المساعد الشخصي الرقمي

مشاهدة النسخة كاملة : اللي سافرت النمسا او ساكنه فيها ممكن مسااعده؟؟



طاهرة القلب
23/12/2005, 01:16 PM
السلام عليكم ورحمة الله وبركاته
خوواتي ممكن مساعده اللي ساكنه بالنمسا او تعرف مناطق سياحيه فيها ياااريت تعطيني معلومات عنها ولكم مني كل الشكر:smile:

Aryam
24/12/2005, 12:01 PM
هلا الغالية.........
بصراحة النمسا رهييييييييبة، مشكلتي أني ما أحفظ أسامي، بس المنطقة اللي تقريبا كل حد يروحها لما يزور النمسا هي "زلامسي"، منطقة كلها بحيرات والطبيعة تجنن، تقدرين تطلعين بالتلفريك لين الثلج، أو تأجرين قارب صغير في البحيرة، وبشكل عام وأنتي تلفين بتلاقين أشياء حلوة ممكن تسوينها.........بالتوفيق

هتــــان
24/12/2005, 11:43 PM
هلا والله اختي ..

انا رحت في النمسا مدينة سالزبرج .. مدينة من جد رااايقة وهادية الجلسة على النهر مرره تجنن هي مدينة مبانيها تكون حوالين النهر .. وفيها سووق حلووو كانه اسواق شعبية بس محلاته مرره راقيه ..

وبرضوا زرت مدينة زلامسي .. رح وقت الصيف بس ماكانك جالسة في اوربا من كثر الخليجيين .. حلوة المدينة تطل على بحيرة .. وقهاويها مرره كثيرة .. وزي ماقالت اختي اريام ممكن تاخذين تلفريك ..

وتقدرين تروحين من سالزبرج الى ميونيخ في المانيا اذا كان ودك بمحلات اكثر واسعار انسب .. هو مابينهم الا ساعتين بس والله ماتحسين فيهم من الطبيعية الموجودة على طول الطريق ..

هتــــــــان

مسافره مع النسيان
25/12/2005, 12:39 PM
انا سافرت النمسا وفي تفاصيل كثيرة بعطيها اياك انتظري مني رسالة خاصة
تحياتي

رماانه حمره
27/12/2005, 01:53 AM
انا رحت النمسا فعلا جميله ..

اولا قعدنا بالعاصمه فيينا يومين .. بالهيومين زرنا حديقة الحيوان .. كبيره وااايد حلوه .

ومدينه الملاهي . .

يعدها اخذنا قطار ونزلنا على المناطق الريفيه .. وقعدنا في كوبرون .. هاديه وحلوه .. وكل شي

متوفر فيها .. وقريبه على زلمسي بالقطار 10 دقايق ..

عندج وايد رحلات .. الزحلاقيه الصيفيه .. هذي مشهووره عندهم .. وفي منها انواع

عندج تصعدين الجبل للثلج ..

عندج بشلادمنج .. رحله تصطادون السمك ويشوونه لكم .. وايد حلوه هالرحله ..

عندج الشلال ( كرمل ) رووووووووعه .. وايد كبير .

جبل من الملح .. تدخلين دااخله واايد حلو وروعه .. حتى تدخلينله بقطار يصعدج .. وتنزلين منه

بزحلاقيه تكون داخل الجبل .. رووعه .

في رحله .. يكون فيها بحيرتين . وحده مرتفعه والثانيه نازله .. روومانسي واايد هالمكان .

بعدين كل مكان تمشين فيه هناك .. تلاقين (information center ) يساعدونج باي رحله

تبينها .. حتى الفندق او الشقه اللي انتي قاعده فيها .. الريسيبشن راح يساعدج

وانصحج انج تزورين .. سويسرا .. وفرنسا .. وايطاليا .. والمانيا .. قريب وبالقطار .. اما

المانيا تقدرين تروحين لها من الصبح وترجعين بالليل .. ماله داعي تباتين هناك .. اجنا رحنا

المانيا .. لمدينه الملاهي .. رووووعه .. اسمها ديزني لاند ..

هذا شي من لاشي .. :)

طاهرة القلب
31/12/2005, 10:39 PM
مشكوووراااااااااات بنات الله يعطيكم العافيه ماقصرتوا:flower:

eye shadow
31/12/2005, 11:31 PM
الصراحه النمسا من احلا البلدان اللي زورته والصراحه انا زرتها مرتين وما اامل منها طبعا الخوات ما قصروا كفوا وفوا عنى بس لي الصراحه انا انصحج روحي اسكنى في مقاطعة السايسبورغ تراها مدينه راقيه جدا وقريبه من مدينه ميونخ الالمانيه اخخخخ شهيتيني الصراحه عل العموم الله يحفضج وين ما كنتى
لا تنسينا من الصوغات لوووووووول

ادعيلي بولد الحلال ولين خواتى في المنتدى وبرع المنتدى وكل عام وانت بخير بمناسبه العام الجديد

