المساعد الشخصي الرقمي

مشاهدة النسخة كاملة : الفرق بين بنات ادبي وبنات علمي



صمتي كذا !!
08/11/2005, 01:37 AM
--------------------------------------------------------------------------------

الفرق بين بنات ادبي وبنات علمي

بنات االعلمي دائما مكتئبين وماعندهم وقت يضحكون بس عندهم وقت يصيحون

بنات الادبي عادي عندهم يروحون المدرسة والا لا والافضل عندهم طبعا انهم مايروحون
لان مايحتاج احد يفهمهم اللهم يحفظون الكتاب ويروحون يسمعون اللي حفظوه

بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات عشان يشرحون لهم مرة ثانية وعشان يتأكدون انهم حصلوا كل المعلومات ومافاتتهم ولامعلومة

بنات الادبي يطلعون من الامتحان وهم شاقين الحلج لان ماتفرق معاهم الدرجات

بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر.


اذا شفت بنات دببة اعرف انهم بنات الادبي ماوراهم دروس ولا شغل الا الاكل

اذا شفت بنات يكسرون الخاطر عصاقيل شوي ويموتون اعرف انهم بنات العلمي المساكين دائماا يذاكرون لدرجة انهم ينسون ياكلون.

بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها

بنات العلمي في حصة الاحتياط طبعا مايفوتون أي حصة بدون دراسة نحصلهم يدرسون بنفسهم أو يروحون يدورون على مدرسة فاضية وينادونها عشان تعطيهم دروس.

بنات الأدبي دايما تشوفونهم شاردين من مدرساتهم وحصصهم ويتمشون في ساحة المدرسة كأنهم على الكورنيش

بنات العلمي مانشوفهم في الساحة إلا وقت الفرصة ونادرا طبعا والمدرسات هم اللي يشردون منهم بس لا مفر طبعا للمدرسات .

هذا الموضوع قريته في احد المنتديات وحبيت انقله

السااااااهرة
08/11/2005, 01:38 AM
ههههههههههههههههههه
وانتي الصادقه


واااااااي انتي


مشكورة على الموضووووع

ام عبوود الخبله
08/11/2005, 10:44 AM
تسلمين على الموضوع الحلو

صدقج والله بنات الادبي ما وراهم الا اللعب وبنات العلمي كله يذاكرون

لا واتشوفين بنات العلمي وهم داشين المدرسة وفي ايدهم الكتاب ههههههههههههههه

بس الحمدلله انا وحده مب من بنات العلمي

braiki
08/11/2005, 05:47 PM
انا كنت من بنات العلمي

عاااااد احنا مولهالدرجة


في بعض الاشياء صحيحة مثل:

بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات عشان يشرحون لهم مرة ثانية وعشان يتأكدون انهم حصلوا كل المعلومات ومافاتتهم ولامعلومة



بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها هالشي كنا احنا نسويه دااايما


و في بعض الاشياء مو صحيحة :


بنات االعلمي دائما مكتئبين وماعندهم وقت يضحكون بس عندهم وقت يصيحون


بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر. كنت دايما لما اكتشف جواب غلط ما اهتم و اقول انا سويت اللي سويته و ما في شئ بيغيره........كنت مطنشة:cool2: ههههههههه بس الحمد لله جبت درجات خلتني التحق بالجامعة


تسلمي عالموضوع

نبض زايد
08/11/2005, 08:49 PM
والله انج صادقه دشيت العلمي بغيت اموت

بس الحبيبه غيرت المجال وراحت ادبي تجنبا للاحراج
خخخخخخخخخخخخخخخخخخخخخخخخخ

sahaeeb
08/11/2005, 09:42 PM
تصدقون كنت اشوف البنات مثل ماتقولون الادبي عندهم وناسه والعلمي كل همهم الدروس
بس يوم شفت اختي وصديقاتها انقلبت الموازين الوقت كله ضحك وسوالف لكن بالفصل اكيد مركزين بالشرح
واذا طلعوا بالساحه تعالوا وشوفوا الازعاج يلعبون ويتهاوشون ويرقصون وانواع الضحك
لدرجت ان صديقاتي يقولون تكفين خلينا نروح نجلس معهم عاد انا الحين اخر سنه بالثانوي ومسويه عاقله عليهم
وسلامتكم

dady
09/11/2005, 12:10 AM
ههههههههههههههههههههههههه

انا علمي
بس والله انواع الوناسة والضحك بالعلمي!
حتى الابي غيرانيين مننا يقولون حشى نحنا علمي وانتوا ادبي ليل نهار برى الصف..
ودايما تكون حصصنا فاضية..معلماتنا دايما يغيبون..ونجيب معنا شاي وخبز ..ومرات مسجل هههههههههههههه
صراحة الي سمعته غير عن الي شفته بالعلمي..خوفونا عالفااااااااااااضي ...والحمد لله دخلت علمي لاني اول كنت بدخل ادبي..
وشكرااااااا ع الموضووووووووع الحلو ياحلوة

* الكبر لله والمرجع كفن *
09/11/2005, 01:52 AM
ههههههههههههههههههههههههه هههههه

الحمد لله ما كنت من بنات العلمي

بس في الادبي اللي يبيله فهم وهو النحو لاتنسين

راحت الايام الحلوه

مشكوووره على الموضوع الرائع

صمتي كذا !!
09/11/2005, 03:10 PM
الف شكر على تفاعلكم

بالنسبة لي انا ادبي ومع كذا كنت مجتهدة واحب اذاكر ومع كذا اعب ووناسة وجميع انواع الهبال والصرقعة فينا غير عن بنات العلمي

حتى كان وحدة من الشلة علمي اذا جاء وقت الفسحة احنا نمزح ونحش في البنات وهي تراجع وش جاوبت وش نسيت مسكينة

بس الأدبي وناسة ومرح ودراسته حلوة لكن العيب اللي فيه التخصصات حقته بايخة وقليله بس خلاص الحين عندي بكالوريس ......

راعية بوظبي
09/11/2005, 03:27 PM
هههههههههه

والله كلاامج صدق ياختيه .. وانا تراني (( ادبي ))
دااااايما نظحك على بنات علمي ياحليلهم حتا الفسحه مايظهرن والله حااالتهن حااله

مشكووووره الغلى على المشاركه الفنااانه

tama212
09/11/2005, 04:27 PM
لا عاد مب لهدرجه
شحليلنه :shy:والله بنات العلمي حليوين وغشمريين وفحصص الفراغ نرقص و نغني بلعدال علشان ماتسمعنه المشرفه وتيبلنه مدرسه


:up:ون ون ون العلمي نمبر ون:up:

عاشقه الاسلام
09/11/2005, 07:17 PM
تسلمي على الموضوع يا حلوين بس بتعرفو انا علمي اول سنه بس مش كيف بتحكو عنا الفرص ضحك وكتير حلوه ومش كل هلقد بنهتم بدراسه حتى اغلب الحصص

ما بننتبه للمعلم يعني شيء عادي
بس حلو العلمي كتير