ابغي موديل حق مريول مدرسي..

[سمنة على عسل]

السلام عليكم.. كيفكم بنات؟


بغيت موديلات حق مريول المدرسة(( ولو بالصور)) حتى بالشرح عادي


انتظر ردودكم..

[sicily]

شرايج تحطين تلي وفصوص رمبو ...موديل يديد محد مسونه:D2

أختي أنا أفضل الساده للمدرسة ....

[عسووووله]

ليش انتو مالكم يونيفورم ثابت بمدارسكم؟؟:rolleyes::rolleyes:

غريبه:s2

[الزاهية]

انتوا مرايلكم فيها موديلات !!!!!!!!!!!!!!

[يازين هب النسيم]

مريول أولا أنتي من السعوديه ؟ ليش مستعجلعه بقى كثيييير على الدراسه يعني يمدي:up:

[سمنة على عسل]

مشكورين للي ردووا.. رجاء اللي حابة تطنز في الرد

رجاء تحتفظ في حق نفسها..


يا زين هب النسيم.. مشكورة عالرد .. اختي انا من الامارات:smile:

[دمع الليل]

السلام عليكم ورحمة الله وبركاته

اختي غريبة ؟؟!!!

انتوا ما يعطونكم موديل ثابت بالمدارس لليونيفورم مالكم ؟؟!!!

:eek2:احنا موديلين بس من خلقت اججوفهم الفرنسي والا اللي فيه قصت وبس ..



اتمنى بنات السعودية يفيدونج اكثر

في أمان الله

:shy:

[الخاطريه]

:smile: هلا فديتج
اولا للمدرسه يباله لبس بسييييط واهم شيء يكون شيك :D2
SO
شرايج تسويييين موديل كت بدون القميص ويكون القميص روحه والبدله روحها..
بعدين تتيج الرقبه على شكل مربع وبالنص مفتوحه فتحه صغيرونه:cool2:
بسيييط وما يباله شيء :s2 مادري بيعيبج والا لا (wink)

[دمع الليل]

السلام عليكم ورحمة الله وبركاته

الخاطرية عيني اعتقد بالسعودية ما عندهم مثلنا القميص لحاله والمريول لحاله اهمه عندهم المريول الكامل .. اللي يده منه وفيه ؟؟!! هاي على حسب قول وحده من الشرقية لي والله اعلم .. :o
في أمان الله
:shy:

[بنت البلوش]

ذكرتيني بايام المدرسه

[عذباء]

هلا اختي انتي وشلون مراييلكم
شوفي حنا عندنا بالسعوديه
المريول لازم يكون كامل مثل الثوب
شوفي خواتي العام
مريولهن كان
الياقه(الكوله) من الجنز
وحطو جيب في المريول على جهه وحده من الصدر برضو من الجنز
وتقدرين بعد تخلين اطراف الاكمام من الجنز وتكون الاكمام قلاب
مادري ان شاء الله فهمتي يعني تسفطين الكم من تحت
__________________
وكذلك مره خواتي خيطو مريول
تكون الفتحه في الصدر من الوسط مثل الثوب الرجالي
يعني مافيه سحاب من ورى او قدام لا بس الفتحه هذي
بس بدال الخرز(ازرار الثوب)
حطو الأبره اللي تجيك تسكرينها وتفتحينها ان شاء الله عرفتيها
حنا نسميها(ابرة شركه) لانك تقدرين تفتحينها وتسكرينها
وكذلك في نهاية الاكمام عند المعصم سون فتحه وسكروا هذي
الفتحه بالابرات بعد بس في الكم لاتكثرين منها اكتفي فقط
بثلاث ابرات ويكونون صغار وناعمين غير اللي يكونون فوق في
فتحة الصدر

وان شاء الله تكون الافكار اعجبتك

نسيت اقولكن حتى خواتي يبون افكار حلوه للمريول
وخاصه ان الموديل في المريول مايتغير
فعلشان كذا يبون افكار جديده علشان يضيفونها للمريول علشان تغير شوي من الشكل
خواتي السعوديات ناطرتكن:shy:

[كيفي حلوة]

:pain: :pain:

[يازين هب النسيم]

أختي بتسوى مريولها مثل بلوزه في موضوع هنا أسمه تشكيله تجنن من برومود البلوزه ألأول حلووووه واجد:pain: هذرتي واجد أتمنى أفدتك

[الزاهية]

