المساعد الشخصي الرقمي

مشاهدة النسخة كاملة : أي واحد فيهم أبوي ؟؟؟



sadlove
23/10/2005, 10:18 AM
السلام عليكم ورحمة الله وبركاته

بنات اسمعوا مني هالسالفه .. واللي صارتلي من كم شهر..

انا متعودة اسهر على النت في الليل.. وحتى بتلاحظون ان دخولي للمنتدى يكون غالبا في اوقات متأخرة..المهم

في ليله وانا كنت على الكمبيوتر والساعه قربت من 3 الفجر..حسيت بالجوع فقلت سيري يابنت المطبخ وسويلش سندويش .. قمت من مكاني وسرت صوب المطبخ وفي هاللحظة شفت ابوي رايح المطبخ لكن كان هو قدامي وبيني وبينه مسافة مثلا 2 متر..لين الحين أوكي...

نكمل..وانا ماشية ورا ابوي شي قالي التفت يساري .. وعلى يساري في صالة صغيرة ابوي يقضي فيها معظم وقته مادري شو اللي خلاني اركز نظري عليها.. وياليتني ما ركزت.. لأني شفت شئ بحياتي كلها ما توقعت أشوفه.. شفت أبوي قاعد على كرسيه في الصاله ويطالع التلفزيون؟
الحين السؤال اللي محيرني.. كيف أبوي يمشي قدامي وفي نفس الوقت قاعد في صالته؟؟؟ بسم الله....
انا شعر جسمي كله وقف من الخوف.. طبعا يابنات بتحاولون تحللون الموقف.. مثلا ان اللي في الصاله هو صديق أبوي.. بقول لكم .. لأ طبعا لن ابوي ما بيدخل صديقه البيت ويسمحله ينام بينا خاصة انه نحن كلنا بنات ما عندنا اخو ولد... واللي خلاني اتاكد انه أبوي هو انه لابس نفس جلابية ابوي وراسه وصلعته ونظارته.. بس الغريب ان لونه كان رمادي يعني موب مثلنا اقصد عنده جلد وبشرة.. لونه كان اقرب لرماد السجاير.. بسم الله..

الصراحه من خوفي قررت ما اروح المطبخ ورجعت عند الكمبيوتر وانتظرت لين ابوي طلع من المطبخ وركضت لغرفتي وسكرت بابي بالمفتاح وطبعا مافي نوم من الخوف لين طلع النهار..

الحين اموت واعرف شو كان هذا.. وهل انا مجنونة؟
لو انتوا مكاني شو بيكون موقفكم؟؟؟؟؟؟؟؟؟؟؟؟؟؟؟؟

ورجاء لا تقولن اني أألف.. ترى ربي شاهد وانا صايمة انه كل اللي صار حقيقه..
وامي وخواتي لين الحين ما يعرفون شو هذا ؟ وسألت امي ابوي حد من أصدقائه كان نايم عندنا قالت لي لأ وابوش أصلا ما يسويها..وانا اصلا ما بسمحله ينيم ريال غريب في البيت..


بسم الله

قصايد
23/10/2005, 03:50 PM
لاحول ولا قوة الا بالله

mai salah
23/10/2005, 03:55 PM
حبيبتى يجوز كان بيتهيقلك او شفتى غلط
وان كان غير كدة المفروض بعد كدة تعودى نفسك تسمى الله فى كل حين وحافظى على الازكار وربى يحميك

ذهب مخلوط بالماس
23/10/2005, 10:08 PM
حبيبتي اللي شفتيه جني بسم الله الرحمن الرحيم واضحه وما يحتاج اثنين يتكلمون فيهاااااااااا و يمكن انتي كنتي تسمعين اغاني عاد هم بس يسمعون اغاني يجون ركض ما يصدقون او انتي اللي شفتيه خيال وانا وايد اسمع ناس يشوف هاذي الاشكال مثل امهم او اخوهم وانتي مثل ما قلتي كان لونه رمادي يعني جني وهم مو نفس لونا وانتي كنتي باليل وهم اكثر وجودهم باليل عشان ما نضيقهم واليل فيه سكون وانصج انج اذا شفتيه ثاني مره لا تركزين عليه لنا مو زين وانتي كثري من قراءة القران والاذكار وماراح تشفينه خير شر وشغلي بيتكم او غرفتج سورة البقره وايد حلوه والله ما راح تشوفينه مره ثانيه هاذي نصيحه ميه بالميه وراح تشكريني عليهاااا

ŚũҝąЯ Ŋă3m
23/10/2005, 11:24 PM
حبيبتي انا مارح افتي فهالشي ويمكن هذا من سكان البيت والله اعلم
وحاولي انج ما تسهرين لوقت متأخر وايد وكثري من الاذكار مثل ماقالتلك اختي
وبعدين هالشي ترا عادي ممكن يصير فاي بيت الجن خلق مثلنا
والله يحفظج

مشاعر قلب
24/10/2005, 01:41 AM
الغالية عسى الله يحفظج من كل سوء

يمكن أنت كنت مرهقة وتعبانه وعقلج مجهد فصار لج نوع من اللخبطة والتهيؤ..والكمبيوتر ما يقصر يأثر على العين والعقل

شوفي أنا سمعت من هالسوالف أنه ناس يشوفون أشخاص يشبهون أحد من أهلهم أو معارفهم بس ما قد صارلي..وما سمعت منهم أنهم ياذون..

