المساعد الشخصي الرقمي

مشاهدة النسخة كاملة : اذا مسافره في الصيف وعندج عيال تعالي اخبرج شو تشليين



دنيا الفرح
04/07/2005, 03:19 PM
الأخوات اللي يسافرون مع أطفال وما عندهم أفكار شو المفروض ياخذون وكيف يتصرفون في أكل الطفل حابه أعطيهم بعض الأفكار .......


للأم اللي عندها طفل من 4شهور الى سنتين بخبرج شو ممكن تسويين:
-اشتري جدر الطبخ اللي يطبخ العيش وموجود ماركات وايد منه مثل كينوود وراسل هوبز ودوري أصغر حجم هذا الصبح قبل لا تطلعين تطبخيين فيه اللي تبيينه ما تتخيلين شكثر مفيد بيض مسلوق -مقلي فوول بلاليط معكرونه وغيرها ...فالمهم جهزي وجبة البيبي وحطيها في حراره حافظه للحراره وسكريها في كيس وخليها في الشنطه مالت الطلعه وايد عشان ما تضطرون ترجعون تغدونها.

http://images-eu.amazon.com/images/P/B00008WFBT.02.PT02.TZZZZZZZ.jpg

-جهزي بعض المأكولات الخاصه بالبيبي من البلاد بتقولون ليش اولا الفتره الأولى محتاجه هذي الأغراض لين تعرفيين أماكن البقاله, ثانيا وايد بتوفرين لأن الأغراض هناك وخصوصا اوربا غاليه نار عكس أسعاره عدنا يعني أنا يوم أسافر أشل التالي:اندومي- أرز وأوزعه في أكياس بلاستيك قياس كل وجبه -كورن فليكس_شابوره- معكرونه-عدس-جبن معلبات-سريلاك-تونه- فاصوليا -فول -معكرونة ماجي -حليب بودر-طحين عيش-......الخ حليب البودر مع طحين العيش يستوي وجبه حلوه تخلطينهم وتسوين كسترد وتحطينه في علبه بلاستيك محكمة الإغلاق.
http://www.glad.com/images/glad_ware_pic2v2.jpg
-خذي ترمس او فلاس صغير تسخنين فيه الماي قبل الخروج مباشرة ويستعمل لأغراض متعدده بنأتي على ذكرها.

- خذي أكياس
glad zipper bagshttp://www.glad.com/images/nav_bags_pic.gif
وايد مفيده تحطينه فيها كل شيء تبيين تخزنينه بصوره نظيفه وحسب حاجتك.

-اذا كنتي في مطعم وزاد خبز أو فواكه أو خيار حطيه في كيس بلاستيك وممكن اذا ياع البيبي وما عندج أكل جاهز تصبرينه بهذي الأشياء.

-دايما حطي خطه للطوارىْ بمعنى اذا طلعتي ما تعرفين متى بترجعون فحطي مثلا علبه دايما تكون في الشنطه فيها أكل جاف مثل السيريلاك او بسكوت فارليز وتكونين حاطه كاس بلاستك وملعقه بلاستيك بشكل دايم في الشنطه لهذا الغرض.

للأطفال فوق السنتين:
-من الوجبات الخفيفه للأطفال فوق السنتين الشابوره مع الحليب والكورن فلكس يعني الموضوع محتاج كاس بلاستيك سكر حليب بودروكاكاو بودر مخلوطين بمعاييرهم في كيس بلاستيك وتضيفيلهم الماي الدافىء وخلط خفيف وتعطيهم الوجبه.

-موجود شوربات جاهزه محتاجه بس اضافة الماي الحار مفيده للطواريء.

-ممكن وانتي في الفندق تسوين سندويشات للأطفال مثل جبن-جام قشطه-كاكاو وتعطينهم اذا ياعوا.

هذا كل اللي أتذكره حاليا واذا ذكرت شي ثاني بضيفه ان شاء الله........بس مثل ما تعرفون طمعانه بأراؤكم ودعاؤكم.

فجر العيد
05/07/2005, 02:49 AM
جزاج الله خير ان شالله مشكوره وايد اختي على هذا الموضوع .

ميرة جمال
05/07/2005, 03:24 PM
[مشكورة وايدوما قصرتى ]

hatb5
05/07/2005, 04:01 PM
مشكورة

مينور
05/07/2005, 04:09 PM
السلام عليكم
مشكووورة الغالية

دنيا الفرح
09/07/2005, 05:59 PM
العفو يا اخوات

غيثة
09/07/2005, 06:10 PM
الله يعطيك العافيه ........... ما قصرتي

!بنونه!
09/07/2005, 07:38 PM
الله يعطيش العافيه
ومشكوووووره

كلمه طيبه
09/07/2005, 11:17 PM
جزاك الله كل خير كملي اختي