المساعد الشخصي الرقمي

مشاهدة النسخة كاملة : زايرتكم يا اهل البحرين الاسبوع القادم



SHREEFA
24/08/2005, 07:30 PM
السلام عليكم ورحمة الله وبركاته

اخواتي الغاليات بنات البحرين الشقيقة
انا من 15 سنة ما زرت البحرين وانشالله على الويك اند القادم اكون عندكم
شتنصحوني فيه وين اسكن بأي فندق
ووين الاماكن السياحيه والمجمعات اللي عندكم
ساعدووني بالتفصيل الممل
علشان اذا رجعت الكويت اقول رحت ورحت ورحت ... وشفت .. وشريت من البحرين :)



وانا بانتظاركم بفارغ الصبر



دمتم سالمين
اختكم شريفة

ردينة0000
24/08/2005, 07:38 PM
عندنه مجمعاااات وايد في البحرين

و تقريبا كلهم في منطقة وحدة

مجمع السيف
مجمع الدانة
مجمع البحرين
مجمع العالي

و الاماكن السياحية
متحف البحرين الوطني
بيت القرآن
محمية العرين

و اذا تبين مواقع اثرية عندنه
قلعة البحرين
و قلعة عراد
و قلعة الرفاع


و في صالون وااااااااااايد حلو حق مسااج و مكيااج و سبا منيكير و بديكير
اسمه بيوتي شاتو
في الرفاااع ,, بو كوارة ,, شارع مشتان

و حيااج الله في البحرين

SHREEFA
24/08/2005, 08:00 PM
الله يحيج يالغاليه ومشكوره وماقصرتي على المعلومات
واتمنى بعد اعرف اسامي الفنادق ولكم جزيل الشكر


دمتم سالمين
اختكم شريفة

SHREEFA
26/08/2005, 08:28 PM
بنات البحرين وينكم
ترى ازعل
صج والله
ماقلتولي شنو احسن الفنادق عندكم
بانظاركم
....
واذا مو بنات البحرين
اللي زاير البحرين يفيدني من الخليج كله

دمتم سالمين
اختكم شريفة

نجوم الليل
27/08/2005, 12:37 AM
يا هلا وغلا فيج في ديرتج الثانية

احسن الفنادق هو منتجع نوفيتيل وهو مصمم على شكل تقليدي لكن فخم وفيه اكثر من مطعم بالاضافة الى تصميمه الرائع كانج في جزيرة ووحواليه بحر صافي عجييييييييييب تقدرون تشوون بجنبه والمكان هادئ ..........تقدرين تدخلين السايت تبعهم علشان تشوفين الخدمات اللي عندهم

وطبعا فيه عدة فنادق خمس نجوم واشهرهم الشيراتون .........ما عندي خبرة كثير في احلى الفنادق ممكن اللي زاروا البحرين يساعدونك اكثر

المجمعات هذي كل اللي قالتها لج اختنا في السابق بالاضافة الى شارع بكوارة في الرفاع

السياحية :::: اذا ما سكنتي في نوفوتيل ممكن انج تروحينه وتتعشين او تتغذين فيه لانه مكان حلو
بالاضافة الى منتج البندر او بلاج الجزائر في الصخير او جزيرة حوار لكن تحتاجين لترتيب مسبق فيها لان يروحون لها بيخت وهناك فيه غرف وعريش بالاضافة الى برك سباحة واحتمال في الصيف يكون هناك خدمات اكثر حلوة >>>تقدرين تحصلين معلومات مفصلة اكثر عن طريق النت وفيه مملكة الاطفال والنادي البحري

احتمال يكون فيها اماكن حلوة تصلح للزائرين لكن ما ادري فيها لان انا من النوع اللي ما احب الطلعات وايد

وان شاء الله تقضين وقت ممتع وحلو

RoOoOmy
27/08/2005, 12:45 AM
بتنورين البحرين ام سعود

انا صحيح مو بحرينية بس حافظة البحرين كلها .. انا صار لي كم شهر لمن اجي البحرين واحب ابات اروح Mercure Grand Hotel هو قريب من السيف وحلو لو سكنتوا فيه نظيف وجديد والنظام عندهم سويتات .. غرفة نوم رئيسية وفيها حمام وانتي بكرامة ومطبخ صغير وطاولة طعام وصالة صغيرة والفندق رايق وانا بصراحة عجبني اكثر من الفنادق اللي جربتها من قبل وكلها خمسة نجوم وارتحت فيه اكثر من الفنادق الفخمة .. هو صحيح 4 نجوم بس السبب مو نوعية الخدمة بس عشان ما عندهم غير مطعم واحد بس ..

