مشاهدة النسخة كاملة : ضروري جداً جداً جـــــــــــــداً
Najdeyah
15/09/2002, 11:01 AM
بنات داخلتن على الله ثم عليكم ولا وحده تقرا موضوعي إلا لازم تعطيني فكره لو سمحتو لو تكرمتو وكل وحده تعطيني فكره والله لادعيلها ليل نهار ودعوت الاخ لاخيه المؤمن في الغيب مستجابه
المهم انا مخطوبه وابي اسوي حفله خطوبه والشبكه وما ادري كيف اسويها وكيف الافضل وهل لازم لها زفه بعد وإلا وش السالفه ووين الافضل اسويها في استراحه وإلا صاله وإلا وش السالفه انا ما ابي اعزم ناس كثير بس الناس المقربين لي وله وإبش الالوان المفضله لتفصيل فستان الخطوبه وكيف لازم يكون والشبكه كيف تتقدم ,وكمان ديكور المكان ميف الافضل يصير واهم شي ابي اعرف هل لازم فيها زفه ؟؟في الخطبه وإذا فيه كيف ؟؟علشان طبعاً ماراح تكون مثل زفه يوم العرس نفسه ,والعريس يدخل كيف,ختى هو لازم له زفه خاصه ؟الي خظرت حفلات خطوبه او سوت تقول لي وش صار بالضبط,, ترا ما اعرف عن شي فا رجاء ساعدوني الله يفك لكم كل زنقه
ياهلا ويامرحبا فيك .....
حياك الله بين خواتك في عروس....
أختي نجدية ..........ألف ألف ألف مبروك ، والله يتمم على خير .
بالنسبة لمكان الشبكة (( الملكة)) إذا بيتكم يشيل المعازيم ......فسويها فيه،
مايحتاج تكون خارج البيت طالم الضيوف مو كثير....
لازم تسئلون أهل العريس .....كم ضيوفهم ألي راح يجون بالعدد ؟؟؟؟
وضيوفك من طرف أهلك ....؟؟؟
بالنسبة لفستانك ......مافيه لون معين ، أهم شيء يناسب لون بشرتك...يعني مايسمرك
أو يطلع شكلك ذبلانه فيه .....
والزفة .....ممكن تنزلين على نشيد معين ، وزغاريت في الأول.......
وتكون نزله عاديه ......مو مثل زفة العرس.
ودخلت العريس..........
الأفضل يدخل العريس ، معه والدك أو أحد أخوانك.......وبعد ماتصورين مع أهلك....
يدخلون أهل العريس يسلمون ويباركوووون ..........بس لايطولوووون
خلي دخلتهم قبل العشاء مباشرة.............عشان وقت ماهم يتعشون تخلسين مع زوجك.
علب الملكة.....
إختاري علب ملكة ، وخلي تغليفها مناسب لون فستانك .......وتكون على عدد معازيمك.
وإكتبي عليها إسمك وإسم عريسك والتاريخ.........
على فكرة ............
وقت ماتوقعين على عقد الزواج.........خلي أحد يصورك بكميرا الفيديو .....
بصراحة لحظاااات لا تنسى ..............وحلو أنك تذكرينها:)
إن شاء الله قدرة أفيدك.....
أختك:همسة
Najdeyah
26/09/2002, 07:15 PM
تسلمين حبيبتي همسه الله يعطيك العافيه ما قصرتي
بـــنــــــــــــــــــــ ـــــــا ت وينكم انا ما جيت هينا وطلبت هلطلب إلا بعد ما شجعتني مساعداتكم لبعض وتفاعلكم
ليه ما جاني إلا رد واحد
وين بنات الإمارات نبي من افكاركم
وبنات السعوديه الي راحت لحفلات زي كيذا تقول لي وش يصير فيها وش الافضل ؟؟
ردو تكفوووووووووووووووووون
قوارير
26/09/2002, 09:32 PM
الف الف مبروك اختي
و للاسف اختي ما اقدر افيدج
انا ما عمري حظرت ملكه
و يوم ملكتي كان يوم عادي جدا
ما سوينا فيه حفله
كانت حفله عائليه بس
اتمنى لج التوفيق
و نتريا رد باقي العرايس
عروس قديمه
26/09/2002, 09:47 PM
لو كانوا معازيمكم وايد...خلوها في قاعه..ولو كانت الحفله عائليه تكون في البيت احلى....
