المساعد الشخصي الرقمي

مشاهدة النسخة كاملة : عمر طفلك شهر او شهرين او ثلاث او اربع شهور تعااالي



}{الـرقـيـقـة}{
11/12/2005, 03:50 PM
السلام عليكم
يسعد مساكم يا احلى بنات

طفلك او طفلتك عمرهم لحد ثلاث شهور اكيد لسا بس حليب الام او حليب صناعي
ومعه منقوع التمر ورضعه يانسون مع سكر نبات

لكن بعد مايكملون ثلاث شهور ويدخلون الاربع شهور وش تضيفون لغذائهم ؟؟؟

سمعت من الطبيب هنا عن ملعقه عصير برتقال مخففه بالماء
مافهمت يعني نعصر برتقاله في ملعقه بس مقدار ملعقه ونخففها بالماء ونعطيه مايمديه يمص مصه الا وهي مخلصه خخخخخخ اخاف مافهمت وضحوا لي

طيب ولي سبق وعندها اطفال وش عطيتيهم غذاء بعد دخلوهم الشهر الرابع
ولا انتظرتي الين خلصوا اربع شهور وبديتي ؟؟

ولا تنصحون بالانتظار الين يصير اقل شي عمرهم 5 شهور ونص ؟؟

وش رايكم وش نبدا فيه بضبط وكم مره باليوم وهاكذا

خلونا ندردش ونفيد بعض :)

عذبـ الأحساس ـة
11/12/2005, 08:47 PM
السلام عليكم ورحمة الله وبركاته

غاليتي

الرقيقه

موضوعك يدعو إلى التواصل

وأتمنى أن تعم الفائده للجميع

بس غاليتي أبدأي بإطعام طفلك منذ الشهر السادس وليس الرابع

وهذا أفضل له

أتمنى للجميع التوفيق وأي معلومة جديده راح أعطيكم فيها خبر


تحيتي للجميع

عذبة الإحساس ,,

bent^cute
12/12/2005, 06:27 PM
انا بنتي دخلت الرابع من 10 ايام تقريبا....

وصرت احسها ما تشبع من الحليب... وبالليل بس تصحى من النوم

أمس اعطيتها سيريلاك الرز ملعقتين شاهي تقريبا

والحمدالله احسها تقبلت الاكل ونامت كويس

القطوه الريشيه
12/12/2005, 07:59 PM
يا ليت البنات يفيدونا

غرام عزيز
27/12/2005, 09:41 AM
انا كان عندي نفس السؤال
عندي اول ولد وبكرة راح يكمل اربع شهور
بديت معاه سريلاك الرز من ثلاثة اايام احسة يتقبل طعمه بس مادري لية يبكي:confused: وانا اعطيه
احس سبب له غازات
وهو يرضع حليب طبيعي بس مادري ليه غازات
عطيته عصير برتقال مخفف بالماء (اعصر برتقالة وبعدين اخذ شوية واضيف عليها موية واشوف طعمها لس حاامضة ولا وبعدين اعطيه بملعقة)
وعصير تفاح ملعتين
واعطيه الاكل لمدة اسبوع عشان اذا كان يسبب حساسية اعرف من اي طعام


نتواصل بالموضوع :up:

شماني فله
16/01/2006, 09:10 PM
اهلا بكم أحبتي
أما انا أعطي ابنتي الحليب الطبيعي وأعطيها ايضا التمر لأن له فوائد كثير مع قليل من الماء
مع العلم ان ابنتي عمرها ثلاث أشهر
واذا كانت لديكم زياده فأفيدوني
جزاكم الله خيرا

بشبشه
06/02/2006, 06:39 PM
معلومات مفيده لما اولد واقوم بالسلامه بدليل اني حفظت الموضوع
بارك الله فيج اختي :)

Good^MoTHeR
11/02/2006, 11:31 PM
بنات في موضوع في المنتدى اعتقد في قسم التربية عند المواضيع المميزه يتكلم عن تغذيه الطفل وكان مكتوب فيه ان اخر شي تفكرين تعطيه البيبي هو عصير البرتقال المخفف

رابط الموضوع (http://www.3roos.com/forums/showthread.php?t=8492)

*roses*
12/02/2006, 01:18 AM
بداية التغذية من الشهر السادس والابتعاد عن البرتقال لانه قد يسبب حساسية لدى الطفل وكذلك القمح

yomizo
16/02/2006, 10:37 PM
انا ابنتى عندها 3.5شهور وقد اطعمتها مع اللبن الطبيعى موزة مهروسة وكوسه وجزرة مسلوقين ومهروسين ايضا بلاضافه الى تفاحه مسلوقه ومهروسة كمان وزبادى (لبن زبادى ) وممكن ايضا بسكوته صغيرة مبلوللة فى كوب لبن

أم صُـهـيـب
26/02/2006, 11:59 PM
لو سمحتوا كيف اعمل منقوع التمر؟؟..حتى اعرف وبعدين اعمله لولدي..يعني انقع التمر ولا ايه؟؟

