المساعد الشخصي الرقمي

مشاهدة النسخة كاملة : @ ضيف من خارج الحدود @



صـــارع
17/11/2005, 08:40 AM
http://www.w6w.net/album/35/w6w_200505201631275997173af043.gif
http://www.w6w.net/album/35/w6w_200505201631275997173af043.gifhttp://www.w6w.net/album/35/w6w_200505201631275997173af043.gif
http://www.w6w.net/album/35/w6w_200505201631275997173af043.gif
http://www.3roos.com/upload/bsmallah.gif

http://www.buraydh.com/forum/images/smilies/words/rx13.gif

طبعاً بعضكم يذكر هذا الموضوع و فكرته

!"! إعلان عن موضوع لمن يحب المشاركة فيه !"! (http://www.3roos.com/forums/showthread.php?t=138419&page=1&pp=15)

انا طرحت هذا الموضوع قبل 3 أشهر تقريباً
طبعا وصلتني ثلاث رغبات بالمشاركة ولكن ماوصلتني المقابلات
فاجئتني احدى الاخوات قبل فترة بسيطة بالسؤال عن الموضوع وهل هو قيد التحضير الى الآن
ولماذا تأخر كل هذي الفترة ، وبما ان هناك اعضاء ينتظرون الموضوع نزلته في العام
يحق لك عضو المشاركة هنا بمقابلة مع احد افراد عائلته
مع التقيد بشروطها المذكورة في الرابط وهي :


(f)ان لا تتعدى الـ 10 اسئلة
(f)التنويع في الاسئلة ( جدية و فكاهية )
(f)نبذة بسيطة عن ضيفك واذا البطاقة الشخصية يكون احسن << لقافه


ماحد راح يرسلي على الخاص مثل ما كانت فكرة الموضوع في بدايته
اللي حاب يعمل مقابلة مع احد افراد اسرته ، ياليت لو ينزلها دايركت هنا في الموضوع
عسى تعم الفائدة والكل يستمتع بمختلف المقابلات من مختلف الدول والثقافات التي يحويها عروس سيّد المنتديات

http://www.3roos.com/upload/warning_3roos_ani.gif
يرجى من الأعضاء الكرام
عدم الخوض في الضحك والكلام الجانبي والتقيد بصلب الموضوع حتى لاتتعرض ردودكم للحذف وتوثيقها بالتنبيه
ولكم خالص الشكر
مشرفات الركن العام

http://www.w6w.net/album/35/w6w_200505201631275997173af043.gif
http://www.w6w.net/album/35/w6w_200505201631275997173af043.gifhttp://www.w6w.net/album/35/w6w_200505201631275997173af043.gif
http://www.w6w.net/album/35/w6w_200505201631275997173af043.gif

سفيرة فوق العاده
17/11/2005, 09:02 AM
ما شاء الله

تسلم اخوي هادي

فكره جميله ،،،

اتيت هنا لحجز كرسي،،، ولي عوده بإذن الله


سفيرة فوق العاده

صـــارع
17/11/2005, 09:07 AM
مقابلتي مع اختي الصغيرة

نبذة عن أمونة

آخر العنقود عمرها 6 ، بنت جريئة ذكية وعدوانية نوعاً ما
ذات شخصية قيادية ، تحب لفت الانتباه وتسليط الأضواء عليها ، دلوعه ابوها وامها
يوم تزوجت ، سألت زوجتي بكل جرأة : صار لج اسبوع عندنا ، متى ترجعين بيتكم !!! هههههههها
تحب الأكل والوالدة مسوّيه عليها حظر عشان ما تسمن ، اللي يميزها عن جميع اخوانها ان الله حباها شعر اشقر
وكلنا قلنا للوالدة بما انها آخر العنقود ، فأكيد حبر الشعر الاسود خلّص

يلا نبدأ المقابلة

س1 / شو اكثر شيء تحبيه في الدنيا ؟
ألعب في الحديقة ، واطلع اتمشى مع اصدقائي ، واروح الكورنيش ألعب كرة والسباحة ، فقط هذا << تراه اهي قالت فقط هذا مو انا :gum:

س2 / ماهي امنيات المستقبل ؟
ابي اكون ملكة و اطول بسرعه واتزوج

س3 / ماهي أكلاتك المفضلة ؟
الكيك و الأكل اللي تطبخه امي ، بس

س4 / شو اكثر برنامج نال اعجابج في التلفزيون ؟
البرنامج اللي طلع على قناة mbc3 الاطفال اللي معاهم شيخ يعلمهم قرآن و يزورون بيت النبي

س5 / لأي المشايخ القرّاء تفضلين الاستماع ؟
ماعرف اسمه بس يطلع بالتلفزيون

س6 / اكثر لون تحبينه ؟
الوردي والاحمر والازرق والعيناوي و الوحداوي ، ( ههههههها الاخت ضيعت ودخلت بالنوادي )

س7 / شو حسيتي لما مات الشيخ زايد - الله يرحمه - ؟
اول شيء ماكنت اعرف ، ولقيت امي تصيح وسألتها ليش تصيحين ، قالت : لأن الشيخ زايد الله يرحمه مات وانا تمّيت معاها اصيح

س8 / انتي الحين عمرج 6 سنوات ، متى ناوية تلبسي الحجاب ؟ ولماذا ؟
لما يصير عمري 7 او 8 سنوات ، لأني لما اقول لامي ابي شيلة وعباية ما تييب لي ، وعندنا بنات في الكيجي تو يلبسون عباة
( ابوك يالكذب :cool2: )

س9 / ماهي امنياتك في الحياة ؟
اتمنى اخوي يرجع بسرعه واتمنى يجيب ويّاه حلويات ( ترى عندها اخوين غير هذا مسافرين ولا سألت عنهم )
و اتمنى اروح الكعبة واريد اروح الحج مع ابوي و امي ، واتمنى انا واخواني في يوم من الايام ( شوفوا الفلسفة ) نذهب لمكان نلهو ونلعب.

