المساعد الشخصي الرقمي

مشاهدة النسخة كاملة : يوم ميلاده



عروس دبا
18/12/2002, 03:59 PM
هلا والله بخواتي بالمنتدى

بغيت منكم طلب وااااااااااايد صغير ..

يوم ميلاد خطيبي بيصادف شهر واحد ومب عارفة شو اهديله.. وايد محتاره

لأن ما أعرف الريايل شو يعجبهم وشو يحبون


بلييييييييييييييييييييييز ساعدوني .. وبدعيلكم ;););)

وعلى فكرة هو يحب اللون الأبيض والأحمر..

وعلى فكرة ترى انا ما اقدر اشوفه ولا اكون معاه غير الصبح لين فترة الغدا لأن بعدين ملتزمة بدراسة لين بليل ..:confused::confused:

ارجوكم ساعدوني


اختكم عروس دبا

نسرينا
18/12/2002, 04:18 PM
عزيزتى عروس دبا اول شي عقبال ال 120 لخطيبك,تاني شي اناا بنصحك تهدية شي يبقى معة على طول ودائما عشان تضلي ببالو ما تفارقية ولا دقيقة;) مثل بتقدري تهدية ساعة فاخرة او مدالية فاخرة وبما انك قلتي انو بحب اللون الابيض والاحمر نسقي باقة زهور بهل لونين وضفيها الى جانب الهدية الرئيسية, انشاء الله اكون قدرت افيدك وتحياتي الك:)

عـيون المها
18/12/2002, 04:21 PM
ما شاء الله رد وايد حلو ... اكيد عروس دبا عجبها.

شمعة في مهب الريح
18/12/2002, 04:39 PM
السلام عليكم
عزيزتي بصراحه مستغربه من طلبك هذا اول مره اسمع ان وحده تهي خطيبها هديه بس يمكن عندكم عادي احنا عندنا بالسعوديه يصير العكس ونصيحتي لك انك تتغلين عليه شوي بمشاعرك وبعدين اجلي موضوع الهدايا الى بعد الزواج انشالله هذا رايي
وارجو انك تتقبلينه بصدر رحب
باااااااااااااااااي(l)

عروس دبا
18/12/2002, 05:34 PM
هلا والله نسرينا مشكوووووووووووووووورة وايد وايد على هالفكرة وانا الصراحة فكرت بساعة ..

اختي عروس حزينة .. ماشي فرق بيني انا وهو .. وعندنا عادي اهديه او يهديني هديه .. وعلعموم مشكورة

اتريه المزيد

M_rose_M
18/12/2002, 05:43 PM
سلام ... اختي عروس دبا ليه ما تشتري له جهاز Palm هدا الجهاز كتير ينفعه ممكن يحط فيه مواعيده ممكن يكتب فيه العناوين ( زي دفتر عناوين) وممكن يكون منبه واشراء كتييييييرة ممكن تستخدمه وممكن تحفري عليه اسمك وتلفي الهديه باللون احمر والابيض وانا حط لك site علشان تشوفي شكله http://www.palm.com/us
ان شاء الله اكون افدتك :)

ريحانة
19/12/2002, 07:21 PM
السلام عليكم ورحمة الله وبركاته وبعد
الله يوفقك يا عروس دبا ويجمع بينكم في خير ويجعل أيامكم كلها حب وسعادة ..أنا كنت محتارة مثلك وسألت صديقاتي المتزوجات و نصحوني بالساعة والعطور و ممكن قلم فاخر مع محفظة أو ميدالية مفاتيح جميلة المهم شيء يبقى معاه دائما أو هو حاليا بحاجته وبشرط تكون مع الهدية بطاقة فيها كلمات حب تعبري عن مشاعرك ناحيته وعن أهميته في حياتك حتى لو كان كلامك فيه مبالغة وصدقيني كيف ماكان اختيارك لو كانت هدية بسيطة جدا راح تسعده لأن الهدية لها تأثير كبير على النفس مهما كان صاحبها ولها طعم خاص لو كانت من الشخص اللي نحبه وأنا ما أنصحك انك تثقلي عليه زي ماقالت الأخت عروسة حزينة بالعكس أحلى أيام ما تنسوها هي أيام الخطبة ليش نضيع بهجتها بالتثاقل على الطرف الآخر ..ولو تبادريه انت بالهدايا و كلمات الحب راح يطير من السعادة وتملكي قلبه .. وزي ما انت تتمني تسمعي منه الكلمة الحلوة وتسعدي لو أتذكرك بهدية جميلة حتى هو انسان وله مشاعر مشابهة ويمكن هو يتأثر أكثر منك لأن المتعارف عليه هو كلام العروسة الحزينة ودا اللي يجيب الإحباط للشباب السعودي وما أظنه يزيد مكانة العروسة من خطيبها..... طبعا أنا كلامي عن بعد الملكة .
والله يسعد الجميع
والسلام عليكم ورحمة الله وبركاته
ريحانة