كنووز
07/03/2006, 06:00 AM
السلام عليكم ورحمة الله وبركاته

شكرا على اثارة هذا الموضوع

في الحقيقه انا كنت اعتقد ان ادخال الاكل يكون بعد الشهر الرابع

لكن فعلا قرأت مره ان ادخال الطعام الجامد يكون بعد الشهر السادس خصوصا اذا كان الطفل يرضع رضاعة طبيعية

وحبيت انصح بعدم ادخال الاكل قبل الثلاث شهور
لاني سمعت ان الطفل قد تتشكل لديه حسااااااااااااسيه من هذا الصنف مثلايجب استشاره اخصائية تغذيه قبل اعطاء الطفل اي شي لان لدينا موروثات كثيره منها المفيد ومنها الغير دقيق للاسف

مثلا بعض كبار السن ينصحون بالعسل والمعروف ان العسل لا يعطى لمن هم دون السنه لصعوووووووبة هضمه واحتمالية احتوائه على مواد سميه والله اعلم
تحياتي

واسفه عالاطاااااااااااااااااااا اله

بنت الخليج
10/03/2006, 05:32 PM
ولدي الحين عمره 5 شهور بس قبل لا يكمل 4 اشهور صرت اعطيه مع رضعة الحليب
ملعقة سيريلاك لانه صاريقوم بلليل يصيح وطول اليوم يحن فحسيت انه ما يشبع من الحليب
طبعأ النعناع والينسون و منقوع التمر من يوم ينولد نعطي البيبي عشانه كويس للبطن

اختي أم صُـهـيـب

((((( منقوع التمر تحطين تمره مع ماي حار وتخلينها لين تلين والا انتي تهرسينها بالملعقه وبعدين تشخلينها
وتحطينها بالرضعه لين تدفي وشربيه بالعافيه)))))
ان شاء الله اكون افدتك

قلب من الماس
13/03/2006, 05:23 AM
انا بنتى همره 10 شهور بس ماتاكل اى شى الا الحليب احي انن بسكوت بس مدرةى شسوى فيه

kocheko6116
14/03/2006, 12:09 PM
والله أنا سأللت طبيبين تغذيه وقالوا لي لاتعطينه غير الحليب لمدة ستة أشهر وبعدين تبدأين بالأكل شوي شوي

جــوانــا
15/03/2006, 01:56 AM
موضوع حلو ..



وانا جربته .. وبصراحة أنا أشوف اذا الطفل تقبل الأكل بدري ليش ما ياكل ..طبعا الأكل المناسب له..
والحمدلله اطفالي ينعمون بصحة جيدة ..


مشكووووووووووووووورة على الموضوع..

دمت بود

رنيم محمد
20/03/2006, 08:19 PM
انا ان شالله ناويه من بداية الرابع اعطي ولدي سيرلاك وبيض وزبادي ان شالله

وردة حلوة
25/03/2006, 02:25 PM
مشكوووووووووووووووووورة

شذى الزهور
06/04/2006, 05:08 PM
ممكن اعطي لطفلي الي هو عمره شهر منقوع التمر
ارجو ان تفيدوني

rose_rose7788
18/06/2006, 12:44 PM
الاكل مهم في هاي الفترة .... بس معظم الدكاترة ينصحون بانه الياهل ياكل وهو في الشهر السادس ....

بس نحن لا ... يا الله تعال وافتح حلجك وهمممممم :gum: وماشاء الله عليهم اليهال يتقبلون والحمد لله ما يكون عليهم اي ضرر باذن الله ....

عن نفسي عطيت ولدي من الشهر الثالث تقريبا ارز مع الحليب خفيف وما كثرت منه وفي الاسبوعين مرتين تقريبا ... وفي الشهر الرابع عطيته الفواكه المهروسه .... حلوة ولذيذه .... بس ما كنت اكثر وانشاء الله في الخامس ناوية اعطيه خضار مثل الكوسة والجزر ويعني ها اشياء خفيفه نص حبة واخلطهم في الخلاط ... والرز الطبيعي اللي تطبخينه مقدار فنجان حاولي تخلينه ينهرس عدل ويكون لين مرة واكلي الياهل .... قلت انشاء الله بسوي هذا الشي .... بس نصيحتي لا تعطينهم ورا بعض لا اتريي اشوي لمده اسبوع ... واذا ما في حساسية يعني الحمد لله الاكله لايقه على جسم الطفل ..... :clap:

وبالتوفيق يا رب

اختج: رووووووووووو:flower: ووووووووووووووز

*داانة البحرين*
20/06/2006, 12:23 AM
هلا اختي الرقيقه شوفي خلال الشهر الرابع عطيه عصير الفواكه مثل