س10 / تحبين الله ؟ ولماذا ؟
طبعا احبّه اكثر من كل شيء ، لأن الله هو اللي عطانا الفلوس و هو خلانا نشتري وعطانا البيوت عشان ننام فيها و نلعب فيها و نتكلم فيها وعطانا الجسم والريول عشان نمشي و نروح بيت الجيران ، وعطانا يد عشان ناكل ونحمل أولادنا وعطانا بطن عشان ناكل وعطان فم عشان نبلع.....بس

نشكر الاخت أمون على تفضلها بالاجابة على الاسئلة

صـــارع
17/11/2005, 09:12 AM
هلا

سفيرة فوق العاده

حياج الله
وبانتظار مقابلتج مع احد افراد العائلة الكريمة
تحيتي

سفيرة فوق العاده
17/11/2005, 09:31 AM
اخوي هادي


الله يحيك ويبقيك

بصراحه لقاء رووووعه ،،، الله يخليها لكم ان شاء الله،،، باين عليها جريئه



سفيرة فوق العاده

ورورة
17/11/2005, 09:34 AM
حلوة الفكرة وااايد وانا ان شاء الله برجع وبييب لقاء ويا حد من العايلة

ملحوظة مهمة: فديييييت قلبها أمونه الله يحفظها ويبقيها لأهلها ويبارك لكم فيها
ويجعلها علم ونجمة من نجوم الاسلام ,سبحان الله حبيتها قبل لااشوفها ماشاء الله عليها
ضحكتني واااااااايد ..

ودمتم سالمين

SHREEFA
17/11/2005, 09:35 AM
لقاء رائع
وفكرة اروع
الله يخليها لكم
انشالله يا حلو براءة الطفولة
مشالله عليها
طالعة على اخوها الكبير

:)

وانشالله تبلغ في حمودي وتسوي له مقابلات


دمتم سالمين
اختكم شريفة

صـــارع
17/11/2005, 10:13 AM
هلا

سفيرة فوق العاده

ايه والله جريئة ، والجرأة لها إيجابياتها و سلبياتها والله يكون بالعون
تحيتي

صـــارع
17/11/2005, 10:26 AM
هلا

ورورة

هذا وانتي ماشفتيها ، لو تشوفينها تموتين فيها بس تحمّلي تاخذ عليج ... عشان ما تاكلج أكل بالكلام
مشكورة ع الدعوات الطيبة وانا بانتظار مقابلتج مع احد افراد العائلة الكريمة
تحيتي

صـــارع
17/11/2005, 10:28 AM
هلا

SHREEFA

حضورج الأروع
ولا تحرمينا من مقابلة احد افراد العائلة ، طبعا إلا الشيخ سعود .. لان مقابلته كلها غاغا غوو
تحيتي

business_girl
17/11/2005, 11:00 AM
مشكوووور أخ هـــــادي عالموضوع >> تبي الصج كتبت أخ صـــارع وبعدين مسحتهااا!!!!!!!

ماشاءالله عليها باين عليها حبوبه
بس ديروووا بالكم عليها واقروا عليها معوذات دايما عن عيون الناس

وان شاءالله نشوفها عضوة معانا في منتدى عروس


ودي أشارك معاكم بس مافي حد في بالي اسوي له المقابله
أختي الصغيرونه ماتعطيني ويه هالأيام !!!!!!

يالله بكتفي بالمتابعه معاكم

* الكبر لله والمرجع كفن *
17/11/2005, 12:39 PM
ربي يحفظها امونه الحلوه


ماشاء الله عليها

أريش العين
17/11/2005, 02:31 PM
سلاااامي على امووون .... الصراااحة مسكتة .,, حواار عجييب ...
احلى شي يوم قالت حق ام محمد .. متى بتردين بيتكم
فدييتها عسولة ,,,like me

يالله ان شاء الله بشارك وياكم ...
وسلم على امووون وااايد ..




بنفسوجة

&&_عاشقة الجوري_&&
17/11/2005, 04:37 PM
ياحبي لها
اجل تصرف حرمتك
الله يحفظها
موضوعك حلو بس بجد مافي بالي احد اسوي له مقابله
المشكله فكرت باختي الصغيره بس والله لو فتحت معها سالفه بتسويها فلم هندي:eek2:
وتطلع لكم تكمله من الشاشه وتطلع لكم بالحلوم:eek:

افكر واشوف ولي عوده باذن الله

الدانـــــه
17/11/2005, 07:40 PM
تسلم أخوي هادي عالفكره الحلوه

ما شاء الله تبارك الرحمن على امونه

الله يحفظها من كل شر ويخليها لكم وتشوفونها عروسه ان شاء الله

صـــارع
18/11/2005, 09:19 AM
هلا

business_girl

صارع هادي بو محمد ، كلّه واحد قولي اللي يريحج
ولا تحاتين اكيد نقرأ عليها والمفروض كل واحد عنده يهّال يقرأ عليهم ترى عيون الناس ماترحم
وبانتظار مشاركتج لا تتعذرين بأختج ، مو شرط المقابلة مع احد صغير
تحيتي

صـــارع
18/11/2005, 09:20 AM
هلا

القمر وضيه

آمين يا رب
وبانتظار مشاركتج معانا .. لا تنسين

صـــارع
18/11/2005, 09:21 AM
هلا

بنفسجة العين

حيالله اللي ماتت
انا كل ماشوف اسمج الحين اتذكر ذيج السالفة .. الله يسامحج بس
بانتظار مشاركتج واتمنى تكون مقابلة مميزة جدا
تحيتي

صـــارع
18/11/2005, 09:23 AM
هلا

&&_عاشقة الجوري_&&

والله صرفتها .. كان شيء غير متوقع ابد
بانتظار مشاركتج معنا وبلاش هالاعذار اللي ماتنصرف عندي
تحيتي

صـــارع
18/11/2005, 09:24 AM
هلا

الدانـــــه

آمين يا رب
بس ضحكتيني يوم قلتي تشوفونها عروسه
الاخت من الحين تبي تتزوج ومرة سألت امي يصير اتزوج اخوي ؟!!!
تحيتي وبانتظار مشاركتج معنا

أريش العين
18/11/2005, 11:44 AM
هلا

بنفسجة العين

حيالله اللي ماتت
انا كل ماشوف اسمج الحين اتذكر ذيج السالفة .. الله يسامحج بس
بانتظار مشاركتج واتمنى تكون مقابلة مميزة جدا
تحيتي


بومحمد .. شفيك تفاول عليه >>>>>طاعو منو يرمس
يسامح الجمييع ياربي ..
انتظر مشاركتيه .. ان شاء الله تكون مقابلة متميزة على قولتك ..


