المساعد الشخصي الرقمي

مشاهدة النسخة كاملة : لي كلمه هــنــا



HITLER2000
30/12/2002, 02:31 PM
لعبتي بحسبتي ياللي .. غيابك طال .. طال وطال
لعبتي بحسبتي ياللي .. غيابك طال ... واشقاني

قصير الليل في قربك .. وعادات الليالي طوال
//// وانا عذري بك احلامي .. ولو حلمي تحداني


أنا مدري تحبيني .. أو انك تعشقي الترحال
//// أنا مدري علاشانك . غيابك او علا شاني

في بعدك امتلي شوق وحنين فـ قلب ماقد مال
//// ومدري .. ياعسى بعدك مهو من شان نسياني


تحديت الرجا كذبه .. واقاوم .. والعدو أهوال
//// خساره ماتت الفزعه .. ياكود فـ بعض عدواني

يشيب الراس وعيوني تتوه .. وهالنظر محتال
//// ادوّر فالوجيه ولا .. لقيت أعز خلاني

على مهل السؤال اللي جوابه .. منطوي .. إهمال
//// يضيع الوقت بإهماله .. طلبته بس ماجاني

( وفي ) عشت بزمان الغدر الين الدم مني سال
///// ومِتّ ولا إنكسرت بيوم ولا غيّرت عنواني

غيابك طال يا ( انتي ) وحدّيتي السكوت وقال
//// انا جمله بدت باسمك .. انا هالشوق يحداني

غريبه .. ياهوى داهم خفوقٍ ماشِغل به بال
//// وش اللي حرّك الساكن وش اللي هز وجداني

انا .. ماعادني ( خبري) وحالي غير ذاك الحال
//// غديتي انتي همومي وشغلي , وسبة احزاني

تعالي نغيب انا وانتي .. تعالي يكفي بعدك طال
//// لعبتي بحسبتي والله وصحت (البعد) اشقاني


وســلامتك

HITLER2000

الساهرة
30/12/2002, 04:17 PM
مراااااااحب
HITLER2000

تسلم يمينك اخوي
وصح قلبك
كلمات رائعه منك
يعطيك الف عافيه
ويسعد ايامك
وننتظر المزيد منك


تحياتي واحترامي
الســـــاهرة

رحيـــــــــل
30/12/2002, 10:37 PM
هتلر واصل رائع واختيارات أروع

تحياتي

رحيل