التفاح بس يكون مسلوق ومهروس او الموز طبعا مع الرضاعه الطبيعيه

وعندج الشهر الخامس تبتدين تعطينه صفار البيض او شوربة خضروات

مطحونه وفي السادس والسابع تقدرين تعطينه اللحوم او الدجاج طبعا

مهروس مع شوربة خضروات ولين حسيتي طلع له سن عطيه قطعة خبز

قطع صغيره وفي الثامن والتاسع ورايح عطيه عيش ولبن وخليه بكيفه

لاتغصبينه على الاكل في يهال يعجبهم وفي بعضهم مايتقبلون الاكل

وكل طفل حسب رغبته في الاكل.....وسلامتج

جوجو وسوسو
14/01/2007, 05:16 AM
هلا حبيباتي موضوعكم مررررررررررررررررة حلو والله يسعد صاحبة الموضوع المهم انا بنتي عمرها 3 شهور ونص الله يخليها من بعد ولادتها بسبوعين وانا اعطيها التمرة مع الحلبة بس بمقداريعني كل 2 تمرة معاها 4 حبــــــــــــــــات لاحظو بس 4 حبات حلبة وكانت مرة ممتازة بس الحين اعطيهل 6 تمرات على 12 حبة حلبة والحمد لله متقبلتها لان في اطفال ما يتقبلون وعلى فكرة مرة ممتازة للبيبي .
بس بخصووووووووووووووووووووص الاكل بنات نصيحة اخت انتبهو قبل 6 شهور في الدراسات الحديثة لثبتت ان الطفل اذا اكل قبل 6 شهور يسبب حساسية لان جهاز المناعه ما كتمل انتي ليش مستعجلة انك تاكلينها استني شوي لمصلحتها وسلاااااااااااااااااااامت كم

راجية الفردوس1427
31/01/2007, 03:18 PM
بنتي عمرها شهر ونص
راح اجرب لها منقوعالتمر اليوم

:shy:

jo0jo0o0
05/02/2007, 02:16 AM
هلا بنات..

بغيت اسألكم هالحين ايش فايدة منقوع التمر.؟

بنتي عمرها شهر ونص بس ما أعطيها اي شي ثاني غير الحليب..

طبعا حاولت اشربها حلبة ماتقبلتها..
وحاولت اشربها شاي الأعشاب نفس الشي ماهي راضية تشربة ..

من فترة عطيتها نعناع ويانسون وشربته...وبعدها صارت رافضه انها تشربه ..وش اسوي مع الصغنونة الي عندي؟

:shy:

n3noo3ah UAE
21/02/2007, 12:38 PM
هلا بنات

عساكم بخير وعااافيه


انا ولدي خلص اربع شهور وعشر ايام من الشهر الخامس وما فكرت اعطيه اي اكل

لانه منظمة الصحه العالميه ,,, على قولة الدكتور اللي سألته

توصي ان نبدأ نعطي الياهل اكل من بعد الشهر السادس

وعلى فكره هالشي صح

كانوا قبل يقووولون بعد الشهر الرابع بس

الحين الاحسن بعد السادس

صدقيني يمكن الحين الياهل ما يبين عليه بس لما يصير عمره 5 او 6 سنوات بيتعب من معدته وايد

وليش مستعيله هو بياكل بياكل

,,,

انا وايد مقتنعه بهالكلام بس ما قدرت اطبقه ,,

لاني موظفه واخلي ولدي 7 ساعات وما ابيهم كله يعطوووونه حليب صناعي

فبديت اعطيه شوي سيريلاك ,,, للعلم مكتوب على علبة السيريلاك من 6 شهور
ما فيه اقل بس شنو اسوي لازم اعطيه

واعطيه تمر انقعه في ماي دااافي مده 10 دقايق وبعدين اصفيه
واحطه في مرضاااعه واعطيه ,,,,

للعلم : التمر فيه 23 ماده غذائيه صحيه وتفيد الياهل وايد

وفي بسكويت ماركه ميلوبا او شي من هالقبيل والله ما اتذكر الاسم عدل

مكتوووب على علبته من 4 شهور ... على فكره هالمااااركه وايد زينه واحسها احسن ماااركه

حق اكل اليهال ,,,

شريته امس بس لين الحين ما جربت اعطيه

ان شاء الله ياكل بجرب اليوم :shy:

وبخصوص الارز لا تفكرووون تشتروووون جاهز او في علب ابدا

انتي بروووحج سوي العيش ,,,, يعني الارز فوريه في ماي

وبعدين صفيه من الماي

وحطي في الخلاط لين يصير مهرووووس وعطيه

ما يبيله فن ومب تعب !!!!

