المساعد الشخصي الرقمي

مشاهدة النسخة كاملة : زوجي.. ووزني الزايد ..



المخدوعه
01/12/2005, 03:12 PM
شحالكم بنات وعرايش المنتدي

انا حابه تساعدوني حتي لو بكلمه ترودون فيهاعلي في الموضوع وراح ادعيلكم دوم بالتوفيق

انا قصتي وايد بسيطه

اعاني من الوزن الزايد لكن المشكله وين

انا يوم تزوجت كان وزني 65 وكان جسمي زين بس بعد سنه زواج حملت ببناتي التؤام فزاد وزني مع الحمل حاولت اسوي رياضه واخفف اكل بس كان الموضوع صعب تعرفون كان عندي بنتين ومحد يساعدني في تربيتهم والاكثر شغل البيت انا عايشه في ملحق في بيت اهل زوجي انا صح ما اطبخ بس التنظيف والغسيل والكوي علي . والمشكله ان بعد اربع اشهر حملت مره ثانيه رغم اني ما خذه احتياطاتي وبناتي بعدهم توهم عمرهم اربع شهور . وولدت بولد الله يخليه لي الحمد لله علي كل حال.

زوجي مسكين حاول يساعدني بس هو بعد يشتغل مناوبات بالليل وقال انه راح يحطلي خدامه بس اهل زوجي وايد يرفضون الفكره فما اريد ادخل في مشاكل معاهم.

تتخيلون ما عندي وقت احك راسي انا كنت وايد اهتم بجسمي برياضه واحافظ عليه لكن الحين وصل وزني 85
واهملت نفسي اعترف بهاذا الشيء بس غصب عني .

المشكله ان زوجي عمره ما اشتكا وهو دايم يقول اعرف مسئولياتج وايد .
زوجي من فتره طلع اجازه اسبوعين لانه نادر ما يطلع اجازه وقعد في البيت حاولت ادلعه شوي ما قدرت حسيت ما لي نفس ما اصدق يجي الليل عشان انام وارتاح.

بس بعد الاجازه زوجي وايد تغير يعني حسيته وايد يخلي تلفونه سايلنت ويقعد بروحه احساسي قالي انه اكيد يعرف وحده صارحته في الموضوع واعترف لي قال انه خلال الاجازه كان مره طالع مع ربعه وقعد في كوفي وكان في بنت اطالعه وتضحكله فطرشت رقمها بالبلوتوث ( حقاره ) وانه هو كلمها بس من يومين قبل اكشف الموضوع وحلفلي علي المصحف انه ندمان لكن قال شيء صدمني مثل القنبله قال انا بقولج الصدق انا احبج وايد وانتي ام عيالي وقبل كل شيء حبيبتي بس ان البنت هاذي ذكرته فيني اول ايام الزواج وتمني ان كل شيء يرجع مثل ما كان لكنه يقول ان اعرف ان غصب عنج مهملتني بسبب المسئوليات.

انا اعترف اني اهملته انا قبل كان جسمي يساعد البس له اقمصة نوم كل يوم شكل واهتم بمكياجي وشعري حتي داخل البيت ما البس جلابيات البس بناطلين جينز وتنورات قصيره من هاالحركات .

المشكله صارت والحمد لله تلاحقت الموضوع وناويه ارجع مثل ماكنت انا وزني الحين 85 اريد انزله يعني 25 كيلو .
الي بساعدني زوجي عنده دوره لمده شهر ونص في المانيا هو بسافر بكره .
انا حابه يوم يرجع يلاقاني غير ادري صعب انزل 25 كيلو في شهر ونص لكن علي الاقل لو 10 كيلو وبشتري اقمصة نوم الي فيهم حركات وقبل ما يرجع بصبغ شعري بلون غير اريد اتغير وارجع حبيبي حقي .
وراح احط خدامه ما علي من الناس الزم ما علي زوجي .
انا في هالمده بكون في بيت اهلي يعني ما في شغل بيت واليهال بساعدوني فيهم خواتي .
شو رايكم في الي سويته صح او غلط وشو تقترحون علي ؟
الي اريده منكم عطوني رجيم او مكان اروح له يساعدني علي تخفيف وزني ؟
واريد من عندكم أي افكار ممكن ترجع زوجي لي ؟
صدعتكم بمشكلتي بس اذا ما تلاحقت عمري يمكن اخسر زوجي
انا ساكنه في ابوظبي

الله يوفقكم كلكم

-%-سحابة حب-%-
01/12/2005, 03:28 PM
الله يكون في عونج وان شاء الله كل اللي تبينه توصلين له

ريجيم الكربوهيدرات وايد ممتاز انصحج تمشين عليه
لعبي رياضه وامشي كل يوم ع الاقل لو نص ساعه

وان شاء الله تضعفين ولاتنسين تغيرييين اللوك كله
قصي شعرج صبغيه غيري ستايل ثيابج وقمصان النوم


وبانتظار افكار البنات ..

