المساعد الشخصي الرقمي

مشاهدة النسخة كاملة : مواصفات فارس الاحلام .. موضوع للنقاش



العروس
27/12/2001, 09:07 PM
عزيتي ..
ماذا تفعلين .. او بالاصح تقررين .. اذا تقدم لك شاب في مقتبل العمر .. يكبرك ب 11 سنه .. شهادته ليست عاليه .. شهاده ثانوية عامه .. يعمل موظف في احدى الدوائر الحكومية ... ومن عايله سنعه .. اخلاق وسمعه .. ناس اجواد مثل ما يقولون .. وانتي طالبه جامعيه .. ما رأيك فيه؟؟ تقبلينه او ترفضينه ؟؟
وصديقاتج تزوجو من شباب فرق السن بينهم ماهو كبير .. مابين 7 سنين و سنتين ... وشهادتهم على الاقل دبلوم .. او خريج امريكا .. مهندس او اي صفه اخرى .. ووظيفته جيده جدا .. ومعاشه قوي .. شنو تختارين .. تقبلين بالشخص المتقدم لج؟؟ او ترفضينه ؟؟ وتبين تكونين مثل صديقاتج والبنات عمج؟؟

ابي كل وحده تكتب رايها .. وتكتب الاسباب الي ساعدتها على اتخاذ هذا القرار .. سواؤا بالقبول او الرفض ..


وشكرا على تواصلكم

:)

الخزاميه
28/12/2001, 05:13 PM
شوفي حبيبتي .....

في حديث عن الرسول ((صلى)) انا ماني حافظته بس فيما معناه

انه اذا اتاكم من ترضون خلقه ودينه فزوجوه

لاكن المشكله هنا في فارق السن :(

ولا هو مافيه شي ;)

ومشكوره على موضوعك الحلو:D

العروس
28/12/2001, 11:44 PM
هلا والله بالخزاميه
مشكورة على التعقيب :)

بس عزيزتي .. لو كنتي بهالموقف .. شنو الافكار الي راح تفكرين فيها ؟؟ شنو الامور الي تهمج وتفكرين فيها؟؟ ماراح تفكرين بستواج؟؟ وتقارنين مستواج بمستوا صديقاتج وبنات عمج؟؟ ام هذه الامور ما تهمج؟؟ وتهتمين اكثر لشخصيه الشاب وتفكيره واخلاقه وطموحه؟؟

هل بتحسين ان فارق السن بينكم راح يسوي نوعا ما حاجز ؟؟ او فارق السن هذا تقدرين تتجاوزينه؟؟


شنو الامور الي تطري على بالج؟؟
حطي نفسج بهالموقف وقوليلي رايج :)

ومشكورة مره اخرى على التعقيب

مرمر
30/12/2001, 06:49 AM
انا ( و اعوذ بالله من كلمه انا ) اعتقد ان فارق السن ممكن التغلب عليه او بالاصح غض النظر عنه شو ي... مع انه وايد تقريبا عشر سنين يعني مب شويه

لكن الاهم الشهاده في هذي الحاله او المستوى التعلمي

و بما ان هو بهذي الحاله خريج ثانويه عامه بس و بما ان الزوجه بهذي الحاله جامعيه ...هذا ممكن يسبب خلافات بالمستقبل ..

لان ممكن هو يشعر بالنقص دايما .. و ممكن الزوجه هي الى تشعره بالنقص و ان هو اقل منها و ممكن تعتبره جاهل بعد (علشان انا اعرفكم يا البنات يا حبكم حق تذلون الرجال على كل شي ;) )

و الشي الثاني بما ان هو خريج ثانويه يعني ممكن تكون وظيفته بسيطه و براتب بسيط و هذا ممكن يصعب و ياخر بعض متطلاب الاسره (خاصه اذا وحده تحب التبذير و عايشه على مستوى مادي عالي فهذا بيكون صعب عليها و على ان تتاقلم مع هذا المستوى البسيط)

لكن بالنهايه كل شي قسمه و نصيب ...و لازم الوحده دايما تقنع بما قسم الله لها ...يعني ما تقعد تقارن نفسها بالي حوليها ...لان اذا ربنا اخذ من شخص شي فانه يعوضه بشي ثاني ....حتى لو الصديقات متزوجات بمن يقربهم بالعمر و المستوى التعليمي العالي يمكن يكونون تعيسات في حياتهم العائليه ....و ممكن يكون حظ الى وافقت على الشاب بنفس مواصفات الى مكتوبه تكون حياتها العائليه من احلى و اسعد ما يمكن ...