صدقوووني المواد الغذاااااائيه المعلبه ما منها فااايده ابدا

احسن شي اللي انتي تطبخينه وتسوينه

وطبخ العيش مب صعب كل يوم تطبخووووونه وتااااكلوووونه

وجبه رئيييييسيه عندنا :shy:

هاي تجربتي الخااااصه مع ولدي سيـــــــــــف

اتمنى للجميع التوفيق ,,, والله يخلي عيااالكم لكم

ان شاء الله ,,,,,,,

حواء055
06/03/2007, 07:52 PM
الموضوع مفيد

الدلوعة 3000
01/04/2007, 11:56 AM
واااااااااااااااااااااااو رائع موضوعج

be..gorgeous
01/04/2007, 12:25 PM
انا ان شالله ناويه من بداية الرابع اعطي ولدي سيرلاك وبيض وزبادي ان شالله


حبوبة قريت كلمة بيض من رابع شهر بغيت أجن

لاااااااااااااااااا كله ولا البيض طبعا ممنوع قبل السنة مثله مثل العسل

حرام معدة الطفل ما تتحمل وإسألي كل دكتور

اتركني وحيده
06/04/2007, 10:33 PM
انا ماعرف شي ؟

اوبرا
21/05/2007, 06:32 PM
كيف نحضر عصير التفاح المسلوق

يعني افور التفاحة ..و الا كيف ..؟

النوف القطرية
21/05/2007, 10:49 PM
السلام عليكم
يالغاليه الأفضل للطفل ان يبدأ الأكل من الشهر السادس حتى لا يتحسس من الأكل وابدي معاه بشوية رز وبعدين جزر مسلوق او بطاط بعدين اخلطي نوعين مع بعض وهكذا بس انتظري ثلاث ايام بين كل نوع عشان تعرفين ولدك عنده حساسيه من هالنوع ولا لا

"شمعة ^ الجلاس"
26/05/2007, 04:08 PM
انا بنتي عمرها شهر ونص ههههههههههه توها بالمهاد
انا اشربها حليب واعطيها حبة حلوه وسكر نبات زيت للغازات
وساعات اسوي لها ينسوون بس ما جربت التمر شنو ايكم انتم اسوي لها
واي تمر استخدم ولا عادي اي نوع والماي شكثر اشربها ماي باليوم
انا اعطيها 20 مل باليوم شراايكم

اوبرا
30/05/2007, 05:42 PM
متى نبدا نعطيهم فارليز

رورة
02/06/2007, 01:27 PM
اخواتي انا بنتي تمت الأربعين أمس
واحنا عندنا عادة في مصر بعد الطفل ما يتم الأربعين نبدأ نعطيه معلقة ذبادي (روب) كبيرة مع نقطتين عسل نحل ونظل نزود الكمية كل يوم حتى يكمل العلبة كلها
وأمس عطيت بنتي ملعقة زبادي كبيرة مع نقطتين عسل نحل والحمدلله ماشاء الله عليها تقبلته

احنا عندنا بمصر يبدأون مع البيبي بعد مايتم الشهر الأول.. يبدأون بملعقة بعدين ملعقتين وهكذا.. اعرف بنت اصبحت تاكل كوبين روب بعد الأربعين..كوب بعسل النحل والكوب الآخر مع بسكووت ماري مطحون وكانت ماشاء الله عليها

دلوعة..
02/06/2007, 09:52 PM
غالياتي الرز الي تقصدونه شنو أبوكأس حق الكبسه والا الرز المصري صنوايت
وكيف طريقته تقفون لاني بكرية وبنتي دخلت الرابع وعطيتهااا ملعقة زبادي بالفراولة حق الاطفال عمر 4شهور .. ومنقوع التمر..أعطيها واليوم الي بعده .. أعشاب واليوم الي بعده.. حلبه مع الحليب

امول ورد جوري
06/06/2007, 08:14 PM
انا ابني الان اربعه شهور وعشرين يوم واكله خضار مسلوقه ومهروسه جيدا

وكمان رز بالحليب

اي رز تقدرين تسوينه حبيبتي المهم تطبخينه كويس على الماء فقط

وبعدين تضيفي شويه حليب وتخلطينهم مع بعض وتأكليها بألف عافيه

بس لاتستخدمين الحليب الي يشربه الكبار مثل المراعي وغيرها لانه مش

كويس للأطفال قبل سن السنتين استخدمي الحليب الصناعي حق الرضع

ان شاء الله اكون افدتك

أم_صباح
04/07/2007, 08:20 PM
ممكن اعطي لطفلي الي هو عمره شهر منقوع التمر
ارجو ان تفيدوني

السلام عليكم
اي ختي في الله تقدرين تعطينه منقوع التمر لانه انا بعد ولدي من كمل شهر وانا اعطيه منقوع التمر
وبعد اقعد كل يوم اعطيه شي يوم اعطيه منقوع التمر ومره اعطيه الحلوه ومره اعطيه الشاي البابونج.

