المساعد الشخصي الرقمي

مشاهدة النسخة كاملة : بنات الكويت لحقوني قبل باجر ضروري بليزززززززززززززززززززززز زززز



انا وحبي
27/05/2005, 01:06 AM
السلام عليكم ورحمة الله وبركاته

هلا بنات شخباركم حبيت اطلب من بنات الكويت طلب وياريت تردون بسرعه
زوجي موجود عندكم في الكويت وياريت تخبروني عن الاماكن الحلوه اللي عندكم
للتبضع مثل بدلات اليهال البنوتات على الاولاد من عمر2 الى 5 بليز اموت على بدل اليهال
والجلابيات الحلوه وين اماكنهم ابغي جلابيات خفيفه تنفع للبيت ويوم حد ازورني اللبسهم
واكسوارات البيت مثل علب الكلينكس اذا تعرفون اللي تجي مثل الكريستال .



ياريت بنات ما اطنشوني انا اختكم من الامارات واحب الكويت موووووت

SHREEFA
27/05/2005, 01:53 AM
اول شي ... اختي احنا الصراحة نحب نشتري اغراضنا من غير ديرتنا مع ان الامارات ماشاءالله كل شي فيها بس
حلو اذا احد سأل من وين تقولين من الكويت والا من السعودية والا من البحرين ..

ماعلينا راح اقولج

بخصوص ملابس الاطفال عندج هاليومين تنزيلات بأكثر من مكان عندنا

سناء 70% موجود في السالمية / الفحيحيل / الري / حولي
لاند مارك 60% التنزيلات فقط بالري والبقية لايوجد عليها تنزيلات والمحلات في السالمية وحولي والفحيحيل
مذركير - نكست - بي اتش اس
هذا بالنسبة للاطفال غير المتوفر في جميع المجمعات العديد من المحلات الاوربية منها متوفر في سوق شرق - المارينامول - الفنار- ليلى غاليري - الكوت - اجيال - زهره - البستان ....


اما بالنسبة لك اختي كدراريع حلوه وفيها شغل بسيط واسعارها حلوه وتصلح للبيت اذا زاروج الناس
خليه يروح الى الحمرا مول في الفروانية علشان لا يلف ويدور وايد المول ثلاث طوابق اغلبية المحلات دراريع ..

وبالنسبة لديكورات المنزل عندج اللاند مارك - ايكيا - هوم سنتر - الفروانية محلات كثيره منها غاليريا ...

واسواق شعبية ... ورخيصة .. المحاميد - المعلم - فاشن مل - اولادنا - مستوره - كلهم موجودين في السالمية

كلها يومين وانشالله يأخذ كل اللي تبونه ...
ويرجع لكم بالسلامة

kuwaitia mamlo7
27/05/2005, 03:49 PM
شروفة كفت ووفت

اذ تبين دراعات كشخة في مججمع الأوقاف

وفي بالفروانية مجمع اسمة العربيد يسوي نفس دراريع المصممات باسعار رخيصة