المساعد الشخصي الرقمي

مشاهدة النسخة كاملة : شهر عسل في ماليزيا .. ممكن مساعده !!



fay fay
14/07/2005, 03:34 AM
السلام عليكم والرحمه

رجاءً محتاجه مساعده بسيطه منكم وهي ترتيب رحلتي لماليزيا " شهر عسل "

اقصد ايام عسل ^_^


المهم ،، الرحله كلها 10 ايام فقط ..

حاولت ارتبها بعد قراءة المواضيع في المنتدى واحترت في الجدول خاصة ان الايام قليله جداً ..

المناطق اللي تهمني زيارتها هي :
كولالمبور
جنتنغ
سن واي لاقون
بيننغ
لانكاوي
كاميرون
" صباح " اتمناها لكن الايام قليله ..

المهم اخواني في منتديات كثيره قريت بأن جنتنغ وسن واي لاقون متشابهات من ناحيه " انهم ملاهي " بغض النظر عن الجو .. فهل هذا صحيح .. واذا كان نعم فأي وحده فيهم بتكون احلى لنا خاصة ان شهر عسل .. انا عاجبني الجو بجنتنغ لكن اخاف اختياري خطأ !!!

نقطه ثانيه .. قريت في احد المنتديات ان بيننغ ولنكاوي متشابهات .. وقريت ان بيننغ اختفت او تخربت بعد تسونامي .. واحترت بينهم خاصة ان كثير ردود تشجع في منطه وتذم الثانيه او العكس .. وهالامر حيريني .. هل تتوقعون المنطقتين يستحقون الزياره او اكتفي بوحده منهم مراعاة لضيق الوقت ؟؟

اخيراً .. اتمنى لو احد من اخواني الافاضل يتكرم ويصلح لي جدول بسيط لتنقلاتنا في ماليزيا .. تقريبا انا حددت الفنادق اللي ودي نروح لها بكل منطقه وراح اذكرها لاني احتاج عونكم وتعقيبكم على الموضوع ..

كوالمبور= عند الوصول الخيول الذهبيه
صن واي لاقون = صن واى لاجون ( غرفة ديلوكس )...
بيننغ = موتيارا ( سوبريور مطلة على البحر ) ..
مرتفعات الكاميرون = اكواتريال كاميرون هايلاند ...
لنكاوي = لنكاوي هوليدي فيلا
جينتنج = فندق جينتينج هاي لاند
كولالمبور = قبل العوده فى مندرين أورينتال غرفة ديلوكس( ملاصق للبرجين التوأم ) ومحتاره بينه وبين فندق شانغريلا !!


ملاحظه صغيره : الفنادق ابيها كلها 5 نجوم واتمنى تكون فخمه بجد فاللي عنده خبره في هالمجموعه المذكوره ويشوف انها مو مناسبه يذكر لي رجاء :)


وشكراً

&&_عاشقة الجوري_&&
14/07/2005, 11:23 AM
للاسف حبيبتي حبيت افيدك بس مارحت لماليزيا

وان شاء الله احد يفيدك

fay fay
14/07/2005, 12:01 PM
تسلمين اختي :)

مرورك يكفيني ^_^

غرام القلب
14/07/2005, 04:36 PM
سلام يا أختي fay fay

أنا ماعندي هاك الزود من الخبره في ترتيب الحجوزات والرحلات بس من رأيي، لا تروحين بيننغ لأنها مضيعه للوقت و مول مافيها شي مميز، و جنتق حلوه و فيها ملاهي و جوها روعه و بارد بس أكثر عن يومين أو ثلاثة أيام بتملون منها بسرعه...