اختك في الله
ام صباح

العنود_A
14/07/2007, 04:20 PM
انا بنتي اعطيها منقوع التمر ويانسون ويايونج والحليب الصناعي وهي الحين عمرها 3 شهور وبتدخل الرابع
وانشالله راح ااكلها بعد الشهر ال6 لان الدكتور نصحني ان معدة الطفل ماتستحمل

زهور الجمان
14/07/2007, 07:08 PM
:9_28:راح اجرب اعطي بنتي سريلاك الارز واقول لكم شنو صار

rabab1015
15/07/2007, 12:07 AM
بنت أختى عمرها شهرين وبترضع لبن صناعى لكن بيسببلها غازات ومغص وأمها مانزلهاش لبن خالص ممكن حد يدلنى على طريقة لإدراراللبن الطبيعى عند الأم ولا لازم استشارة دكتور؟؟؟؟
وهل فى أمل بعد شهرين من الولاده.

humsat.77
18/07/2007, 04:27 PM
هلا خواتي موضوعكم واجد حلو
انا من يدخلون اعيالى الرابع اعطيهم فواكة مثل التفاح المبشور او التفاح المفيوح مع قليل من الماء
وبعدين ابدأ بالتدرج اشوي اشوي

أم الغلا
18/07/2007, 06:16 PM
خواتي أنا سمعت وقريت في كتاب إن الطفل يبدأ يتغذى غير لحليب من الشهر السادس مش قبل
لأن جهازه الهضمي ما يكون مكتمل. طبيب بنتي اللي أراجع عنده وعنده دكتوراة في طب الأطفال قال ما في مانع أعطيها
الميلوريس بالرز في الشهر الخامس.
وأنا قري في كتاب إن الأطفال اللي ياكلون قبل الشهر السادس تصيبهم حساسية أو ربو أو أكزيما
فحرام تعذبونهم، وبعدين أنا بصراحة شفت اللي كلو قبل السادس كلهم يتهم حاسية في الصدر.
والسيريلاك واااايد ثقيل حرام تأكون الأطفال السيريلاك قبل 6 شهور. واللي صنعوه كتبوا عليه 6 شهور لأنهم عارفين مكوناته

العروس سوسو
26/01/2008, 08:21 PM
بنات البرتقال يسبب النفخة مو بس للاطفال وللكبار كمان ديرو بالكم ،

انا بنتي عمرها شهرين و3 اسابيع كمان اسبوع تدخل في الرابع هي ترضع طبيعي ولكن في الليل مابتنام بحسها ما بتشبع قبل اسبوع او اثنين ادخلتها حليب صناعي وجبة واحدة قبل النوم وما شاء الله تنام طول الليل.. وبصراحة عجبتني فكرة منقوع التمر صديقتي كانت تحط العجوة في قطعة شاش وتلفها على شكل اللهايه وتعطيها لابنها من هو عمره شهر مع الحليب الطبيعي وما شاء الله صحته اليوم ممتازة عمره سنتين

...الولو...
13/02/2008, 04:05 PM
موضوع رااايق الله يعطيك العافيه ياارب اني ولدي عمره شهرين الا عشر ايام وبديت اعطيه منقوع التمر ...
وافكر اعطيه مع الحليب اخلط له حلبه=+منقوع التمر + الحليب عاد مدري هالطريقه زينه ولا لا لاني ابيه يسمن ويربب

عيون وليد
14/02/2008, 08:52 PM
موضوعكم مرررررررررررره مفيد واستفدت منه كثيررررر

بس بعدني ماطبقت شي منه خخخخخ

بجرب اول شي منقوع التمر بس بعد مايكمل ولدي 3 شهور وياخذ من الرابع نصه

نورة1980
23/03/2008, 03:14 PM
انا ولدي اول ما دخل الرابع عطيته سيريلاك والحمدلله تقبله...بس الفواكه الي غراش مثل جيربر كلش كلش ماله خاطر فيه ما يتقبله كلش اتلوع جبدة...انا الحين بستمر ويا السيريلاك اذا كمل الرابع ببدا اعطيه الفواكه المهروسه..مع الرز المهرس والخضار المهروسه...

marymar222
06/04/2008, 09:26 AM
فديت أطفالنا الله يحفظهم

عاشقه مبارك
13/04/2008, 06:12 PM
انا ولدي توه داش الرابع عادي اعطيه سيريلاك ولا اتريا لين يكمل الاربع شهور

غدووو
14/04/2008, 03:28 AM
ابي اعرف طريقة الحله مع التمر؟؟؟

وانا ما راح ابدا ااكل ولدي ليمن يكمل الرابع باذن الله

بلاهوية
22/04/2008, 12:42 PM
انا بنتي ثلاثة شهور ونص اول ماخلصت شهر صرت اعطيها حلبه وينسون وبعد ماخلصت شهرين عطيتها منقوع التمر

كل مشروب اخليه لها يوم يعني ماعطيها في يوم واحد كل المشاريب


وان شاء الله بابتدي الاكل وياها في الشهر السادس

ام سليمان 2
26/04/2008, 08:46 PM
انا طفلي 4 شهور والدكتور يقول ابدئي اكليه من 6 شهور

ثلاجه
06/05/2008, 05:46 PM
انا بنتي عمرها 3شهور ونص وطمتها برتقال خفف بلماء وجزر مسلوق ومهروس وموز مهروس بلملعقه ووكاستر هههه وبتضحكون ابوها عطاها أيس كريم وهي عمرها 3ونص شهور وشكرا

بنت النزهه
01/07/2008, 02:38 AM
مشكوررررررررررررررره

القلب الحزين..
03/07/2008, 08:54 AM
يعطيج العافية اختي
جزاك الله خير

انكساري شموخ
27/07/2008, 08:47 PM
يسلمووووو على المعلومات المفيدة

نجمة فجر
05/08/2008, 04:51 PM
موضوع مفيد الله يعطيك الف عافيه

الغناة
01/09/2008, 04:51 AM
هلا خوااااتي ....انا ولدي عمره 5 شهور .....