بنفسوجة

صـــارع
18/11/2005, 06:18 PM
بانتظارج بنفسجة العين
لا تتأخري

elmaha
18/11/2005, 06:21 PM
ربنا يخليها لكم يا رب مقابله كانت تتسم ببرءاة الطفوله.
وعلى طاري الزواج اذكر اخويه اخر العنقود جاء لامي مره وقال لها انا وايد احبج وبتزوجج:s2 ردت عليه الوالده وقالت له عيب هالكلام ما يصير يتزوجوا امهم حرام قال لها طيب عيل بتزوج اختي.
الرجال مصمم شكله.
وننتظر المقابلات الجايه من خارج الحدود
ومشكور على مواضيعك الرنانه والمتميزه دائما.

صـــارع
18/11/2005, 06:27 PM
هلا

elmaha

هذا اول رد لج على موضوع من مواضيعي
صراحة مافي احلا من براءة الأطفاال ، حليله الولد معجب بأمه ويبي القرب منها
انا مدري ليش اعيالنا سالفتهم سالفة مع الزواج ، الله يحفظه لكم و تشوفون عليه كل خير وصلاح
نسيت اقول .. هذا اول رد عقب ماصرتي مشرفة
تحيتي وبانتظار المقابلة

&][قـصايد][&
18/11/2005, 06:36 PM
ماشاء الله

خمسه وخميسه عليها احم

تسلم الطيب ع الموضوع الشيق

elmaha
18/11/2005, 06:39 PM
نسيت اقول .. هذا اول رد عقب ماصرتي مشرفة

انا بالاول لما شفت جملة هذا اول رد لج على مواضيعي استغربت وايد :think: لان مواضيعك تجبر الواحد يزورها ويناقش فيها. وانا دايم احرص اكون في مثل هالنقاشات البناءه, لكن زين انك عدلتها في اخر الرد<<<====كانت مستعده للهجوم يا ابو محمد.

واعتقد سالفة الزواج عند اطفالنا لان الزواج في عيونهم هو احلى شئ لما يشوفوا الفرحه في عيون الناس والاهازيج والعزايم فيعتقدوا ان بالزواج يقدموا الفرحه للي يحبوهم<<<====مجرد اعتقاد من منظوري الشخصي.

صـــارع
18/11/2005, 06:47 PM
هلا

&][قـصايد][&

الله يسلمج يالطيبة
ونحن بانتظار المقابلة اللي راح تتحفينا بها
تحيتي

صـــارع
18/11/2005, 06:49 PM
هلا

elmaha

مو نسيت .. بالأحرى تناسيت اقول عشان المصداقية
واتشرف دائما بحضورج الرائع ، وانا والاعضاء ننتظر بشغف المقابلة اللي راح تقدمينها لنا
تحيتي

elmaha
18/11/2005, 06:53 PM
اخوي هادي
للاسف ما اقدر اسوي مقابله تراني مغتربه واخواني واهلي كلهم بعمان .تبيني اسوي لهم مقابلهم عبر النت او التيلفون؟ ترى اخر العنقود هذا كبر وصار ريال الحين عمره 11 سنه على ما اعتقد او عشر سنين!! يعني صاير ملسون وسوالفه بتغثني وبيجلس يقوللي كيف يعني وليش تساليني جذيه!!! باختصار بياذيني اذيه.خخخخخخخ

ونتظر مقابلات الاعضاء ان شاء الله واكون من المتابعين بعون المولى.

صـــارع
18/11/2005, 07:50 PM
هلا

elmaha

الله يعنيكم على الغربة
وعسى القلب مو مغترب بذكر الله و التواصل مع الاحباب في السلطنة الحبيبة
فقدنا المقابلة وما فقدنا المتابعة
شكرا لج كثيرا
تحيتي

aljory
19/11/2005, 03:18 AM
مراحب جميعا

اخوي هادي موضوع رائع جدا
والمقابله الي مع امووونه تمووووووت ضحك فعلا برااااااااااءه

الله يخليها لكم يارب ويحفظها

وبعد موقف اخو مهاوي شي هههههههههههههههه

فديتهم يهبلون









http://www.w6w.net/upload2/18-11-2005/w6w_20051118180209a821b3a8.gif



.. الجزء الاخير من الوقفات مع شعراء المنتدى (http://www.3roos.com/forums/showthread.php?p=1820844#post1820844)


.. @..كتاب الادبــ [email protected] (http://www.3roos.com/forums/showthread.php?t=150068)

*** مـــلاكــــ ***
19/11/2005, 05:30 PM
موضــوعكــ شبه مكــرر أو نقول مكرر بأختلاف العنوان



مــــلاكــ

صـــارع
19/11/2005, 09:58 PM
هلا

aljory

مشكورة على المرور والتعقيب على المقابلة
ونحن بانتظار مقابلتج
تحيتي

صـــارع
19/11/2005, 10:05 PM
هلا

*** مـــلاكــــ ***

التكرار يعلّم الشطّار
و ترى اغلب مواضيع المنتديات مكررة ولكن الفرق في صاحب الموضوع واسلوبه
شكرا على المرور وبانتظار مقابلتج واتمنى ماتكون مكررة
تحيتي

elmaha
19/11/2005, 10:07 PM
ما شاء الله عليج اختي ملاك


لا تعليق


رغبة الاعضاء في التجمع والمناقشه هو اكبر هدف لنا بغض النظر عن الموضوع مكرر او لا , وعني شخصيا فانا من مرتادي منتدى واحد فقط وهو عروس لذلك فارغب بان ارى ما يقراءه الاعضاء من منتديات ثانيه وتكون هادفه وليس من باب التكرار فقط.