انتي روحي وشوفيه قبل ما تحجزين وخليهم يورنج الغرف انا عندي صور بس مو لاقيتها .. وكفاية انه جديد يعني نظيف وغير مستهلك

فيه نوفوتيل عبارة عن منتجع حلو بس انا كرهته لان حجوزاتهم مو مضبوطة وحلو لناس تبي تتشمس وتتسبح في البرك طول اليوم

طبعا فيه فنادق كثيرة بس انتي على حسب رغبتك ايش تبين ... بس فنادق اللي تجيك في طريق المطار ما انصحك فيها معظمها قديمة وما تصلح لعائلات

المجمعات مثل ما قالت لك الاخت عندك السيف اكبر مجمع وفيه كل المحلات .. جنبه على طول العالي ومو بعيد عنه مجمع البحرين اللي فيه جيان ومجمع الدانة مافيه محلات كثيرة بس فيه محل كريولان اذا حبيتي تشترين وفيه مارينا مول بعد ومجمع اللؤلؤ بس هذا محلاته عادية انا اروحه بس عشان مكاتب السفر اللي فيه

المتاحف مثل ما قالت لك الاخت ما قصرت واذا انتي جاية على طريق الجسر يعطونك العروض المتوفرة مثل الدلافين او برنامج ترفيهي في الصيف .. ما ادري اذا الفترة اللي بتجين فيها يكون فيه معرض او شي مميز في ارض المعارض بس انتي مري وشوفي تلاقينه على طول جنب مجمع البحرين

المطاعم تلاقينها في المجمعات وفيه مطاعم برة في الفنادق وعلى البحر فيه مطعم ايراني ومطعم الصواني هذا كله يعطونك اياه في بروشورات على الجسر

راح تنور البحرين وياليت كنت اقدر اجي واشوفك بس انا بروح يو م الاثنين عشان اجيب اهلي من المطار

مري الشرقية في طريقك وان ماشالك المكان شالتك العين

insana
27/08/2005, 09:10 AM
صبحكم الله بالخير
الأخت شريفه، قلتي ان آخر مره رزتي فيها البحرين من 15 سنة .. ما شاءلله، كل شئ تغير 100% احنا اللي عايشين هني كل يوم نشوف شئ جديد عندنا ومتغير، شلون انتي اللي ما زرتيها طول هالسنين .. أكيد راح تنصدمين :cool2: من الفرحه

بالنسبه حق الفنادق، الفنادق عندنا بالبحرين خاصه الخمس نجوم اسعارها غالية يعني بحدود الـ 58دينار و فوق لليله الواحده .. عندج الدبلومات، الشيراتون، الهلتون، كراون بلازا، الرجنسي، و اذا تبين تعيشين في فخامه عندج الرتز كارتون

بالنسبه حق الطلعات، عندج اماكن حلوة تقدرين تزورينها بس عشان الجو الحار اللي عندنا في الخليج تلاقين الناس كلها تطلع تروح المجمعات التجارية عشان هي الاماكن الوحيده اللي فيها تكيف ... ما قصروا الاخوات و خبروج عن المجمعات اللي موجوده عندنا بس اذا انتي راح تزوريننا في الويك اند فلازم تحطين في بالج انج راح تلاقين زحمه مالها مثيل في المجمعات و خاصه السيف والدانه

هذا اللي عندي، بس نصيحه، عشان تكتمل زيارتج حق البحرين لازم تزورين أقدم منطقه بالبحرين وأحلاهم (المحــــــرق) وتاخذين لج حلاوة و متاي :) ترى زيارتج للبحرين ما تكتمل بدونها