وابي اعطيه حلبه عادي ولا لا .....



بنات انا قريت كتاب للاطفال......

من عمر 4 شهور الفواكه ...
من عمر 5 شهور خضروات
من 6 شهور القمح ...
من عمر 7 ... اللحووم
بنات عادي تعطين الطفل البيضه لكن الصفااااار ....مب البياض البياض عقب السنه ويفضل عقب السنه تعطينه اذا عندكو حساسيه بالعائله ....
وانصحكن البيبي اتحذرن تعطنه العيش المطبوخ الا بعد 6 شهور....

لانه يضرب بوعظيييييم ....للطفل وما يصيرياكل ولايشرب ويصيرضعيف ويتملل في نومه

أم عايض
01/09/2008, 09:18 PM
حلو الموضوع بس كيف اعرف اذا صارت له حساسيه من الاكل ؟

ريومه البحرين
02/09/2008, 02:08 AM
طفلي عمره اربع شهور وثلاث ايام . بعدني مابديت اوكله .. ينفع اعطيه ميلوبا بالارز ......... اذا في وحده استخدمته تفيدني ارجوكم ...

Malack_84
08/09/2008, 12:34 PM
مرحبا امهات اشحالكم؟

أنا بنوتي عمرها 4 شهور و23 يوم
تاخذ حليب صناعي وكنت احسها ما تشبع من الحليب فبديت احط لها بسكوت ميلوبا بتحصلينه (كرتونه خضرا مكتوب عليها من عمر 4 شهور) بديت احطلها مقدار نص بسكوته عشان اشوف اذا بتتقبله أو لا بس الحمدلله اتقبلته واشوي اشوي قمت ازيد الكميه والحين اعطيها بسكوته كامله...(مكتوب كم المقدار اللي لازم اعطيها للبيبي على الكرتونه)

الحمدلله قمت احسها تشبع الحين وترقد بالليل...والبسكوته سهلة الذوبان ولا يبين انج حاطه بسكوت...اللهم انه يعطي الحليب طعم لذيذ..

منقوع التمر هذا وايد زين للبيبي ومثل ما اتعرفين عزيزتي الأم ان التمر وايد فيه فوائد... ومن سنة الرسول انه لما انولد الحسن والحسين كان الرسول صلى الله عليه وسلم ياخذ اشوية تمر ويخليه في فمه الشريف ومن ثم يحطها في فم الحسن والحسين...هذا أحسن واكبر دليل على أنه مفيد وغير ضار

بالنسبه للأكل مب زين تعطووووون اكل لطفل ما كمل الشهر السادس لأن الطفل ما يكون جهازه الهضمي اكتمل وانتي يالأم اتكونين فرحانه يوم اتشوفين ولدج أو بنتج يتقبل الأكل ولكن ما اتعرفين إن هالشي بيضره.. جهازه الهضمي ما يقدر يهضم غير السوائل كيف تعطونه أكل؟

دكتور الأطفال نازعني وااااااايد لما قلت له اني ناويه اعطي بنتي أكل مهروس..

بالنسبه للعسل ممنووووووع قبل السنه تعطونه للبيبي ونفس الشي يرجع للبيض...حرام حار ومعدة البيبي ما تتحمل

انا مب مستعيله...ان شاء الله بنتي بتكبر وبتاكل كل اللي تباه وما بنقصر عليها بشي...لكن اشوي اشوي مب بالعجله..

هذا كل شي واتمنى اني فدتكم

reuom
22/09/2008, 12:57 PM
مرحبا خواتي انا بنت عمرها 4اشهر وايد ضعيفه شو تنصخوني اعطيها

cat2006
29/09/2008, 10:15 PM
موضوع رائع

قلوس
02/10/2008, 09:33 AM
جزاكم الله الف خير موضوع قيم

وايد استفت منه

ونشالله بجرب مع ولدي منقو ع التمر


تسلمون

فاطم بدر
21/10/2008, 12:46 AM
سلااااااااااام عليكم ...

اني بنتي اسبوع الجاي تكمل ثلاثه اشهر وتدخل الرابع ... وللحين ماتنام ... متعبتني وايد ...

افكر احط لها بسكوت مع الحليب ؟؟؟ عادي وهي للحين بالشهر الثالث؟؟

وشنو هو منقوع التمر ؟؟ وشنو اليانسون؟؟


ابغي نصايحكم ؟؟بنتي على طول تصيح ولا تنام ؟؟

هي ترضع صناعي ... وماتبغي مني الا قليل وهي نايمه ..