أنا سمعت إن لانكاوي حلللللللللللللللوه وكل اللي راحولها في شهر العسل مدحوها وايد، فإنتي تقدرين تخلين الجدول كالتالي:

كوالالمبور: يومين (لا تخاذين شقق مفروشه مافيج على الطيخ و التنظيف و غيره) اسكني في فندق أحسن (تايم سكوير أو الماريوت أو الريجنت بعد لأن في وسط المدينه)

جنتغ: 3 ليلي ومن جنتنغ روحوا لانكاوي عن طريق البحر في رحلات بحرية تقدرين تحجزينها من الفندق، 45 دقيقه و الرحلة حلوة كلها مناظر طبيعية و جو ممتع.

اسكنوا في لانكاوي 3 ليالي



وبعدين ترجعون كوالالمبور و تقعدون فيها يومين و ترجعون لبلاد بالسلامه إن شاء الله

بس الأفضل إنكم تحددون الأماكن اللي تبونها و تخبرين مكتب السياحة عشان يرتب الرحلة بالطريقة اللي تريحكم..



تحياتي

الآنسه

ربابى
14/07/2005, 04:47 PM
السلام عليكم أختي أنا رحت ماليزيا للعام وايدعجبتني وعشرة أيام قليلة على ماليزيا بس تقدرين تنسقينها مثلا أول ماتروحي روح سن واي لقون وفية إهناك فلل مع بركة سباحة خاصة حلو للي يقضون شهر عسل وبعدين تروحون بننغ وايد حلوة انا لكل نصحني فيها عن لنكاوي والفندق إلا إنتو مختارين وايدحلو بس بعيد عن منطقة السوق اليلي وهذا سوق شعبي وحلو فية تحف وشغلات حلوة ورخيصة وأناسكنت في شنجرلاا خمس نجوم جنب هل المنطقة وبعدين جنتنغ وووووووووووايد حلوة الجو احلى ويوم واحد اويومين زين إلها خصوصا إن مافي أطفال عندك والفندق إلي إخترتينة وايد حلو وراقي وبعدين كواللامبور وفندق مندرين اورينتال من أفخم مايكون أنا سكنت فية جدا حلو وقريب من البرجين إلي فيهم أفخم مجمع تجاري كلا ما ركات ووايدحلو أما كاميرون أنامارحت بس سمعت إنهاوايد حلوة 00000000000 وعالعموم وايد بتنبسطين في ماليزيا ومببببببببببببببببببببببب ببروك مقدما وأسفة عن أي تقصير في الرد

fay fay
14/07/2005, 05:11 PM
حبااااااااااااااااايب قلبي والله
تسلمون لي الغاليات :)


بغيت اسئل .. جنتنغ اللي اعرف عنها انها مدينه العاب هي والسن لاقون .. طيب شرايكم اروح لوحده منهم بس .. مو افضل من اني اروح للثنتين ؟؟
والايام اللي بتزيد معاي احطها في لنكاوي او الكاميرون <<<<<<<< خاطري اروح لها لان ابي اشوف مزارع الفراوله ههههههههههههه

انتظر ردوكم ياخبيرات ماليزيا :)

ربابى
14/07/2005, 05:38 PM
عروستنا الحلوة fay fay
والله أختي إلي يريحج صحيح السن واي لقون تقدري تزورينها في يوم خصوصا إنها مدينة ألعاب (منتزة مائي ومنتزةللألعلب فوق) بس لاتفوتينة ترى وايد حلو وجنتتنغ بعد تقدرين تزورينها وتقضين يوم وليلة فيها بس بسسسسس بعد هم خسارة تفوتينها يعني يوم هنا ويوم هنا والباقي على راحتج ولنكاوي يقولون حلوة بس البحر في بننغ أحلى أما الكاميرون أنا مارحت لها بس بعد هم يقولون وايدحلوة لتمشية ولأسترخاء والجو فيها حلو 0000000000000000 وبالتوفيق إن شاء آلله:up::up::up::up:

fay fay
14/07/2005, 05:52 PM
مرااااااااااااااحب

رتبت جدول بسيط اتمنى يكون اوكي

كولالمبور = ليلتين في الريتز او الخيول او حتى شانغريلا ..
جينتنغ = ليلتين في فندق جنتنغ
بننغ = ليلتين في موتياره
لنكاوي = 3 ليالي في الشيراتون
كاميرون = ليلتين في اكواتريال
اخيرا كولالمبور 3 ليال في مندرين اوريتينال

fay fay
14/07/2005, 05:54 PM
طيب اختي ربابي

انا قريت ردك عقب ماكتبت ردي ^_^

زين بغيت اسئلك لو مثلا خليت يوم جنتنغ ويوم سن واي لاغون كافي على الثنتين ؟؟ اخاف اروح جنتنغ يوم واحد واتحسف او العكس ههههههههه

*المجروحة*
14/07/2005, 06:15 PM
http://www.bin-qatar.com/upload/Array/90.gif

*¤®§( السلام عليكم ورحمة الله وبركاته)§®¤*

هلا حبيبتي
أول شي أحب أبارك لج والله يهنيج عزيزتي
شوفي بقولج عن رحلتنا لماليزيا بصراحه كانت روووووعه وماخلينا مكان مارحناه
اذا تبين فندق فخم في كوالامبور قعدي في renaissance
واااايد فخم وراقي وكله خليجيين معظمهم جايين شهر عسل
وفي بيننغ احنا قعدنا في موتيارا هو احسن فنادق بيننغ بس بصراحه ولاشي بالنسبه لفندق كوالالمبور renaissance
بس الحلو فيه انج تقدرين تنزلين تحت أي وقت وتقعدين على شاطئ البحر أو برك السباحه وتركبين البراشوت أو البنانا أو السكوترات والمكان حلوووو

رحلتنا كانت كلها في كوالالمبور و4 ايام منهم قضيناهم في بيننغ
كنا بنروح لنكاوي بس قالوا لنا وايد تشابه بيننغ لكن بيننغ أحلى فماضيعنا وقتنا
جنتنج رووووعه لاتفوتينها جوها رهيب والملاهي تجنن بس ماقعدنا فيها رحنا الصبح ورجعنا فالليل وكان كفايه الوقت
سن واي لاقون بعد وايد حلوه لاتفوتينها وايد استانسنا
الملاهي حلوة وفيها مجمع تجاري ضخم حلو انج تتسوقين فيه بس بعد رحنا العصر ورجعنا فالليل ماقعدنا فيها وكفانا الوقت

من رايي تقعدين في العاصمه اكثر لان وايد فيها مناطق حلوه فحرام تضيعين ليلتين أو 3 على صن واي لاقون مثلا
احنا من كوالالمبور كنا نروح كل مكان ونرد بيننج الوحيده اللي قعدنا فيها 4 ايام وآخر يوم ماكان عندنا مكان نروحه لان درناها كلها

امبيه وايد سولفت سوري
تمنياتي لج برحله سعيده حبيبتي


http://chatal3nabi.com/upload1/pic/Final one.gif

fay fay
14/07/2005, 10:52 PM
الف الف الف شكر لك يالغاليه

تسلمين اختي نورتيني ^_^

شايه
15/07/2005, 03:25 AM
هلا عيوني الف الف مبروك وانا نفسك بحجز ماليزيا لشهر العسل وموعارفه كيف ترتيب وخصوصا ابغي اماكن روووعه وسمعت ان عندهم محلات او مراكز للتسوق روووعه وعندهم حديقه كلها فراشات اتمني الاخوات يساعدوناا

fay fay
15/07/2005, 03:48 AM
اختي انا اقدر اعطيك دليل لكل الاماكن السياحيه بكل منطقه ولكن خلينا نرتب الجدول قبل

^_^

ربابى
15/07/2005, 11:02 PM
:up::up:هلا أختي fay fay مثل ماقالت أختي المجروحة تقدرين تروحينهم من كوالالمبور من الصبح لليل وترجعين الى العاصمة ترى يوم واحد يكفي للما عندهم اطفال بس إلى عند اطفال يحب يطول عشان الأطفال يستانسون اكثر وأي خدمة حبيبتي أناحاظلرة

fay fay
16/07/2005, 01:15 AM
تسلمين يالغاليه :)