تحياتي القلبيه.

&&_عاشقة الجوري_&&
20/11/2005, 03:51 AM
ملاك
اجدك ناقده في هذا المنتدى اكثر من كونك معلقه او طارحه للمواضيع...!!

تجمعنا على موضوع وان ندلي بدلونا اهم من ان يكون مكرر اولا....

The MoOoOoN
20/11/2005, 10:02 AM
الموضوع راااااااااااائع

مشكور اخوي

والله يحفظلكم امونه من كل شر


وان شاء الله افكر في مقابله و ارجع

ward alsham
20/11/2005, 10:29 AM
هلا

هادي

كيف الحال طيب إنشاء الله

لقاء روعة كله براءة أخي الفاضل بومحمد تشكر عليه

ما شاء الله عليها الله يحفظها من كل عين حاسدة ومن كل شيطان

ما شاء الله من كلامها شكلها نبيه وعندها فطنه وذكاء وااااايد كأنها كبيرة بس السن صغير

الله يحفظها لكم ويجعلها من حفظة كتاب الله ومن أوليائه الصالحين

وإنشاء الله تكبر وتقول لها اقري أمنياتك ترى كتبتها بالمنتدى وتشوف ردة فعلها


ولي عودة بإذن الله مع المقابلة

ملاحظة : اشتروا لها العباية والشيلة لا تخلوها بخاطرها

حلو إنها تحب هالشي من صغرها بيترسخ الدين أكثر في قلبها من الصغر

RoOoOmy
20/11/2005, 12:45 PM
ماشاء الله عليها أمون ... الله يخليها لكم وتشوفها لابسة عباية وفي الكوشة ( حسب رغبتها )
كلامها أكبر من سمها وهذي صفة في الأطفال في هالسن ... تذكرني بآخر عنقودنا منورة

تصدق توني ماسحة الصفحة اللي فيها الموضوع ... قلت شكله نسى السالفة أو انشغل

لي عودة للمتابعة

صـــارع
21/11/2005, 01:56 PM
هلا

The MoOoOoN

آمين يا رب العالمين ، شكرا على مرورج وبانتظار المقابلة ... لا تتأخرين علينا
تحيتي

صـــارع
21/11/2005, 01:58 PM
هلا

Neama

وين الغيبة !!!!
شكرا على مرورج الطيب وان شاء الله ناخذ لها الشيلة والعباة قريب
بانتظار مشاركتج

صـــارع
21/11/2005, 02:00 PM
هلا

RoOoOmy_M

مثل ما قلتي ... الكلام اكبر من السن وهذي صفة الاطفال الحلوين
مافهت آخر جملة كتبتيها ...
تحيتي

aljory
25/11/2005, 03:35 PM
مقابله مع .... حمودي...

نبذه بسيطه..

(( اسمه محمد بثاني ابتدائي ... في بنوته اصغر منه .... هو اسمر واحد بالعايله ... بخيل شوي ... ذكي ... يحب الدراسه حب غير طبيعي ... يكلم اختي اللي اصغره منه بنفس كلامها... يحب يضايقها ويخليها تصارخ... طيووووب حيل وينقص عليه.... ))

الجوري::: حموووووووووووودي تعال ابسالك ..(( اذا قلت له بسوي نقابله بيستحي وبينحاش))

حمودي::: طاااااااااااااااااااايب (( بصوت الكسل))

الجوري::: ليه تحب الدارسه..

حمودي::: لان فيها الرياضه..والرياضيات(( طالع على اخته)) والقراءه والقران...

الجوري::وش تبي تكون لما تكبر...

حمودي::: مدررس لكل المووووووووووووووواد...عشا اضرب كل الاوالاد بالعصا النادره<<<<منقول بالحرف الواحد

الجوري::: اي عصا نادره:!!!!!!!

حمودي:::: مو عصا بس بصارخ بقووووووه في اذنهم((( خوش مدرس والله ))

الجوري:::اذا حد قالك يااسمر ... وش تقول له؟؟

حمودي ::: يوووووووووووووه اسئلتك كثيره..

الجوري ( بعدما ضحكت لين قلت بس)) :::: طيب اذا معك حلاوه بتعطيني؟؟؟ (( انا قصدي بختبره في بخله))

حمودي::: اهااااااااااا يعني كل ذي الاسئله عشان الحلاوه اللي خشيتها في شنطتي... شلون شفتيها وانا خشيتها بمكان غريب ..؟!!(( وهو حاط ايدينه على خصره ومقلب حواجبه)))

الجوري:: ههههههههههههههههههههههههه ههههههههههه اها عندك حلاوه وخاشها هاه؟؟
<<<<<<< غيرت المجرى .... نرجع لحوارنا..

لا ماابي حلاوتك هاذي خلها لك...

حمودي::: زين في اسئله ولا خلاص..

الجوري::: باقي باقي ..

حمودي:: اوووووووف تفضلي..(( قالها بالفصحى))

الجوري::: انت لما تروح عند المدرسه بعد ماتجي من المدرسه كيف تحس ..

حمودي::: طفففففففففش ابي ارتاح من المدرسه بس ابوي يقول لازم اروح عند المعلمه عشان احفظ القران (( هو واصل بالحفظ عند سورة المعارج))

الجوري::: طيب زين انك تحفظ عشان ربي يحبك

حمودي::: ايه هو حلو وانا بعد احب ربي ... بس تعب اروح هنا و هنا.... بس ابوي يبغاني اكون مثل هذاك اللي يصلي بالناس في مكه ((( يقصد السديس الله يحفظه)))

الجوري ::: امييييييييييييييييييين..

