المساعد الشخصي الرقمي

مشاهدة النسخة كاملة : بنات الكوويت ممكن شوي بليز ^_^



البــندري
17/11/2005, 06:28 PM
بسم الله الرحمن الرحيم

مرحباا بنااات ..

جايتكم اليوم بطلب صغيرون وادري بكم ماراح تبخلوون علي بشي

ابي اعرف المحلاات التجاريه اللي عندكم بالكويت ابي الاسامي بالتفصيل

محلات للملابس والعطور والمكياج

اشيااء مااافي منها الا بالكويت يعني ماتنزل بدوله قطر..

وابي اسامي احلى المطاعم . عندكم .. والاماكن الترفيهيه ..

وابي اسم سكن رااقي .. شقق نظيفه وراقيه لعاائله

لول ادري بعذبكم معاي

بس املي فيكم كبير ان شاء الله

واهم شي الميك اب والشنط والصنادل انتوا بكرامه .. والاشياء الغريبه

مجـد
17/11/2005, 08:39 PM
يا هلاااااااااااااااااااا بندورة ,,

تفضلي ,,


الأسواق ,,

مجمع الصالحيه فيه ماركات و غالي حبتين : لوي فيتون و شانيل و ايجنر و جيفنشي / محلات للأحذيه مثل ستيفاني و الحذاء الاحمر
( المجمع يكون تحت فندق الميرديان)

مجمع الراية فيه محلات راقيه و ماركات مثل سيلين و بيربري


مجمع الاوقاف : متخصص بالدراريع

مجمع المثنى يكون مقابل فندق الماريوت و فيه محلات كثيييرة و محلات الاحذيه و محل للملافع

سوق الاقمشه : او البلوكات فيه محلات اقمشه بس و في محل : مركز التراث الهندي عنده شغلات روووعه و دراريع هنديه و محل ميسور نفس الشي
( المجمعات السابق ذكرها موجوده في منطقه واحده تسمى بالديره او المرقاب)

#######################

مجمع المهلب في حولي : فيه محلات ملابس حلوووه مثل : لحظه من فضلك تحت بالسرداب / و محل يكون بجانب محل لإكسسوارات الشعر ما يحضرني اسمه للأسف بس راقي جدا / محل لانجري في الدور الثاني و شوي اسعاره غاليه مقارنة مع الباقي / ومحلين بالسرداب ( انور / الطاهر و لهم افرع كثيرة بالكويت )

مجمع النقرة الشمالي و الجنوبي : في محلات لانجري ( الطاهر / انور ) و ملابس ناعمه و احذيه ومجوهرات

مجمع سنام : مجمع جديد و قريب من المجمع السابق يعني عبور شارع فقط فيه ملابس

مجمع بيروت : فيه محلات للملابس ناعمه و محل لانجري و محلين او 3 للسهره

مجمع الايوب : اشهر مجمع في الكويت يبيع لانجري و اسعارهم زيييينه و في كذا محل بالدور الثاني عنده دراريع و احذيه و ملابس ناعمه

مجمع بلازا حولي و يكون قريب من باب المجمع السابق : فيه محلات ناعمه للملابس و محل للأحذيه روووعه و جديد عباره عن فرع لمحل في دبي اسمه ( برتي فيت) احذيته بناتيه و عصريه و مريييييحه عن تجربه و اسعاره تقريبا 15 دينار و اقل

و مقابل هذا المجمع في مجمع ما يحضرني اسمه عنده محل يبيع ادوات مكياج لماركه شارمل و يمدحون كريم الاساس عندهم كثييير

مجمع العثمان : فيه لانجري و ملابس و احذيه مثل محل ستبس

( المجمعات السابق ذكرها في منطقه حولي )

###########################
ندخل السالميه الحين و راح اعطيج المعلومات بترتيب المجمعات

مجمع الثريا : فيه ماركات ملابس : موسكينو / ايجنر / جيفنشي / الاسطورة / ومحل مجوهرات : الجوهرة للمجوهرات

