المساعد الشخصي الرقمي

مشاهدة النسخة كاملة : كيف ابغى زوجي دايماً في البيت



ام سليم
04/12/2005, 03:51 AM
بسم الله الرحمن الرحيم
السلام عليكم ورحمة الله وبركاته


كيف ابي زوجي دايما عندي في البيت

لاتحرموني ردودكم طبعا لاتقولوا اني مااهتم باللبس بالعكس

لبسي دايما حلوا ومكياج وحركات بس ابيه يلصق في البيت

وشكرا للي بيردوا

صلصوحه
04/12/2005, 08:49 AM
مادري

شوفي هو شو يحب

لو كان يحب الافلام اشتري كم شريط من النوع الي يحبه

اذا كان يحب يلعب بلاي ستيشن لعبي معاه

سوي الاكلات الي يحبها..


شوفي شو اهتماماته وركزي عليها



وان شاء الله يلصقلج في البيت^_^

منال الكويت
04/12/2005, 10:16 AM
تبين نصيحتي خليه يطلع كل يوم لان قعدة الرجال في البيت نكد عن جد بس يحن ويصرخ على الفاضي والمليان بس اذا اهو من النوع اللي ينام برة البيت الله يعينج عليه ولا تعطينه مجال يتعود على هالطبع.(r)(r)(r)(r)(r)

مرموم
04/12/2005, 10:42 AM
السلام عليكم و رحمة الله و بركاته

هلا بيكي أختي...

أختي صعب جدا تحبسي الرجل في البيت...و هو لو أحس إنك عايزة تحبسيه...راح يتمرّد و يطلع أكثر...

بس مثلا يكون في بينكم إتفاق إنه أيام الإجازات يقضيها معاكي...و تفنّني إنتي فيها طبعا...

بعدين جلسة الرجل في البيت صدقيني مش في مصلحتك...بيظل يراقب الشاردة و الواردة :)

smsm78
04/12/2005, 11:01 AM
حبيبتي أم سليم:


السالفة مو سالفة صعبة تحبسين الرجل بالبيت وتخليه بجانبك،!!!
انا عن نفسي ما احبس زوجي بالبيت وانا مش وحدة متسلطة وازعل واتضايق لو طلع وخلاني بالبيت وووووووووو، الحمد لله زوجي اكثر الوقت عندي بالبيت ، بس دايما نطلع مع بعض وخاصة في الفترة الاخيرة، برنامجنا يكون نتغدى نطلع نروح البحر نصيد( صارت عادة يومية) نطلع رحلة مع اخواته، يروح بيت اهلي كثير، يمر على امي وانا احيانا اكون نايمة..يعني ريلي مرتاح مني لأنه اجتماعي جدا،وانا اجتماعيه اكثر منه ويحب الزيارات، ومستانس ان انا علاقتي باهله قمة في الروعة( خاصة انه ولد عمي)...
يعني انا ما امسك ريلي يقعد بالبيت ريلي متمسك فيني كوني اني انا مريحته ما احاسبه وين رحت ووين طلعت ووووو( الاسئلة اللي تطفش الريال)
فانتي شوفي ريلج الاشياء اللي يحبها ووين يحب يروح وزوري اهله ..بالاخير انتي بترتاحينه

انا اعرف كثير من قريباتي والله يحبسون رياييلهم بالبيت ، والريال يا حرام يكون طافش وما يبين( الله يبعدنا عن الهم

همس القـلوب
04/12/2005, 11:02 AM
وعليكم السلام ورحمة الله وبركاته



أختي الكريمة (ام سليم)

أنتي ما قلتي لنا إذا هو دايم بالخارج وما يخصص لج أوقات يكون فيها معاج؟

أو إنج تبينه على طول في البيت؟

يعني إذا هو يخصص أوقات لج فلا تزعلين من طلعاته بالعكس هالشي عادي وكل الرجال جذي

والطلعات هاذي تعطي فرصة للزوج إنه يشتاق لزوجته، ويفرح لما يرجع البيت ويشوف زوجته

تستقبله بإبتسامة وتكون متعدلة ولابسة له أحلى لبس وتحاول تغير اللوك له دايما

علشان يشتاق أكثر وأكثر..

أنا عن نفسي ما أبي زوجي دايما لازق عندي، أبيه يطلع مع ربعه علشان يعطيني فرصة

أغير اللوك و أسوي له مفاجأت.. أبي أشتاق له ويشتاق لي.. يعني إذا هو بيقابلني 24 ساعة

أنا بمل منه وهو بعد بيمل وما بيكون عندي فرصة أسوي شي جديد..