المهم يكون في كرسي كبير انيق..مع الطاوله..او 2كراسي صغار..مع الطاوله....
وطبعا ...اشتروا من هالورود اللي يكونون في استاند...وحطوهم على الزوايا..ووحده صغيره على الطاوله اللي امام الكرسي...
بالنسبه للزفه...احلى شي تكون طبيعيه..ولو عندج زفه في شريط بعد تكون مرتبه وحلوه....
ولا تنسين التوزيعات في الملكه..تراها حركه حلوه
ممكن تخللي الكيكه في طاوله في الزاويه...طبعا خلى السكينه اللي بتقصين فيها الكيكه..كاشخه...يعني رتبيها بالورود...او الشرايط...
ونفس الشي بالنسبه للعصير...
ممكن تعملين حركه اتنكم تشربون بعض العصير...بعد حركه حلوه...
بالنسبه لك انتي
اختاري لون يبرز لون بشرتج...ويفتحها...ومن الحين ابدي اهتمي ببشرتج..واعملي الاقنعه...
وان شالله تكون حفلتج مرتبه...بس انتي لا تقلقين وايد...والله يتمم لج على خير
Najdeyah
27/09/2002, 01:56 AM
عروس الشرق,الله يبارك في عمرك اختي,,, وهينا بعد اقول تسلمين يا الغاليه وكفايه تجاوبك معي
:)
عروس قديمه يطولي بعمرك والله يعطيك الف عافيه :)
طيب يا بنات يعني الزفه هل امسك بوكيه ورد؟؟ وإلا لا علشان يصير فيه فرق بينه وبين يوم الزواج؟
والهديا ؟ اهدي المعازيم مرتين؟؟ يوم الملكه ويوم الزواج؟؟؟
وتقطيع الكيكه بعد مرتين يوم الزواج ويوم الملكه؟؟؟
مو كيذا يصير الشي مكرر كذا مره؟؟
عروس قديمه
27/09/2002, 10:08 PM
انا احس ان يوم الملكه غير عن يوم العرس..حتى لو كانت الحركات مكرره...
خللي المسكه تكون شبابيه وناعمه...غير عن مسكة العرس...اللي تكون كلاسيك...
نفس الشي بالنسبه للكيكه اللي في الملكه تكون طبقتين ..او 3,,,
اما اللي في العرس تكون على قد المعازيم...يعني حوالي 7 طبقات....
نفس الشي بالنسبة للتوزيع ..في الملكه ابسط....
عروس دبي
28/09/2002, 05:55 AM
هلا اختي انا من رايي ما تشلين مسكة لأنه مب عرس احس بيكون مبالغ فيه ،وبالنسبه للمعازيم اهديهم يوم العرس عشان توفرين على عمرج وتطلع الهديه تسوى اذا حابه توزعين شيء ممكن توزعين ككاو وتحطين عليه تاريخ الملكة يعني شيء بسيط ،وبالنسبه للكيك اقترح عليج تحطون الكيك اللي هو قطع صغار بس انواع مختلفة على صينية حلوة يعني بالككاو وفواكه ....بس اعتمدي البساطة في كل شيء وبيطلع شيء حلو ومرتب .....وبالتوفيق.
Najdeyah
28/09/2002, 03:17 PM
عروس قديمه تسلمين اختي على النصايح ويجعلك في عين زوجك دوم عروسه
عروسه دبي الله يعطيك العافيه صح فكرتك حلوه انا بعد فكرة انه مالها لازم اشيل مسكه وإلا إذا لازم اشيل شي مره بسيط
تسلمون يا الغالين