حمودي::: ايه استانسي ... مو انتي اللي تروحي هنا وهناك مثلي .. قاعده بالبيت ومرتاحه..


بس لما يقوم ابوي بقوله يخليك انتي تصيرين مثل اللي يصلي بالناس.. حره عليك

(( بعدها انحاش)))

وناديت بس لا حياة لمن تنادي

بس متتتتتتتتتتتتت ضحك عليه تخليلوا تشوفوني في الحرم اصلي بالناس خخخخخخخخخخخخخخخخخ

الله يرج ابليسك ياحمودي..


وتحياتي لكم... ولابو صاحب الافكار ...

واسفه على الاطاله والمقابله الناقصه..

دمتم بكل خير



http://www.w6w.net/upload2/23-11-2005/w6w_20051123162602375414db.gif

elmaha
25/11/2005, 03:44 PM
هههههههههههههه
فديته والله ذكرني باخويه أحمد
الله يخليه لكم حبوب وشيطان شكله. ويا عيني شكله مرهق من دراسه لدراسه غيرها بس حلو لمصلحته طبعا ودامه يحب المدرسه فخلاص.
بس شو سالفة العصا النادره هذه؟.خخخخخخخخخخخ والله موتني من الضحك.

تسلمي على المقابله الحلوه.

صـــارع
25/11/2005, 03:57 PM
هلا

aljory

وحيّالله الشيخ محمد ثاني ضيوف موضوعنا ( ضيف من خارج الحدود )
حسيت من اجاباته انها كانت جداً سريعه ، معنى هذا ان الولد نبيه ويلقطها بسرعه ، الله يحفظه و يحرسه
يوم قال يبي يصير مدرس لكل المواد انا استانست ، وليته ما كمّلها وقال عشان يضرب ، لايكون الولد ينضرب بالمدرسة ، سألوه
ان شاء الله يتم حفظ القرآن و يكون إمام مو للحرم ، للحرمين
شكرا على هذه المقابلة السريعه الطريفة
وسلمي ع محمد ولا تاخذي حلاوته
تحيتي

aljory
25/11/2005, 04:12 PM
هههههههههههههه
فديته والله ذكرني باخويه أحمد
الله يخليه لكم حبوب وشيطان شكله. ويا عيني شكله مرهق من دراسه لدراسه غيرها بس حلو لمصلحته طبعا ودامه يحب المدرسه فخلاص.
بس شو سالفة العصا النادره هذه؟.خخخخخخخخخخخ والله موتني من الضحك.

تسلمي على المقابله الحلوه.


هلا قلبي مهاوي..
وان شاء الله تشوفي احمد قريب قولي امين..

والعصا النادره مدري شسالفتها لحد الحين ماعرفت السر..

هههههههههههههه
فديته..






http://www.w6w.net/upload2/23-11-2005/w6w_20051123162602375414db.gif

aljory
25/11/2005, 04:17 PM
هلا

aljory

وحيّالله الشيخ محمد ثاني ضيوف موضوعنا ( ضيف من خارج الحدود )
حسيت من اجاباته انها كانت جداً سريعه ، معنى هذا ان الولد نبيه ويلقطها بسرعه ، الله يحفظه و يحرسه
يوم قال يبي يصير مدرس لكل المواد انا استانست ، وليته ما كمّلها وقال عشان يضرب ، لايكون الولد ينضرب بالمدرسة ، سألوه
ان شاء الله يتم حفظ القرآن و يكون إمام مو للحرم ، للحرمين
شكرا على هذه المقابلة السريعه الطريفة
وسلمي ع محمد ولا تاخذي حلاوته
تحيتي

يحيك ربي وسط الفردوس يارب..
هسي اجاباته سريعه مدري عشان يروح يكمل اللعب ولا النباهه...

ويحفظ لكم حمودي يارب..

لا تطمن ماينضرب وحتى لو انضرب بياخذ حقه حتى لو من المدرس..
حتى في مره المعلمه اللي تحفظه القرآن قامت تخوفه بالعصا عشان تبيه يحفظ ومادرينا الا والاخ اخذ العصا منها ويهدد يقول::: اذا طقيتي بطق.. وحده بوحده

ههههههههههههههههههههههههه هههههه
والمعلمه راحت فيها ضحك ... ولما خبرتنا بالسالفه متنا ضحك كلنا خخخخخخخخخ

والله يسمع منك يارب ويصير امام في الحرمين هو وحمودي ولدكم...ياااااااااارب

والحلاوه ماني ماخذتها حلاله..
والمعذره منك اخوي على المقابله السريعه بس هو انحاش,, ولا انا بكمل,,

تحياتي لكم اجمع..






http://www.w6w.net/upload2/23-11-2005/w6w_20051123162602375414db.gif

ورورة
25/11/2005, 04:35 PM
ههههههههههههههههههههههههه ههههههههههههههههههههههههه هههههههههههههه

والله انه يمووووووووووووت من الضحك يالجور ي الله يحفظه لكم يارب وتشوفونه يصلي بالناس في الحرم يارب

بس بصراحة فناااااااااان عجبني يوم قالج كل هذا عشان الحلاوة؟ وعجبني بعد يوم قال للمعلمة اذا طقيتي بطق
ووايد اشيا بعد

والله اني يالسة اكتب وانا بموووووووووووووووووووووت من الضحك ههههههههههههههههههههههههه هههههههه

ودمتم سالمين

النوري
25/11/2005, 04:40 PM
موضوووووووووووووووووووووو ووع ررروعه

فعلالالالالالالالالالالال الا

شكرا لك اخوي هادي

وفديت امونه تجنننننننننننننننننن

ماشاء الله عليهااااا

صار خاطري اشوفهاااا

والله يحفظها لكم ويبلغكم فيها

اللهم آمين

وانتظروا اللقاء مع (( محمد )) ولدي :)