شوق العيوووون
20/12/2002, 01:16 AM
هلا فيك اختي عروس دبا

انا مع اختي ريحانه في كلامها ماله داعي نتثاقل على الطرف الثاني

وكل واحد له وجهة نظر خاصه


حبيبتي عروس دبا اول شي انصحك تعملي له حفله صغيره يتفاجأ بها صدقيني راح يفرح كثير انا مجربه الشي وعن الهديه تقدري تهديه عطر حلو او ساعه او قلم راقي او حاجه يكون هو محتاجها في هالوقت واهم شي طريقة تنسيق وتقديم الهديه وانا نسقت الهديه بشكل كثير حلو واضفت لها صورتي هذا اقتراحي لك واذا تبين اي مساعده او توضيح انا حاضره كم عروس دبا عندنا احنا

شمعة في مهب الريح
20/12/2002, 09:03 PM
السلام عليكم ورحمة الله وبركاته
اولا اعبر عن دهشتي واستغرابي من الهجوم علي وكاني قلت شي غريب وهو بالعكس كلام العقل والمنطق عموما انا والله مازعلت قد ماستغربت يمكن اكون موضه قديمه او بدويه احتمال باختصر كلامي كلاتي
اولا عيد الميلاد محرم وهذا متعارف عليه
ثانيا انا كنت اقصد انكم ماتستفذون كل المشاعر الحلوه في ايام الخطوبه لانك لسه انشالله بتتزوجين فالخوف انه يصير بعدين ملل وكل شي عادي
هذا رايي يعني انا ماافكر تكون فترة ملكتي طويله عشان مايتعود علي احب اكون بعيدة المنال عشان يحس دايما انه مشتاق لي وتكون للعرس فرحته وبهجته
اوكي؟؟؟ ولاااحد يزعل مني بنات قلت لكم هذا رايي ولاله داعي في كل رد تشيرون انه مااعجبكم راي لان كلامي موجه للاخت ويكفي انها ردت عليه
يله صبايا
بااااااااااااااااي(l)

عـيون المها
21/12/2002, 07:34 AM
العروس الحزينة .. أنا رأي قريب من رأيك الصراحة يعني الهدايا و هالسوالف أفضل تكون بعد الملجه ان شاء الله لكن فيه ناس تكون عندهم فتره الخطوبه عادي تهديه و يهديها... لكن بالنسبة لي أنا افضل انه يكون بعد الملجه. و إختلاف الرأي لا يفسد للود قضية.



عروس دبا اتمنى لج حياه سعيده ان شاء الله:)


تحياتي للجميع ....

عيوووون المها

lura
21/12/2002, 09:50 AM
عروس دبا

بغيت انبهج لشي مهم

يمكن تقولين عني متعقدة بس ما عليه بعذرج

انا يوم كنت مثلج ما افوت مناسبة والا احتفلت فيها ويا زوجي ( ايام الملج )

الين الحين

بس الفرق بعد ما عرفت انه هذي الاشياء تشبة بالكفار وما لنا الا عيدين نحتقل بهم وانه حرام ترك هالاشياء

بس اهدي ريلي من غير مناسبة

يعني بين فترة وفترة
مرة عطر مرة قلم ومرة ساعة حسب المدة

وان شاء الله ما اكون ثقلت عليج


وعلى فكرة الهدية تقرب بين القلوب وتولد المحبة

بنت الفجيرة
21/12/2002, 12:05 PM
أولا السلام عليكم
ثانيا انا حبيت جميع الردود و إنشء المولى تستفيدين منهم يا عروس دبا
ابغي اضيف رد بسيط مني لك وهو هذا الرابط عساك تستفيدين منه http://go.3roos.com/XQNWXbG9M2D