اتمنى لك زيارة سعيده و اي شئ تبين تعرفينه انا حاضره

تحياتي .. إنسانة

عذب القوافي
27/08/2005, 01:23 PM
حياك الله بين اهلك وناس

واكيد راح تنبسطين عندنا

اذا تحبين البحر عليك بالبندر او دانة البحرين

والفنادق الخمس نجوم كلها كويسة وعندك كما إليت صاير قريب من الدانه وايد حلو والثاني إللي ذكرته رومي قريب من مجمع العالي

والبنات ما قصروا وفعلا حياك بالمحرق مدينه راقية فيها التراث وفيها الفخامة

وفندق موفنبيك حم حلو وصاير بالبحر عند المطار

وعليك بالأكل الإراني والحلوى الملكية لا توفتك والآجار والمخللات البحرينية

على فكرة سوق المحرق وايد حلو يونس

SHREEFA
28/08/2005, 11:58 AM
ردينة0000


شكرا لك على ذكرج للمجمعات الموجودة بالبحرين
وانشالله راح ازورها مشكوره وجزاك الله الف خير كفيتي ووفيتي
ميرسي بووكو



دمتم سالمين
اختكم شريفة

SHREEFA
28/08/2005, 12:00 PM
نجوم الليل



الله يحيج ويبجيج والله الفندق نوفيتيل شفت صوره بالانترنت شكله راقي وحلو
ولا دزاينه من النوع القديم اللي يعيش الانسان بتراثه الخليجي الراقي
روعه المناظر اللي شفته
تسلمين يالغاليه ماقصرتي

شكرا لج


دمتم سالمين
اختكم شريفة

SHREEFA
28/08/2005, 12:03 PM
RoOoOmy_M
رائعتنا


شكرا لك
الفندق اللي قلتي عنه
زوجي شايف له صور بالتلفزيون
ودورنا عنه بالانترنت مالقينا
يقول عنه روعه روعه روعه
بس مالقينا له اي موقع بالانترنت
وانشالله اذا رحنا راح نقعد فيه
لانه الكل مدحه لي وعن خدمته وعن اطلالته الرائعه
وانشالله نشوفج مره ثانيه بالبحرين
والشرقية على عيني وعلى راسي
خلينا نروح البحرين الحين
والمره اليايه نزور الشرقيه
وشكرا لج وعلى جهودج
وانشالله يرجعون اهلج بالسلامة
وتقر عينج بشوفتهم

دمتم سالمين
اختكم شريفة

SHREEFA
28/08/2005, 12:17 PM
insana

شكرا لج
واختي الغاليه
المتاي وماي اللقاح والحلوى
اهم شي واحلى شي ومايصير نرد الكويت واحنا مو شارين صوايغ لاهل الكويت
وانا وحده امووووووووووووووووووت وما اقدر اعيش من غير ماي اللقاح خصوصا الجسر
:)


دمتم سالمين
اختكم شريفة

الفرس
28/08/2005, 12:49 PM
http://www.3e6r.net/data/media/20/3vline.gif


السلام عليكم يالغالية
حياج الله في ديرتج الثانية بتنور البحرين فيكم
وآسفة ع التأخر بالحضور والمشاركة مع البنات ما شاء الله عليهم ما قصروا

وبالنسبة للسكن إذا ما تفضلين الفنادق عندج عمارات سكنية وايد حلوة عندنا وأكثرها عند السيف وبمنطقة اسمها الجفير كلها خمس نجوم ومفروشة أحدث فرش ومجهزة كلياً بكل كمالياته واحتياجات الساكن بالاضافة إلى النادي الصحي وبركة السباحه والسونا والجاكوزي وغيرهم

والأسواق يا كثرهم عندنا ومثل ما قالت الغالية رومي سوق المحرق عامر وتلاقين فيه كل شي ونفس الشي سوق المنامة والمجمعات ماليه البلد
مجمع البحرين
مجمع الدانة
مجمع السيف
مجمع العالي
مجمع يتيم
مجمع دلمون
مجمع مدينة عيسى
مارينا مول
مجمع الرفاع

والأماكن السياحية

بلاج الجزائر
البندر
جزر حوار
الكورنيش
النادي البحري
والحدائق العامة مثل الحديقة المائية







http://www.tawqe3.com/images/alweed5.gif

SHREEFA
29/08/2005, 11:50 AM
حياالله ام الوله
وتسلمين يالغاليه
وماقصرتي على المشاركه الحلوه
وعلى الاماكن اللي دليتني عليها
شكرا لج


دمتم سالمين
اختكم شريفة

مناهل78
29/08/2005, 12:48 PM
ماشاء الله الخوات ماقصروا ورومي بعد ماقصرت كأنها بحرينية ماشاء الله حافظة الديرة..