صح كلامي و لا انا اتفلسف وايد ;) :D

قوارير
02/01/2002, 08:26 AM
بالنسبه لي انا

اهم شي الريال يكون اوكي
اهم شي الارتياح و التفاهم اذا كانو موجودين ما يهمني اي شي ثاني
لا شهاده ولا فرق عمر

العروس
03/01/2002, 11:36 PM
هلا مرمر .. اشكرج على المشاركه في الموضوع :)

كلامج كله صحيح .. ومقنع بعد .. بس لو كنتي بهالموقف .. شنو كنتي تختارين؟؟
وهل تقدرين تتغاضين عن فرق السن؟؟
ماراح تحسين ان بينج وبينه حدود .. او miss understand ??
يعني انتي ممكن تفكرين بطريقه معينه .. واهو يفكر بغيرها
مثلا .. انتي بنت توج صغيره تبين تطلعين وتستانسين .. سينما ومطاعم .. تمشي ... واهو لانه كبير ممكن يكون بيتوتي وما يحب يروح الا الشغل و زيارة اهله او الديوانيه.. او المجلس والاستراحه في دول الخليج .
و ممكن انتي تفكيرين تنجبين عدد معين من الاطفال .. واهو يبي عدد اقل لانه بهالسن ما يستحمل صراخ وصيحه ولجه ودوشه اليهال .. وممكن انتي تبين تسافرين .. واهو ما يبي يسافر .. لانه ممكن يكون لف الدنيا وشبع سفر واهو عازب .
شنو رايج بكل هذا؟؟

وكلامج عن المستوي العلمي وفرق الشهادة والعمل والراتب .. نفس تفكيري بالضبط .. ما عندي تعليق عليه :)

وفعلا .. الزواج نصيب .. ومحد يدري منو نصيبه .. " وعسى ان تكرهو شيئا واهو خير لكم "

شكرا على المشاركه عزيزتي .. ووانتظر ردج :)

العروس
03/01/2002, 11:39 PM
هلا ارادوس
مشكورة على التعقيب :)
بس اشلون تضمين الانسجام بينكم؟؟
تبين يكون بينكم تفاهم .. اشلون تضمنين هالتفاهم؟؟ يعني لو انسان تعرفينه من الاهل او زميل عمل او شغل .. يعني ممكن تقدرين هالشي .. بس اذا انسان غريب .. ما تعرفينه .. اشلون تختارين ؟؟ على اي اساس ؟؟

انتظر ردج عزيزتي :)

شربات
09/01/2002, 03:04 PM
بالنسبه لي ..ابيه مب اقل عن الثلاثين ....يكون ناضج..أدري بتقولون النضوج مو بس بالسن :cool:

بس السن له دور....

الله حلات الريال كبير :p

جـور السنين
13/01/2002, 03:26 AM
والله يالعروس شى صعب....هذا نصيب وصعب احنا نقول ان هذا الرجل مناسب ولالا..... خصوصا فى مجتماعاتنا المتحفظة..... يعنى العريس حتى لو هو ولد عمك ماتعرفين اشلون يفكرولاشى لانة مافى بينكم حوار ولقاء لاداخل نطاق الاسرة ولاخارجها....وشى صعب ومستحيل فى عاداتنا حدوث هذا....وانا طبعا مااشجع هذا الشى ولا اتمنى انة يكون موجود..وممكن نعوض هذا الشرخ بفترة الخطوبة او الملكة.. وبلنسبة للعمر والوظيفة....انا اشوف ان الوظيفة مى مهمة بقد الطموح احب الرجل اللى يحب شغلة ويحترمة.....بلنسبة للعمر...اعتقد ممكن يسبب مشكلة لان كل جيل لة تجاربة واحداث متشاركة ممكن انها تقارب من وجهات نظرهم للامور وتعطيهم فرصة كبيرة انهم يفهمون احتياجات بعض....بس مودايم يسبب مشكلة....الرجل الكبير بسن عادة يكون عاقل وأسلوب حياتةعقلانى وبالة طويل..مو مثل الشاب حار ومايستحمل كثير ...تجاربة فى الحياة كثيرة .... يعنى غالبا راح تلاقينة انسان يأخذ الامور بهون:)