رقيه وسكينه
27/12/2008, 01:11 AM
يسلمووووووووووووووووووووو

خيال ملاك
27/12/2008, 07:10 PM
الافضل ادخال الطعام بعد اكماله الشهر السادس...بس لو كانت زيادة وزنه أقل من المعدل الطبيعي يدخل الاكل قبل 6شهور

الماسة وحساسة
14/01/2009, 05:31 PM
جزاج الله خير

انا بنتي عمرها 4 شهور ومشططه ابغي ادخل لها اكل مع الحليب

بس يالله بصبر بعد شهرين

أم بسمه
01/12/2009, 02:46 PM
تغذية الطفل تبدأ من دخوله الشهر السادس وليس قبل لأن تغذيته قبل السادس تسبب له سوء هضم هذه معلومه خذيتها من الدكتورلأنه معدتهم بعدها ما تقدر تهضم الأكل .... بس إذا تحسي إنه يجوع أعطيه فواكه مهروسه فقط لا غير ولكن ليس من الرابع من ذخوله الخامس فقط

ام ساره2332
05/12/2009, 11:12 PM
ولدي بالرابع بديت اليوم بالسريلاك ملعقة مع ملعقة حليب
إن شاء الله يتقبله
وشكرا على الموضوع الرائع

سدرة المنتهى 2012
12/03/2010, 11:23 PM
مووووووووووضوع رائع جزاك الله خيرا يستفاد منه ومن تجارب الامهات ليش مايثبت

zahratalkareef
26/03/2010, 10:45 PM
السلام عليكم
أفيدوني يأخواتي جزاكم الله خير
أنا أبنتي مولودة ناقصة في الشهر الثامن وعمرها من الولادة إلى اليوم ثلاثة شهور أما عمرها الأصلي شهرين
هل أقدر أعطيها أكل غير الحليب ولا أنتظر ؟
أختكم zahratalkareef

حياتو أنا
27/03/2010, 08:14 AM
بنات عندي نصيحة لكم
اللي تحس انا بنتها او ولدها ما ينام
الافضل انها تزيد عليه الوجبات
تجربتي
كنت اعطي بنتي وجبتين في اليوم عمرها 5 اشهر
واحسها في الليل كل ساعتين تصحى وتبكي
فقمت ازيد لها الوجبات وعطيتها 4
والحمد لله رب العالمين وما شاء الله صارت تنام زين
فغذو اطفالكم زين عشان ينامون زين

يتوم
30/03/2010, 12:54 PM
انا الدكتور قال لي الى عمر ستة شهوور بعدين ابتدي الغذاء وياة

22/07/2010, 08:57 PM
هوا منقوع التمر دا
ادي للبيبى المية ولا التمر نفسةلما يطرى؟

مريم*
06/10/2010, 04:13 PM
لا الميه
مية التمر مش التمر

فــجر الــحياة
08/10/2010, 06:41 PM
انا بنتي بدييت معاها من عمر أربع شهور ،،

و كاانت الوجبة اللي بديت بهاا عبارة عن تفاح مهروس ،، أو بسكوت فارليز مذوب بشوية مااي ،، بس ،،،

حبيبي E
30/03/2011, 09:30 PM
انا ولدي عمره خمس شهور اضيف له مع سيرلاك القمح منفوع التمر وكله الزبادي المنكه بالفواكه مادري بيضره لانه ما نقبل الزبادي الساده :)
اهرس له فواكه وخضار واحاول ادخل الشوفان الانه مفيييد ويسمن

saralina
14/04/2011, 02:04 PM
السلام عليكم
فعلا الموضوع حلو ومهم جدااااا
الحين بنتي كملت اول اسبوع من الشهر الرابع ..لكنها قاصر (ولادتها كانت في الثامن) ..ما عطيتها اي شي اول شهر كانت في الحضانة ..في الشهر التاني عطيتها منقوع التمر مرتين فقط....وفي الثالث اعطيتها ماء الارز المصري المسلوق مرتين...يعني في كل شهر أحاول أعطيها ولكن أتردد...يعني أمس أعطيتها عصير برتقال ..واليوم قرأت في النت ناس تقول كويس وناس تقول لاتفكري فيه أبداااا...يعني ما الحل؟؟؟؟

الحين أتمنى أعطيها شي يفيدها خصوصا انها ما تنام في الليل وتبكي أحسها ما تشبع!!!!!!!!