مجمع الوطنيه : فيه محلات ملابس و لانجري ( بس مو متأكده بالضبط )
مجمع قريب منه فيه محل الغوالي و ملابسه ثقيله و راقيه و في محل السرداب حلوو

مجمع زهرة : احلى الملابس فيه و راقي و اشهر محل الاسطورة و الفاتنه و فيه محلات احذيه فوق : الحذاء المريح وانصحج بهذا المحل لأنه ممتاز

مجمع الفنار : فيه غوتشي / داماس للمجوهرات / احذيه : الحذاء الاحمر / ميلانو / ستبس
لورا آشلي / و محلات كثيرة للملابس
و للمكياج انصحج بمحل ماك

مجمع البستان : فيه محل لاكروا للملابس راااااااااااقي و حلووووووووووو ( غاالي)
ماركه بيربري / للماكياج ( ميك اب فور افر) / فيه محلات احذيه واايد و عندج بالسرداب محل اسمه برنسيس و اسعاره تبدي من دينار ونص بس

مجمع ليلى جاليري : اغلبيه المجمع مجوهرات و ألماس و فيه محلات لملابس السهرة و ملابس ناعمه

مجمع تالا : ملابس و احذيه ( المجمع صغير و محلاته قليله )

مجمع مريم : فيه محليين روووووعه (1) راف راف و له فرعين واحد للسهره و الثاني ملابس ناعمه ورااقيه جدا
(2) محل العثمان بالسرداب روووعه وانا ما اشتري إلا منه حق العيد و رمضان و على فكره امس اتصلت علي التونسيه و قالت لي ان عندهم ماركة راح يصفونها لأنهم بطلوا يجيبون منها و الاسعار بتكون من 19 دينار إلى 90 دينار و تصلح على حسب كلامها للبنوتات الحلوين ( مثلي و مثلج)
و في بعد محل GUSSE

مجمع جاليريا 2000 : فيه محلات ملابس و محل للمصممه عواطف الحاي ( دراريع و سهره)

مجمع بلازا السالميه : فيه ملابس و ساعات محلين روعه للساعات واحد على اليمين و الثاني يسار (روائع جنيف و الثاني ما يحضرني اسمه )

( المجمعات السابق ذكرها في شارع واحد فقط و يكونون يمين و يسار و انا كتبتهم لج بالترتيب

##################

فيلا مودا في منطقة الشويخ و قريب من جامعة الكويت و ميناء الشويخ : ماركات و كشخه و عوااااااار قلب و غاااالي فيه: غوتشي و برادا و إيف سان لوران وفندي وسلفاتوري فيرغامو وماركات كثيرة ...

مجـد
17/11/2005, 08:39 PM
نتابع التسوق :
سوق شرق : فيه محلات كثييييرة سواء ملابس او احذيه و فيه محل دبنهامز و ماركه شارل جوردان للأحذيه و الجناط و عمليه هذي الماركه و تحصلينها قريبه من محل زارا ZARA

مقابل سوق شرق يوجد مستشفى الاميري و قريب منه : معارض
بيت ديفا
كاريزما
بيت سدرة و يعرضون دراريع ملابس و اواني و مجوهرات و غالبيه المعارض لبنات كويتيات
########################

مارينا مول : اشهر مجمع بالكويت و يكون على البحر وفيه ماركه ESCADA و محلات كثييييييييييرة احذيه و ملابس و لانجري

و قريب منه معرض بيت لوذان و يعرضون فيه دراريع و ملابس لبنات كويتيات
نرجع لمنطقة السالميه لكن بشكل ثاني :

خلف مجمع مارينا مول هناك مجمع ماركس سبنسر و مقابله مكان نسميه بالكويت ( الحوش ) فيه احذيه و جناط