عروس الحب
01/12/2005, 03:46 PM
السلام عليكم ورحمة الله وبركاته

حاولي تطبقين نظام اتكنز لانه من النوعيه السهله بالاكل و ماتيوعين و بسرعه تضعفين

و تقدرين تتفننين بالاكل و حاولي تمشين كل يوم ساعه صدقيني راح تضعفين اكثرمن 10 كيلو بس

طبقيه عدل

حاولي تبحثين بالانترنت عن وصفات لاكلات خاصه بأتكنز لان في مواقع حاطه هذي الاكلات

علشان ما تملين من اكل معين

و شكرا

سحر2005
01/12/2005, 04:11 PM
ماأدري بس حابه اسالك سؤال شلون قدرتي تسامحينه على اللي سواه بسهوله انا احس صعب اني ارجع له بمشاعر زي قبل والخيانه اصعععععععععععععععععععب شي بحياة الزوجين وما شالله عليك يمكنك حكيمه عشان ماتخربين بيتك وعياللك على العموم الله يوفقك دنيا واخره ويخليلك زوجك. ولايدخل بينكم احد
اللهم آآآآآآآآآآآآآآمين

ماسة دبي
01/12/2005, 07:42 PM
السلام عليكم و رحمة الله و بركاته

عزيزتي عليج بالمشي و كل يوم ساعه على الأقل .. مع نظام صحي .. و إلا تقدرين تنضمين لنادي مع التمارين و المشي الجسم ينشد

^^روز^^
01/12/2005, 07:58 PM
خطوة رائعه منك عزيزتي وزين تلاحقتي على المشكله

وحلو انه صارحك

اول شي الرياضه مهمة جدا

وروحي للمكتبه اشتري كتاب اسمة رومنسيات زوجيه

مرررة خطير انصح كل متزوجه فيه

وحاولي اسلوبك يرجع مثل اول حاولي تنظمين وقتك اكثر

وتغير الشكل اذا قرب يجي روحي اصبغي شعرك
وقصيه

والمكياج حاولي يكون دايم فيك مكياج حتى لو خفيف

يعني يعطي مظهر جمالي

وانشاءالله اني افدتج

على فكرة فيه رجيم اسمة الشوربه الحارقه

جربته بنت خالتي اضعفت النص

اذا تبينه قولي لي وارسله لك على الخاااص

De3LaT_7aBeBY
02/12/2005, 12:03 AM
انا مع البنات سوي نظام رجيم قاسي ورياضه وانشالله تضعفين بس باقولج علي شي

صديقتي وزنها نفس وزنج وماشالله عندهاا 3 اعيال بعد مثلج بس تدرين انهاا تلبس كل شي ؟؟ تقول ما علي من وزني وطريقه لبسها وكشختها خله زوجها ما يشوف وزنها ماشالله مبين عليج حلوه يعني تقدرين تغطين علي وزنج باللبس الكشخه والمكياج واللوك الجديد بس مع ذالك همه نزلي وزنج وانشالله تقدرين


