المساعد الشخصي الرقمي

مشاهدة النسخة كاملة : بنات البحرين ممكن خدمة&&&&&



النجم الساطع
31/08/2005, 01:05 AM
الله يسلمكم إن شاء الله يوم الخميس رايحة للبحرين ودي تساعدوني وتقولوا لي على
أسماء المراكز وأفضل محلات أقدر أشتري منها بخور لأني سمعت إن عندكم أنواع بخور مرة حلوة
ياريت ماتخيبوني وتردون علي
شاكرة لكم مقدما

أم أسووله
31/08/2005, 05:56 PM
حياج الله اختي

يعني لو تروحين مجمع السيف بتلاقين معظم المحلات مثل اصغر علي و عبدالصمد القرشي و العربية للعطور و بعد في محلات بس ماذكر اساميها .

و في محلات مثل اجمل و جنيد في منطقه بوكواره .

و في سوق المنامه في محلات وايد يبيعون فيها العطورات العربية و البخور .

عذب القوافي
04/09/2005, 11:39 AM
حياك الله يالغالية بين اهلك وخلانك

اذا على البخور اكيد تبين بحريني صح؟؟؟؟؟؟؟؟؟؟؟

شوفي الغالية طبعا جنيد .... اصغر علي .... عندك سوق المحرق في محل شعبي اسمه بخور ام فهد .... وعندك مجمع مدينة عيسى محل اسمه بخور ام عبدالله

وعندنا سوق شعبي في مدينة عيسى فيه محلات تبيع البخور والطيب

وغير الحريم كل وحدة تبيع في بيتها

والمجمعات كلها صايرة جنب بعض في منطقة السيف

وطبعا البحرين متميزة بالذهب البحريني واللولو والأكلات الشعبية مثل الحلوى والمتاي وماء اللقاح واللوز واليذب البحريني

وعندنا جلابيات بتصاميم بحرينية وووو الكثير الكثير

RoOoOmy
04/09/2005, 12:46 PM
عذوب ماقصرت سوت دعاية لكل ما تشتهر فيه البحرين مو بس البخور