المساعد الشخصي الرقمي

مشاهدة النسخة كاملة : ساعدوني في الحل يا بنات



دلوعة دبي
04/01/2003, 05:24 PM
السلام عليكم ورحمة من الله وبركاته

في البدايه احب اشكر كل مشارك على هالمنتدى

اتمنى انكم تساعدوني يا بنات

انا اعرف وحده من الامارات واهي اخر العنقود وهي الوحيده ماتزوجت لين الحين في يوم من الايام اتعرفت على واحد متدين من السعوديه ونفس عمرها وحبوا بعض للجنون وكل واحد راضي بشكل الاخر المهم ,اهو يريد يخطبها من اهلها بعد ايام ومش عارف شو يقول لاهلها واهي في نفس الوقت ما تعرف شو ترد على اهلها خاصه ان اهلها يحبونها وايد وخايفه انهم ما يوافقون لانه من السعوديه لانها بعيده عليهم

يا بنات ارجوا انكم تفيدوني بشي ارجووووووووووووكم لان البنت حالتها النفسيه تعبانه وتريد الحل لان اهو ما يقدر يستغني عنها ولا هي بعد

اتمنى الرد من الجميع لو بسطر واحد

اريد حل يقنع اخو البنت لانه اهو ولي امرها

وجراكم الله الف خييييييييييير يا خواتي العزيزات

اختكم دلوعه دبي الحبوبه :o

في امان الرحمن :)

روبينــــا
04/01/2003, 06:05 PM
هلا دلوعة دبي؟

والله انا ماادري ايش اقولك؟

ولكن انشاءالله الي في المنتدى يساعدونك

دلوعة دبي
04/01/2003, 06:50 PM
مشكوره اختي روبينا

اتمنى حد يساعدني لان البنت وايد تعبانه


وجراكم الله الف خير

3asoolah
04/01/2003, 06:55 PM
مرحباااا اختي ..

وااايد يمرووون بنفس الحاله ..

بس دام ان اهلها ماراح يوافقون لأنها بتسير بعيد عنهم ..

اوكي .. ليش ما تحاول تقنعه انهم يعيشون فبوظبي ؟؟

ولا صعبه ؟؟


اتمنى انها تلقى الحل المناسب ..

و بتوفيق

الهنوف
05/01/2003, 09:23 AM
هلا اختي دلوعة دبي

ان شاء الله ان المشكله هينه ...

شوفي اذا جا يتقدم لها وانشدوه اهلها اشلون عرفهم ...

يكذب كذبه بيضه ((من النوع اللي مايضر )) يقول لهم ان له اهل من بعييد واصدقاء.. ويدور له قراابه من بعيييد في دبي ولو ما كانت موجوده ويقول لهم هم اللي دلوني عليكم ....

اما بالنسبه للاهل .ما اعتقد انهم بيعارضون .....اذا كان شخص متدين ....

والله يوفقهم ويهنيهم ..

بس عاد خله يشد حيله ويخطبها بسرعه .....اوكي

أميرة في الحزن
05/01/2003, 03:15 PM
السلاااام ... شوفي أختي .. البنت مصيرها تتزوج وتقعد في بيت زوجها وهالشي الأهل المفروض يعرفونه البنت اذا تزوجت خلاص زوجها هو اللي يحدد وين يقعدوا في شي اسمه شغل ما يقدر يترك شغله ويروح بلد ثانية .. وبعديين البنت لا تخاف اذا كانت واثقة فيه ايش السبب اللي أهلها برفضووه .. وخاصة انه متدين يعني يفهم و واعي .. انا اتوقع انه أهلها بوافقوا .. وبعدين مو شرط يوافقوا من أول مرة .. لازم يحاول أكثر من مرة بعدين هي خليها معنده ولا توافق على أي واحد غيره عشان أهلها يفهموا انه هو داخل مزاجها وتبيه .... والله يوفقهم ان شا الله

وبشرينا اذا تمت الخطبة

دلوعة دبي
06/01/2003, 01:43 AM
مشكورات حبيباتي اشكركن والله من قلبي

وانشاء الله الله يوفق ما بينهم

وانشاء الله ابشركم بالخطبه عن قريب قولن آآآمين

جراكن الله الف خير يا عزيزاتي

العروس الهاربة
06/01/2003, 02:02 AM
الله يجمع بينهم على خير ان شاالله ويوفقهم وييسر امورهم ياااااارب ،،

M_rose_M
06/01/2003, 02:57 AM
سلام .. والله انا براي انها قبل ما يعملوا اي خطوة لازم يصلوا صلاة الاستخارة وصدقيني اذا كان في خير ليهم في الموضوع هدا ربنا حيسهلها واذا كان في شر لا سمح الله ربنا حبيعده عنها

أم ريـــــــــم
13/07/2003, 11:18 AM
الله يعينها المسكينه شوفي حبوبه اذا في نصيبه هالبنت ان شاء الله بيحصلهــــا


هو اول شي خله يتقدم لها هو بصراحه يمكن في البدايه ما بيوافقون

لانه الام ما تبى تبعد حشاشة يوفها عن نظرهاا بس مع الايام بيقتنعون


انتي خبريها لا تحاتي وخليها تهتم بصحتهاا بقولج شي بيني وبينج

(انا بعد يوم هلي رفضوا سويت اضراب عن الطعام لين ما وافقوا ) :shy:

آآآآآآآآآه من الحب الحمد لله شوفي حبيبي كان من نصيبي

والحمد لله الحينه عندي بنت بس خليها تتفائل واللي مكتوب بيصير



وان شاء الله بندعيلهاااا


اختج ام رواااااااام

ام رانيا
13/07/2003, 11:37 AM
اختي ليش ماتتزوج وتأخذ اهلها معها ولا صعبه ؟ او انها تعيش هي معهم

دهن العود**
14/07/2003, 05:04 AM
احس ان الموضوع لمس شي بقلبي لاني اعرف وحده قريبه مني حيل وتعاني من نفس المشكله
شوفي خليها تشوف من الي له تأثير علا اخوها مثلا اختها الكبيره تكلمها بلموضوع واختها تكلم اخوها او000000000000000000000000000 راسليني عل الخاص وبقولك وانشالله تتيسر امورها 0000000
اختك دهن العود

زي العسل
14/07/2003, 10:22 AM
:confused: :confused: :confused:
والله مثل حالة صديقتي هو من دولة وهي من دولة والي رادهم مايتزوجون انه كيف عرف البنيه
الله يعينك اختي
والله يجمع كل حبيب مع حبيبته بالحلال يارب