الله يوفقج حبوبه

Reef
02/12/2005, 12:16 AM
حبيبتي انتي تبين تنصحين عدد لاباس به من الكيلووات الزايدة .. وخصوصا خلال هالشهر ونص.. عشان جيه انصحج ماتعتمدين على نفسج وانما تروحين عند اخصائية تغذية + تشترين جهاز المشي البسيط مب الكهربائي المعقد.. لا اشتري واحد سمبل تقدرين تحطينه جدام التلفزين وانتي تطالعين مسلسل نص ساعو او 45 دقيقة يوميا والنتايج بتبين من اول اسبوع..
بما انج من بوظبي روحي عند دكتورة سالي في مستشفى النور اتصلي وخذي منها موعد وقوليلها ضروري لانها ماعندها فراغ قبل اسبوع او اكثر..جربيها وراح تدعيلي من قلبج كل بنات القسم يروحون عندها حتى وحدة عندنا شفت عليها التغيير بعيوني مع انها صدرها كبير بس بين عليها انها ضعفت وااايد في 3 اسابيع..
عزيزتي مثل ماقلتلج اذا اعتمدتي على نفسج يمكن النتيجة المرجوة تطول او لاسمح الله تييب نتيجة عكسية وتلاقين نفسج تعبانة ومالج خلق وويهج يترهل ويتعب.. او يمكن تملين في نص الطريد...مع الدكتورة راح يكون عندج حافز..
اسمعي كلامي تلاحقي عمرج قبل لا يخلصون الشهر ونص ولاتخلين وحدة حقيرة تاخذ ريلج منج ترانا عندنا ويوه واجسام احلى من هالاشكال الف مرة..
ولاتنسين تدعيلي الغالية..
ريف

Reef
02/12/2005, 12:17 AM
حبيبتي انتي تبين تخسرين عدد لاباس به من الكيلووات الزايدة .. وخصوصا خلال هالشهر ونص.. عشان جيه انصحج ماتعتمدين على نفسج وانما تروحين عند اخصائية تغذية + تشترين جهاز المشي البسيط مب الكهربائي المعقد.. لا اشتري واحد سمبل تقدرين تحطينه جدام التلفزين وانتي تطالعين مسلسل نص ساعو او 45 دقيقة يوميا والنتايج بتبين من اول اسبوع..
بما انج من بوظبي روحي عند دكتورة سالي في مستشفى النور اتصلي وخذي منها موعد وقوليلها ضروري لانها ماعندها فراغ قبل اسبوع او اكثر..جربيها وراح تدعيلي من قلبج كل بنات القسم يروحون عندها حتى وحدة عندنا شفت عليها التغيير بعيوني مع انها صدرها كبير بس بين عليها انها ضعفت وااايد في 3 اسابيع..
عزيزتي مثل ماقلتلج اذا اعتمدتي على نفسج يمكن النتيجة المرجوة تطول او لاسمح الله تييب نتيجة عكسية وتلاقين نفسج تعبانة ومالج خلق وويهج يترهل ويتعب.. او يمكن تملين في نص الطريد...مع الدكتورة راح يكون عندج حافز..
اسمعي كلامي تلاحقي عمرج قبل لا يخلصون الشهر ونص ولاتخلين وحدة حقيرة تاخذ ريلج منج ترانا عندنا ويوه واجسام احلى من هالاشكال الف مرة..
ولاتنسين تدعيلي الغالية..
ريف

الكاسكو
02/12/2005, 04:06 AM
حبيبتي اول شي اله يوفقج ويهدي زوجج لج انشالله يارب 0


اول شي جيبي خدامه ماشالله عندج ثلاثه غيرج عندها واحد وخدامه 0

بعدين اهتمي بنفسج حيل راسلي اخصائيه التغذيه عذبه الاحساس الله يحفظها انشالله وهي بتعطيج نظام غذائي صحي متكامل انا استخدمه الحين ولله الحمد نزلت بس مو وايد بس بضعف احسن تدرين الحين محد يبي المتن يبون ضعييييييييييييييييييييييي يييييفه ،

وخلاص مدام بيسافر شهر ونص او اقل سوي رجيم ورياضه كل يوم روحي امشي ساعه ورياضه للجسم وللكرش وصبغي شعرج وتغيري ا80 درجه وبتشوفين 85 صج وايد بس مو وايد غيرج ضعف والحمدالله 0

توكلي على الله وسوي رجيم بس مو حرمان من الاكل بالمره يعني خففي ابتعدي عن المقليات والدهوووووووون 0


والله الموفق 000000000

دعواتج يالغاليه


الكاسكو

The MoOoOoN
02/12/2005, 07:15 AM
حبيبتي اول شئ ان شاء الله ربي يخليكي حق زوجك وحق عيالك و يخلي زوجك لكي ولعياله


ومثل ماقالو البنات عليكي بالرياضه لانه ماينفع الرجيم من غير رياضه


وبعدين مين قالك ان شهر ما يسوي شئ يالعكس في الشهر هذا ممكن يتغير فيكي اشياء كثيره بس اهم شئ يكون عندك الاراده والعزيمه عشان تحصلي على الشئ الى ودك فيه

