهم عيال..

امه وابوه ماراح يخطبون له الا بعد مايكونون مقتنعين..
وعارفين هي منهي..وبنت مين..وكيف عرفها..

بس المسالة كلها واضحة عمليه تنصل من شباب وعد فتاه

بالزواج ويوم مل ..ماعرف وش يقول..:rolleyes:

وهذا درس للبنات الطيبات الي ينخدعون بكلام الشباب ووعودهم..

لازم يعرفون ان اول شي يصيد فيه الشاب البنت اذا استعصت عليه

سالفة الزواج وانا ابيك بالحلال ....وهرجهم الي ماينتهي..

والله يهدي الجميع..:)

تحياتي

ام خالد

:cool:

رحيـــــــــل
11/01/2003, 07:38 PM
أترك الرأي للأعضاء حتى تتضح الرؤية :cool:

رحيل

أحلى مــــــلاك
12/01/2003, 09:20 AM
انا عرفتك كيف ؟؟؟؟؟؟؟؟
انا عني ما عرفتها :s
بس يمكن مثل ما قالت اختنا بنت السعوديه


تحياتي :)

العروس الهاربة
12/01/2003, 10:51 AM
ضياء القمر // أحلى ملاك :
أصبروا شوي ،، وشرفني مروركم ،،

بنت السعودية :
أتفق معك في بعض النقاط ولكن ....
أسعدني تواصلك حبيبتي ،، مشكورة :o

رحيل :
يهمني جدا أعرف رأيك ،، وشكرا على مرورك الذي طالما تمنيته ،،

في نتظار البقية !

;)

سليـــ العـز ـل
13/01/2003, 08:19 PM
اممممم

وانا بعد الصورة مااكتملت عندي...

3asoolah
13/01/2003, 08:56 PM
مرحباااا ..

مشكوووره عزيزتي .. عالمشاركه الحلوة

و أنا عن نفسي فهمت على أساس انها بنت مب ولد ..

بس يوم قريت راي بنت السعوديه بعد اقتنعت برايها ..

بس الموضوع واقعي ..

و حلو




تحياتي ..

عسوووله

كحل
13/01/2003, 09:17 PM
تحياتي لك ايتها الهاربه
واول مره اشوفه عروس هاربه
ومادري هاربه من شنو
المهم
اني عندي رد على سؤالك
وبما انه موجه للرجال
انا كملت للنهايه
وشفت اخر شي مكتوب ( ياهو قوي ... ياهو ضعيف)
اهو يسال هل برنامج الياهو قوي ولا ضعيف ..... طبعا ياهو الانترنت اقصد
مافي حل الا هذا
واتحداك
باي:D :D

العروس الهاربة
14/01/2003, 02:57 AM
سليل العز :
شكرا على مرورك وعلى فكرة اسمك مرررررررة حلو ماشالله (f)


عسووووولة حبيبتي :
الله لايحرمني من تواصلكم وأشكرك على ذوقك وأتمنى يكون المعنى وصلك (l)(l)(l)


كحل :
جيت تكحلها عميتها :s
ولا يهمك اخوي الموضوع بالضبط مثل ما قلت هو يقصد ياهوووو بس انا كبرت الموضوع <<<<<< معقدة بعيد عنك :eek:

تحياتي للجميع ،،

كحل
14/01/2003, 05:17 PM
تحياتي لك

شكرا على المجامله

والله احرجتيني بصراحه بلطفك وظرفك وضحكة سنك ( شدعوه عاد شايفها انا )
تسلمين تسلمين وهم بعد تسلمين ( اكيد مسلمه .. عاد هذا يبيله كلام )

بنتظار ابداعاتك

باي