المساعد الشخصي الرقمي

مشاهدة النسخة كاملة : قصيده لبدر بن عبد المحسن



اميرالظلام
19/12/2002, 05:39 PM
قصة حب




.. في كل قصة حب أحلام ومدينة
.. ليل ونخيل وهبوب
.. لكل قصة حب لو كانت حزينه
.. أجمل ألوان الغروب
.. ناظري ضيّ الحوانيت القديمه
.. ونقش أبواب البيوت
.. كلها شعر ومواعيدٍ قديمه
.. وصوت قلبـي اللي يموت .. وما يموت
.. لكل قصة حب عذال وحسود
.. ليه تخدعنا الأماني والليالي السود .. سود
.. إشعلي جمر العناد قربـي معاد أشوفك
.. لا يفرقنا السواد
.. ارسمي وجهي بكفوفك
.. ولا تجرّحنا عيون الليل وحروف النميمه
ولا يعذبنا السكوت
.. إن عطشنا أو شربنا الدمع ديمه
للهوى بنحيا ونموت
.. لكل قصة حب أشواك و ورود
.. وليه نصرخ من ألمها وكلها تنبت في عود
.. ناظري هذا قمرنا لو تغطيه الغيوم
.. وناظري هذا شجرنا ومهما تحرقه السموم
.. ولو تجرّحنا عيون الليل وحروف النميمه
.. ولو يعذّبنا السكوت
.. إن عطشنا أو شربنا الدمع ديمه
!! للهوى بنحيا ونموت


بدر بن عبد المحسن


منقوووووول

اديب
19/12/2002, 06:45 PM
ياهلا بامير الظلام

كيفك اخوي عساك بخير

مشاركة منك نشكرك عليها وهي لمهندس الكلمه

وكم تمنيت ان تتحفنا بقصائد وملاحم تبين فيه

ضعف المسلمين وحالتهم المزرية الان0


اشكرك على تواصلك

اديب

اميرالظلام
19/12/2002, 07:57 PM
الله يسلمك اخوي
واشكرك على تواصلك معاي
وانشاللله راح تشوف الي يرضيك
اخوك امير الظلام

حسـاسّـــــه
20/12/2002, 03:39 AM
مرحبااا اخوي امير الظلام..

وحتى لوكنت ملك للظلام.. اصبح النور واضح من ذوقك في اختيار

رائعه من روائع البدر ..

وروائعه ملأت دنيا الشعر والمشاعر بكلماته القويه المرهفه..


( غي غيبتك كل الملا عندي اغرب..

لاحدٍ ابي قربه.. ولااحدٍ يبيني )


تحياتي لك:)

HITLER2000
21/12/2002, 03:56 AM
هلابأ ميرالظلام ...

مشكور عالابيات الحلوة ... وصراحه ابيات جميله

تسلم ايدينك ...تحياتي

HITLER2000.