اهلا .... سمنه على عسل انا لما سألت ما كنت اتطنز عليك ابدا بس بالفعل انا كان سؤالي جاد لان نحن ما نسوي موديلات للمرايل على كيفنا ف عشان كذا استغربت :rolleyes: على العموم كان مجرد سؤال مني يا عزيزتي ولا تزعلي :smile:
باااااااااااااااااااااااا اااااااااااااااااااااي

[ريمــانس]

مرحبا

ذكرتيني
امس انا على طاري المريووول

انا راحه لثانيه ثانوي

عطونا موديلات حلللووووه:up:

[روزالينده]

هالايام موديلات المراييل تكون مثل ثوب الرجال بالضبط ونفس التفصيل


ويكون حلوووووو

[عيون الغلى]

حنا مدارسنا لو سوينا

موديلات حرمونا من الكتب >>>>>> تقولين فكه:D2

وبعدها
يعطونا مهله 3 ايام اذا ماغيرناه

يعطونا تعهد :sad: :cry:

وذاك الوقت غصبا عنك تغيرينه

بس عاجبتني مدارسكم على كيفكم الموديل ماشاء الله:up:

[أريش العين]

انتوا كيف مراييلكم ؟؟ اللي يكوون كامل شراات الكندوورة ولا اللي يكوون القمييص برووحه ؟
انا المريوول فصلته عاادي وما يكون فيه شي اللهم فتحة من ورى :oوبس اما البلووزة عاد اشتريها من عند برومود ولا زارا لاسنزا غيرل عندهم بلاايز واايد حلوة وفصلت مريوول ثاني القطعة تكوون جنز وسويتها شراات الجاهز عرفتي كييف ؟؟ انا ترااني ما اعرف افهم ولا اعرف اوصف :D2
وسويت مريول ثالث شرات كنادير الريايل يعني يكوون حلجه مرتفع وفيه عقم بعد هالموديل حلو كانو بنات مسوياتنه السنة اللي طافت وطالع وايد حلو:smile:
اتمنى اكون ساعدتج :smile: مع اني شاكة انج فهمتي عليه :pain:
اختج بنفسجة العين:shy:

[bayan]

شوفي هاي الصور البسيطة


http://www.aino.com/akatombo/art/archipelago/xenda/Xenda_school_uniform.JPG

http://bishopfox.digitalbrain.com/bishopfox/web/secondaryportal/School%20Uniform.db_psc-tvl-path-baseX5fmainimg-u-be69-z-f.jpg

http://www.stlawrence.sch.je/photos/inaroundschool/uniform.jpg

http://academic1.plala.or.jp/ura-nan/syoukai/school%20uniform.jpg

http://www.rossettacre.n-yorks.sch.uk/www04/drawings/school_uniform.jpg

[سمنة على عسل]

مشكووووووورين للي ردووا عليي وما تقصرون:up:


بس حبيباتي انا من الامارات مب من السعودية
...


عالعموم انا حصلتلي موديل حلوووووووو وانشالله اكون اول وحدة

مسويتنه في المدرسة:smile:

[وفوي الحلوه]

انزين اوكيك حبوبه انا بحط لج صور موديلات جمعتهم

هذا اول صوره عجبتني وايد تشوفين الخط الاحمر فيها حلو لوتسوينه في المريول بس لون معقول يعني مو احمر
وممكن هاي الازرار الصينيه ماتسوينها او تغيرينها مثلا اي زر انتي تبينه اوكيك حبوبه
http://www4.0zz0.com/2007/08/05/13/78540077.jpg


وهاي التنوره الحركه اللي مسوينها تحت حلوه ممكن انتي تحطين نفس لون المريول وتسوينها مثل مثل الفتحه
من ع الجنب او تسوينها مخمل او اي شي انتي تبينه
http://www4.0zz0.com/2007/08/05/13/15487509.jpg

اومثلا ممكن تسوين نفس هذا ؟؟
http://www4.0zz0.com/2007/08/05/13/77679700.jpg


انشاء الله اكون افدتج

[دمعة الغربيه]

لهبتعبلرعتتتتتتتتتتتة

[نعمه الله]

الله يعطيك العافية

[أجمل أحاسيس البشر]

هلا فيش سمنة على عسل بلييييز حطي لي الموديل لأني بصراحة متعطلة على لموديل للمريول ولا حصلت ..اخدميني وبدعي لك ولك الأجر انشاء الله

[عيون المهاتي]

اختي انتي باي اماره الشارجه ؟
وفي اي مرحله اذا الثنويه بقدر افيدج لن اختيه هناك