المساعد الشخصي الرقمي

مشاهدة النسخة كاملة : بنات الامارات دبي بالتحديد او أي أحد سافر لدبي وعنده خبرة بالسياحة بدبي



Cafe latte
03/07/2005, 05:31 AM
السلام عليكم ورحمة الله وبركاته
بسم الله الرحمن الرحيم
كيف الحال إن شاء الله دوم بخير ؟

حبيت أستفسر عن السياحة بدبي من ناحية الشقق الفندقية الي تكون قريبة من الأسواق والأماكن الترفيهية وتكون بسعر معقول يعني مايزيد عن 600 درهم أو أكثر شوي .. ويكون من ظمنها المطبخ طبعا وأهم شي النظافة

وحبيت استفسر عن تأجير السيارات مع السواق او بدون سواق؟؟ أو الليموزين والتكاسي.. وش تنصحوني فية سيارة أجرة أو تكسي أحسن؟؟

وحيبت اسأل بالنسبة للسنمات
وأهم شي أمكان الترفية للأطفال وفعايات وانشطة ترفيهية للأطفال(نبي أطفالنا يستانسون) والمنتزهات والملاهي والمطاعم

المراكز التجارية والمولات..

والأهم من كل هذا السعر يكون متوسط علشان يتناسب مع الميزانية المتواضعة المرصودة لمدة 10 تقريبا أو اسبوعين.. نبغى خدمة ممتازة او على الأقل جيدة
وياليت وحدة من بنات دبي تساعدني في عمل جدول يومي للترفية والتمشية .. سواء للأسواق او المنتزهات او المطاعم واماكن ترفية للأطفال الخ

انتظركم تكفون لا تطنشوني..

Cafe latte
03/07/2005, 06:48 AM
بنااااااااااااااااااااااا ااااات وينكم تكفووووووون ردوا علي

Cafe latte
03/07/2005, 10:06 PM
:cry: up
للرفععععععععععععع

الفارسـة
04/07/2005, 05:56 AM
ان شالله لــ عوده ـــي

شيطونة قطر
04/07/2005, 06:10 AM
الشقق عندج البستان او امباسي او رحاب.
المولات عندج الستي سنتر دبي،حمر عين ،برجمان،صحارى،ميغا مول،ابن بطوطه اللي على طريق بوظبي،مارينا مول في بوظبي،ستي سنتر الشارجه.
الفعاليات والانشطة يوم توصلين المطار اسئليهم وهم بيعطونج كتيب عن كل شي يخص المهرجان بمافيه الشقق والمولات وغيره
واذا انتي من النوع اللي يحب يسهر لازم اتروحين شارع الرقة والمرقبات اهناك الحياه غيييييييييييييييير مطاعم مفتوحه للفجر وكوفي شوبس وغيره...:up:
سامحينا على القصور:shy:
تحيــاتـــي

RoOoOmy
04/07/2005, 02:45 PM
اختي عروس السماء

سوي بحث وراح يطلع لك كل شي خاص بالسياحة في دبي

شوفي رابط هالموضوع فيه اسماء المجمعات

مجمعات دبي (http://www.3roos.com/forums/showthread.php?t=127665&highlight=%CF%C8%ED)

انا رحت دبي ثلاث مرات وان شاء الله بعد اسبوعين بروح للمرة الرابعة كل مرة اقول بسوي جدول بس بعدين يعطوني في المطار دليل تسوق وسياحة وترفيه يكون فيه كل المطاعم والمجمعات والفنادق وامشي عليه

السينمات عندك وحدة قريب وافي سنتر والثانية في ديرة سيتي سنتر هذول اللي اعرفهم الباقي في اماكن متفرقة

حديقة الخور مرة حلوة للصغار وتقدرين بعد توديهم وايلد وادي فيه ليلة للحريم بس

قريبة البوم حلوة بعد

الأسواق شوفيها من الرابط وعندك الباص العجيب اللي يمشي في البر والبحر حلو لجولة سريعة في دبي
وفيه باص ثاني بعد يودي جولة حول دبي تلاقين بروشوراته في كل مكان

القرية العالمية لا تفوتك .... ما اقدر اوصفها لك من حلاوتها عيبها ان مكانها بعيد

فيه حديقة حيوان في جميرة بس مو ذاك الزود

وفيه ملاهي قريب من الخور دايما نروحها بس نسيت اسمها .... وراح يكون فيه عروض حلوة للأطفال طوال فترة المهرجان في كل المجمعات ولا تفوتك عروض شارع الرقة والمرقبات

ملاذ العين
04/07/2005, 10:04 PM
اختي اتصلي على خدمة "أهلا دبي" على الرقم: 971600545555 وهم راح يزودونج بكل المعلومات والفعاليات اللي تبينها.

كندريه حلوه
12/01/2010, 09:59 PM
وااااااااو عليج بالعافيه انا رايحه دبي مليون مره:) تهبل مشالله نبدي بالسكن عندج فندق سيتي سيزون في نظام شقق فندقيه ونظام غرف وايد حلو ونظيف وقريب من السيتي سنتر انا بصراحه جربت الفندق مو الشقق الفندقيه بس مكان راقي محترم وعندج فندق المروج روتانا بعد في نظام الشقق الفندقيه انا اهناك جربت الشقه الفندقيه بصراحه روعه كانو مسوين عروض والليله ب80 دينار كويتي طلع علينه وقريب من دبي مول والخدمه اكثر من رائعه وكمبنسكي شي حلوووووووووو يهبل بمول الامارات وفندق تاج بلاس هم راقي وحلو بالقرب من الغرير هالفنادق عن تجربه:)
المجمعات في الراقي وفي العادي انا بصراحه احب دبي مول في الاكواريوم شي خيالي وحلووووووووووووو احجز التذكره ب100 درهم حق الاكواريوم واروح النفق والقارب الزجاجي شي يهبل روعه لايطوفج والحديقه المائيه شي غريب وحلووو وفي بالمجمع نفسه اكبر محل بالشرق الاوسط للحلويات يمي يمي يهببببببببببببل انا وايد احب هالمول استانس فيه وعندج بعد مول الامارات طبعا غني عن التعريف في التزلج شي حلو وممتع ومحلاته جدا راقيه وبن بطوطه حلو في معالم كل عالم مختص بدوله من ناحيه الديكور وعندج فاستيفال ستي هم حلو كله ماااي كل مكان نوافير وبره في قوارب يعني شي حلو وخالتي تمدح حديقه الخور تقول وايد حلوه بس انا مارحت لها اي وبعد رحت رحله البوم حجونه البوم والعشا كان بوفيه ويمشي بالخور ونااااسه وكان البوم بس لعايلتنه وناسه على ما اتذكر ان كل شخص تقريبا 120 درهم عندج مجمع ماركاتو بالجميرا جدا راقي جنج بايطاليا وانا رحت الجميرا بيج بس ما استانست لان كله اجانب ومفصخين:( عندج مجمع صحارى بالشارقه وايد حلووووو وخاصه مكتبته المعلقه:) الوافي مخصص للماركات وفي بعد برجمان هم حلو وكبير وسيتي سنتر في وايد مولات:) واذا تبين اي شي انا حاضر حبيبتي