لكن أنا أقولج سمي بالرحمن وتعوذي من بليس إذا لا قدر الله شفتيهم ثاني وإن شاء الله ما تشوفين وإقري سورة الكرسي

وحاولي أنه تقرين سورة البقرة بالبيت..

بس لا تشغلين نفسج بكثرة التفكير بها الشي..وما يصير إلا كل خير

دعواتك أرجو

مشاعر قلب

أم المهند
24/10/2005, 08:17 AM
واو سالفتك تخوف بسم الله الرحمن الرحيم


عموما مع الأخوات ذكر الله وقراءة القرآن في البيت يوميا يجنب حدوث هذه المواقف المخيفة ...


بس أسألك .. من شفتي هالموقف تقدرين تنامين الحين ؟؟؟؟

sadlove
24/10/2005, 11:28 AM
السلام عليكم

الحمدلله اني ما تخبلت او صارلي شي ..

كلامكم صحيح خواتي.. الاذكار صباحا ومساء مافي احسن عنها.. بس بقول شي.. ترى الإنسان اذا شاف شئ من هذا القبيل .. أقصد (بسم الله الرحمن الرحيم .. ما أريد اقول أسمهم) طبيعي من الخوف ما بيتذكر ولا أية .. ولحظة الخوف الإنسان لسانه يصير ثقيل..وهذا اللي صارلي نسيت كل الايات..

وصدقا موب تهيؤات بسبب جلوسي امام الكمبيوتر.. صدقوني انا متأكده من اللي شفته..
أم المهند...بيني وبينش .. صرت اخاف انام في غرفتي واخاف من بيتنا كله وقبل لا انام أتقلب على سريري حوالي ساعه وانا حظي اذا ياني نوم..مشكلة بيتنا انه كبير وفيه غرف لين هاليوم ما فرشنها ولا نستخدمها..يمكن هم سكنوا فيها.. الله اعلم؟؟؟؟؟؟؟؟

بس ان شاء الله بداوم على قرأة القرأن..يارب ما اشوفهم يارب........

خاااااااااااااااااااايفه :cry:

أم المهند
24/10/2005, 12:20 PM
http://www.mwaheb.net/free/aldou7sari/91.gif


حاسة فيك الله يعينك بس

frawla
24/10/2005, 10:24 PM
بسم الله ..

لو انا منج اروح اسأل ابوي واقوله كل السالفه ..

لا زم تحطينه بالصوره علشان صار ما صار لا سمح الله يكون عارف كل شي ..

وإلا انتي شرايج؟؟

وعسى الله يحفظج ويحفظ أهل البيت كله من كل شي رجيم ..

ملاكي
25/10/2005, 07:33 AM
لااااااااااااااااااااا عاااااااااااااااااد
لا تخوفوني قعدت أطالع وراي أخاف اشوف نفسي هه

بس اللي أدري فيه انو برمضان ما يطلعون بسم الله

أعوووووووووووووذ بالله من الشيطان الرجيم

كتكووووووووووووووت هههه

ظبية دبى
25/10/2005, 08:07 AM
الغاليه


الله يحفظج من كل شر بس المفررض يوم تطلعين من حجرتج باليل تقراين قران وخاصه اية الكرسى


والغاليه كل بيت فيه جن بسم الله الرحمن الرحيم


هذا عادى بس المره الجايه اذكرى الله ولاتنسين المعوذات الثلاث

سعوديه
25/10/2005, 03:27 PM
يممممه خوفتيني مررررررررره
الله يعينك
جلست اصارخ لما قريت الموضوع
بسم الله الرحمن الرحيم

دمعة حزن_J
25/10/2005, 03:48 PM
بسم الله الرحمن الرحيم بنات اني بكبري اخاف اروح بروحي المطبخ بالليل يا ويا اخوي او ويا الخدامة اني اعرف ناس وايد اسمع انهم صار لهم مثل موقفج الله يعينج في محنتج اني اخاف يصير لي مثل هاي المواقف الله يحفضنا من كل سوء آمين او اللي شفتيه هاي جن او حاولي ما تتأخرين في نومتج بالليل او كثري بقراءتج القرآن خصوصا بليالي القدر

دمعة حزن*M
25/10/2005, 03:52 PM
بسم الله الرحمن الرحيم

آنه بكبري أخاف من ظلي على العموم نامي مبجر ونامي وانتي حاطة قرآن ولا تسمعين أغاني

مرة كثير لأني سمعت ناس وايد جذي في حفظ الله إنشاءالله