المساعد الشخصي الرقمي

مشاهدة النسخة كاملة : اللي سافرت بانكوك تدخل...



alfajer _alb3ed
23/05/2005, 02:51 PM
السلام عليكم ورحمة الله وبركاته

اخواتي اللي منكم سافرات بانكوك تخبرني عن اكلهم وشو الاكلات المتوفره حق الاطفال وخصوصا طفل عمره ثمان شهور...هل عندهم اكلات الاطفال الجاهزه مثل اللي عندنا مثل السيريلاك والحليب وغيره...وهل عندهم محلات مخصصه حق اكل الاطفال مثل اللي نلقاها في اوروبا؟؟:think:

انا بتكون اول زياره لي لبانكوك وحبيت اسأل الاخوات اللي زاروها من قبل وخاصة اللي عندهم اطفال كيف سويتو هناك وهل كانت السفره مريحه ولا متعبه ..ومن ناحيه اكلهم هل عندهم نفس الخضار اللي عندنا مثلا اذا كنت ناويه اطبخ حق البيبي...:

وعن الجو..بغيت اسالكم شو الجو في بانكوك عامة في الصيف؟؟هل هو حاار جدا ولا معتدل؟؟؟ يعني ناخذ ويانا ملابس صيفيه ولا نص ونص شتوي:s2

ياريت الاخوات اللي سافروو بانكووك يفيدوووني...وبأسرع وقت لان السفره ممكن تكون بعد عشرة اياااام....ف بليييز جاوبوني بسرعه:pain:

سارووونه ^_^
23/05/2005, 03:03 PM
هلا والله الغاليه

انا سرت بانكووك حلوه باغراضها وشوارعهاا وووع وصخه


وعن الاكل هييه كل شي عندهم


عندهم جمعياات كبار وكل شي فيها


اما بالنسبه لمحلات خاصه باكل اليهال فما اعتقد

والجو عندهم حلو مب واايد باارد ولا حاار


ما له داعي اتودين ملابس شتويه .... للاحتياط ودي 2 او 3 للبيبي بس


اما للكباار فمالا داعي ابدا .....


والي اعرفه انه عندهم خضار لكن مب وايد نفس هني


لكن المليان عندهم الفوااكه


ياويلي على الفواكه مالهم عجييييييييييييبه وحلللللللوه ورخييييييييييييصه .... ههههههههه



اتمني حبيبتي استفتدي مني بشي


والسمووحه منج الغاليه

missy
23/05/2005, 04:01 PM
هلا والله الفجر البعيد ... انا وحده تقريبا بيعطوني الجواز التايلاندي من كثير ما اروح بانكوك ...شوفي يا طويلة العمر
* الجو في بانكوك حاااااااااااااااااار ... يعني اخذي اخف شي عنج في الكبت ...
* بالنسبه حق ملابس الاطفال عندهم ملابس حلوه خصوصا حق الي 3 شهور لين 12 سنه ... واااايد حلوين ..
* كل انواع الاكل موجوده حتى في مطعم كويتي اسمه ولد الديره يبيع اكلات شعبيه يعني برياني وهالسوالف
* عندهم اكل الاطفال الي اهوا السيريلاك والخضار في السوبر ماركت على ما اعتقد ...
------------------------
* اذا حابه اعطيج اسامي كم مجمع انا رحتهم .. وخصوصا المجمع الي فيه ملابس الاطفال عطيني خبر ... واذا بعد حابه تسالين عن الفنادق ممكن افيدج ...
-----------
ياريت بس تاخذوني معاكم لاني بموت واروح ههههههههههه...
-------
يالله رحله سعيده انتي والبيبي ... بس لا تنسين تاخذين معاج العربانه مالت ولدج .. لانج بتتعبين وانتي شايلته ...
----

alfajer _alb3ed
23/05/2005, 11:35 PM
مشكوره اختي سارونه واختي ميسي

وين باقي الاخوات ومشاركاتهم؟؟؟

ابغي اعرف هل اكيد عندهم اكل الاطفال مثل اللي عندنا السيريلاك والفارليز ولا عندهم ماركات ثانيه؟؟؟

افيدوووني يلي سافرتو بانكووووك

عيون_المهـــا
23/05/2005, 11:53 PM
مرحبااااا بنااااااااات ...

تسلمين يا الفجر البعيد على طرحج للسؤال هذا بالذات ...

ياااااريت لو البنااات يردون عليناا .... ياكثر العرب اللي في بانكووك وينهم ليش مايردوووووون .... ؟؟؟

وياريت لو الاخت الغاليه ميسي تفيدنا أكثر عن بانكوك ... شو المجمعات والمراكز الحلوه واللي فيها أغراض حلوه للهدايا...

وشو أحسن المطااعم اللي فيها أكل عربي ....

مممم شو رايج لو تعطينا كل المعلومات اللي عندج عشان الكل يستفيد :)

ومشكووووووووووووره مقدما ..

حب الامارات
24/05/2005, 02:16 AM
هلا فيج يالغاليه

حبيت أخبرج عن بانكوك

أولا: مثل ما قالت الاخت الجو حار وأرف لازم تاخذين شورت وتي شيرت للبيبي .

ثانيا : الأكل متوفر, عندهم أكلات للبيبي والفارليز والخضار والفواكه وتقدرين تعطينه شوربه وزبادي والاغراض متوفره في السوبرماركت اللي في طوكيو سنتر

ثالثا : الحليب متوفر لكن مب كل الحليب البعض منهم

رابعا : أنا سافرت وبنتي عمرها تسع شهور لكن تبين الصدق تعب لأن جوهم ما يساعد

واذا تبغين اي استفسار ثاني انا حاضره .

alfajer _alb3ed
24/05/2005, 01:39 PM
اختي حب الامارات...

هل تذكرين شو انواع الحليب المتوفر عندهم للاطفال؟؟

وهل السيريلاك موجود بعد ؟؟ واكل الاطفال الجاهز اللي يكون في علب زجاج صغيره متوفر؟؟

SHREEFA
24/05/2005, 03:52 PM
اختي الغاليه الفجر البعيد
تايلند حلوه ورائعه
مثل ماقالوا الخوات جوها مرطب على الخفيف ومو حار بس رطوبه
يعني لبسي ملابس قطن وصيفيه
بس شوارعهم وصخه جدا جدا من اكل الحشرات ووووووووييييع
ونصيحه يا الفجر البعيد حق البيبي ماراح يثقل عليج ولا يضرج لما تاخذين
اكل وليدج معاج اخذي له علبتين سيريلاك وعلبتين حليب
انظف لج واحسن وفي شارع كله مطاعم عربيه ونظيفه والناس اللي فيه كله عرب
من الكويت ومن مصر ومن ايران ومن البحرين
اكلهم نظييييييف
وبس

دمتم سالمين

foofoo
25/05/2005, 01:04 PM
مرحبا اختي انا رايحه تايلند كذا مره وباكتبلج بالتفصيل
اول شي بالنسبه لحليب الاطفال انا كنت اعطي ولدي نان وحصلته هناك عندهم واكل الاطفال اللي في الزجاج بتحصلينه وهناك تعطينهم وانتي مطمنه عندهم رقابه غذائيه صارمه على هذه الاشياء وحتى البامبز عندهم
بالنسبه لاحسن فندق تسكنينه هو اماري بلوفارت هذا الفندق السوبرماركت في ويهج والمطاعم العربيه قريب منج والمراكز قريب والمستشفى الامريكي قريب اذا بغيتي اتسوين فحص شامل ما ياخذ وقت عندهم واحسن شي عندهم تكرمين الحمام فيه هوز للغسل وهذا طبعا نادرا ما اتحصلينه في الفنادق اللي عندنا فما بالج برع
بالنسبه للمراكز انا افضل انه اول شي اتسيرين بوبي تاور للملابس هذا سوق للجمله ويبيعون مفرد اشتري اللي تبينه من الملابس وبعدين اشتري من المراكز لان هني ارخص
-عندج مركز روبنسن مركز راقي وطوكيو سنتر ويسمونه mbk وعندج وورد تريد سنتر
والشارع اللي فيه الفندق اسمه سكوموفيت سوي ها هذا طبعا بلغتهم وايبج لباب الفندق
هذا اللي اتذكره

alfajer _alb3ed
25/05/2005, 01:25 PM
مشكوووورين يا اخواتي...بصراحه طمنتوني....

انا استخدم حق ولدي حليب ابتاميل من ميلوبا مادري اذا متوفر عندهم ولا لا..اللي تعرف او شافت هالحليب عندهم فياريت تخبرني

goldendune
25/05/2005, 02:29 PM
مشكوووورين يا اخواتي...بصراحه طمنتوني....

انا استخدم حق ولدي حليب ابتاميل من ميلوبا مادري اذا متوفر عندهم ولا لا..اللي تعرف او شافت هالحليب عندهم فياريت تخبرني




السلام عليكم ورحمة الله وبركاته

بصراحه انا لو منج باخذ معايه أكل Baby حسب المده اللى بقعد ... لو 3 أسابيع باخذ

3 حليب _ وفارليز _ والخضار طبعا من هناك ومن السوبارماركت فقط ...

وردة الشارجة
08/06/2005, 10:44 AM
اختى ليش تغامرين وعقب ما تحصلين حليب او اكل للبيبى شلى من عندك احسن انا يوم سافرت شليت اكل لولدى عشان ما اضمن الاقى عندهم اللى ابغيه والا لأ وبعدين جوهم وايد وايد حار اضمن شي شلى وياج اكل البيبى احسن لج