امتداد هذا الشارع يعني خلي مارينا مول على يمينج و الحوش على يسارج فيه اشارة مرور وبعدها كملي سييده ( إلى الامام) شارع نسميه السالميه القديمه و طوييييييييييييل جدا
في محلات كثيييييييييرة : نكست / الجناح الاخضر و عنده ملابس ناعمه / ليز كليبرون / ميلانو ..... الخ
نهاية الشارع مجمع اسمه العنجري و يكون قريب من مركز مطافي السالميه
و فيه قريب منه محل ألمى للملابس و عنده شغلات ناعمه و نفس الشي محل الزان و ستيفاني

#####################

سوق السالميه مجمع كبير فيه مطاعم و محلات ملابس و احذيه و يكون قريب من دوار الجوازات
فيه داخل المجمع سوق المعلم و رخيييص كثير

####################

بالنسبة للدراريع و العبي و الملافع :

احسن مكان لهم منطقة الفروانيه و خاصه :
مجمع العربيد الخاص الدراريع و يكون قريب من جمعية الفروانيه و مطعم قيصر
هذا المجمع حبوبه خاص بالدراريع فقط و ما عندهم شي جاهز لازم تفصيل و ياخذ اسبوع و يصير تطلبين مستعجل و انصحج فيه لأن عندهم دراريع حلوه و اذا كنتي مو من الكويت يعني ما تحصلين احد لابس مثلج ( الممثله الهام الفضاله دراريعها من هناك )
ممكن تحصلي عندهم البنجابيات بس راقيه و عليها تطاريز حلوه

مجمع العربيد الخاص بالعبي و الملافع و هو قريب من المجمع السابق تقريبا شارع واحد وفيه محلات كثيرة مثل الحلوة و المشعل و بدون اسم ....... الخ

مجمع الحمرا مول : ما احط بذمتي و اتكلم عنه لكن البنات ان شاء الله يفيدونج لأن ما دخلته بس يقولون عندهم شغلات

مجمع مبارك الصيفي

مجمع العربيد بلازا

( المجمعات السابق ذكرها في منطقة الفروانيه )

#####################

مجمع سلمان الدبوس و فيه محلات كثيره و اسعاره متوسطه الى رخيص نوعا ما و فيه بالسرداب سوق المحاميد الشعبي

في منطقه خيطان خلف الجمعيه التعاونيه

####################

منطقة الفحيحيل : بعيده عن الديرة نص ساعه تقريبا فيها :
مجمع كويت ماجيك : فيه محلات لانجري مثل نعومي و كذا محل للملابس ناعمين / محل بيضون للمكياج انصحج فيه

مجمع أجيال : فيه محلات كثيره و شغلات كثيره حلوه

مجمع الكوت: احدث مجمع فيه زارا و العربيه للعود و محلات كثيييييييييره حلوه و فيه سينما حديثه و جلسات و مقاهي رااااائعه
####################

الاسواق الشعبيه
منطقه حولي : سوق المعلم / الشاويش
تحصلين عندهم ملابس و لانجري خصوصا ( سوق المعلم )/ بيجامات ابتداء من دينار و نص

سوق المحاميد : موجود بحولي مقابل مجمع النقرة الشمالي و موجود في منطقه خيطان بمجمع سلمان الدبوس

سوق طيور الجنه في الفروانيه مقابل الجمعيه و موجود بمنطقه فحيحيل و موجود في منطقه حولي خلف صالون حنان دشتي

محل دايسون : ليس سوق شعبي لكن رخييييييييييص كل شي فيه تقربا على نص دينار و بضاعته كلهااااااااااا من شرق اسيا وموجود في منطقه الشويخ في مقابل العاب وليد
####################

محلات اجنبيه و موجوده في منطقه الشويخ شارع الصحافه :

A2Z : فيه اواني منزليه و شراشف و لوحات و العاب اطفال و مقهى ريتز

ايكيا IKEA :معروف و ما يحتاج اشرح بضاعته

تروفاليو : شراشف و اواني منزلية و العاب اطفال و مزروعات و لوحات ..... الخ

المعرض التركي : بجانب دوار الفحم خلف شبرة الخضار

( تروفاليو / ايكيا / A2Zl / دايسو / هاوس اس كلهم في شارع واحد )

