المساعد الشخصي الرقمي

مشاهدة النسخة كاملة : خبروني شوه اشتريتو من ماليزيا



انا وحبي
14/08/2005, 12:58 AM
السلام عليكم ورحمة الله وبركاته السلام عليكم ورحمة الله وبركاته


هلا بنات شخباركم لو تخبروني اللي سافرت ماليزيا شوه اشترت اشياء حلوه ومميزه وبعد ابغي اعرف وين اقدر اشتري للهدايا يعني الاسواق الرخيصه والحلوه في نفس الوقت وتنفع للهدايا الواحد يشتري لاهله اذا امكن بليز عروسات المنتدى واحلى عروسات

انا وحبي
14/08/2005, 01:26 AM
ما كان العشم ليش اتزعلوني منكم 8 اللي دخلوا ولا وحده ترد علي

kholoud_sa
14/08/2005, 03:17 AM
خخخخخخخخخخخخ تبين الصج

كل الي يروحون يجيبون جزم وصنادل وشنط

هذا اللي اشوفه لا اذا تكلفو جابو تحف :)

مناهل78
15/08/2005, 08:20 AM
مرحبا ،، باساعدك بخبرتي القصيرة وراح أخبرك شنو شريت من ماليزيا///

اولا عندهم محل أخذية في كل مكان تقريبا أسمه Vinccy أسعاره وايد رخيصة بين 20-60 رنجت وعلى حسب ماسمعت أن المحل الوحيد بالخليج في السعودية بس أسعاره خيالية 3 أضعاف ماليزيا.. راح تحصلين هالمحل في كل منطقة ومجمع.. مافي حد ما أشتريت له من عندهم..

للأطفال محل أسمه Poney وايد وايد حلو أسعاره بين 20-100 رنجت تقريبا وتحصلين من عمر الشهر إلى 14 سنة يعني الي يحب يلبس عياله نفس الشي بيحصل هناك هذا المحل كان في جنتنغ بمجمع First World Hotel المطل مباشرة على مدينة الملاهي ، هو مجمع كبير وكل شي فيه.. وبعد محل Disney كل شي للأطفال راح تحصلينه..

عندك Jusco هو ماليزي وشفت فرع له بالميغا مول،، من 3 أجوار كل شي تحصلين فيه الماركات الكشخة والعادية الأرضي ملابس نساء ورجال والثاني ملابس أطفال والعاب وقرطاسية والثالث أدوات المنزل والشراشف، راح أتحصلين بضائع رخيصة وبضائع معتدلة وغالية،، يصلح تشترين منه للهدايا..

لأشرطة البلاي ستيشن وال DVD في مجمع بي بي بلازا، بس تأكدوا ان ال DVD يشتغل وأنتوا هناك...

the dreamer
16/08/2005, 04:17 AM
اذا تبين شئ بسيط ...
أنا سمعت أن الاكسسوارات عندهم روعــة

الامـــارات
24/08/2005, 04:40 PM
وانا سرت ChinaTown عندهم ساعات وشنط حلووه ..

ترومين تنتقلين بالقطارات وعند كل محطه انزلي وبتشوفين وااااااايد سناتر :) ..

السموحه ..

وهج الغرام
30/08/2005, 03:39 AM
رووووووووووووعه ماليزيا بكل مافيها انا رحت بشنطه رجعت ب3 شناط شريت اكسسسسورارت فظيعه وغريبه ورخيصه شريت بديهات من سوق بي بي ترى فيه اشياء روووووووعه بس يبيله اللي يدور عدل ومن قلب وطحت بالشنط غريبه مره واتمنى اروح لها مره ثانيه

سحر2005
30/08/2005, 07:11 AM
فعلا حبيباتي ماليزيا حلوووووه بكل شي وهي غنيه عن التعريف لاكن حبيبتي اذا تبغين هدايا بكميه كبيره عندك الشارع الصيني تشاينا تاون مرررره حلوو ورخيص بس عيبه شوي زحمه عنده اشياء رووعه وتقليد الماركه ساعات وشنط واكسسوار واكسسوريز موبايل كمان شريت من عنده جينزات لي سنتين غسيل ولبس الى الآن كأنهم جديدات <<<<<هههههه حلوه جديدات كمان عنده سوق من اربع او خمس طوابق حلو كل شي رخيص
لكن انا بصراحه عندي هوس بذيك الديره الحلوه وبأذن الله لها رجعه خاصه اني قضيت فيها احلى ايامي هاني مووون ههه استحيت:o
وشكرا اذا حابين اي استفسار عن سحر شررق اسيا انا مستعده لا يردكم غير لسانكم
ثاااااانكس