واهم شئ في كل شئ هو البدايه واذا عودتي نفسك في هذا الشهر على الرياضه والرجيم ان شاء الله راح تستمري عليه حتى بعد ما يجي زوجك من السفر



وان شاء الله ربي يرجعه لكي بالسلامه

سوسو نكد
02/12/2005, 09:19 AM
أختي الله انشالله رح يكون بعونك ويوقف معك ...وبراااافو عليكي انك فكرتي تغيري من وضعك
وانشالله بتنزلي اكتر من 10 كيلو بشهر ونص.... وبيرجعلك زوجك متل قبل واحسن باذن الواحد الاحد..
اختي ..المفروض انك تحافظي على وزنك من بداية فترة الحمل وتمشي على نظام صحي للاكل ..يعني مو كل شي تاكليه بدون حساب.. وغلطان الي بيقول انو اكل الحامل لازم يكون عن شخصين... اهتمي بنفسك ولا تهملي هل مسكين.. والله رجال تاني كان انجرف مع البنات الشريرات ...والاكيد انو بيحبك..لو ما بيحبك ما كان حكي معك بصراحة.. وحتى لو ما جبتي شغالة فيكي تقسمي وقتك وتعملي نظام لاولادك يعني وقت الاكل ووقت النوم...ماما كان وضعا متل وضعك يعني كانت وحيدة وما عندا شغالة ونحنا اربع اطفال كنا بس دايما بتقسم وقتا صح وبتحافظ عحالا لحد اليوم وانا عمري 22 سنة... وانشالله بيبقالك العمر كلو

سوسو نكد
02/12/2005, 09:21 AM
نسيت قول شي مهم....
تفضلي على منتدى التغذية والرشاقة وانشالله رح تلاقي رجيمات بتعجبك وطرق شتى لتنزلي وزنك

سونيتا
02/12/2005, 01:25 PM
عزيزتي ماشالله عليك أنتبهتي لنفسك وعرفتي انه الشي منك ومن وزنك الزايد وبصراحه كثير البنات بس تتزوج وتولد تهمل روحها وتنسى عمرهااا لالالالالا ياعمري انتبهي وترى الرجال يبيلهم دايم تتغيرين وتغيرين من شكلك وتحافظي على وزنك وشوفي عزيزتي انا في اخر حمل لي وصلت وزن 86 كيلو تخيلي وانا حامل وبالشهر التاسع وبعد الولاده الكل يقولي اني متنانه وكان زوجي مسافر وخفت يرجع وانا وزني زايد بصراحه ظليت طول فتره الاربعين أخفف في اكلي وعشت على الشوربه وسلطه التبوله فقط والفطور اشرب حليب قليل الدسم وممكن بيضه مسلوقه وتركت الرز والخبز والمكرونه نهائي وماخلصت الاربعين ولا انا فاقده من وزني 25 كيلو وكنت بعد شهر من ولادتي امارس رياضه المشي يعني ضغطت على عمري حيل وبعد مارجع زوجي تفاجء اني ضعفت اكثر عن قبل لا احمل والحمدلله لليوم وانا امارس رياضه المشي يوميا ساعه ومحافظه على اكلي فأنتي تابعي رجيم مع اخصائيه تغذيه وحاولي تكثفين في الرياضه وان شالله تشوفين النتيجه وخلى ارادتك قويه والله يوصلك للي تبين .... وكمان غيري تغير كبير في قصه شعرك ولونه وحتى حواجبك غيري في طريقه رسمهم واكيد بيكون شي طيب للزوج...... وبالتوفيق ياارب

&&_عاشقة الجوري_&&
02/12/2005, 01:34 PM
اسمعيني يالغاليه
انتي اهملتي من جميع النواحي من ناحية اللبس التعامل والشكل لانك معذوره ومانلومك لكن لابد تتداركين الموقف بالذات ان ماشاء الله عطاك زوج متفهم وصريح لذلك هالشهر فرصه للتغيير ككل من شكلك ووزنك لاتدققين كثير اكيد انحفي لان الجسم مطلوب لكن مايمنع تشوفين الصبغات وتهتمين ببرنامج للجسم والشعر وغيره
كذلك ماينمع اول يوم يجي فيه تسوين له بعض الافكار المتواجده بركن الخبرات وتخلين اولادك عند اهلك

والله يوفقك

المخدوعه
02/12/2005, 10:51 PM
مشكورات خواتي علي تفاعلكم
واسفه علي التاخير بس كنت مشغوله بسفر زوجي
ولي رجعه لكم ارد علي ردودوكم