#####################

ماركه شارمل للمكياج تحصلونها عند محل في مجمع سندس بحولي و في محل عروس البحر في مجمع العربيد بلازا و الحمرا مول في الفروانيه

مجـد
17/11/2005, 08:41 PM
بالنسبه للمجوهرات :
في مجمع الاوقاف السابق ذكره محل الاربش للمجوهرات و لهم فرع بمجمع الفنار
له فرعين (1) محل ألماس بلجيكي
(2) محل ألماس سويسري و اسعاره ارخص من السابق و نفس الموديلات بس النقاوة اقل لكن و الله ما يبين
يعني الطقم ( حلق و خاتم و سلسله معاها تعليقه يطلع 140 دينار) و على فكرة نفس موديلات البلجيكي

محل الفراوله للمجوهرات التقليد وموجود بالاوقاف و مجمع زهرة السابق ذكره ...

مجمع ليلى جاليري السابق ذكره في محلات مجوهرات و ألماس بالتحديد : محل لاماركيز / الرومي / المشعان ... الخ


مجمع النقرة الشمالي السابق ذكره : محل المبرقعه ( ألماس و ذهب ) / محل المشعان

سوق الذهب بالديره ( يعني قريب من مجمع الراية تقريبا و بنفس مكان سوق المباركيه ): عندهم ذهب و ألماس و مجوهرات تقليد و اصلي مستعمل و كل الي بخاطرج

مجمع الفنار فيه اكثر من محل للمجوهرات

بالنسبة للعطورات :
الشايع للعطورات و هذا تلاقينه في كل مكان تقريبا : مجمع الفنار / سوق شرق / الجمعيات ( الروضة / الشاميه / القادسية)

النعمه للعطورات و البخور : جمعية الضاحيه التعاونيه ( منطقة الضاحيه )

المرشود للبخور والعود : بسوق المباركيه

مجمع المثنى : فيه اكثر من محل للعود و البخور و العطورات

العربيه للعود : في مجمع الكوت في منطقه فحيحيل .

######################

الفنادق

شقق فندقية :

رويال سويت في منطقة بنيد القار و يطل على البحر

فندق البحرين

مها هاوس

فنادق عالميه :
الشيراتون و بجانبه برج ثاني تابع لفندق شيراتون اسمه فورسيزون بس 4 نجوم لكن نفس المستوى

ماريوت (فوق مجمع الصالحيه)
كويت بلازا ( فوق مجمع المثنى )
كويت ريجنسي ( في منطقة البدع و يطل على البحر مباشرة و فيه شاليهات )

راديسون ساس ( قريب من الفندق السابق و نفس النظام )

كويت كونتيننتال في منطقة بنيد القار

فندق كراون بلازا في منطقة الفروانيه

منتجع شيك فلامنغو على البحر بجانب دوار البدع و قبل فندق ريجنسي

منتجع النخله THE PALM على البحر و بعد دوار البدع و بعد فندق ريجنسي

مجـد
17/11/2005, 08:42 PM
المطاعم:
على امتداد شارع الخليج كله مطاعم : نينو / فرايديز / جوني روكتس / جوني كارينوز / فدركرز / ماكدولندز / كنتاكي / لينوتر / شليز / روبي تيوزدي / هارد روك

و عندج مجمع مقابل مارينا على البحر فيه مطاعم كثيييييييييره هندي و وجبات سريعه و مقاهي

و في كل مجمع تقريبا مطاعم على كيف كيفج

و عندج بجمعيه الشاميه مطعم ريتز حلو و عائلي و موجود بعد بمجمع الثريا بالسالميه الدور الاخير فوق

و عندج مقابل مجمع الفنار : بيتزا اكسبرس و ستار بكس و على فكره ستار بكس بكل مكان حتى بالجمعيات التعاونيه و المقاهي منتشره بك مجمع بس عليج تختارين المكان الي تبينه : ستار بكس / سكند كب / ووتر لمون .... الخ