ياريت تفيدونا بخبرتكم وجزاكم الله كل خيرررر

Om Ayman
14/04/2011, 02:45 PM
موضووووع رائع استفدت منه


لــــــــــــــــــي عودة

NarjesOman
19/04/2011, 02:17 PM
انا ابنتى عندها 3.5شهور وقد اطعمتها مع اللبن الطبيعى موزة مهروسة وكوسه وجزرة مسلوقين ومهروسين ايضا بلاضافه الى تفاحه مسلوقه ومهروسة كمان وزبادى (لبن زبادى ) وممكن ايضا بسكوته صغيرة مبلوللة فى كوب لبن


حرام بعدها صغيره ع هذه الاشياء:o

NarjesOman
19/04/2011, 02:21 PM
السلام عليكم
فعلا الموضوع حلو ومهم جدااااا
الحين بنتي كملت اول اسبوع من الشهر الرابع ..لكنها قاصر (ولادتها كانت في الثامن) ..ما عطيتها اي شي اول شهر كانت في الحضانة ..في الشهر التاني عطيتها منقوع التمر مرتين فقط....وفي الثالث اعطيتها ماء الارز المصري المسلوق مرتين...يعني في كل شهر أحاول أعطيها ولكن أتردد...يعني أمس أعطيتها عصير برتقال ..واليوم قرأت في النت ناس تقول كويس وناس تقول لاتفكري فيه أبداااا...يعني ما الحل؟؟؟؟

الحين أتمنى أعطيها شي يفيدها خصوصا انها ما تنام في الليل وتبكي أحسها ما تشبع!!!!!!!!

ياريت تفيدونا بخبرتكم وجزاكم الله كل خيرررر



انا طفلي بعد قف\اصر بس الحين مكمل 6 ربي يخليه لنا يارب
من دخل الرابع بديت اعطيه فارليز مع الرضعه بالليل والحمدلله صار ينام بالليل وقلت عدد المرات الي يصخى بالليل
اشتؤي الفارليز مال 6 اشهر وفتتيته وحطيه فعلبه وسوي بالتدريج
بدي ملعقه بس منه مع ملعقة حليب ماله وضيفي 60 مل ماي
حسب ولدج كم مللي يشرب عادة
وبعد فترة اذا حسته تقبله زوديلله الجرعه

NarjesOman
19/04/2011, 02:25 PM
سلااااااااااام عليكم ...

اني بنتي اسبوع الجاي تكمل ثلاثه اشهر وتدخل الرابع ... وللحين ماتنام ... متعبتني وايد ...

افكر احط لها بسكوت مع الحليب ؟؟؟ عادي وهي للحين بالشهر الثالث؟؟

وشنو هو منقوع التمر ؟؟ وشنو اليانسون؟؟


ابغي نصايحكم ؟؟بنتي على طول تصيح ولا تنام ؟؟

هي ترضع صناعي ... وماتبغي مني الا قليل وهي نايمه ..


اليانسون وايد مفيد للغازات
جيب شوي ينسون
وغليه عنار مع كوب ماي
لحد ما يصير لون الماي اخضر
صفيه وحطيه فمرضعه الطفل وعطيه اياه
احسن بعد الرضعه
صح لانه وايد مر حطي فيه شوي سكر
ومن تشربه
رفعيها اول وطبطبي عظهرها لحد ما تطلع الهواء
زبعدين نيميها عظهرها بريحها وبطلعن الغازات حتى لو فيها امساك راح يمشيله بطنها

دعواتكم لولدي

مرمروره
26/06/2011, 12:04 AM
انا عاوزه ااكل ابني مع بدايه الرابع لانو مش بيشبع مني خالص

ومش عاوزه ادخلو الصناعي

zozo55
26/06/2011, 04:48 PM
مساء الخير
بنوتتي عمرها شهرين وثلاث أسابيع
اعطيها من صدري و رضعه يانسون و منقوع التمر وممكن تمر اضعه في قطعه شاش وأخليها تمصص فيها وبتنبسط عليها :)

ام لمار ولارا
12/07/2011, 12:09 AM
السلام عليكم ورحمة الله وبركاته
عمر بنتي اربعه شهور كامله واسبوع
بدأت مع بنتي من شهر يعني اول مادخلت الشهر الرابع بدأت اكلها السيريلاك بالتمر مقدار ملعقتين صغار بحطها بفنجان القهوه وبعطيها 3 مرات باليوم
وكمان بعطيها التمر ( 3 تمرات منزوعة النوى بنقعهم بمويه مغليه مقدار فنجان قهوه واول ماتبرد بخلطها بالخلاط واديها بالملعقه )
ونصيحه يالغاليه لاتخففين اكلها مره وتخليه زي المويه لانها بعد كذا ماراح تتقبل اكل صلب
وكمان ادي بنتي زبادي وكريم كراميل ودانيت وبطاطس وجزر

rody-2012
24/04/2013, 09:23 AM
السلام عليكم
عن تجربة الحمد لله ونجحت
بدات لابنى الطعام وهو 4 شهور وكنت بعطيه 3 وجبات يوميا مع الرضاعة الطبيعية من فضل الله
الوجبة عباره عن معلقين صغيرتين
فى الفطار نصف صفر بيضة أو 3 بسكوتات منقوعة فى شاى او ينسون بدون سكر
الغداء معلقتين سيريلاك ارز او قمح فى مية مغليه

العشاء مثل الفطار او معلقين زبادى

والحمد لله صحتة جيده هو الان ما شاء الله 3 سنوات