أما إذا كان دايم بالخارج وما يخصص لج وقت حتى لو كان بسيط، فحاولي تقعدين معاه

وتتفاهمين بالهداوة أن الشي هذا مضايقج وأنج تبينه على الأقل يخصص لج وقت يكون ملكج

تتطلعين معاه أو تقعدون مع بعض في البيت..

حاولي دايماً تجددين في اللوك، شعرج، لبسج، مكياجج، لما يرجع أستقبليه بإبتسامة

رحبي فيه، قولي له يعطيك العافية حبيبي، جهزي ثيابه.. وهو نايم سوي له مساج..

وممكن تلقين أفكار روعة في ركن الأفكار والتجارب.. وإن شاء الله بتلقين زوجج يشتاق لج..

وممكن وهو بره ترسلين له رسالة تقولين له وحشتني ، أو أحبك ، أو أي كلمة مختصرة

وتبين له مشاعرج.. حتى لو ما رد عليج على الأقل تكون الكلمة هاذي له تأثير إن شاء الله..



الله يوفقج دايما وييسر أمرج..


و السلام عليكم ورحمة الله وبركاته

ام سليم
04/12/2005, 07:00 PM
شكرا حبيباتي على الردود اللي تثلج الصدر
بالنسبه لزوجي الحمد لله يحبني وانا بعد احبه
وهو دايم يبات في البيت بس قصدي ابيه يسولف معاي
ابيه يفضفض لي عن الهموم اللي داخله
طبعا لو اقول لكم ليه مايسو لف معي يمكن تكفخوني


لاني استحي اتكلم معاه بس بالكلام وفي حاجات ثانيه بالعكس جريئه والحمد باسطته عل الاخر
يعني مو قصدي دايم برى البيت لا
هو عمله خارج البلد ومايجي الا في عطلة الاسبوع واغلب وقته مع اصحابه
لدرجة اني طلبت الطلاق وخيرته بيني وبين اصحابه
بس اتراجعت ولقيت اني غبيه
يعني يسهر في البيت بس مع اصحابه واسمع ضحكاته ومعاي سكتم بكتم
دايما اقوله خلنا نلعب يقول بعدين
واقوله خلنا نرقص مع بعض يرفض لانه ولله الحمد مايسمع اغاني
احترت معاه هو بعض الاحيان يكون معاي في البيت وذاك اليوم قالي انتي وولدك اغلى شي عندي بالدنيا بعد امي
انا اعرف واقدر ان في اشياء تشغله عني بس حسيت حياتي معاه اني فبيته وبس يعني محشوره
لانطلع ولاشي مع انه وعدني قبل الزواج انه كل يوم يمشيني والحين يمر الشهر ومانطلع
لاتقولوا لي اتفقوا ان في يوم تطلعوا جربت قال ان ايام الاسبوع لي ووافق بس ماصار عند وعده تصدقوا
ان في يوم قالي اتجهزي وجهزي الاغراض حق الطلعه ولبست عباتي وقالي خلاص ماني رايح قلت ليش قالي في واحد من اصحابي اتصل يبيني ضروري قعدت ابكي ليه يسوي فيني كيذا مع انه يحبني ويتصل من برى البيت يطمن علي ويقول يشتاق لي بس مشكلته اصحابه اللي يرفعوا الضغط
هو عصبي ومقدره عصبيته بس انا وش ذنبي


معلش ازعجتكوا بس والله ارتحت لما افضفض لكوا
ساعدوني بردودكم اللي تشيل عني الهم

مره ثانيه شكرا للي ادتني رايها

ام سليم
05/12/2005, 08:25 AM
افا يابنات وين الردود

حلوووة البحرينية
05/12/2005, 01:07 PM
حبيبتي الغالية أم سليم

حبيبتي حاولي مع زوجي أنك تتكلمين معه .....حاولي أنك تفهمينه ....... ولا تزعلين و لا تحرمينه من راحه لاصحابه لأن أصحابه معه قبل ما كنت أنت معه ....... وشوفي شنو يعمل معاهم فرضاً يلعب معهم لعبت الورق أو أي لعبة ثانية ....... حاول تتعرفين على الأشياء الي يحب يلعبها مع اصحابه وتعلميها....... وقولي له أنا أحب ألعب هذي العبة تلعب معي ..... شوفي شنو ميول زوجك .... شنو يحب .... شنو ما يحب ....... حاولي قدر ما تستطيعين أنك تندمج مع زوجك وميولاته حتى تتغلبين على هذا الشعور الموجود لديك ........

سلامي وتحياتي ....

fatma
07/12/2005, 02:53 AM
انصحج تراه بيمل من البيت خليه يطلع ويردلج مشتاق لج اخيرلج

هاي نصيحتي :up: