المساعد الشخصي الرقمي

مشاهدة النسخة كاملة : فكرة رائعة للعيد



اللؤلؤه العربيه
04/12/2002, 01:02 AM
طبعا كلنا استعدينا للعيد وقاعدين نشطب على الأغراض الأخيرة
ويمكن كلنا أو أغلبنا اشترى حلوى العيد وزين البيت و....و.....و......

طيب نسيتوا شي ؟؟؟؟
تذكروا معي ...
وش نسيت ..
وش نسيت ؟؟؟أمممممممممممم:(
طيب أنا أقول لكم شي نسيناه مع غمرة الفرحة بالعيد وأيامه
راح يضاعف فرحتكم بالعيد أكثر وأكثر
الأدوات المطلوبة:
أكياس لحم (بلاستيك شفاف)
كراتين حلاو 3أو4أنواع مو شرط غالي
كرتون علوك
كيسة بلونات
صرف 50ريالات أو المبلغ اللي تحب
طيب كملت الأغراض الحين
سووا دائرة أنتم والأسرة الكريمة صغار وكبار
ويالله بكل كيسة نجمع من هالأشياء (ريال ، بلونة ، علك ، من كل نوع من الحلاو حبة )
وخلاص سكروا الكيس
طيب تقولون لي وين أوديه و ش أسوي فيه
أنا أقولك
بعد ماتصلون العيد اركبوا السيارة (الماما والبابا والأولاد )
ودوروا على الأحياء الفقيرة ووزعوا على الأطفال الفقراء والأيتام الذين حرموا من الفرحة التي أنعم الله بها علينا وستجدونهم يجوبون الشوارع ينتظرون من يمن عليهم بحلاوة أو حتى مسحة على الرأس الذي فقد حنان الأم أو الأب وخلوا أولادكم يشوفون الوجه الآخر للحياة ويتعودون على العطاء والإحساس بالآخرين
واستشعروا فرحة العيد الحقيقية
ومعلوم لدينا جميعا فضل إدخال السرور على المسلم
وأكيد بتحسون بالتجديد والسعادة
وادعوا لأختكم
اللؤلؤه العربيه

همسة
04/12/2002, 03:54 AM
فعلاَ فكرة رائعة أختي اللؤلؤة العربية

بارك الله فيك ، وكثر الله من أمثالك

فرحة اليتيم والفقير والمسكين تسوى الدنيا و مافيها

أسئل الله أن يوفقنا لما فيه خير لنا في الدنيا والأخرة

أختك:همسة

اللؤلؤه العربيه
04/12/2002, 07:57 AM
تسلمين أختي همسة
ومانقدر نجي ولا ربع أفكارك ماشاء الله
وان شاء الله تسوينها وتفرحين فيها
وأنتي تعرفين أكيد أحياء الرياض الفقيرة
جربت كم مره وسويتها والله يقطعون القلب
شكرا لمرورك..
أختك
اللؤلؤه العربيه