المساعد الشخصي الرقمي

مشاهدة النسخة كاملة : طلب لبنات الإمارات



لوز و سكر
06/08/2005, 12:46 AM
السلام عليكم و رحمة الله و بركاته

خواتي أعضاء منتدى عروس
أبي أطلب خدمة من بنات الإمارات و أتمنى ما تردوني ... لإني محتارة
خواتي حبيت أسأل عن صواني الشوكولاته و الإستنادات مالت المواليد ... وين أقدر ألاقيها سواء بأبوظبي أو دبي أو الشارقة....
و شو أفضل المحلات ... و المهم الشوكولاته نفسها تكون طعمتها كويسة .... و كيف الأسعار ؟
أتمنى يا خواتي ما تفشلوني ... و تفيدوني من خبراتكم
أنا بإنتظاركم
و السلام عليكم و رحمة الله و بركاته

جولييت قطر
06/08/2005, 12:50 PM
.. هلا حبيبتي انا مومن الامارات بس تقدرين تسمينها لقافه..ههههه

المهم انا اعتقد ان محل الشوكولاته اللي اسمه ( فوالا ) في دبي حلو وتوزيعاته تجنن اسعاره معقوله او يمكن شوي غاليه بس يستاهل الشغل بتلاقينه مقابل الملابلازا اعتقد اسمه كذا وان شاء الله ماخيبت ظنك ..

تحياتي..

صلصوحه
06/08/2005, 04:37 PM
في عندج باتشي

فواله

الضيافه

لوز و سكر
07/08/2005, 12:07 AM
السلام عليكم و رحمة الله و بركاته

أختي الغزال الحزين مشكورة و ما قصرتي
و لا لقافة و لا شي ... بالعكس نورتي بمشاركتك و أهلا و سهلا فيك بالإمارات

أختي صلصوحة
مشكورة الغالية ... و شرفتيني بمرورك
بس ممكن تقوليلي وين الضيافة ؟ صراحة ما أعرف مكانه ؟
إذا مافي كلافة عليك

و ياريت باقي البنات يشاركونا بخبراتهم

فطًامي
08/08/2005, 10:32 AM
هلا الغاليه.. الضيافه : بالخالديه / خلف بيستاش فورا
هو محل اسعاره معقوله ..

في محل يسوي هدايا توزيع للمناسبات بالحلاوى الي تختارينا و المبلغ الي عندج. انا سويت حلاوة ولادتي منه.
( توفا ) بشارع المطار على نفس مكان خياط العروسه و هيا تقريبا.. تركي رقمج عند العامل لصاحبة المحل و هي تكلمج ..

أتمنى اني فدتج

الفايزة
08/08/2005, 10:49 AM
السلام عليكم ورحمه الله وبركاته

مرحبا الساع

هلا مليون غلا

أختي الكريمه لوز وسكر

انا اعرف باتشي ولامركيز وبيت الشوكو لاه هذيل من الشكولاته الغاليه بس شغلهم حلو مرتب

عندج الفواله والضيافه اسعارهم معقوله بين وبين

في موجوده في دبي شارع الضيافه في حلويات حلوة بس سعودية


حياج ربي

السهر
08/08/2005, 11:00 AM
مرحبا الغاليه
عندنا واااااااااااااااايد محلات بس أحسن شي بالنسه لي أنا

فواله

محمصة فيروز شغلهم في التزيين يهبــــــــــــــــــــــ ــــــــل والشوكلت مالهم يجنن (شوكلت مع ويفر بسكويت )

وغيرهم وايد مثل ماقلت لج عندج باتشي .. بستاش ... جوديفا

في محل في وافي يخبل مش جوديفا ماأذكر إسمه

وفي محل في بالم سترب بعد ماأعرف إسمه

بس أحلى شي فواله .. محمصة وحلويات فيروز ( صح مب وايد مشهوره بس والله نصيحه مني سيري وشوفي طرق تزيينهم وذوقي الشوكلت بتدعين لي )

لوز و سكر
08/08/2005, 11:36 AM
السلام عليكم و رحمة الله و بركاته

مشكورات .... و ما قصرتن
تسلمولي يا بنات بلادي .... و شرفتني ردودكم و مشاركاتكم
و الله ساعدتوني مساعدة كبيرة
و جزاكم الله ألف ألف خير
و إن شاء الله أردلكم المساعدة بالأفراح

و بالنسبة لمحمصة و حلويات الفيروز أنا أول مرة أسمع عنه ... بس بسير و بشوف شغله

و السلام عليكم و رحمة الله و بركاته

السهر
08/08/2005, 11:39 AM
إن شاء الله يعجبج

أنا سويت عندهم لما ولدت أمي من فتره والكل تخبل بس تليعنت عليهم ومارضيت أقول هم وين سويته مع إنه كان مكتوب على الشوكلت بس هم ماإنتبهوا وسويت بعد من عند فواله شغل رااااااااااااااااقي