فاتنه
19/01/2002, 08:29 PM
واتمنى لك التوفيقشوفي يا اختي ...........اهم شيئ انا عندي يكون الرجال ملتزم بدينه محافظ على الصلاة .........واذا صار الرجال صالح ودين لو ما حبك بيخاف الله فيك..........................وعلى العموم الاشياء الماديه انا ما تهمني مطلقا................ ويا من الحريم اللي متزوجات اصحاب المناصب واللي امورهم الماديه زينه وما ارتاحن معاهم ابدا الوحده تتمنى ان الزمن يرجع لاجل تغير افكارها اللي ما نفعتها بأختيارها لزوجها ...................الدين ثم الدين ثم الدين خوذي بنصيحتي ....وما راح تخسرين انشاء الله ;) ........ويقولون اسأل مجرب ولا تسأل طبيب ..........ويا من الحريم اللي ازواجهم ما معهم الا متوسط وعايشات ومبسوطات ................:) واتمنى لك التوفيق

lura
20/01/2002, 11:52 AM
السن مسألة مهمة بس الاهم هو الشخص
طبعا بالنسبة لاي وحدة او واحد يبغي يلجألشيئ معين المفروض اول شي ان الواحد يستخير وان شاء الله يقدم ربنا اللي فيه الخير
وانا اعرف ناس بنفس الفارق في السن
في وحدة ماشاء الله عليها مرتاحة مع زوجها ويحترمها ويقدرها ويدلعها بعد ( في هاي الحاله فارق السن ينفع )
وفي وحدة ثانية من كثر ما دلعها ريلعا طاحت على راسه والحين مثل الخاتم في صبعها
وفي وحدة ثالثة موقادرة تتنطق مع زوجها ولاتهش ولاتنش ومخلنها في البيت ويعامها مثل وحدة صغيرة في السن مو مثل زوجته ويستحي ان يطلع معاها في السوق
انا بالنسبة لباقي الاشياء فالواحد قادر ان يأقلم عمرة معاه
الا اللي تبغي الفشخرة ( بس بتطيح على راسها في الاخير )
هذي وجهة نظري
واسمحوا لي اذا غلطت في حق حد
وان شاء الله اكون افدتكم

فاتن
20/01/2002, 07:33 PM
هلا العروس والله حيروج البنات بس هدي كلها اراء وانا بقول راي
صراحه فارق السن ماهو .........كثير
الرجال طول عمره شباب .....والمراه اهي الي بسرعه تشيب
ومع فارق السن تكون اهي عنده شابه على طول
ثانيا.المستوى التعليمي ما اعتقد انه يسبب مشاكل وخصوصا ان الرجل يعمل مو يدرس وجالس يقارن دراسته مع دراسه زوجته
ثالثا.يكون يحترم زوجته ويحبها.........وعشان الزوجه تقدر تحكم عليه با القبول او الرفض لازم تكون فيه فترة خطوبه على الاقل 6شهور وتقرر هي المصير

العروس
25/01/2002, 02:32 AM
انا اااااااااااااااااااااسفة على التاخير

والحين بقعد لكم قعده
:p

اولا
شيووووووووووووووووووووخ
تبينه كبير .. وانا معاج يكون ناضج .. بس ما راح تحسين بفرق الاجيال بينج وبينه ؟؟