المطاعم الي فيها كباين : مطعم قيصر للمأكولات الهنديه و الصينيه و العالميه موجود بجانب فندق الشيراتون و في منطقه الفروانيه بجانب الجمعيه و موجود بمنطقه فحيحيل بمجمع الدبوس اكلهم حلووو

و عندج مطعم صيني عجيييييييييب موجود بمنطقه حولي بجانب صالون حنان دشتي و سوق طيور الجنه اسمه مطعم الخليج الملكي الصيني و مفتوح من 12 الى 12 اعتقد
بس قيصريسكرون الساعه 3 العصر و يفتحون الساعه 7 المغرب

و عندج مطعم مغل محل للمأكولات الهنديه موجود بالفروانيه فوق سوق طيور الجنه و مقابل الجمعيه

بجانب فندق شيراتون الكويت يوجد كنيسه و خلف هالكنيسه فيه مطااعم كثيره و رااقيه :
لا بيزا ( ايطالي ) / كاسبر / ستار بكس / لورينزو و مطاعم كثيييره

#######################

اماكن ترفيهيه :

المدينه الترفيهيه في منطقه الدوحه

حديقه الشعب ( ملاهي و سينما و العاب ) على شارع الخليج العربي

كل مجمع تقريبا فيه صالات العاب :

مجمع المثنى .... شركه طفل المستقبل( العاب للأطفال و تسليه)
مجمع المهلب ...."" """" """""
مجمع الخليجيه..."" """ """""
مجمع ليلى جاليري..""" """ """
مجمع سوق شرق ... "" """" """ + في محل للالعاب ما اعرف اسمه بس العاب فيديو من عمر 13 و فوق

مجمع مارينا مول ... في قاعه كبيييييييييره فيها العاب فيديو و مطعم بس عجيييييييييييبه للكبار و الصغار

بجانب ابراج الكويت .. أكوا بارك مدينه العاب مائيه بس بما ان الجو صار بارد في لعبه داخل وااايد حلوه و تصلح للبنات و الاولاد كبار و صغار اسمها PAINT BALL عباره عن حرب مسدسات و الذخيره عباره عن كور فيها الوان بس روووووووووووعه
و داخل بعد في حلبه سباقات بالسيارات

الجزيره الخضراء ... على شارع الخليج العربي فيها حدايق و العاب خفيفه و ملعب كره ماي مع صابون بس حلوووه

####################

السينما :

موجوده في مجمع ليلى جاليري / سوق شرق / الفنار / المهلب / منطقه السالميه / منطقه خيطان و تسمى بسينما غرناطه / منطقه فحيحيل و تسمى بسينما اجيال ( بمجمع اجيال) / سينما الكوت / سينما الشعب في حديقه الشعب و تعرض الافلام الهنديه

مجـد
17/11/2005, 08:43 PM
عندنا شاليهات للتأجير روعه :منتزه الخيران /
شاليهات فندق هيلتون في منطقه فحيحيل روووعه/

شاليهات شيك فلامنغو في منطقه البدع يعني بالديره و قريب من شارع الخليج العربي بجانب دوار البدع
http://go.3roos.com/aiVtPpBCB4e

فندق ريجنسي / ساس يصير تحجزين غرفه او شاليه

في شاليهات في منطقه ميناء عبدالله يعني بعد ما تعدين منتزه الخيران و منطقه بنيدر اذا كنتي داشه من طريج الخفجي يعني قريبه من منطقه فحيحيل بس ما اذكر اسمها بس حلووه و راح تقرين يافطات كبيره و اذا اتصلتي على مكتب سياحي يعطيج معلومات عنهم
في شاليهات راقيه حييل اسمها كبنسكي اعتقد بس حلوووه حيييل

####################


بالنسبه لخبيرات التجميل الكويتيات :

