المساعد الشخصي الرقمي

مشاهدة النسخة كاملة : ممكن طلب معلومات عن السفر الى ماليزيا



شرقاويه
28/02/2005, 06:03 AM
هلا فيكم حبايبي هذي الايام كثرت طلبات شرقاويه :pain:
بس الله المعين

المهم انا نفسي اروح شهر العسل ماليزيا بس ابي معلومات كامله يعني من حجز لقروب
وعدد الايام والتكلفه واشياء تفيدني

اهم شئ ابي اعرف كم تكلفة التذكره الشخص الواحد :D
:up:

نوووسهUAE
28/02/2005, 07:17 AM
ممكن تتصلين وكالة السفر بيعطونج كل المعلومات اللي تبينها

وان شاء الله البنات بيردون عليج

نورهان
28/02/2005, 08:49 AM
الف مبروك مقدماَ
واختيار ماليزيا لقضاء شهر العسل اختيار موفق لكن بدون قروب يعني فقط انتي وزوجك
وانشاء الله ماراح يكلفكم كثير
اما عن تذاكر السفر فهي تختلف بختلاف المواسم ومن خطوط طيران إلى اخرى فعلى سبيل المثال سعر التذكره للشخص الواحد على الخطوط السعودية يبدا من2800 _الى 3200 على مااعتقد .ومكاتب السفريات راح يفدونكم اكثر وراح يعطونكم بكج كامل شامل الطيران والفنادق
ومميزات اخرى خاصة لقضاء شهر العسل (w)

visitor
28/02/2005, 09:01 AM
مبروك مقدما عزيزتى
ماليزيا وايد حلوة ، والله بتستانسين وايد - بلده حلو وما تكلف وايد
انا رحتها فى ايام العسل عن طريق سفريات حجزت كل شئ من الفنادق و الموصلات وطبعا التذكرة على ما اعتقد التكلفة للشخصين ما زادت عن 10000 ريال سعودي
هذه التكلفة لاسبوعين ( كولامبور - جنتك يلاند - بيناج - لانكاوي ) بس اماكن وايد حلوة.

اذا عندج اي سوال او استفسار والله حاضرين وعلى امرج!!

المهاجر الاسمر
28/02/2005, 09:19 AM
تم تحرير الرد بواسطة بغدادية
يمنع مشاركة الرجال في هذا القسم

بغدادية
28/02/2005, 10:38 AM
[CENTER]السلام عليكم
حبيبتي
بخصوص الرحلات والاسعار تستطيعين البحث عن مواقع لشركات سياحة
او تتصلي بمكتب السياحة في بلدك
هذا اذا كنت تريدين السفر مع كروب سياحي
صح اني عايشة بماليزيا بس ماعندي فكرة عن السياحة والاسعار بس
اعرف انه اكوا مواقع سياحية كثيرة على النت
ان شاء الله تفيدك
تحياتي
بغدادية

&شهد&
28/02/2005, 10:47 AM
بلد حلوة ومااتكلف ......اختيار موفق..........بس تحملي من تسونامي هالايام :down:

yasema142
01/03/2005, 01:26 AM
اه والله ياريت حد يفيدنا بمعلوماته عن ماليزيا

إبتسام العمر
04/03/2005, 07:53 PM
هلا اختي .. انا رحت مااليزيا .. وانشالله اساعدش ..

بالنسبه للتذااكر تختلف .. من اذا كانت داايركت .. او ترانزيت ..

ونفس الشيئ الفناادق مختلفه على حسب النجووم ..

احناا اتفقناا مع مكتب من هناا .. يعني يحجز الفناادق والتنقل الدااخلي اذا كان طيراان .. يعني تذااكر وكذا ..

اي شيئ اناا جااهزه .. ارسلي الي رساله خااصه ..

تحياتي

همساته
05/03/2005, 07:59 PM
مانصحج تروحين ماليزيا

ليش؟؟

حرااااااميه على قفا من يشيل على قولة المصريين ههههه

انا رحت وماعجبتني كلش !!!

حر و زحمه المولات وع وع وع :(

حذروني من النشالين وطلعت من غير شنطه !

في واحد عماني توه طالع من باب المطار وشنطة الفلوس والجوازات بين ريله مايمديه يلتفت اللا منباقه !

رجع داخل المطار وقال الحين ترجعوني عمان مابي ماليزيا !!!

اقتراحي اطولين المسافه شوي وتروحين جولد كوست (gold coast)في استراليا

وفيها جميع انواع الملاهي ....وفيها وايد سياح خليجيين وفي خط مباشر على طيران الامراتيه الى

جولد كوست

ولا نيوزيلانده عذااااااااااااااااااااااا اااب

الصراحه مناظر ولا احلى فلم (the lord of the ring ) صووره اهناك انا رحتها وخاااطري اروحها شهر عسل بعد


مجرد نصيحه :)

العيناوية
05/03/2005, 11:34 PM
بصراحه ماليزيا ماتتفوت الكل مدحها وماسمعت أي كلام عنها ... وهي دولة نظيفة و اهم شي مسلمين ومحجبين نسائهم ،
ومعاملتهم زينه لانه اخوي راح شهر العسل هناك توه من فتره بسيطه ..
و انصحج بفندق اسمه صن واى لاجون Sunway Lagoon Resort Hotel فندق كبير ومعروف وفيه مجمع تجاري ويعتبر ثانى أفضل فندق فى ولاية سيلانجور وفيه جناح كأنه فلل روووووعه اخوي أخذه يوم راح ..
ومافي سرقه ولا شي ... تايلند هي الزحمه وشوارعها تلوع الجبد من الوسخ ..

وفي بعد مدينة الألعاب المائية والمجمع التجارى صن واى بيراميد
مدينة ألعاب مائية تحتوى على شواطئ صناعية وشلالات وأنهار جارية للسباحة

_ حديقة الزهور والطيور

_ جنتينج هايلاند مدينة ملاهى على سلسلة جبال ارتفاعها 1760 متر
تصعد السيارة الى ثلثى الجبل وتكمل الصعود بالتلفريك لمدة 20 دقيقة
ويمكن الصعود بالسيارة) بصراحه حلوة لاتفوتج ..

_حديقة الحيوان واايد حلوة تدخلين داخل مع الحيوانات ..

_وهذي صورة الفندق
http://www.precisionreservations.com/hoteldatabase/images/HotelPhotos/Hotel10417.jpg

http://www.precisionreservations.com/hoteldatabase/images/HotelPhotos/LeisureFac10417.jpg

http://www.sunway.com.my/hotel/images/main/cover.jpg

وهذي الفيلا طبعا مو كبيرة صغيرة تنفع لزوجين في شهر العسل ..

http://www.sunway.com.my/hotel/accommodation/villas/images/villas_n9.jpg

http://www.sunway.com.my/hotel/accommodation/villas/images/villas_n11.jpg

http://www.sunway.com.my/hotel/accommodation/villas/images/villas_n14.jpg

http://www.sunway.com.my/hotel/accommodation/villas/images/villas_n0.jpg

http://www.sunway.com.my/hotel/accommodation/villas/images/villas_n1.jpg

وهذي حديقة الفراشات

http://www.ahmad.ws/mal/3/k24.jpg

http://www.ahmad.ws/mal/3/k25.jpg

وغيرها من الأماكن بس بصراحه مكان ما يتفوت راااائع ...

واذا بغيتي شي خبريني ..

شرقاويه
07/03/2005, 07:49 AM
مشكورين خواتي بصراحه افدتوني واجد
بس اختي عيناويه ماقلتي لي كم تكلفة هذا الفندق لانه بصراحه جنان

شرقاويه
07/03/2005, 07:51 AM
هلا اختي ابتسام العمر تسلمي والله كلك ذوق
اذا ممكن ابي رقم المكتب الي حجزتي معه بس ياليت تكوني سعوديه:)

همساته
08/03/2005, 08:21 PM
ربعي اغلبيتهم راحوا شهر عسل ماليزيا

انا قعدت في فندق شانجريلا اذا سمعتي عنه ..

كنت ناويه اسوي مثلهم بعد ما مدحوها حق شهر العسل .. هي طبيعتها حلوه من زيارتي اوكيه وفندقها من اروع الفنادق اللي رحتها بس والله كانت زحمه مووت والمولات حاره ..والاكل في المولات مش نظيف..

بس انا حبيت انصح واقول تجربتي في ماليزيا.. لحد يروح وينصدم !

وفي النهايه السفاره القطريه هي اللي حذرتنا من الحرااااميه وقالت لنا سالفة العماني اللي انباق.

انا مالي اي مصلحه من اني امنعكم اتروحون ماليزيا في النهايه بس حبيت انصح :)

وانشاءالله تتهنون في سفرتكم

أحلام
11/03/2005, 12:21 AM
طيب يا اختي همسات أنا خاطري أروح نيوزيلاندا شهر عسل بس أبي آخذ معلومات عن أسعارهم كيف ؟
وشو الأشياء الموجودة غير المناظر الطبيعية؟
ومنو أحلى الشمالية واللا الجنوبية ، وكم تكلفة الروحة
وتسلمين

أحلام
11/03/2005, 12:22 AM
طيب يا اختي همسات أنا خاطري أروح نيوزيلاندا شهر عسل بس أبي آخذ معلومات عن أسعارهم كيف ؟
وشو الأشياء الموجودة غير المناظر الطبيعية؟
ومنو أحلى الشمالية واللا الجنوبية ، وكم تكلفة الروحة
وتسلمين

العيناوية
12/03/2005, 03:46 PM
همساته ... أختي انتي اي منطقه رحتي لأني أول مره أسمع انه فيها الي قلتيه أنا و اهلي رحنا ولا في شي من اللي ذكرتيه أبدا..
والسموحه...