عندك اليت سويتس قرب مجمع الدانة وايد حلو ونظيف وأسعاره معقولة..
مطعم الزيتون بالنوفوتيل وايد حلو عنده نظام البوفيه.
البندر وايد حلو لقضاء يوم مشمس ورطب هاهاهاها..
المجمعات ذكروها البنات..
لا تنسين حلوى الشواطرة هاذي أهم هدية من البحرين عندك محلات جمال شويطر بشارع المعارض حلوته لا يعلى عليها..

حياج الله بديرتج الثانية وحياج زوريني علشان إذا سعود معاك يلعب مع عبودي...

M a r i a
29/08/2005, 11:33 PM
يايه متأخره...بس ماشالله بنات البحرين ما قصروا..انا عن نفسي يوم سرت البحرين سكنا في الرتز كارلتون وبصراحه فندق حلو وايد وبعيد عن زحمة المدينة وعالبحر وما يتفوت..بس على ما اعتقد الحين يسووله صيانة..لانه يوم كنا بنسير واتصلنا عليهم قالوا انه تحت الصيانة هالفترة..واذا تبون عندنا بس الشاليهات وشاليهاتهم حلوه وراقية وغالية بعد تقريبا الليلة 10.000 درهم اماراتي :eek2:على ما اعتقد..هذا اللي اذكره والله اعلم..و ناس نعرفهم ساروا البحرين مدحولنا ايليت سويتس اللي قالت عنه وحده من الاخوات وبعد مدحوا الميركري هوتل سويتس واذا هو اللي دورتيه في النت وما حصلتيه هذا موقعه اختي اتمنى هذا اللي تقصدينه:
http://go.3roos.com/ej6BQviBB7U

والسموحه

جـويـل
30/08/2005, 07:29 PM
السلام عليكم ورحمة الله وبركاته


تروحين وترجعين بالسلامه وان شاءالله تقضين اجازه ممتعه و البحرين معروفه بأهلها الطيبين مو مجامله والله بس دايم اللي يروح البحرين يمدح اهلها وطيبتهم و اهم شعب راقي ومتحضر ومقارب للشعب الكويتي

وانا حاطه البحرين في جدول سفراتي باذن الله يمكن على شهر يناير لأني توني ماخذه جوله بالسعوديه باجي البحرين والشرقيه ..بس بغيت أسأل البنات عن اماكن ماركة بي ان بالبحرين او الشرقيه لاني من زمان اسأل عنها ..في اخت بحرينيه دلتني عليها بس نسيت جنه قالت لي بالحواج

بحرينية أمورة
03/09/2005, 04:05 PM
بتنور البحرين بوجودج

البنات ما قصروا قالوا لج كلشي

بس نسوا منطقة العدلية تراها عجيبة حيل
خصوصا بالليل أكو فيها مطاعم و كوفي شوب على كيف كيفج

لا تنسين اتزورينها خصوصا كوفي شوب فيرندا و لليلوز و بعد أكو جاك ديسانج
بالعدلية

انشاء الله تستانسين بدريتج البحرين واي استفسار انا حاضرة

الشيخة
03/09/2005, 05:35 PM
السلام عليكم ورحمه الله

يا ميت اهلا وسهلا بيكِ وبكل عزوتك

نتمنى لك قضاء ايام سعيدة وجميلة بيت اهلك وناسك
هل البحرين

عن الفنادق اسمع ينعتون فندق موفنبيك والريجينسي والشيرتون والرويال مريديان


تقبلي مني ارق التحية


اختك
الشيخة

فرحة الناظر
29/08/2008, 02:47 AM
البنات ما قصروا

روحي بنيان تري صاير عند جنه دلمون المفقوده << روحي لهم بالنهار الدرب فليل شوي يخرع وعندهم شاليهات رووعه بعد

اختي جويل .. الماركات مو في الحواج في مجمع الشراتون في التوسعه الجديده تقريبا اغلب الماركات بس للحين مافتحوا كل المحلات