والله ينول كل وحده ردت علي كل شيء في بالها اللهم امين

الكاسكو
03/12/2005, 02:41 AM
مشكوره يالغاليه على دعواتج وربي يوفقج انشالله 0


انتي حطي ببالج انج بتغيرين 180 درجه من حيث تصبغين شعرج وتقصينه مدرج ، والميك اب وزنج وانشالله بتضعفين وعندج بعد الشوربه الحارقه للدهون انا ببتديها انشالله باذن الله



الكاسكو

طفوف
03/12/2005, 08:42 AM
حبيبتي بما إنه وقتج ضيق و المدة اللي تبين تتغيرين فيها شهر و نص بس فما عندج وقت حق التجارب و الوصفات
روحي لأخصائية تغذية و اطلبي منها تحط لج برنامج غذائي و سجلي في نادي رياضي بعد لأنه الرياضة واااااااايد مفيدة راح تحسسج بنشاط و تأثر على نفسيتج بعد و تخليها للأحسن إن شاء الله ....
و أنا أحس إنج لو رحتي النادي راح تلتلزمي ببرنامج رياضي أكثر من لو لعبتي رياضة بالبيت لأنج بالبيت ممكن تكسلين بس في النادي ما عندج مجال ،،
و اهتمي بأنواع التمارين اللي تتخصص في الأماكن اللي ودج أكثر تنحفينها
مثلا البزنود استخدمي الأثقال
البطن استخدمي تمارين الشد
و أهم شي تبدأي بتمارين تحمية و تنتهي بتمارين تهدئة لأنها مهمة واااااااايد
عموما لما تروحي النادي هم راح يحطون لج برنامج
و بالتوفيق يا الغالية و طمنينا عليج
ننتظر منج موضوع تقولي إنه زوجج رجع و انذهل من التغيير و حلف إنه ماراح يعيد اللي سواه :)

مرموم
03/12/2005, 09:36 AM
السلام عليكم و رحمة الله و بركاته

ما شاء الله عليكم أخواتي...ما تركتوا لي شيء أضيفه...جزاكم الله الخير كله...

الله يوفقك أختي و نسمع عنك كل خير إن شاء الله...

bassom3
04/12/2005, 08:26 PM
الله يساعدج اختي... انا بدخل فالموضوع عاى طول... فترة شهر وايد اوكيه و وايد تقدرين اتغيرين من نفسج فيها.... انا اقول تروحين حق دكتورة تغذية و تسويلج نظام غذائي تمشين عليه بكل التزام... و امشي في اليوم ساعة او اكثر اذا قدرتي... مب لازم متواصل.... و روحي حق مركز اورينتال في ابوظبي و سويلج كورس جلسات على جهاز يزيل السيلولايت من الجسم و يشده وانا اعرف ناس سوو هالشي و في شهر ظعفو كم انش.... و الكورس عبارة عن 15 جلسة ب 1500 درهم .. و لا تخافين الجهاز ما يضر...و ان شاء انا متأكدة انج بتوصلين للي تبينه لان ارادتج قوية هالمرة... و انشاء الله اسمع عنج اخبار حلوة

(الورد)
04/12/2005, 08:46 PM
عزيزتي...أنا ما أقدر أنصحج بالنسبه لمعاملتج لزوجج لأني مب معرسه ..بس الخوات فيهن الخير

أما بالنسبه للرجيم ..فأنا مع الأخت سونيتا في اللي قالته ...وعن تجربه أنا كان وزني وصل في فتره من الفترات الين 78 كلغ فققررت أعتمد في أكلي على الشوربه والسلطه على الغدا وآكل بقصم مع الشاي في الليل عشان ما أثقل .والأهم أمشي من نص الى ساعه إلا ربع كل يوم عشان أحرق..والحمدلله وصل وزني الين 60 كلغ (على طولي 164سم)

فأهم شي تنظيم الأكل والحركه عشان تضعفين...وأنصحج بالدكتوره لينا في المركز الطبي التخصصي وايد ممتازه لأنظمة التغذيه إذا كنتي حابه اتابعين مع طبيبه وخصوصا إنج أم ويمكن اترضعين...



وأدعيلج بالتوفيق إن شاء الله والله يهديلج ريلج يارب العالمين

أم الــــــــــذوق
04/12/2005, 09:04 PM
مرحبـــــــــــا الغاليه....