زوجة راشد
02/01/2006, 08:35 AM
السلام عليكم ورحمة الله وبركاتة ...
انا رحت النمسا ... وانصحج ابد ابد لا تفوتين منطقة زلمسي ... لانه من اجمل المناطق واحلاها مب بس في النمسا الا في العالم ... مكان رومانسي بشكل رهييب ...... واحسن فندق في زلمسي فندق قراند لانه اهو الوحيد المطل على البحيره ... واسواقهم شعبيه اشوي بس حلوه ..... بس المنظر من بلكونه الفندق شي خبااااااااااااااااااااااا ااااااااااااااااااااااال ... ذكرتينى ..... بالنسبه للجو انا كنت مسافره في شهر 8 والجووووووو بارد هذيك الايام واكيد الحين ابرد .... ولا تنسين اتروحين شلالات كرملم ... منظر روعة ...
طبعا انا ما ركبت التلفريك لانى اخاف .. بس اللى ركبوه يمدحونه .... عاد انتى جربيه واذكرينى (r)
ورحت فينا وانصحج في فندق المريديان .. صراحة ما عليه كلام بالنسبة للموقع او النظافة او مستوى الغرف .....وجريب من السوق ..>>>> وحدة اتحب الشوبنق ...... بس ترا الفندق اشوي غالي
فينا هادية بشكل عام ... والجوووووووووووو فظييييييييييييييييييييييي ع ... ذكرتينى باحلا ايام


اتمنى انى افدتج ....... ورحله سعيدة مقدما

eye shadow
02/01/2006, 09:35 AM
السلام عليكم نسيت اخبرج انا لما رحت اجرنا بيت في سايس بورغ بس الصراحه بيت في الاحلام واااااااااااااااااااااااا اااا عدال الوادي كان فضيع الصراحه في قمه الروعه وطبعا لاتنسين اتروحين الساحات ترى الساحات عندهم واااااااااااااااااااااااا ااايد حلوه وبعد ركبي التلفريك وااااااااااااااايد وناسه اتعرفين لما رحت سنه 1998 سرنا في التلفريك مغره الثلج فيها اشياء منحوتات من الثلج بس للاسف ما اذكر اسم المنطقه:down:
زوري منطقه سانت وولف كانك وسانت كلكن وبعد في منطقه السايس بورغ زوري المتحف التاريخ الطبيعي الصراحه وااايد حلوه مب مثل المتاحف التقليديه والحين بعرضلج مجموعه من الصور بعض المناطق في السايس بورغ بصفه خاصه
http://www.arab-x.com/uploads/Jan-06/a2666155f7.jpg هذى صوره الفندق اللي عدال البيت

http://www.arab-x.com/uploads/Jan-06/5feecbff61.jpg هذى صورة المنظر الي عدال البيت

ها ها ها شهيتيني ابغي اسافر

وَجَعّْ البَوُح
02/01/2006, 08:18 PM
انا مارحت بس بعرض لك موضوع وانشاالله يعجبك

النمساا ,, شدني روعة جمال طبيعتها الخلابه ,, أعجبتني جداا هذه المناظـر ,, و أحببت ان تشاركوني في رؤية هذه الرائعه

http://kuwaitlove.jeeran.com/austria12.jpg
في قلب أوروبا النابض وهي عالم راق متألق يزخر بالفن المعماري والقصور والموضة والأناقة فترى بها القصور الفاخرة وسط الحدائق الغناء الزاهية والمباني التي تزين سقفها تماثيل وزخارف سخية وأروع الفنون في قطع الآثار العتيقة وبالنسبة لرياضات الشتاء فالنمسا لا نظير لها أما الفنون الجميلة فلن تجد مثل النمسا لها موطناً,,

فيينا
http://kuwaitlove.jeeran.com/austria9.jpg
http://kuwaitlove.jeeran.com/austria10.jpg
http://kuwaitlove.jeeran.com/austria19.jpg
تلعب المقاهي والمطاعم دوراً كبيراً في حياة أهل فيينا الوجبات الشهية الخفيفة وأنواع الكعك اللذيذة والوجبات الشاملة تجدها جميعاً في أطعمة فيينا الرائعة,,,

إنها مركز عظيم ترى فيه طلبة الموسيقى يرتدون شعراً مستعاراً ومعاطف خاصة وهم يوزعون إعلانات عن حفلاتهم التالية ومن قبلهم كانت هذه المدينة موطناً لعباقرة الموسيقى مثل موزارت واستراوس وبرامس وشوبرت وهايدن وماهلر,,,

http://kuwaitlove.jeeran.com/austria5.jpg
http://kuwaitlove.jeeran.com/austria7.jpg
http://kuwaitlove.jeeran.com/austria4.jpg

منال الكويت
05/01/2006, 02:02 PM
بصراحة المناظر وايد حلوة اشلون لما تشوفين الطبيعة اكيد احلى.....:cool2::cool2::cool2::cool2::cool2::c ool2:

ألماسه80
08/01/2006, 11:40 PM
عزيزتي برايي ان النمسا أحلى دوله في أوروبا وماراح تتحسفين على الروحه لها لأن كل مناطقها عجيبه وهي جنة الله في الأرض بس في هالوقت من السنة جوها بارد جدا وكله ثلج حلاتها بالصيف وأنصحك تدخلين على موقع المسافرون العرب لأنه بيفيدك جدا بأي سؤال تبينه.........وموفقه يا رب

العيون العسلى
09/01/2006, 12:50 AM
بسم الله الرحمن الرحيم


السلام عليكم ورحمة الله وبركاته


صور روعة ماشالله

العيون العسلى
09/01/2006, 12:55 AM
بسم الله الرحمن الرحيم


السلام عليكم ورحمة الله وبركاته


صور روعة ماشالله