العروس
25/01/2002, 02:35 AM
جور السنين
طرحتي نقاط مهمة
نقطة ولد العم مثلا .. في بعض الاسر تسمح بالاختلاط بين ابناء العم .. وممكن يكونون عارفين بعض لدرجة كبيرة .. والبعض الاخر مابينهم الا السلام .. يرجع الي اسلوب الاسرة ذاتها .
وبالنسبة للعمر .. انا اتفق مع كل كلمة قلتيها :)

تحياتي لج عزيزتي
وشكرا على التعقيب الرائع
(l)

العروس
25/01/2002, 02:41 AM
عزيزتي فاتنه
طرحتي موضوع التدين .. والصلاة
وانا معاج بكل كلمه قلتيها .. و ماعندي اي تعليق ضدج :)

بس ... اشلون نتأكد من مدى ايمانه ومدى ديانته وحرصه على الصلاة؟؟ الاهل طبعا يمدحون ولدهم ويخلونه راعي صلاة ومسجد وصيام .. و كل شي زين فيه .. بس برأيك .. اشلون نتأكد من صحة كلامهم ؟

مشكورة عزيزتي على التعقيب الرائع
(l)

تحياتي لج

العروس
25/01/2002, 02:44 AM
عزيزتي لورا

كلامج صحيح 1000000%

وهني تقع المشكله .. اشلون نضمن ان هالشخص يعاملني بالطريقة الي اتمناها؟؟
عشان جذي نفكر من ناحية العمر .. وابعاد هالنقطه في المستقبل .. وما نقدر نحدد هالشي الا بالمعاشرة .. بمرور السنين .. واصابع اليد ماهي سوا .. ممكن شخصين بنفس العمر .. ويكون كل واحد فيهم له طريقه خاصه في معاملته مع زوجته . وتكون الطرق مغايرة .

طرحتي نقطه مهمه لورا .. اشكرج عليها عزيزتي
:)

تحياتي لج
(l)

العروس
25/01/2002, 02:50 AM
فاتن
كلامج على العين والراس
بس فتره خطوبه مدتها 6 اشهر صعبة في مجتمعنا
انا اعرف بنت امتدت فترة خطوبتها 3 اشهر .. والسبب سفر خطيبها للدراسه مده شهرين .. وخطيبها من نفس عائلتها .. وابوها عطاه كلمه وقال له اعتبرها مرتك من الحين .. بس الناس ماخلوها .. مع انهم عارفين ظروفهم بالضبط .. بس كلوها بالكلام والحجي .. وكلنا عارفين حجي الحريم :mad:
الله يكافينا شرهم

اشكرج فاتن على كلامج العسل :)


وانا بقولج اشصار .. شفته وما عجبني

وانقلع
لوووووووووووووووووووووول

احسن صراحة .. لاني مو مستعده حاليا .. ابي اخلص اصعب 3 كورسات جدامي .. وبعدين يصير خير :)
وما اعتقد اني كبيرة وممكن اكون عانس .. عمري 21 سنه
بدري علي

:)

ام الفرسان
30/01/2002, 01:30 PM
غاليتي عروس

ان الدين هو المقياس الاول في نظري بالنسبة للزواج

بعدها يتم التفكير في الامور الاخرى

صدقيني ان الرجل اذا خاف الله واتقاه

سوف يحسن معاشرة الزوجة ويكرمها

ويتقي الله فيها

ولقد ذكر نبينا عليه الصلاة والسلام

اذا اتاكم من ترضون دينه وخلقه فزوجوه

فهذا اكبر دليل على السعادة الزوجية التي تحصل

عليها كل فتاة متزوجة

وليس فارق العمر والحالة المعيشية بمقياس كافي للزواج

واتمنى ان اكون قد وفقت في رآى

:o :o :o :o :o

العروس
31/01/2002, 01:24 AM
كلامج صح عزيزتي ام الفرسان
وعلى العين و الراس
:)


تقوى الله مهم جدا
لكن .. ارى ايضا فرق السن مهم ايضا .

شكرا اختي على المشاركة :)

تحياتي لج عزيزتي