العيناوية
12/03/2005, 03:49 PM
. اختي شرقاويه بدور لج عن اسعار الفندق ... بس ترا مو غالي

همساته
12/03/2005, 10:45 PM
[CENTER]مرحبا العيناويه ^_^

معقوله ماشفتوا شي في نيوزيلاند @@ ؟؟ مب بالساهل الواحد يروحها !! بعيده حييييل

يعني السفره لازم تكون مدروسه عدل ! عموما

سافرت في الصيف مع هلي ...

كان خط الرحله من الدوحه لين ماليزيا ثم استراليا ملبورن ثم نيوزيلاند الجنوبيه... كرست جيرج(christchurch) وبعدين كوينز تاون اللي هي رهيبه !(queenstown)

بعدين توجهنا الى نيوزيلاند الشماليه اوكلاند (aukland) عباره عن مباني اكثر من ما تكون مناظر طبيعيه

بعدين رجعنا استراليا جولد كوست (goldcoast) حلوه وفيها سياح عرب ..وملاهي من جميع الاشكال مثل والت ديزني ...

والملاهي اللي فيها ورنر بروذرز و نيكولوديان وغيره وغيره ...غير المحميات الطبيعيه والمناطق السياحيه

رجعنا ماليزيا للراحه قبل عودتنا للدوحه.


بالنسبه لكوينز تاون حلوه وايد كنا قاعدين في فله نظام فندقي والبلكون يطل على بحيره كبيره محاطه بالجبال الي قممها جلييييد

هذا مكان في نهر ظيق محاط بالجبال اسمه شوت اوفر جت

في كوينز تاون اللي هي عباره عن مدينه سياحيه وباذات لمحبين الآدفنتجرز... عباره عن الجت اللي يحفص

ويحفص في الواحد لين ما يدوووخ احنا جربناه كانت فعلا تجربه مميزه
[CENTER]http://www.qatarmoon.com/upload/show.php?pic=3146

http://www.qatarmoon.com/upload/show.php?pic=3143

موقع عن بعض النشاطات في كوينز تاون واخواني جربوا البانجي

كوينز تاون (http://go.3roos.com/VK4ArOZ8aEZ)


موقع فنادق كوينز تاون

من هنا (http://go.3roos.com/tGbIfycHQbD)


منظر عام (http://go.3roos.com/mecXg99hrVt)

وبعد ركبنا الهليكوبتر وطرنا فوق جبالها ونزلنا في القمه ...شي جميل

بس كان بررررررررررد ودرجة الحراره تحت الصفر


هذا موقع فيه خدمه توديج المواقع اللي صوروا فيها مناظر من فلم لورد اوف ذا رنج ...

نيوزيلاند وفلم لورد.... (http://go.3roos.com/kVb3uYU22E8)

عموما نيوزيلاند الجنوبيه احلى وفيها المناظر

العيناوية
12/03/2005, 10:52 PM
مرحبا اختي همساته .. انا كان قصدي عن ماليزيا مو نيوزيلاند..

السموحه ...

همساته
12/03/2005, 11:03 PM
[CENTER]احلام عزيزتي..

نيوزيلاند الجنوبيه في شهر 6 و7 باااارده وااايد اللي يروح نيوزيلاند الجنوبيه يروحها للتزلج عل الجليد والبنجي والباراشوت يعني شبابيه

اكثر... وهي حلاتها شهر 3و 4 و 5

الشماليه فيها بعد مناطق حلوه ومدينه فيها براكين ...بس مارحناها للظروف الطبيعيه!

وانا حطيت بعض المواقع اللي راح تفيدج :)

بانسبه للاسعار انا ماعندي فكره للاسف هذا كان على الاهل ههههه ..بس ممكن اسأل لج ورد عليج وانشاءالله افيدج وجولد كوست

في استراليا شهر 6 و 7 و 8 وايد حلوه مش حررررررر مثل اوروبا وايد احلى

همساته
12/03/2005, 11:16 PM
[CENTER]مش مشكله عيناويه :)

هذا راح يفيد احلام في نفس الوقت ...

ماليزيا رحنا المدينه الرئيسيه..مثل ماقلت عشان نرتاح 3 ايام ...انبهرت بالمباني العاليه و الحظاره والخظار والجمال الصراحه..

بس لما طلعنا السوق حر و زحمه وصداااع والمول حااار ويقولون اكبر مركز تسوق بالشرق الاوسط؟؟ الستي سنتر في الدوحه اكبر !

عموما انا سمعت عن مناطق الشاليهات و الاكواخ ومادري شنو اللي ربعي راحوها في شهر العسل وامدحوها...

الهوتيل كان من اروع الهوتيلات اللي دخلتها..

ولما السفاره قالت لنا عن الحراميه اللي بس تدور على الخليجيين و نبهوني على شنطتي..خلاص ماحبيت البلد

وبس عزيزتي....هذه تجربتي