المساعد الشخصي الرقمي

مشاهدة النسخة كاملة : Parlodel بارلوديل ؟؟!!


غرٌِابه
09/07/2004, 08:56 PM
مرحبا حبيباتي شلونكم وشخباركم

عساكم بخير وصحه

بنات حبيت اسال عن اللي استخدم حبوب البارلوديل اللي مخفظه لهرمون الحليب - البرولاكتين - شنو اثارها الجانبيه وهل لها نتائج فعاله
لان سبق وكتبت لكم ان عندي هرمون الحليب مرتفع والحمد لله اخذت علاج ونزل والحمد لله بس حب الطبيب انه يغير لي العلاج ويعطيني البارلوديل 3 حبات في اليوم لمده 14 يوم فقط تكمله للعلاج السابق عشان اكمل بجذي شهر

فحبيت اعرف شنو اثاره ومنو جربته وشنو تجربتكم معاه

وعسى تفيدوني وان شاء الله احمل بعد هالعلاج ادعولي يابنات عروس ياحلوين يا شطار :D2

دعواتكم بنااات

اللهم لا تذرنا فردا وانت خير الوارثين
حبيبة110
09/07/2004, 09:39 PM
حبيبتى غرابه

كيفك ان شاء الله بخير

خطك فى الكتابه مميز جدا بعرفك لو فى وسط الف:D2



المهم الف سلامه عليكى ياعسل وان شاء الله بتحملى بعد العلاج

بارلوديل ده(بروموكريبتين)

مالو اثار جانبيه تذكر يمكن شوية غثيان وممكن فى حالات بيعمل قئ

وممكن دوخه خفيفه

وحالات كتير مابتحس بشئ خالص خالص

خذى العلاج ياغرابه مالو اعراض جانبيه:pain:


:smile:


وطمنينا عليكى وكترى من طلتك الحلوه علينا فى ركن الحمل يا>>>




سكره:shy:

وان شاء الله البنات اللى جربوه بقولولك ايه النتيجه معاهم


:smile:
غرٌِابه
09/07/2004, 10:04 PM
ايه العسل ده كولو

ايه ده انا بحس موضوعي بنأط عسل ههههههههه :D2

اعرف اتكلم مصري صح ههههههههههه

ياهلا والله بالزين كله هلا حبيبه شلون وشخبارج صج انج

" هابت ريح " ---> مصطلح خليجي يدل على سرعه تلبيه الطلب

:cool2:

تبادل ثقافات هههههههههه

والحمد لله انك تقدرين اتعرفيني من بين الف شخص عشان ما اضيع :D2


الله يسمع منج ان شاء الله واحمل قريبا باذنه تعالى

ومثل ما قلتي انا احس في غثيان وهذا اللي قالي عنه الطبيب بالاضافه الى دوخه

والله انك يا حبيبه :up: كده طبيبه مش اي اي ولا زي زي :D2


وان شاء الله البنات يفيدوني بخبارتهم

تسلمين ياحبيبه على تب العسل اقصد برطمان العسل اللي خليته في موضوعي
حبيبة110
09/07/2004, 10:12 PM
والله انتى سكرة يا غرابه:D2

مايحرمناش من طلتك علينا فى ركن الحمل ابدا

وان شاء الله ربنا هايكرمك وتحملى بعد كورس العلاج على طوول

امين يارب
غرٌِابه
09/07/2004, 10:17 PM
اللهم اميــــــــــــــــــــــ ـــــــــــــــــــــــــ ـــــن يارب يا حبيبه


وتسلمين كمان حبتين :D2



اللهم لا تذرنا فردا وانت خير الوارثين
فوانيس
09/07/2004, 11:06 PM
:D2:D2:D2

اشم ريحة العسل من بعيد:bigsmile: :bigsmile:

:up::up::up::up:


:cool2:(u)(a)
لوز و سكر
09/07/2004, 11:41 PM
السلام عليكم و رحمة الله و بركاته
أختي غرابة
أولا الحمد لله إنه نزل عندك هرمون الحليب ...
و يارب تبشرينا بخبر حملك هذا الشهر ... و الله كريم
أما البارلوديل فأنا شخصيا إستخدمته...
بالنسبة لأعراضه الجانبية بس أول يومين حسيت بدوخة و شوية صداع و شوية غثيان .... بعدين كل شيء إختفى و الحمد لله ...
و في نفس الشهر الذي إستخدمت البارلوديل نزل الهرمون و حملت و لم إستخدمه مرة أخرى ... و الفال لتج
و لكن مشيئة الله أن تموت البنت في بطني ... و بس أمس طلعت من المستشفى و الحمد لله على كل حال ...
أسأل الله العلي القدير لي و لك و لكل من تأخرت أن يرزقنا الله الولد الصالح ... و لا تنسيني من صالح دعواتك
غرٌِابه
10/07/2004, 01:30 PM
السلام عليكم ورحمة الله وبركاته

هلا بفوانيس ها اخش لج شويه عسل لا تخافين :D2


لوزوسكر

ياهلا وغلا وعسى ربي يعوضج خير قولي امين ولا تتضايقين بالعكس صدقيني راح تكون بنتج شفيعه لج باذن الله يوم القيامه

وعسى ان تكرهوا شيء وهو خير لكم وعسى ان تحبوا شيء وهو شرا لكم

وصدقيني هذي اردات الله واحنا طوعا لها وما نقدر نرد القضاء وصدقيني
يمكن حالتج تكون افضل من مليون انسانه ثانيه وثقي تماما ان الله سبحانه ما يبلي الا المؤمن وانتي ان شاء الله وحده منهم
وعسى ربي يعوض صبرج خير وان شاء الله كل لحظه صبرتي فيها وتالمتي تكون تكفير عن ذنوبج يارب
مالج غير الدعاء والصبر
ادعي الله ان يجعلج من الصابرين الغير غانطين
وقولي اللهم لا نسألك رد القضاء انما اللطف فيه وعسى ربي يهون عليج ان شاء الله

نرجع حق البارلوديل ان شاء الله يكون حظي مثل حظج يارب
واحمل هالشهر وابشركم
بس انا تدصقين الحين صار لي بس يومين اخذه بس شنو تعبت تعب مو طبيعي اللي ترجيع اكرمج الله ولوعه وبس بالفراش احس مااقدر اتحرك كله دايخه واللوعه موتتني احس حيل تعبت حتى ريلي قالي خلاص تركي الدوا :down:

بس اذا انتي تقولين بس اول يومين وبعدين عادي عيل شكلي بستمر عليه وبتحمل عشان عيون البيبي اللي لين الحين ما صار :smile:

رغم ان الطبيب قالي اذا حسيتي في لوعه وغثيان تعالي اعطيج دوا للغثيان ؟؟!! فما ادري هل اروح اخذ دوا او اصبر مجرد هاليومين على ما تخف هالاعراض ؟؟

وتسلمون لي يا احلى عسل بالمنتدى

لوز وسكر اسمج اينن حده يشوق :D2 ولا تخافين الله موجود معانا كلنا ولا يضيق خلقج ولا تتحسرين رسولنا الكريم يقول الصبر عند الشده في اولها تكون خير للبشر
وبشر الصابرين اذا اصابتهم مصيبه قالوا انالله وانا اليه راجعون

وخليج قويه وقدها وانا ادري انج قدها لان المرأه ترى اقوى من الرجل وخاصه في هالامور :up:


واللهم لا تذرنا فردا وانت خير الوارثين
لوز و سكر
10/07/2004, 05:59 PM
السلام عليكم و رحمة الله و بركاته

أختي غرابة

مشكورة حبيبتي على كلامك و مواساتك ...
و يارب يكون حظك حلو و تحملي هذا الشهر ... و الله يتمملك
أما عن البارلوديل و الله أنا بس يومين ... صبري و شوفي و إذا ما تحسنتي روحي للدكتورة ... و يمكن تعطيكي دواء للإستفراغ إسمه
نافودوكسين ... بريحك كثير
أما البارلوديل إنتبهي يا الغالية ما توقفي أبدا أبدا حتى تحملي عشان بيرجع يرتفع أكثر الهرمون ... هذا كلام الدكتورة
إتحمل شوي عشان خاطر عيون النونو ... الله يرزقنا جميعا يارب
غرٌِابه
10/07/2004, 06:10 PM
تسلمين يا لوزه يا سكره والله يرزقنا ان شاء الله ومثلما قلتي بصبر هاليومين وبشوف عسى يارب تتحسن حالتي وما احتاج لعلاج ثاني والله يسمع منج واحمل هالشهر ودي احس بالشعور يارب


تسلمين يا عسوله

وحياج الله وطمنيني عنج كل وقت

اخيتج رورو - غرابه
قماشة زري
11/07/2004, 03:23 AM
هلا وغلا اختي غرابة

شوفي حبيبتي ... انا استخدمت البارلوديل من سنة تقريبا .. عشان عندي هرمون الحليب مرتفع ..

المهم انا استخدمتة .. وبعد شهرين تتحسن حالتي بعدين اتركة عشان يرتاح جسمي طبعا المفروض ما اتركة لحد ما احمل بس انا اتركة عشان بدا جسمي يزداد ..( سمنة ) .
الحمد لله انا استخدمتة الحين لي شهرين .. ونزل الهرمون وتعدلت الدورة .. والحمد لله وابشرك سويت التلقيح الصناعي ..والحين انتظر لانة بعد 15 يوم لازم اسوي تحليل دم عشان الحمل .. ادعي ربي انة يرزقني .. ويرحم حالي ..
المهم البارلوديل زين انا ماجتني لادوخة ولا تعب الحمد لله وانا الحين مداومة علية عشان الدكتورة قالت اكلي حد ما تحملين .. واصرفت لي حمض الفوليك ...:up: تقول نعطية الحرمة اذا كانت تنوي الحمل ..
والله يكتب الخيرة ..
um_hamdaan
11/07/2004, 09:27 AM
هلا اختي غرابة

يالله ياربي يرزقنا الذريه الصالحه يا رب ويبرد قلوبنا بنونو يقولنا ماما انشالله يارب ....
نــورة
11/07/2004, 10:33 AM
والله ماعندي فكرة اختي الغالية غرابة بس عسى الله يرزقك بالذرية الصاااااالحة يارب :smile:
اللهم هب لاختي غرابة من لدنك ذرية صالحة واجعلها للمتقين إماما
غرٌِابه
11/07/2004, 12:46 PM
قماشه

هلا وغلا حيا الله من زارنا وين القهوه والحلو يابنات قماشه عندنا تفضلي تعالي البيت بيتج

شلونج وشخبارج وشهالاخبرا الطيبه الحمد لله انج سويتي التلقيح الصناعي وعسى ربي يكتب لج الخير فيه ياااااااااااااااااارب وتحملين وتفرحين والله اني تمنى لج هالشي مثلما اتمناه حق نفسي والله يعلم

بس عليج بهالايام تذكرين الله وايد وتتصدقين وتكثير من الاعمال الخير في سبيل الله وعليج بالرقيه وان شاء الهل ما يكمل هالشهر الا وانتي متفوخه :D2 ياااااااااااااااااااااااا ااارب يا كريم

نرجع حق محور حديثنا البارلوديل والله انج ضيقتي خلقي يوم قلتي لي يسمن :down: بروحي انا كلش اخاف اكل عشان لا اسمن بس ان شاء الله ما اسمن يااارب