أول شي وأنصحج فيه قبل كل شي فديتج

(( الأرااااااااااااده))

وأنتي مشالله عليج إرادتج قويه إنشالله

يالغاليه خلال هالشهر ونص حطي في بالج أنتي راح تكونين بأذن الله غير....


1) سيري عيادة تغذية عشان حد يسويلج نظام غذائي يناسبج ويتابعج في نفس الوقت
عندج:
× دكـــــتوره لينا (وايد شاطره)
× دكتـــور محمد ( في عيادة مكه) بصراحه هذا يخلي الوحده تضعف ضعف

2) خذيلج كم لعبة رياضه...
× مالت شد البطن
×ألة مشي خفيفه (عشان إذا تعايزتي تمشين برع تعوضين وأنتي في البيت)
وإذا ما عندج أركبي الدري فوق وتحت فوق عشر مرات وكل يوم زيدي


3) دخلي قسم البشره في المنتدى وخذي خلطات الخوات المجربه للبياض..وإالي أشل السواد وغيره وكتبى كم خلطه بس لازم إداومين عليها عشان بشرج إذا حلوه تصير أحلى

4) دخلي قسم المكياج...وتعلمي فنون مكياج غير المعتاد إالي دايمن مثلا إسوينه ..لازم تغيرين بطريقة مكياجج...وبالأخص رسم العيون والألوان....ونصيحة مني يالغاليه ألوان المكياج إالي ما تحبينها وعمرج ما حطيتي في ويهج أستخدميهن ...لأن اللون إالي ما تحبينه هو اللون إالي راح يغيرج لأن بيكون أول مره راح تستخدمين وإمكن في نظرج يكون مب حلو بس في عيون إالي حوليج يكون أحلى.....


5) ريلج ســـــــــافر....بس في شي ونصيحة من أخت تحبج...يومين عوديه أطرشيله مسجات حلوه..وبالأخص إذا أنتي كتبتليه بأيدج...طرشيله مسج قوليله البلاد هب حلوه دونك...ومره أشتقتلك...ومره طرشيله وقوليله ها ما أشتقت حق حبيبتك ودلوعتك .....؟
وأختاري يوم مميز صوري عيالج صوره مع بعض وبروزيها وخذي صندوق حلو وخذي عطور مثلا وكتبي رساله من حرفين أنا وعيالك أشتقنالك من الخاطر...يالله لا طول أرجع نباك........
وطرشي في DHL حقه في البلاد إالي هو موجود فيها.....


وأشياء وايده إنشالله بننصحج فيها بس مشالله عليج أنتي عندج الأراده وهذي الأهم

المخدوعه
04/12/2005, 10:54 PM
السلام عليكم ورحمة الله وبركاته

مشكورات خواتي وما قصرتن الله يسعدكن امين

بستمد ارادتي من الله ثم منكن


انا حابه ارد علي كل وحده فيكن واشكرها
لكن برد عليكن بنقاط الي حطيتها :

اولا انا زوجي سافر وحاليا قاعده عند اهلي انا والاولاد
ثانيا بديت اخفف اكلي شوي شوي عشان ما يأثر بالحليب لاني ارضع . بس صرت امشي اكثر يعني بديت ساعه وراح ازيد .
وبعد بديت اسوي تمارين شد للبطن وعضلات الصدر > والله اشتقت للرياضه<
ثالثا انا الحمد لله بشرتي زينه مب محتاجه علاج بس بديت استخدم كريم العروسه لو سمعتوا عنه لتفتيح بشرة الجسم وبكره بسوي حمام مغربي عند اختي ساونا في البيت.الحمد لله خواتي ساعدني في اليهال فلقيت وقت لنفسي.
رابعا بديت اطلع المحلات وادور اقمصة النوم مع ان ما نزل وزني بس ناويه البس صارلي اكثر من سنتين ما اشتريت قميص نوم .
واتصدقون بنات خذت واحد يوم جربته في البيت طلع حلو علي رغم وزني الزايد بس حسيته حلو ما ادري اتخيل. فشجعني اشتري اكثر .
بديت ادور جينزات وحركات للبس فترة الظهر يوم يرجع ريلي لاني معودتنه قبل البس هالحركات في البيت وما البس جلابيات .,
وناويه ازور الدكتور محمد في عيادة مكه وايد ناس مدحولي ياه عشان يعطيني الرجيم
انا بستمر علي المشي وتخفيف الاكل حاليا ما اريد وزني ينزل فجاه وبعدين اتعب بس ناويه اشل 25 كيلو وارجع لوزني القبلي فبستمر حتي بعد رجوع زوجي .
انا شعري لونه بني غامق بس ناويه اصبغه بلون فاتح ومختلف يعني اشقر علي خصل عسلي وبني وانا شعري طويل وناويه اقصه شوي شو رايكم وتعرفون مكان يضبط الصبغ في ابوظبي
بانتظاركم وبانتظار تشجعيكم
الله لايحرمكم السعاده