عروس دبا
21/12/2002, 03:10 PM
هلا والله خواتي

m-rose-m مشكورة وايد على هالفكرة وعلى تواصلج بس مشكلتع ما يحب الأجهزة ;)

اختي ريحانه .. مشكورة .. وصدقج احلى الأيام ايام الخطبة .. وهذا كلام الكل.. :D

شوق العيون .. انا فكرت اسويله حفلة صغير على قدنا انا وهو .. ;)

عروس حزينة - عيون المها - lura مشكورين على التواصل :)

بنت الفجيرة .. مشكورة على الموقع الصراحة وايد عجبني .. وكان رايح عن بالي هالموقع :rolleyes:


اختكم عروس دبا

مرمر
21/12/2002, 03:43 PM
هلا اختي عروس دبا ..

عندي لج بعض المقترحات بالنسبه للهدايا ..

.ممكن تهدينه ساعه ..

و في ساعه اسمها موفادو ..موجوده في باريس غاليري و في منها لون ابيض ..يعني الجلد و مينة الساعه كلهم لونهم ابيض..بما انه يحب اللون الابيض ..

.و بعد ممكن تهدينه محفظه ...

و قلم مثل ماقالوا البنات ...

و اذا كان خطيبج من النوع الى يلبس بزم ...ممكن تهدينه بزم و في مجموعه بزم حلوه من ديوم و جفنشي تشكيله جديده و حلوه .

.و في بعد يجي طقم القلم و البزمه يجون مع بعض و نفس الشكل ...

و ااخيرا ممكن تهدينه عطر ..او طقم عطور يعني تجي العلبه و فيها العطر و صابون و جل حلاقه و اشياء ثانيه رجاليه ..


هذا كل الى عندي
:)

moon lady
15/01/2003, 12:32 PM
غيرو الدبل اشتري لك وله دبل جديد

غير دبل الخطوبه

دانة الكويت
15/01/2003, 08:57 PM
عروووووس دبا جيكي على بريدج الخاص عفية :)

:cool:

bent_eboha
22/01/2003, 02:57 PM
عزيزتي العروس الحزينة ... رايك جدا عجبني و مو حلوة عندنا نحن في الإمارات الوحدة تهدي خطيبها شي .. إلا إذا كانت من البنات ال Free و أهلهم يرضون ... و بعدين الهدايا راح اتكون شي روتيني و لازم علينا ما ننسى أي مناسبة لأن إحنا عودناهم على الهدايا قبل حتى الزواج ومن يعلم شو بيصير بكرة !!!...

bobaw
20/02/2006, 03:01 PM
ممكن تهدينه ساعه ..او ماكينه حلاقه كهربا........

reem?????
09/06/2007, 11:15 PM
[SIZE="4"]انا بقى قدمت لخطيبى هديه جميله وهى ساعه وعملتلو مفاجاه لما دخل عندنا قفلت النور وولعت شمعه جميله جانت التورته ووقفت انا واخواتى وماماتى نغنيلو وكان فرحان اوى []:2_106:

نبض انثى
27/11/2007, 05:54 PM
مافيها شي مملكه البنت وهذا صار زوجها خلوها تنبسط وتهديه الي تبي


وبدون كلام جارح فري وهالحركات

malak28
27/11/2007, 07:06 PM
حبيبتي اقلك شي اهم شي انك تكونين مقتنعة بالي تعمليه شوفي حبيبتي انت قلتي هتشوفيه في فترة الصباح يعني فطور او غدا ممكن ترتبي مع مطعم يعملولك كيكة حلوة بتاع عيد ميلاد واشتريلو هدية حلوة المهم تكون منك انتي ويارب يسعدكم يارب شوفي حبيبتي الي بيقلك لا وحرام وهدايا في الخطوبة لا ولا يهمك اعملي الي انتي عاوزاه
وتاكدي ان خطيبك ديما هتكوني في بؤبؤة عينو ونن عينو ويارب يسعدك اختك ملاك