النوري
25/11/2005, 04:51 PM
فديت حمودي

مااااشاء الله عليه جررررررررررررررررررررريء وجرأئته حلوه ذكرني بحمود ولدي

وموتني ضحك لمه قال وحده بوحده اذا ضربتي بضرب

هههههههههههههههههههههه

والحمدللله انه حمودي يحب الدراسه ماااشااااااااااء بعكس ولدي حمود ما يحبها بس ولدي يوسف ما ااااا شاء الله عليه

يحب الدراسه كثيرررررررررررررر ربي يبلغنا فيهم


والله يبلغكم بحمود وتشوفونه موءذن بيت الله ويصلي فيكم ان شاء الله جميعا .

aljory
25/11/2005, 04:52 PM
ههههههههههههههههههههههههه ههههههههههههههههههههههههه هههههههههههههه

والله انه يمووووووووووووت من الضحك يالجور ي الله يحفظه لكم يارب وتشوفونه يصلي بالناس في الحرم يارب

بس بصراحة فناااااااااان عجبني يوم قالج كل هذا عشان الحلاوة؟ وعجبني بعد يوم قال للمعلمة اذا طقيتي بطق
ووايد اشيا بعد

والله اني يالسة اكتب وانا بموووووووووووووووووووووت من الضحك ههههههههههههههههههههههههه هههههههه

ودمتم سالمين


فديت روحك يالغلا...

ودوم الضحك ياااااااااااااارب..

وحمودي هاذاهو قاعد يحفظ الدروس اللي عليه...

ودعواتك له يصير امام في الحرمين...

اسعدني ردك وتواجدك
دمتي بود



http://www.w6w.net/upload2/23-11-2005/w6w_20051123162602375414db.gif

aljory
25/11/2005, 04:55 PM
فديت حمودي

مااااشاء الله عليه جررررررررررررررررررررريء وجرأئته حلوه ذكرني بحمود ولدي

وموتني ضحك لمه قال وحده بوحده اذا ضربتي بضرب

هههههههههههههههههههههه

والحمدللله انه حمودي يحب الدراسه ماااشااااااااااء بعكس ولدي حمود ما يحبها بس ولدي يوسف ما ااااا شاء الله عليه

يحب الدراسه كثيرررررررررررررر ربي يبلغنا فيهم


والله يبلغكم بحمود وتشوفونه موءذن بيت الله ويصلي فيكم ان شاء الله جميعا .



هلا والله بام الغوالي..

هلا بحبيبت القلب والروح...

هههههههههههههه حمودي هذا جرئ بقووووووووووووووه
خخخخخخخخخخ

الله يحفظه يارب..

وننتظر مقابله حمودي ولدك فدييييييييته وفديت روحه..

وقولي له ( خالتك الجوري تسلم عليك)) <<<<<<<<< مصدقه روحها انها خاله خخخخخخخ

انتظر بفارغ الصبر المقابله



http://www.w6w.net/upload2/23-11-2005/w6w_20051123162602375414db.gif

صـــارع
25/11/2005, 06:58 PM
هلا

النوري

توّه مانوّر الموضوع مشرفتنا الفاضلة
سعيد ان فكرة الموضوع نالت استحسانج ونحن كلنا بانتظار المقابلة الحصرية مع حمود
تحيتي

إخصائية تغذية
25/11/2005, 08:38 PM
تسلم أخوي على الفكرة وننتظر المزيد

صـــارع
26/11/2005, 08:32 PM
هلا

إخصائية تغذية

الله يسلمج ونحن كلنا ننتظر مقابلتج .. تحيتي

فيروزة
26/11/2005, 09:29 PM
وايد حلو الموضوع يا بو محمد انا الحين دريت عنه يمكن لان ما اتابع هذا الركن باستمرار..

والله يحفظ امونة قول آمين ما شاء الله عليها خفة دم

الجوري الله يحفظ حمودي ان شاء الله

وان شاء الله رادة لكم بمقابلة مع عيال اختي ...

انتظرونــا

صـــارع
26/11/2005, 11:22 PM
هلا

فيروزة

آمين ، يحفظها من كل شر
حياج الله في أي وقت ، إنتي واعيال اختج الكريمة
بانتظاركم هنا
تحيتي

أريش العين
02/12/2005, 11:48 AM
سلام عليكم ورحمة الله وبركاته
عدنـــــــــــــــــــا

انا رجعت مثل ما وعدتكم بلقاء مع اخويه الصغير ... (محمد)
محمداني ترتيبه قبل الاخير بينا .. عمره 5 سنوات .. ماشاء الله عليه وايد ذكي .. شاطر وعنده سرعة بديهة ....مشكلته انه لسانه طوييل ودوم يفشلني جدام ربيعاتي :pain:.. دلوووع ودايما يصيييح ..
ناديته قلتله تعال بسالك اسااله ..عاد هو ما صدق على طول يلس على سريري وحاط عينه في عيوني .. وهذا يعني ( تفضلي سألي ) :
اول سؤال : ممكن تعرفنا على نفسك :smile:
محمد : بعد ما انسدح على سريري قال شويعني اعرف نفسي ؟؟ ( طبعا بعد ما فهمته شو يعني يعرفني بنفسه قال : هيييه .. انا اسميه محمد الظاهري عمري 5 سنوات لا لا قصدي 20 سنه .. صف كيجي تو .. انا وايد احب الدياي واحب اشرب جاهي(شاي ) وماي وعصير **غريب انه ما قال انه يحب الحلاوة شكله نساها **