المخدوعه
04/12/2005, 11:03 PM
السلام عليكم ورحمة الله وبركاته

مشكورات خواتي وما قصرتن الله يسعدكن امين

بستمد ارادتي من الله ثم منكن


انا حابه ارد علي كل وحده فيكن واشكرها
لكن برد عليكن بنقاط الي حطيتها :

اولا انا زوجي سافر وحاليا قاعده عند اهلي انا والاولاد
ثانيا بديت اخفف اكلي شوي شوي عشان ما يأثر بالحليب لاني ارضع . بس صرت امشي اكثر يعني بديت ساعه وراح ازيد .
وبعد بديت اسوي تمارين شد للبطن وعضلات الصدر > والله اشتقت للرياضه<
ثالثا انا الحمد لله بشرتي زينه مب محتاجه علاج بس بديت استخدم كريم العروسه لو سمعتوا عنه لتفتيح بشرة الجسم وبكره بسوي حمام مغربي عند اختي ساونا في البيت.الحمد لله خواتي ساعدني في اليهال فلقيت وقت لنفسي.
رابعا بديت اطلع المحلات وادور اقمصة النوم مع ان ما نزل وزني بس ناويه البس صارلي اكثر من سنتين ما اشتريت قميص نوم .
واتصدقون بنات خذت واحد يوم جربته في البيت طلع حلو علي رغم وزني الزايد بس حسيته حلو ما ادري اتخيل. فشجعني اشتري اكثر .
بديت ادور جينزات وحركات للبس فترة الظهر يوم يرجع ريلي لاني معودتنه قبل البس هالحركات في البيت وما البس جلابيات .,
وناويه ازور الدكتور محمد في عيادة مكه وايد ناس مدحولي ياه عشان يعطيني الرجيم
انا بستمر علي المشي وتخفيف الاكل حاليا ما اريد وزني ينزل فجاه وبعدين اتعب بس ناويه اشل 25 كيلو وارجع لوزني القبلي فبستمر حتي بعد رجوع زوجي .
انا شعري لونه بني غامق بس ناويه اصبغه بلون فاتح ومختلف يعني اشقر علي خصل عسلي وبني وانا شعري طويل وناويه اقصه شوي شو رايكم وتعرفون مكان يضبط الصبغ في ابوظبي
بانتظاركم وبانتظار تشجعيكم
الله لايحرمكم السعاده

bassom3
05/12/2005, 12:37 AM
الله يوفقج يا رب... انا اروح حق صالون روز دايما عشان اقص شعري بس بصراحة و لا مرة سويت هاي لايت لان ريلي ما يدانيه و لا انا بعد لان يحرق الشعر.... اذا تبين رقم الصالون ارسليلي عالخاص و بعطيج اياه... و اذا تبين اتسوين حمام مغربي و تنظيف بشرة انا بصراحة اروح صالون عمتي لانه ثقة <<<< اسوي دعاية(a)... لا بس صدق ثقة مش عشان صالون عمتي.... اسم الصالون مرياج فالخالدية بجانب عيادة عمريتا.... و مثل ما قلت لج قبل روحي صالون اوريانتال وخذي الكورس اللي قلت لج عنه و الله بيفيدج...

فرحانة بنفسها
05/12/2005, 12:38 AM
ما شاء الله عليك …
الله يوفقك . ويوصلك للي تبغين ..
ويهدي زوجك ..

اما نصيحتي لك .. اشربي شاهي جامو مع الريجيم ممتاز

محبة ذات النطاقين
05/12/2005, 04:55 AM
اختي الغاليه الله يسخر لك زوجك...لا تهملين نفسك حتى وان كان وزنك زايد...البسي تمكيجي تكشخي ولا تجعلين
وزنك قدامك عقبة...خليك واثقه من نفسك قدام زوجك...
عليك بالمشي وفيه اشرطه فيديو اشتري لك واحد وطبقيه وان شاء الله ينزل وزنك...
الله يوفقك...