حنان دشتي في حولي
آلاء دشتي في الجابريه
عبير الياسين في صالون جلامر بمنطقه الشعب
ليلى العرادي في السالميه في صالون ليلى هارموني
منيره الفرج على شارع الخليج العربي بجانب مطعم شلاويط
رشا الحافظ في منتجع شيك فلامنغو ... رشا شيك
ميرفت في صالون دريم بالاس بجانب الصالون السابق
صالون فندق الشيراتون ... نفس الخبيرات الي كانوا يحطون لحليمه بولند في رمضان السابق

مجـد
17/11/2005, 08:45 PM
طبعاً طبعاً كل اللي قلته منقول للأخت عود مبخر ,,

راعية البر
17/11/2005, 08:50 PM
الله يعطيكن العافية

مجـد
17/11/2005, 08:54 PM
اشيااء مااافي منها الا بالكويت يعني ماتنزل بدوله قطر..

بس إحنا ما نعرف الشغلات اللي بقطر عشان نعرف إذا كانت موجودة أو موجودة بالكويت :) ,,


واهم شي الميك اب والشنط والصنادل انتوا بكرامه .. والاشياء الغريبه

شوفي معظم الماركات الموجودة بالكويت أظن موجودة بقطر ,,

بس راح أقولج آخر مانزل عندنا من ماركات ,, نزلت عندنا بينفت وتلاقينها في الفافافوم بالمارينا ,,

أما الجناط بتلاقين في كذا مجمع ,,

عندج ماركة سيلين وبالي في مجمع الراية

وعندج شانيل ولوي فيتون وفلنتينو وآجنر تلاقينها في مجمع الصالحية ,,

وعندج جوتشي في الفنار ,,

وعندج محل إكسسوارات شوارفسكي لا يطوفج هم في الفنار ,,

وعندج ماركة فندي وبرادا وإيف سان لوران وسلفاتوري فيرغامو تلاقينها في فيلا مودا ,,

وفيلا مودا كله ماركات عالمية وغريبة ,, بس يبيلج ميزانية كبيرة والله يعينج ,,

وعلى فكرة وحدة تقول إن ماركة جورجيو آرماني نازلة بالكويت وتلاقينها بهذه العناوين والأرقام موجودة ,,


Emporio Armani Kuwait
Salem Mubarak Street
Central Plaza, Ground Floor
Salmiya, Kuwait 22017
Tel. 965-5757656
Fax. 965-5757655


Armani Junior Kuwait City
Central Plaza Complex Ground
Floor Salemal Mubarak Street
Kuwait City, Kuwait
Tel. 96-55757-656
Fax. 96-55757-655


Armani Casa Kuwait City
Sun City Complex, Shouweikh
Store n° 205, Block F
Kuwait City, Kuwait
Tel. 965-224-1055 /224-1077
Fax. 965-482-7772

وإذا تبي شغلات غريبة ,, أفضّل تروح للمعارض مثل بيت ديفا ولوذان وبدرة ,,,, إلخ ,,

لأن هالمعارض فيها كويتيات يعرضون شغلهم وشغلهم حيل راقي وغريب ,,

أو تروح للأسطورة ,, الأسطورة فيها شغلات غريبة وحلوة وماركات ,,

أتمنى إني أفدتج ,,

البــندري
17/11/2005, 09:54 PM
ياعلكم تسلموووووووووووون يااارب والف شكر لج يااقلبي مجد كفيتي ووفيتي والف شكر لعود مبخر

همساته
18/11/2005, 12:36 AM
يعطيكم العافيه :)

معلومات حلوه خاطري امر صوبكم ياهل الكويت لوول

الكاسكو
18/11/2005, 08:12 AM
ماشالله البنات كفو ووفوا والكويت كل شي فيها حلو وخصوصا المجمعات وعندج سوق الديره هذا بالذات لا يطوفج ابدااااااااااااا 0



الكاسكوووووووووووووو

كوكو شانيل
18/11/2005, 06:25 PM
مشكوره مجد على هالمعلومات الكامله

بخصوص فندق كويت بلازا ( فوق مجمع المثنى )