ثاني سؤال :- اذا عندك بقرتين وحدة سودة والثانيه بيضا .. البقرة البيضا حليبها لونه ابيض والبقرة السودا حلبيها شو لونه ؟؟
محمد : بكل ثقة : لونه اسود .. بعدين يلس يفكر شويه :think:.. وقال بصوت عالي لا لا لونه ابيض بس لو حطيناله كاكاو بيصير بني . خخخخخخخخخخخ
السؤال الثالث :- أي انواع السيارات تحب ؟
محمد : والابتسامه على الويه .. ( يموت في السيايير ) قال : ابى نيسان ابيض واستيشن اسود .. وطوارق بنيه ( لا تسالوني شو طوارق ؟؟ ما اعرف ...هو قال جذييه ) .. وابى بعد جييب JEEB لونه من تحت اسود ومن وفوق بني ( ياسلام )

السؤال الرابع :- يوم بتعرس ( تتزوج ) منو بتحب اكثر حرمتك ولا امك .. ومنو بتحب اكثر انا ولا حرمتك
بحب ماماتي اكثر عن حرمتيه ... وبعدين تم يطالعني بنظرة خبيثة قالي بحب حرمتيه اكثر عنج ويلس يضحك ؟؟؟؟ ( ماعليييييه ان ما راويتك انت وحرمتك )

السؤال الخامس :- يوم بتجيب عيال شو بتسميهم ..
محمد : وعلامات الاستفهام في ويهه .:(. انا كييف اجيب عيال :(الحرمة اللي تجيب مب انا ..(( هههههههههههههههههههاااااا ي )) ** بعد تعديل السؤال قلتله اوكيه شو بتسمي عيالك اللي بتيبهم حرمتك ** قال : واحد عبدالله والثاني احمد ووحدة بسميها هند والثانيه روضة .. بس ابى ولدين وبنتين ..
السؤال السادس : شو تحب من المواد ؟
محمد : شو يعني مواد .. بنفسوجة : يعني شو تحب تدرس من الكتب ؟ محمد : هيييه .. احب العربي والدين .. وسكت تم يفكر ..

محمد حط ايده على راسه .. قلتله ليش قابض راسك .. قالي وهو معصب :mad2:يالله بسرعة سألي ما عندي وقت ..
السؤال السابع : يوم بيعرس عبد الله ( عبد الله اخويه الكبير ومحمد يموت فيه ) بترزف ؟؟
لا .. انا اعرف ارزف بس استحي جدام الناس:o .. برزف في البيت .. بسويله عرس في بيتنا وبرزفله .. ( يااا حافظ على بوجاسم )
السؤال الثامن :- شو تحفظ من القران ؟
حافظ سورة الناس والكوثر والاخلاص والفاتحة وبس تبيني اسمعلج:bigsmile: .. ؟؟
السؤال التاسع : انته عيناويه ولا وحداوي ؟
انا عيناوي ... واحب العين .. العين يدخلون Gooooooool :bigsmile: ههههههههههههااااي

محمداني تم يحك راسه .. شكله طفر مني .. خخخخخخخخخ ... نقز من على السرير وقالي .. خلاص بس انا بروح اشرب جاهي .. خسرتي وقتيه ... ( اللي يقول رجل اعمال مب مفعوص في ثاني روضة )




هذا اللقاء اللي كان مع الشيخ محمد ..
اتمنى انكم استمتعم معاه ..
تصدقون الين اخر لحظة وهو قاعد يسالني: انتي ليش تكتبين اللي اقوله ؟؟ مستغرب الاخ ...


بنفسوجة

aljory
02/12/2005, 07:42 PM
هلا بنفسوجتنا..

ههههههههههههههههههههههه
الله يحفظه محمداني فديته انا,,

خخخخخخخخخخخخ

يهبل ماشاء الله عليه مت ضحححححححححححك وانا اقرا

احلى شي يوم قال انه بيحب زوجته اكثر منك خخخخخخخخخخخخخخخخ<<<<<تحب النذاله

فديته,,

لا وبعد انتي معطلتيه عن وقته تدرين انتي الشركات كثيره عنده والناس مايجونه الا بعد ماياخذون منه موعد وانتي خربتي عليه كل شغله
ههههههههههههههههههههههههه

فدددددددددديته بعد عمري هو..

ياحبي له..... وقولي له يوم بيعرس بجيب له ( طوارق ) خخخخخخخخخخ اي لون يبي؟!!

تكفين بوسيه لي بووووسه قوووووووويه >>>>بس مو تفعصينه,,,


مشكوره ياقلبي على المقابله جد روعه..

على فكره حتى محمد اخوي يسالني ليه تكتبين اللي اقوله ..؟؟

خخخخخخخ



http://www.w6w.net/upload2/23-11-2005/w6w_20051123162602375414db.gif

صـــارع
06/12/2005, 02:53 AM
هلا بالشيخ محمد الظاهري
و أشكرج اخت بنفسجة على المقابلة الأكثر من رائعة
مادري حسيت من إجاباته انه مدلل الله يحفظه من كل شر ، و كذلك سرعه البديهة عنده
ما شاء الله عليه حتى الطوارق يعرفها !!!! هذي يا اختي الفورويل من نوع (( فولسويجن )) بس ابصراحة حلوة وشكلها خطير
ما شاء الله عليه يحفظ سور من القرآن ، الله يزيده ويبارك في عمره و في كل حياته
تشكرات كثيرات على المقابلة الاكثر من رائعه
تحيتي

العيون العسلى
06/12/2005, 02:56 AM
السلام عليكم ورحمة الله وبركاته



مرحبا اخوى الكريم هادى

انا اول مرة اشوفه الموضوع



باين عليه كثير حلو


ويا ترى اقدر اشارك والا لا وكيف لو اقدر لانى ما استوعبت شوى


تحياتى

صـــارع
06/12/2005, 03:13 AM
هلا

العيون العسلى

حياج الله معانا والموضوع وما فيه .. اتسوين لنا مقابلة مع احد افراد العائلة الكريمة
مو شرط يكون طفل ، ترى كل المقابلات كانت لأطفال ، يعني لو تسوينها مع الزوج أو احد الاخوان كله يمشي
وفكرة الموضوع اننا نشوف آراء ضيوف من خارج المنتدى ونعرف شلون يفكرون
يمكن ع الأقل نستفيد من خبراتهم
تحيتي