مملكة القلوب
05/12/2005, 05:48 AM
http://www.w6w.net/upload2/15-11-2005/w6w_2005111514240023a4b2b5.gif

عزيزتي
أنتِ عندك جوانب عديده لازم تصلحينها أو بمعنى أخر تغيرينها ...

1/ التعامل
حاولي تهتمين بزوجك أكثر وتغمرينه بحنانك حتى مايسترجي يطالع غيرك
وعندك موضوع في ركن الأفكار والخبرات
( أفكار وليالي رومانسيه لعراايس عرووس )
خوذي كم فكره تعجبك وطبقيها لما يرجع بالسلامه .. وفي غيره مواضيع كثيره
وما أوصيكِ أهم شي الإهتمام به
وماتنسي الاهم من هذا كله أنك ماتتركي صلاة الليل وقراءة القرآن وتدعين ربي يهدي زوجك ويحفظه من طريق الحرام

2/ وزنك
أنا ما أنصحك لا بـ رجيم د/ اتكنز ولا الكربوهيدرات ولاااااا غيره
بحكم كوني أخصائية تغذيه
أنصحك أنك تراجعين أخصائيه تشرف عليكِ وتخصص لك برنامج غذائي صحي 100% ومايسبب لك أضرار
وينقص وزنك 8 الى 9 كيلوا بالشهر يعني في شهر ونص يكون نقصتي 12 كيلوا ( ووزنك 73 )
وإذا تبين مساعده حاضرين عيوني
مع أني أنصحك تتعاملين مع أخصائيه بشكل مباشر حتى تعطيكِ الحلول الانسب لجسمك

+ لا تنسين رياضة المشي أهم أهم أهم شي لانها راح تساعد على حرق الدهون وتشد الجسم
والافضل أنك بعد تسجلين بنادي رياضي حتى تنسق جسمك ومايكون في أي ترهل

3/ غيري من اللوك
غيري قصة الشعر والصبغه والميك أب
بالمختصر أرجعي عروووووووووس زي زماااااان

4/ لاتتركين مسئوليه الاطفال تنسيكِ زوجك وهم بنفس الوقت لاتتركي مسئولية الاطفال بشكل كلي على الخدم

وربي يسعدك ويحفظك


ولكم فائق تقديري وإحترامي
دمتم بخير
http://hayatnafs.com/images/bell3.gif

المخدوعه
07/12/2005, 10:15 PM
شاكره خواتي تواصلكم ونصايحكم

واختي مملكة القلوب انا كنت اطلع علي موضوع افكار وليالي رومنسيه وما خليت ليله ما سويتها بس بعدين بعد التؤام والبيبي الجديد وشغل البيت ضعت صراحه .

انا نا ويه ايب خدامه بس لشغل البيت من غسيل وكوي الثياب بس لليهال مستحل غيري انا. >خل اهله يرضون ؟

عيون وساع
07/12/2005, 10:27 PM
صدق انتي اهملتي نفسج قبل ما تهملين زوجك ,ومن الواضح مسؤلياتج وايد بس لازم تهتمين بنفسج ,ويبي لج خدامة احسن لج عشان انتي تكونين لزوجك,وما عليج من اهل الزوج اذا زوجك موافق ايب لج خادمة لما صحتج تروح وزوجك يروح ياخذ غيرج(لا سمح الله)محد بينفعج.

منال الكويت
08/12/2005, 11:43 AM
ايوا ايوا شدي حيلج وكملي واستمري على الرياضة وروحي حق دكتور تغذية :pain::pain: وقولي له انج تبين تنزلين من 20 الى 25 ويعطيج برنامج حلو بس راح تضغطين على نفسج شوي :mad2::mad2::mad2: ميخالف لأجل عين تكرم الف عين..:up::up::up:

momoo
08/12/2005, 12:09 PM
أنا بشجعك على إجتهادك وإهتمامك بنفسك وبزوجك ، أهم شي تلغي الرز والحلو والزيوت وكلي فقط فواكه وخضار والرياضه مهمه وبنصحك تلتزمي مع نادي وتلعبي باليوم مش أقل من 3 ساعات رياضه وأكيد بتضعفي مش أقل من 8 كيلو بهالمده والأهم إنك تستمري وطمنينا عليكي