المساعد الشخصي الرقمي

مشاهدة النسخة كاملة : ياربي ساعدني...



De3LaT_7aBeBY
13/11/2005, 05:29 AM
السلام عليكم ورحمة الله وبركاته

عندي مشكله يمكن تشوفونها صغيره وتافهه بس للاسف عندي كبيره ومهمه... زوجي( مالج علي فقط ) بحكم انه احنا بعاد عن بعض كل واحد فينا بديره ... اهو لدراسته وانا بعد لدراستي...

اول ما انخطبنا وملجنا كان ما يفارقني دقيقه من علي التليفون كنت اكلمه وايد وايد ... بس الحين بعد ما اشتغل انشغل عني وايد ... صرت اكلمه قليل واهو بعد قليل يكلمنى.. واخر شي صار بينا زعله صغيره علي التليفون.. وبعدها اهو ما اتصل فيني وانا ماتصلت الا بعد اسبوع وانا الي اتصلت فيه عشان اراضيه .. ولمه كلمته كان وايد تعبان ونايم وكان يكلمنى واهو نايم ... صراحه زعلت وايد وانا مشكلتي حساسه شوي خذيت بخاطري بس قلت باجر باتصل فيه بعد بس بوقت اهو يكون صاحي او قاعد يشتغل المهم انه يكلمنى واشوف اسلوبه معاي تغير والا لا...


مادري حاسه اني متخربطه مادري شسوي شنو تنصحوني ...

الكاسكو
13/11/2005, 06:17 AM
حبيبتي لا تكبيرين الموضوع وهو صغير ،، وانتي واااااااااااااااايد حساسه باين عليج عااااااااااادي يمكن شغله والتعب هو اللي مغيره عاااادي حبيبتي بس لا تحنين عليه وايد وتنكدينه والله جذيه بيطفش منج بس عليج اللي تسوينه الحين الكلام الحلو والطيب اللي لازم يسمعه منج ،، وبعتيله بخور المسني والدواسر هديه له ههههههههههههههههههههههههه هههههههههههههههه حلوه صح لالالالا اتغشمر لا تبعتيله 0




وعليج بالدعاء لج وله


ولي بان الله يرزقني باللي ببالي 0

امييييييييييييييييييييييي ييييييييييييييييييييييييي ييييييييت


تحياتي / الكاسكو

De3LaT_7aBeBY
13/11/2005, 06:29 AM
هههههههههههههه كاسكوو حلوه من قلب

والله هالايام صايره حساسه علي الفاضي مادري ليششششششششش اموت واعرف....


تحياتي حبيبتي نورتيني والله

الكاسكو
13/11/2005, 06:38 AM
هلا حبيبتي انشالله اعجبتج هالهديه هههههههههههههههههههههه 0

حبيبتي احنا البنات في اول ايام الخطوبه نفكر ونحاتي وليش وغيره 000 عااادي وماعليج هاذي طبيعة الشغل يا روحي انتي تعوذي من الشيطان وماعليج وعليج بالدعااااااااااااااااء وبلا حساسيه زياده ماشي 0


الكاسكو

ماسة دبي
13/11/2005, 06:59 AM
عليكم السلام و الرحمه

عزيزتي ... الريال من ينشغل بشغله ينسى الناس و الصراحه أنا من ناحيتي أرتاح لما الريال ينشغل بشغله تطمنين و تعرفين إنه ما عنده لا حواطه و لا غيره شغله و بيته

إنتي هونيها و خففي عليه و لا تزيدين العتاب

De3LaT_7aBeBY
13/11/2005, 07:23 AM
تدرون انا مطمنه انه ما عنده خرابيط بس خايفه عليه وعلي علاقتنا لا تخترب بانشغاله عني وعن حياتنا..

&&_عاشقة الجوري_&&
13/11/2005, 08:18 AM
شئ طبيعي انه في بداية ملكتكم بيكون اهتمامه كبير ويخف كل ماطالت المده
عزيزتي مو تقليل من موضوعك لكن انتي اخذتي الموضوع لبعيد الزعل وارد بين اي اثنين
ولاتحطين ببالك انه بيتغير من موضوع عابر
تطمني وخلي عنك هالتفكير واستمتعي بكل لحظه بالتفاهم

همس القـلوب
14/11/2005, 02:37 PM
السلام عليكم ورحمة الله وبركاته



أختي الكريمة (De3LaT_7aBeBY)

أنتي بنفسج قلتي إنج حساسة ويمكن كبرتي الموضوع وهو ما يستاهل

كل المخطوبات والمتزوجات راح يقولون لج نفس الكلام..بأول أيام الخطوبة تشوفينه ما وده يفارقج

بس بعدين بتلاحظين هالشي يخف بحكم إنشغاله.. ما راح يقطعج نهائياً بس بيخف عن قبل

وهالشي طبيعي ، لا تزعلين وتضايقين نفسج وهالموقف صار معانا كلنا ومثلج زعلنا

وبعدين تعودنا :)

لا تشيلين هم، ولا تزعلين معاه على أمور بسيطة وإذا شفتيه أنقطع عنج أعذريه

وحاولي أنتي ما تقطعينه حتى لو كان بمسج، وأنا أشوف أن اسبوع ما تكلمينه وايد

أنا إذا ساعة وحدة ما عرفت أخباره قلبي يتقطع :o

لا تعاتبينه وايد حبيبتي وتزعلين عليه وايد لأنه بعدين راح يمل ويتضايق منج..

خليه دايم يحس براحة لما يكلمج من بعد تعب الشغل وألتمسي له العذر كل ما غاب

وإذا رجع ، رحبي فيه ولا تعاتبينه وحسسيه شكثر أنتي مشتاقة له..

أنا أسوي جذي بس إذا مصخها شوفي شاسوي فيه ههههههههههههههههه


الله يوفقج ويهنيج إن شاء الله :)


و السلام عليكم ورحمة الله وبركاته

De3LaT_7aBeBY
14/11/2005, 09:41 PM
مشكوره حبيبتي عاشقه الجوري كلامج جه علي الجرح :)

مشكوره علي نصيحتج لي حبيبتي همس القلوب ريحتي بالي والله ... الحمدالله اليوم اتصلت فيه وكلمته وطبعااا ابو الشباب زعلان مني بدال ما انا اكون زعلانه منه.. بس الحمدالله تراضينا ..


تحياتي

فيروزة
15/11/2005, 05:29 AM
لا تحاتي ياقلبي ولا تشغلي بااااالج ماكو الا الخير بس انتي بعد ادعي له ان الله يوفقه بدراسته وعمله وان شاء الله باذن الله تلاااقو بعض وان شاء الله بدعي لكم بكل صلاااة وهذا واجب وطمنينا عليج حبيبتي

تقبلي تحيااااااااتي