العيون العسلى
06/12/2005, 03:23 AM
فكرة كثير حلوة طبعا مثل ما بتعرفوا انا ما ايلى حدا فى



هذه البلد الا زوجى واولادى وبنتى عمرها الله يخليها لى 5 سنوات ما


بينفع لان حتى فى اللغة ما بتفهم كثير هذا الشئ مثل اللى عايشين فى بلدانهم



واذا حبيتوا تضحكوا على ردودها ما عندى مانع :o


عندى شئ بسيط من بنتى وهو .. خودوا مثلا


لما بسألها حلومة حبيبتى شو تحبى نسمى اختك اللى بتجى فى الطريق


تعرفوا شو بتقولى سميها :rolleyes: مرة بتقولى يوسف .,. ومرة بتقولى عليوة

جننتنى عييت افهم فيها ان هذه اسماء اولاد


لان عندى ابن اختى اسمه عليوة وصديقتى مخلفة جديد ولدها اسمه يوسف


ولما تستوعب شوى فى لحضتها بتسميلى اسماء بنات اجانب




بس حكاية زوجى كثير حلوة وظريفة وان شالله استضيف زوجى فى موضوعك


لو ما تبون بنتى ....


بس من وين الاسئلة وكيف ومتى يا ريت اعرف وانا ان شالله راح اكون مستعدة


تحياتى

صـــارع
06/12/2005, 03:27 AM
الله يحفظ حلومة و اخوها ويبارك لكم باللي جاية في الطريق
وقولي لها تختار أسماء إماراتية ، ترى اسماءنا وايد حلوة و مميزة بس جيرانكم راح يستغربون
والله ياليت لو نشوف مقابلة مع ابو حلم ، ع الاقل نغير اشوي من مقابلات الاطفال والاسئلة 10 وانتي تحددينها بمزاجج
وتكون مابين الجادة والفكاهية عشان نستمتع بكل الجوانب
ونحن كلنا بانتظار المقابلة
تحيتي

العيون العسلى
06/12/2005, 03:45 AM
الله يحفظ حلومة و اخوها ويبارك لكم باللي جاية في الطريق
وقولي لها تختار أسماء إماراتية ، ترى اسماءنا وايد حلوة و مميزة بس جيرانكم راح يستغربون
والله ياليت لو نشوف مقابلة مع ابو حلم ، ع الاقل نغير اشوي من مقابلات الاطفال والاسئلة 10 وانتي تحددينها بمزاجج
وتكون مابين الجادة والفكاهية عشان نستمتع بكل الجوانب
ونحن كلنا بانتظار المقابلة
تحيتي


بارك الله فيك اخوى ويحفظ لك حمودى والاهل جميعا


اسماء اماراتية مثل ايش يا ريت القى اسم حلو مميز


وحكاية ان جيرانى يستغربوا انا مادخلنى فيهم خليهم


يستغربوا على زين اسمائهم اسمائنا احنى العرب احسن منهم بكثيرررر


وان شالله راح اسوي اللقاء مع زوجى فى اقرب وقت بأذن الله


تحياتى لكم جميعا

أريش العين
07/12/2005, 04:37 PM
هلا الجوري
امين يارب ويحفظلكم محمداني .. وان شاء الله تشوفونه في اعلى المراتب ومن خيرة الناس ..
.. هيييه والله يالجوري شفتي .. قواة عينه قاعد يقولي بحب حرمتيه اكثر عنج .. مشكلة المفاعييص

قاص على عمره الريااال مسوي عمره بزنس من .. تدرين هو واايد يقلد اخويه الكبير فعشان جييه مقتبس نص كلااامه ويمرس بنفس اسلوبه لو شتوفينه بتموتين من الضحك علييه

الطوارق
يباها بنيه .. >>>>>جنه خلصن الالوان ما تم غير البني ... .<<<<<ماعنده ذوق ماادري كيف طلع اخويه

ان شاء الله ببوسه .. بس الله يعين على ردة فعله .. ما يحب حد يبوسه يوم حد يبوسه يعصب و يتم يمسح خده بالقو

الحمدلله يوم المقابلة عيبتكم وان شاءالله اوعدكم بمقابلة ثانيه ..


بنفسوجة

أريش العين
07/12/2005, 04:44 PM
هلا بومحمد

زين زيين يعني عيبتك المقابلة ... شي طيب ...
يااخي خلها على الله .. مدلل وبس .... هذا كل دلال الدنيا والدلع فييه وهذا اللي مخرب شخصيته .. وهذا اكثر شي يقهرني فييه ... عيزت من كثر ما اقوله الريال ما يتدلع بس الحق على اللي دلعه .. تدري لانه الفرق بينه وبين اختي اللي قبله اكثر عن خمس سنين فكنا كلنا متولهين على بيبي يديد .. ويه محمد وطحنا فيه بالدلع وللاسف النتيجة طلع دلوووووع ... حتى اخويه اللي اصغر عنه (حمد ) مب دلوع مثله بالعكس شخصيته احلى عن محمدااني ..

هييه ما شاء الله عليه لولا دلع بس انه سريع بديهة وذكي .. ربي يحفظه

ياخي محمد نص السياير يعرفها .. وتعال شوف عاد يوم نمشي في الشارع يتم يسميلي كل سيارة وانا مثل الاطرش في الزفة .. شفتها هذي اللي سميننها طوارق راواني اياها ...


يسعدني انه المقابلة عيبتكم وان شاء الله النمقابلة اليايه بتكون مع ( امي )
بس بتكون بعد فترة الامتحانات ( ماشي وقت ) .. يعني عنهاية شهر 12 وبداية شهر 1 .... انتظروني ..


بنفسوجة

صـــارع
07/12/2005, 09:07 PM
و نحن بإنتظار مقابلة الوالدة
صراحة كلّي فضول لمعرفة طريقة تفكيرها وإجاباتها على الأسئلة
تحيتي