والحمد لله انج ما حسيتي في دوخه وتعب انا صار فيني فلم والله اني مااقدر اتحرك ولا اطلع من اللوعه والتفريغ اكرمج الله بس ناس تقول اول الايام وان شاء الله تخف هالاعراض
ومثلما قلتي عليج بالفوليك ترى صح ممتاز بس ماادري شفيه طبيبي ما عطاني :s2 اقوله اخذ فوليك سكت ولا رد علي بس ان شاء الله خير هيهيهيهي

وطمنينا على حالج يا حلوه



um_hamdaan

ياهلا والله حيا الله من زارنا شتشربين حار ولا بارد ؟؟ ترى الخير موجود بس اشري افا عليج جم ام حمدان عندنا :shy:

الله يسمع منج يارب ونرزق انا وياج وكل البنات يااااااااااااااااارب ياكريم




نوره

نوره نون باسمك نورد الدنيا وما فيها - والله قمت اشعر :D2
شلونج وشخبارج
تسلمين يا قلي كفايه دعائج لي والله ماتدرين شكثر بالنسبه لي
والحمد لله على كل حال وعسى ربي يستجيب ويرزقنا ياااااااااااارب



حياكم يا عسل




اللهم لا تذرنا فردا انت خير الوارثين
اللهم نسالك فيضـــــــــا من رحمتك
اللهم نسالك فيضـــــــــا من رحمتك
اللهم نسالك فيضـــــــــا من رحمتك
اللهم نسالك فيضـــــــــا من رحمتك
اللهم نسالك فيضـــــــــا من رحمتك
اللهم نسالك فيضـــــــــا من رحمتك
اللهم نسالك فيضـــــــــا من رحمتك
اللهم لا تذرنا فردا انت خير الوارثين
سحر المودة
11/07/2004, 03:22 PM
الله يوفقك يا غرابه و يكتب الله لج الحمل و يرزق كل محروم يا رب :smile:
غرٌِابه
11/07/2004, 05:08 PM
ياهلا وغلا سحر الموده الله يسمع منج ان شاء الله وما تقصرين على الطله الحلوه


حياج
غرٌِابه
13/07/2004, 05:19 PM
بنات شلونكم وشخباركم
عندي استفسار

عادة اللي استخدمت هالدوا المخفض للهرمون شكثر استمرت عليه ؟؟
فترة طويله ولا قصيره او لحد ما تحمل ؟؟

احس ما ني قادره اتحمل هالدوا من كثر اللوعه والدوخه ودي بس هالاسبوعين يخلصون واطلب من الطبيب يغيره ولا شرايكم ؟؟
نونه المزيونه
16/01/2005, 03:39 PM
هلا اختي
الله يرزقج الذريه الصالحه و ياربي انتي و كل اللي ما عندهم عيال
وياربي بوقت الصلاه يرزقني بالوج الصالح يارب
وانا داخله ادعي لج و الا الباردويل ما اعرفه و اسفه و طمنيني عليج يا اختي
ورده n
05/01/2009, 06:09 PM
اختي العزيزه غرابه اسهل شي هو علاج هرمون الحليب انصحك بالاستمرار على العلاج انا كنت حامل بالشهر الثالث ومات النونو في بطني وبعد الاجهاض ارتفع هرمون الحليب قعدت شهرين ونزل والله يرزقكي ويرزقني ويرزق جميع الاخوات الي بالمنتدى عاجلا غير اجل برحمتك يا ارحم الراحمين
التوت البري
05/01/2009, 07:53 PM
بارلوديل ممتاز حسب خبرتي ، استخدمته بعد تأخر حملي بطفلي الأول وفي نفس الشهر
وبفضل من الله حملت ... والآن استخدم نفس العلاج ولله الحمد نزل مستوى هرمون الحليب
وانتظر الحمل بإذن الله تعالى ... ادعيلي احمل هذا الشهر