زوجي بكره بيروح يجحز التذاكر وقلت له يحجز على لنكاوي وبيننغ وجنتنغ وكولالمبور
بمعدل 4 ايام لنكاوي
بيننغ 2
جنتنغ 2
كوالالمبور 6

يارب يكون كل شي اوكي

:)

@@فوشيـــا@@
16/07/2005, 01:37 AM
اختى الغاليه fay fay البنات ماقصرو بس حبيت اضيف شى صغير ان فعلا مثل ماقالت الاخت المجروحه جنتنغ يوم واحد تروحين

الصبح وترجعين بالليل لانها ماتستاهل اكثر... اهم شى لاتروحون يوم اجازتهم لانك مارح تلعبين ولا بلعبه من الطوابير ..

ولانكاوى احلااااا بكثير من بينغ وانصحك بها وخذى تور للجزر اللى حولها الطبيعه خيااال .... ذكرتينى بذيك الايام الحلوة


و بكوالالمبور لازم تروحين سن ويلا قون لانها روووعه واحلااا من الجنتنغ بكثيررررر وجريبه وايد من الفنادق اما بالنسبه

الفنادق بكوالالمبور اختارى فندق فى القولدن سكوير هى احلااا مناطق كوالالمبور وكلها خمس نجوم ويفضل الماريوت

وهناك كل المجمعات التجاريه والمطاعم وكوفى شبات موجوده بالمنطقه يعنى مابتحتاجين تاكسى للتمشى بالليل وفى

مطعم الطربوش لبنانى ايضا موجود بالمنطقه اللى ذكرتها وروحى الشلالات واياك تضيعى وقتكم بزياره المصانع مو يقصون

عليك ترى صادتنى ومليت حدى وطبعا لا تنسين حديقه الحيوان وحديقه الفراشات روعه وحديقه

الزهور والطيور كلها تاخذ يوم واحد ... (f) والف مبروك حبيبتى على الزواج ... (f)

وجذنى هذرت وايد :pain:

فراغ العاطفه
16/07/2005, 01:54 AM
جدولك مررره حلو بالنسبه للايام القصيره اللي بتروحينها واهم شي ماتفوتين الجنتنغ لان جوهاا مررررررره حلو وانتي تعرفين ماليزيا رطوبه انا رايحه ماليزيا من قبل عشان كذا انصحك اخذي ملابس السفر خفيفه مرررره.......... تروحين وترجعين بالسلامه والله يوفقك

غرشــوب
16/07/2005, 09:04 AM
أختي الغالية

أنا رحت ماليزيا مرتين


نصيحتي لج بالنسبة لسن واي لاقون يوم واحد يكفيج من الصباح حتى المسا وبس بعدها ترجعين الفندق ،اقصد ما تغيرين مكان اقامتج.

احنا سكنا في كوالمبور في مندرين أورينتال رووووعة
في بيننغ سكنا في موتيارا بعد رووعة
جينتنج سكنا في فندق جينتينج هاي لاند وهو افضل الموجود بس حاسبي تروحين هناك مع زحمة نهاية الاسبوع ويومين تكفي وزيادة


كل السعادة اتمناها لكم

fay fay
17/07/2005, 02:30 AM
ياعسااااااااااااا ريب يسلمكم

:)

نصايحكم درر ^_^

fay fay
18/07/2005, 04:02 PM
واااااااء واااااااااااء

كان يقولي عندي لك مفاجئه .. بس ماتوقعتها جذي

حجزنا صار على تركيا

واحس الدنيا تلخبطت شوي لان ماتوعقت بس يالله عسا خير اهم شي نكون سوا ^_^

مشكورين واتمنى الموضوع يفيد من هم رايحين على ماليزيا :)