ممكن تتكلمين اكثر عن موقعه لانه من كم سنه سكناا في فندق ساس

هو وايد حلوو بس بعيد شوي يعني الكويت بلازاا قريب من مجمع شرق وهالمنطقة ولا بعيد

وشلون مستوى خمس نجوم ولا أقل

وردة العشاق^
19/11/2005, 03:16 AM
حيااااااااااااااااااااااا كم الله بالكويت كلكم
الساعه المباركه اللي تزورووووناااااااا فيهااااااااا

والله حلوه ديرتنا ..........<<< تمدح ديرتها

كوكو شانيل اذا كان الفندق بالمثني يصير قريب عند سوق شرق والمباركيه والصالحيه والرايه
بس يكون بعيد شوي عن السالميه ومجمعاتهاااااا

المارينا مول مفتوح فيه فندق علي البحر بنفس المجمع تقدرون تسكنون باللي يعجبكم
تري مو بعيد الكويت مجمعاتها عن بعض


اذا جيتوووو الكويت قهوتكم عندي لازم تمرون علينا :)
واصير لكم مرشد سياحي:)

احلى_كويتيه
19/11/2005, 04:31 AM
مشالله بنات الكويت ماقصروو
وانشالله استفدتي

ونشوفج عندنا بالكويت

Manary
19/11/2005, 08:56 AM
مجد ما قصرت
كفت و وفت
تسلم يمناها

الله يعطيها العافية :)

حياج الله بالكويت بندوره :)
بانتظارج و الله نحطج بعيوننا :)

عذب القوافي
19/11/2005, 09:28 AM
البندري

شخبارك....؟؟؟؟؟

اكيد اكيد راح تنبسطين بالكويت وايد

مجـد
19/11/2005, 07:32 PM
الله يسلمكم خواتي :) :) :) ,,,,

كوكو شانيل
19/11/2005, 07:39 PM
حيااااااااااااااااااااااا كم الله بالكويت كلكم
الساعه المباركه اللي تزورووووناااااااا فيهااااااااا

والله حلوه ديرتنا ..........<<< تمدح ديرتها

كوكو شانيل اذا كان الفندق بالمثني يصير قريب عند سوق شرق والمباركيه والصالحيه والرايه
بس يكون بعيد شوي عن السالميه ومجمعاتهاااااا

المارينا مول مفتوح فيه فندق علي البحر بنفس المجمع تقدرون تسكنون باللي يعجبكم
تري مو بعيد الكويت مجمعاتها عن بعض


اذا جيتوووو الكويت قهوتكم عندي لازم تمرون علينا :)
واصير لكم مرشد سياحي:)


الله يحيج يالغاليه

اكيد حلوه بس انا جيت من 5 سنين اكيد الحين في اماكن جديدة

بصراحه انا ماكنت افكر اسافر في الربيع بس اشتطيت مع الموضوع
لووووووول ابي اروح المجمعات كلهااا خخخخخ

شكلنااا بنسكن في الماريناااا بس قوليلي شلون الشوارع زحمة عندكم مثلناا

لاني افكر استأجر سياره حق الدواره :bigsmile:

واكيد لازم بنمر عليكم لووووووول :)

وردة العشاق^
20/11/2005, 03:52 AM
كوكو شانيل <<اي الكويت كل سنه تتغير تصير احلي

عاد الجو علطله الربيع حلوووو بس الكويتيين كلهم البر والمخيمات والشاليهات والمزارع:)


بس شوارعنا زحمه <<<بس حلو تستأجرون سياره وناسه :)



اي صج تعالو في هلا فبراير <<<<<<يا هلا

وسلامتكم



واي شي انا حاضره :)

شهودي الحلوة
09/01/2009, 03:00 AM
يسلمووووووووووووووووووووو وووووووووووووووو
على هالمعلومات .......................

pink_rose
22/01/2009, 04:28 AM
يعطيييييج العافيه

كفيتي ووفيتي ومشكوره ع جهدج

طيوفي
16/02/2009, 02:13 PM
يسلمووووووووووووووووووووو ووووووووووووووووووووووووو ووووووووووووووووو

:shy: