المساعد الشخصي الرقمي

مشاهدة النسخة كاملة : فستان العروس.. ما هو مصيره بعد الزفاف؟



روح الأمل
28/12/2002, 06:45 PM
السلام عليكم ورحمة الله وبركاته..

خواتي.. موضوع دائماً يحيرني.. وبما اننا في ركن العروس.. وفستان العروس من أهم المستلزمات.. ليش ما نتناقش في مصير هالفستان عقب العرس؟

سؤال للمتزوجات..
ما هو مصير فستان زفافكِ الآن؟

سؤال للمقبلات على الزواج..
أثناء إعدادك للزواج والفستان.. ماذا خططتِ لمصير الفستان بعد الزفاف؟

خلونا نفيد بعض في هالموضوع المهم.. لو تلاحظون أكثر شي نبذل فيه المال والجهد والاهتمام هالفستان.. مع ان فترة اللبس تكون 2-3 ساعات.. وبعدين يكون مصيره؟؟!!

وسلامتكم..

M_rose_M
28/12/2002, 07:05 PM
سلام .. والله انا لسى ما تزوجت بس انا معظم اهلي بعد الزواج يحطوا فستان الفرح في محل معين بحسث انه فتاة اخرى ( مو قادرة تجيب فستان فرح) تلبسه بشرط انها ترجعه بعد الفرح علشان غيرها يستفيد منه وطبعا يكون ببلاش يعني ما ناخد عليه فلوس وانا اعتقد اني حعمل كده في فستان فرحي علشان ان شاء الله ربنا يكتب لنا اجر

روح الأمل
28/12/2002, 07:24 PM
فكره حلوه اختي M_rose_M

يزاج الله خير على المشاركة.. بس لو توضحين وين يحطون الفستان؟ في محل بيع فساتين ولا في مكان ثاني؟

العنقاء
28/12/2002, 08:04 PM
خوانى السلام عليكم ورحمة الله وبركاته

بصراحة اختى روح الأمل فكره موضوعج وايد حلوه
بالنسبه للى أعرفهم وخواتى كل وحده منهن عقب العرس تيهم طلبات من بنات بعد ماشافوا الفستان في العرس لتأجير الفستان
وطبعا يتأجر الفستان وتطلع قيمته وأحيانا بزياده على قيمته
وأنا أفكر جذيه أسوي

M_rose_M
28/12/2002, 08:39 PM
هلا اختي روح الامل انا اخلي يحطوا الفستان في محل خياطة و يكون معروض في المحل واي بنت حابة تلبسوا تتفق مع صاحبة محل الخياطة :)

بالنسية لفكرة عنقاء انا عندي اقتراح عليها ليه ما يكون الفستان باجر معقول والفلوس اللي تيجي من تاجير الفستان يكون تبرعات يعني مو صاحبة الفستان اللي تاحد الفلوس كدا ضربنا عصفورين بحجر ساعدنا عروسه مو قادرة تجيب فستان فرح وتاني ساعدنا غيرنا من المحتاجين هدا رائي والله يساعدنا على فعل الخير :)

سمر
28/12/2002, 09:14 PM
شكرا لك اختي على هذا الموضوع

لكن ما تلاحظون ان فستان الزفاف يتجدد كل ستة اشهر تقريبا
والافكار تتغير من جذي الوحده منا من حقها تسوي فستان ليها فخم لكن حرام بينقط في الكبت والناس بتقول راحة موضته شالفايده لذلك انصحكم بان تسون ليكم فستان اجار من احدى المحلات المختصه اذ توجد محلات عندنا على مستوى وتطرح افخم واحلى الموديلات ويستقبلون افكاركم واذا تبغي العروس ان هي تلبسه اول لبسه يسون ليها هذه الفكره عندي افضل من التفصيل على حسابك الخاص اذ هم سيستثمرونه ويطورون فيه ....
اتمنى ان تعجبكم الفكره
تراني بسويهااااا....
تحياتي

shamsa
29/12/2002, 09:45 AM
هلا بنات

انا عندي الحل...
الحين معظم المصممين يصممون ويفصلون فستان للعروس ، وبعد العرس العروس ترجعه للمصمم وهو بدوره يرجعلها نص سعر الفستان...

مثلا اذا الفستان كلف 30 الف درهم ، العروس بتقوم بارجاعه للمحل وتسترد 15 الف...

روح الأمل
29/12/2002, 04:37 PM
هلا اختي العنقاء..
ومشكوره على مشاركتج.. وفكرتج وايد حلوه ان البنات يأجرون من بعض.. بس لا تطلعون بالاسعار ;)

هلا فيج اختي M_rose_M.. اقتراحج وايد حلو.. ممكن نأجر الفستان بسعر أقل وثمنها يروح للتبرعات ومشروع يفيدنا دنيا وآخره..


هلا اختي سمر.. مشكوره على مشاركتج.. وصدقتي غابت عنا هالنقطة ان الموديلات في تجدد.. في نفس الوقت بعض الموديلات البسيطة الأنيقة.. تظل رائدة..
تدرين أنا فكرت أأجر فستان.. بس الفساتين الحلوه أسعار إيجارها بالآلاف.. والله يعور القلب تدفعين هالكثر على شي تلبسينه ساعتين أو ثلاث بالكثير.. عشان جيه احترت..

هلا اختي shamsa .. مشكوره وايد على مشاركتج.. فكرة نص الثمن يرجع حلوه ويديده علي.. لو تعطينا أسامي هالمصممين.. بس 30000 واااااايد الصراحه.. حتى لو ردوا 15000...

بنات نبا أفكار واقتراحات وآراء أكثر.. نبا نحل مشكلة فستان العروس..

وخلونا نفكر قبل التفصيل أو الإيجار أو الشراء ان هالفستان راح نلبسه ساعتين أو ثلاث فقط.... ونحاول نقتصد فيه قدر الامكان

العنقاء
29/12/2002, 11:55 PM
اختى العزيزه روح الامل

بالنسبه للمصممين اللى يتعاملون بطريقة انج اتفصلين فستان ايديد وتلبسينه وترجعينه له يعنى كأنج إمأجرتنه وترجعينه للمصمم بعد العرس تقريبا معظم المصممين ايسوين هالشي ممكن اتلاقينهم في شارع المصممين اللى في الرقه مثل ( فيرارا ) والمصمم لبنانى إسمه
( إلـــــــي) وبصراحه شخص واايد طيب ومتعاون وشغله واايد حلو جربوا اتسيروله وأسعاره واايد اوكي

shamsa
30/12/2002, 10:19 AM
هلا روح الامل ...
انصحج بمحل كوتورز في الرقة قريب عن فيرارا ويارا ، ترى عندهم هالنظام وتصاميمهم فوق الراقية، وعن الاسعار انا عطيتج مثال مب شرط 30 الف، صديقتي سوت عندهم ب20 الف وردوا لها عشرة الاف...

العنقاء: هو مثل الايجار بس الفستان جديد و على ذوقج

روح الأمل
30/12/2002, 02:19 PM
هلا والله خواتي العنقاء وshamsa

مشكورات وايد على المشاركه.. سجلت أسماء المصممين.. وبنمر عليهم ان شالله..

يزاكم الله ألف خير..

باقي البنات ماشي أفكار ثانيه لفستان العروس؟ وحده من الخوات قالت انها فصلت فستانها في مشغل عادي وبثمن معقول وطلع كأنه شغل مصمم... منو جربت هالحركه؟ ووين هالخياطين اللي يضبطون؟

نتريا الردود..

عـــــــــــروب
30/12/2002, 03:26 PM
بما انكم اغلبيتكم من الامارات الحبيبة....حبيت افيد خواتي اللي بالكويت

وهو انه اتيليه رشا شيك ياجر فساتين عرايس رووووووعه لمصممهم زياد.. وبعد فيه ايتليه برستيج مصممهم تصاميمه قمه وراقيه

وانا عن نفسي ما خيطت فستان اجرت من عند رشا شيك...

فستتان
31/12/2002, 03:05 AM
والله فكرة الترجيع مره حلوه بس ما تتوفر في كل البلدان

المزيونة2000
31/12/2002, 11:26 AM
للأسف

فستاني مال العرس مركون

مع إنه وااايد حلو ..وااايد تعبت فيه..ووااايد خسرت فيه

لكن شا سوي ؟؟

روح الأمل
31/12/2002, 02:15 PM
هلا اختي عروب حياج الله.. ومشكووره وايد على مشاركتج.. والموضوع لكل الاعضاء.. وفستان العرس هم الجميع..

هلا فيج اختي فستتان.. أكيد بتلاقين محلات تأجر فساتين عندكم.. بس دوري وان شالله تلاقين..

هلا اختي المزيونة2000... حاسه فيج والله.. اختي اللي تزوجت من عشر سنوات فستانها وايد فخم وغالي.. وللحين في الكبت.. والأغلبية جيه.. انزين شو تنصحينا نسوي عشان نتفادى هالغلطه؟

وممكن تأجرين فستانج عن طريق ربيعاتج.. اعرف بنات وايد أجروا فساتينهم من ربيعاتهم أو أهل ريبعاتهم.. وبألفين والفساتين وايد فخمه.. شو رايج تسوين هالحركه؟

بنت المنصوري
31/12/2002, 05:04 PM
شوو رايكم في فكرتيه ...انو كل وحدة تحتفظ بالفستان مالها ...عشان اذا فكر زوجها يتزوج تعطيه زوجته الجديده :p ...و بهالشكل ما تخسر فيه

المزيونة2000
31/12/2002, 05:38 PM
ياريت يا روح الأمل أقدر أسوي جي

الظاهر بسوي إعلان في المنتدى ;)

يالله الله كريم
:)

عروس قمر
31/12/2002, 06:12 PM
بسم الله الرحمن الرحيم
السلام عليكم ورحمة الله وبركاته
شكراً لصاحبة الموضوع ، والله الموضوع حلو ، انا مخطوبة مب متزوجة ، وفستان خطوبتي كان كلش فخم ، فخطر لي ان اجر الفستان والفلوس الي احصلها منه اخليها عشان اشتري لي فيها اغراض الى الزواج :)
شنو رايكم ؟
تحياتي
عروس قمر .

روح الأمل
01/01/2003, 01:00 PM
هلا بنت المنصوري.. فكرة وايد حلوه بس ابدي انتي فيها;) .. وإذا نجحت وياج... خبرينا بالنتايج :confused:

هلا اختي المزيونه2000.. خبري ربيعاتج وبنات عمج مثلاً.. وهم اذا يعرفون وحده بتعرس بيخبرونها ان شالله..

هلا اختي عروس قمر.. العفو الغاليه.. والشكر لكم على مشاركتكم.. وعن فستان الخطوبة فكرتج وايد حلوه.. تقدرين تعطينه محل ثقه يأجره لج أو انتي تأجرينه لبنات تعرفينهم.. والله يوفقج ويوفقنا في التجهيز للعرس..

بانتظار باقي البنات والأفكار الحلوه..

بنت المنصوري
01/01/2003, 08:05 PM
لالالالالا انا ما تنفع معايه;)الله يخليلي زوج المستقبل ...و انشالله ما راااح اخليه يطالع اي وحد ثانيه(a)

الحرمان
01/01/2003, 08:09 PM
مصير الفستان الصراحة ينحط فوق الخزنة.................وبعدين محل التاجير واذا اجروة مرة او مرتين و تنتهي صلاحية الفستان

روح الأمل
02/01/2003, 01:54 PM
بنت المنصوري.. ما تنفع معاج ولا معانا ان شالله ;) بس ما قلتيلنا شو ناويه تسوين بفستانج في المستقبل ان شالله..

هلا اختي الحرمان.. مشكوره على المشاركه.. وصدقتي ما انتبهت لهالنقطة.. المحل بيأجره مرة أو مرتين وما تضمنين حد يستأجره أو لا.. لو ينباع لمحل أحسن عن الايجار يكون.. ولا اشرايكم؟

خواتي المتزوجات.. قولولنا شو كان مصير فساتينكم عقب العرس؟

بنت المنصوري
02/01/2003, 03:07 PM
كلامكم كله صح انو لما تسوي الوحدة فستان بمبلغ كبيير ...و تلبسه ليله وحده ...انا فستاني بحاول اسويه بسعر معقووول ...مب لالالازم يكوون من الغالي ..يكون شي بسيط و حلو ..ومرتب ...علشان بعدين ما اندم و اقول ليتني ما سويته .:(

هيفونه
02/01/2003, 06:51 PM
انا لسى مو متزوجه لكن اقدر افيدكم :
صديقتي احتفظت بفستانها وخلته عندها على منكان (المجسم اللي يعرضون عليه الملابس بالمحلات)
وحطت الطرحه فوقه ومسكه الورد اللي كانت معها وحطته في ركن من غرفة النوم.
حركه حلوه للذكرى:)

روح الأمل
03/01/2003, 01:30 PM
صدقتي اختي بنت المنصوري.. حلاة العروس مب بفخامة فستانها... الإضاءة والطرحة والمكياج والباقة كلها تلعب دور.. وكل ما كانت أبسط كلما برزت أنوثة العروس..

هلا اختي هيفونة.. مشكورة على المشاركة.. وحركة ربيعتج حلوة للي عرسوا وتوهقوا ويا فساتينهم.. بس أخاف عقب كم سنه يتحول الفستان إلى بيوت عنكبوت!! ما قلتيلنا يوم تعرسين ان شالله شو ناوية تسوين بالفستان عقب العرس؟

قـطـريـه
03/01/2003, 07:20 PM
انا يوم فصلت فستان الزفاف كنت حاطه في بالي من قبل اني استغله لان مستحيل راح البسه مره ثانيه الفرحه الحقيقيه مره وحده بالعمر وبس فصلته بسعر 30000 ألف شامل القماش والحذاء والطرحه والتفصيل وبس بعد العرس اجرته ب 5000 على كذا بنت وبعدين 4000 وبس طلعت اكثر من قيمته والحمد لله رجعت لي فلوسي والحين هو عند محل تصميم ازياء هو للبيع باي سعر ان شاء الله 5000 مو مهم لاني انا ما خسرت بل ربحت والحمد لله هذي تجربتي مع الفستان الزفاف اتمنى انكم تستفيدون منها

روح الأمل
04/01/2003, 11:34 AM
هلا اختي قطرية..

مشكورة على المشاركة.. وسالفة فستانج حلوة.. تجارة مربحة :) بس يبالها شوي مجازفه.. يعني من حظج حصلتي مجموعة يستأجرونها.. بس المشكلة ان ما حصلتي حد يأجره وتكونين صرفتي عليه هالمبلغ الكبير..

بغيت اسألج تسمحين للي تأجره انها تضيف شي للموديل أو تعدل القياس أو ما تسمحين؟ واذا ما تسمحين لهم.. كيف يضبط الموديل على اكثر من وحده؟
وسلامتج

سجايا الروح
07/01/2003, 11:07 AM
انا بالنسبه لي فستاني بيكووون اجار ويوم بيخلص العرس برده على المحل ............:)

الحرمان
07/01/2003, 10:22 PM
بنت الكويتي فكيتي عمرج من الصدعة

مزيونة الرياض
08/01/2003, 09:01 PM
بصراحة اجمل لحظة يوم تروح كل وحدة وتشتري فستان الزواج والاجمل اذا احتفظت فيه
لانه ذكري مرررررررر حلوة
هذا رائي وما ادري عن الباقيات
مزيونة الرياض:o

روح الأمل
09/01/2003, 11:20 AM
هلا فيج بنت الكويتي.. صدقت اختي الحرمان فكيتي عمرج..


هلا اختي مزيونة الرياض.. مشكورة على المشاركة.. وبغيت اعرف رايج من تجربة يعني انتي معرسه.. ولا ناوية تسوين جيه يوم تعرسين ان شاالله؟

لأن أغلب المعرسات قالولي انهم متحسفين على الفستان المعلق في الدولاب بدون فايده..

وجه القمر
09/01/2003, 01:28 PM
بصراحة الموضوع واااااااايد حلوووووو


وبالنسبة لي انا زواجي قررريب
واقترحت علي وحده من صاحباتي فكره مره حلوووووووه لفستان الزواااج
وهي

اني اصمم فستان بسيط وناعم وبعد الزواج ادخل عليه بعض الاضافات البسيطة بحيث ممكن استفيد منه في مناسبه ثانية وبببسسسس

وان شاء الله تعجبكم فكرة صاحبتي


ودعواتكم لي بالتوفيق ........................

روح الأمل
09/01/2003, 01:45 PM
هلا اختي وجه القمر..

مشكوره وايد على المشاركه الرائعه..

أول مرة أسمع بهالفكره.. بصراحه فكرة وايد حلوة ويبالها ابداع :)

مثلاً لو عندج صوره للفستان البسيط واقتراحج بالحركه الي نضيفها له بعد الزواج أرجوا انج تخبرينا..

وتسلمين..

شمه
09/01/2003, 06:08 PM
مرحبا اختي والله شكرا على الفكرة والردود وانا عرسي جريب وكنت افكر في سالفة الفستان وعن جد استفدت من الاخوات الة وصو على فيرارا وكوتورز

روح الأمل
11/01/2003, 09:31 AM
هلا اختي شمه.. تسلمين والله..

الله يوفقج الغاليه ويباركلج في حياتج اليديده.. وما قلتيلنا قررتي تفصلين وتأجرينه عقب ولا؟

قـطـريـه
11/01/2003, 09:28 PM
انا يوم عرضت الفستان كان هو اعلان في صفحه اعلانات مبوبه في الجريده وبس كتبت المقاس نوع الموديل وجاو البنات وقاسو الفستان طبعا ما جاو الا لما تاكدوا انه راح يدخل فين وبس وعلى فكره الفستان كان الغسيل عليهن ومكان انا اعرفه علشان ما يخترب

^SwEeTa^
13/01/2003, 02:44 PM
السلام عليكم و رحمة الله و بركاته

***********


الصراحه فستان عرسي لي اليوم

معلق .. متحسفه عليه لأنه طلع وااايد حلو

و خايفه اأجره أخاف يخترب

بس اذا في وحده منكم تبي تأجر فستان

و تقدر تحافظ عليه


انا عندي استعداد



******

ملاحظه: الفستان للمصمم اللبناني ( زياد انطون ) . من ايتيليه رشا شيك .


http://www.fortunecity.com/lavendar/pulpfiction/72/lin-floral1.gif

الحرمان
12/03/2003, 07:46 PM
:D :D

نبضة قلب
14/03/2003, 03:52 AM
عزيزتي روح الأمل..

الف شكر على هالموضوع المهم .. واللي فعلا نحتاج فيه لوقفة .. كثير مننا يفكر ان هذي ليلة العمر .. ويصرف على فستان الفرح الوووف مع ان الوحدة ماراح تجلس بالفستان اكثر من ساعات .. وان كان حظها طيب وكانت مدعوة لأفراح بعد فرحها ممكن تلبسه ثاني..

أنا توي مملكة وبعد ماصار فرحي .. ويوم فكرت اسوى فستان الخطوبة عملته ثلاث قطع بلوزة وتنورة ضيقة وذيل .. طبعا الذيل اختياري .. يعني ممكن البس الفستان بالذيل وممكن لا .. وبكذا حللت الفستان في الكثر من مناسبة ولبسته كأي فستان سهرة عادي ..

أما بالنسبة للفرح .. فأنا مترددة بين اختيارين اني استأجر .. أو اني اختار موديل بسيط مو مكلف .. منشان اقدر البسه في مناسبات ثانية مثل ذكرى الزواج ..

اقتراح وجه القمر عملى جدا .. خاصة للي يحبوا يحتفظوا بالحاجات اللي لها ذكرى خاصة زي فستان الفرح ... ويمكن هذا اللي مخليني مترددة في حكاية الاستئجار ..

اما عن الافكار .. فممكن لو كان الفستان ضيق .. تضيفي عليه بعض الاكسسوارات الملونة (ورود أو تطريز) راح يغير من شكله وتلبسيه في مناسبات مختلفة..

مرة ثانية اشكرك على الطرح الرائع ..

تحياتي
نبضة قلب

visitor
27/04/2003, 10:51 AM
هلا خواتي ومشكورين عالموضوع المتميز
بالنسبة لفستاني انا خططت من قبل ما اسويه اني اعمل موديل مميز وسهل فكه لقطعة ممكن اعيد خياطتها.. لانه كان تل مطرز
وفعلا تزوجت من سنتين والان اخذت القماش ورجعته لنفس الخياطة عشان افصل موديل جديد على بطانة لون غريب وطلع الفستان حلووو

-%-سحابة حب-%-
19/07/2005, 11:36 PM
بنات حلو الموضوع خل نشوف آرائكم ،،

سوري روح الامل لأني تليقفت

انا لين الحين ماتزوجت،،بس افكر اسوي بفستان عرسي نفس اختي "قطريه"

ثعلوبه شقيه
20/07/2005, 12:13 AM
بنت عمي استاجرت فستان عرسها ب 4000 درهم .. وهو مفصل اصلا ب 35000 يعني وفرت عليها وايد ..

وانا اشجع سالفه التاجير عشان جي بديت مشروعي فالبيت وقمت اخذ فساتين الناس وااجرها لهم .. وانا يوم عرسي ان شاء الله بستاجر لانه حرام اعق مبلغ فستان البسه كم ساعه .. استفيد من البيزات فاشيا ثانيه :)

ورد الخريف
20/07/2005, 02:28 PM
أنا بصمم لي واحد بعدين أذا وافق زوجي بعرضه للأجار

anwaron
21/07/2005, 02:23 AM
مشكوره اختي عالموضوع الحلو

انا عرسي تقريبا بعد شهر ونص رحت لمصمم واخترت موديل بس راح يكون على اساس لبسه اولى يعني بس البسه وارده له بس هم طلع غالي بالف ونص

دينار واحنا ماعندنا مثل الامارات يعني بعد ماتردين الفستان يردون نص قيمته لا ياخذون الفلوس كلها

بس قولو انشالله يطلع حلو

حبكم لي يكفيني
21/07/2005, 12:06 PM
صراحة موضوع رااااااااااااااائع

فعلا شو مصيره يابالكبت ولا تأجره
احسن للوحده تأجر فستان عرسها احسن من المحلات الحلوة وخلاص

عقبالنا وعقبال البنوتات
تسلمين على الموضوع القيم

umadil
06/08/2005, 11:49 AM
السلام عليكم ورحمة الله وبركاته

الحمد لله انا استاجرت الفستان وما تعبت ببهدلة التفصيل

ريم81
06/08/2005, 01:29 PM
انا اشتريت الفستان من مكان راقي و موديل ناعم
تقريبا بعشرة ألأآف

و كاهو بالكبت

مب متحسفة علية أبدا خليه للذكرى

&&_عاشقة الجوري_&&
06/08/2005, 01:39 PM
انا لسا ماتزوجت عشان اقولكم تجربتي
لكن من الحين مقرره استاجر من محل للفساتين حلو مرتب
ولاارمي فلوسي بفستان اخرته للدولاب

يعني استفيد من فلوس الفستان الي مستحيل يكون اقل من5الاف
واحطها بتجهيز شئ ثاني
مهما كان مهري قليل او كثير ابستاجر
لكن مدري بعدين وش يصير لكن هذا رئيي الحين

عروس الغبيراء
06/08/2005, 10:33 PM
ادعولي بولد الحلال عشان اقولكم شو بسوي ^_^

روضة بوظبي
07/08/2005, 08:42 AM
أنا عن نفسي استأجرت فستان العرس ب9000 الله لا يخسر ان شاءالله :):)

برووقه
07/08/2005, 08:48 AM
فستاني كان من تصميم أروشي بمبلغ ثلاثه وعشرين الف

وبعته بعد العرس على طول بمبلغ خمسه عشر الف

يعني ما خسرت واايد