اول مره اقدم على خدامه ابي نصائحكم من ناحية الشروط وكيفية الاستقبال.

[الملكـــــــــه]

هلا وغلا

بالطيبين الحلوين

ابيكم تساعدوني كلها شهرين ان شاء الله واولد

وبقدم على خدامه زوجي يقول اكتبي لي الشروط اللي تبينها :pain:

وبصراحه ماقلت له الا اني ابيها سبق لها العمل لاني مالي نفس افهمها

واعلمها والشرط الثاني تكون كبيره وبيضاء

عاد الباقي عليكم ناويه اكتب له عشرين شرط :D2

عاد الله يخليكم ساعدوني وعلموني كيف استقبلها وهل ضروري افتش اغراضها

<<<<<< خواااااااافه

ابنتظركم بنات بالله عليكم لاتطنشون.

[الجاسوسة]

هلا اختى الملكه وانشاءالله تولدين بالسلامه :shy:

وبصراحه انا تعقدت من الخدمات :pain: يعني الواحد

ما يقدر يثق فيهم :pain: اختى كان عندها هنديه

اشتغلت عندهم سنتين بس يوم قرب سفرها بدات اختى

تلاحظ بعض اغراض البيت تختفي طبعا ما شكت بالخدامه

لانها صارلها فتره معاهم المهم نصحناها تفتش غراض الهنديه

وانصدمت يوم بطلت شنط الخدامه فعلا لقت الاشياء اللى ضاعو

والاهم تصدقون وش لقت بعد صورها وصور عيالها تخيلو :eek2:

يعني الخدامه وش كانت بتسوي بالصور الله واعلم

ههههههههه اكيد خوفتك بس والله متعقده منهم بس اكيد مو كلهم مثل بعض

وشووكرااااااااااان

[الملكـــــــــه]

:rolleyes:

خوفتيني يالجاسوسه عاد انا خلقه مايبيلي شي

اخاف لو من شكلها

مشكوره حبيبتي على الرد

يعطيك الف عافيه

[الملكـــــــــه]

يا بنات وييييييييييييينكم ساعدوني

بس عرفت اكيييييييييد ماعندكم خدامات :D2

<<<<< ذكيه بشكل:cool2:

في الانتظار

[الأنثى]

السلام عليكم

اول شي الله يسهل عليج وان شاءالله تولدين بالسلامة اختي الملكة :smile:

وبالنسبة للخدامة شوفي عيوني ..

طبعا الافضل تكون مشتغلة من قبل على الاقل اربع سنوات ... عشان تكون مكتسبة خبرة ولغتها العربية تكون افضل للتفاهم وياها...وتكون مسلمة افضل طبعا ..

ولازم اختي لما توصل الخدامة تفهميها من البداية بالاشياء اللي تحبيها واللي تكرهيها في بيتج..يعني مثلا...فهميها انج تحبين النظافة في كل شي وخاصة نظافتها الشخصية وانها تتسبح كل يوم وتنظف اظافرها وملابسها دايما .....وانتي اشتري لها ملابس وشامبو وصابون لها ..... وتقولين لها بعد انها تهتم بنظافة البيت بشكل جيد وخاصة ادوات المطبخ تنظفهم قبل الاستعمال وبعده بصورة جيدة ..
لانه في بعض الخادمات يخلون بقايا الاكل على ادوات الاكل والطبخ وما يهتمون بتنظيفها عدل :down: ...فاحرصي عزيزتي على انها تهتم بنظافة كل شي من الادوات في المطبخ حتى الارضيات والحمامات (عزكم الله) .. والغرف في البيت ... :cool2:

وبعد اختي عليج تفهمينها انج ما تحبين انها مثلا تستخدم الهاتف ولا حتى ترد عليه ...الافضل ما تخلينها ترد على التليفون...لانها الخدامة في اغلب الحالات تتعود على الرد على التليفون كل ما اتصل احد..ومع الوقت بتلاقيها هي نفسها تستخدم التليفون خاصة في غيابج ويمكن تتصل باحد غريب وتصير مشاكل لا قدر الله :down:

وبعد اختي الخدامة عامليها بصورة زينة وطيبة مع وجود الحرص والحزم في وقته....يعني لا تشدين عليها زيادة عن اللزوم بحيث انها تكرهج وتكره العيشة كلها وتسوي امور مب زينة لا قدر الله ... ولا ترخين معها بعد وايد بحيث تسولفين وتضحكين معاها وايد مثلا وهذا غالبا يخليها تطيح الحواجز بينكم ويمكن ما تعطيج الاحترام المطلوب ..وبالتالي تهمل في امور وايد عشان بتقول في نفسها انج طيب وما راح تعاقبينها مثلا .. :s2
فخليج وسط عيوني يعني عامليها زين بحيث ما تثقلين عليها بالطلبات وايد بشكل غير معقول يعني مثلا تأمرينها انها تسوي عشرين شغلة بوقت واحد مثلا.....لا عيوني خلي كل شي بالتدريج وفي وقته المناسب ..وبنفس الوقت وقت الحزم كوني حازمة ولا تجاملين في الغلط او التسيب منها :s2

وبعد اختي لازم تنتبهين من نقطة مهمة وااااايد ... وهي انج لازم تفتشين اغراضها .... لكن حطي في بالج شي مهم ...احذري انج تفتشي اغراضها وهي موجودة ......يعني حاولي انج تختارين وقت مناسب مثلا انج تكلفينها تسوي شغلة معين تتطلب منها وقت طويل نسبيا وبعيد عن مكان غرفتها ...... فاذا شفتي الوضع مناسب ...ادخلي غرفتها وفتشي اغراضها بهدوء واحرصي انج ما تحركين شي من مكانه او تغيرين مكان شي معين....يعني اذا فتشتي وخلصتي وكان كل شي سليم...رجعي اغراضها بمكانها مثل ما هي .....عشان ما تشك بشي ...لانه الخدامة لو شكت ممكن هالشي يضايجها ويخليها ما تخدم في البيت بالشكل المطلوب .. :down: ... ولا تقولي اختي في نفسج انه المفروض ما تفتشين او شي...لا...من حقج انج تفتشين اغراضها وتتطمنين على الوضع :cool2:
ما ودي اخوفج عيوني بس انا قرأت عن وحدة ..سبحان الله في يوم طرى على بالها تفتش اغراض خدامتها ..وفعلا تحينت الوقت المناسب وارسلت الخدامة عشان تشتري غرض من الدكان القريب من البيت.....ولما فتشت اغراضها لقت بين االاغراض ساطور :eek2: :eek2:
ولانه الحرمة كانت ذكية....فرجعت اغراض الخدامة مكانها وما قالت شي ابدا...وخلال يومين قالت لزوجها على الموضوع هذا وسفروا الخدامة على طول..وارتاحوا من هالشر اللي كان ممكن يصير :eek2:
لا تخافي عيوني...هاذي حالات تصير احيانا بس مو دايما....المهم بس عليج تكوني حريصة دايما ..وخاصة انه في وايد خدامات ممتازات من احسن ما يكون فلا تحاتي ان شاءالله :up:

الثاني الثاني بعد .. انج حتى لو توكلينا تسوي شغلة معينة حاولي تراقبينها ..اذا كانت الشغلة في ترتيب وتنظيف غرف النوم او الصالة او المجلس مثلا..فهنيه عادي تكونين معاها تلاحظينها لحد ما تخلص تنظيف ..اما اذا كنتي مكلفتها تنظف البيت من الخارج او انها ترمي الزبالة (اكرمج الله) بره البيت فحاولي تراقبينها من بعيد (لانه في بعض الخدامات لما يطلعون بره البيت للتنظيف مثلا تلاقينهم يتعرفون على خدامات الجيران ويمكن تكون خدامة الجار مثلا فاسدة فراح تفسد عليج خدامتج او تتعرف على خدم رجال واهنيه الكارثة فانتبهي ).. والمراقبة الشديدة تخلي الخدامة تتضايج وينعكس سلبي على نفسيتها ... فحاولي انها ما تشوفج ..خلي نفسج تراقبينها من بعيد لبيعد من غير ما تحس هي افضل :cool2:


والاهم..انتبهي عيوني على زوجج ....ودايما حاولي انج انتي بنفسج تهتمين بزوجج ولا تتكلين على الخدامة في اللي يخصه هو بالذات...يعني مثلا اذا طلب ماي انتي هاتيه له ..وغيرها من الامور...وطبعا حذري الخدامة بعد انها ما تتكلم مع زوجج وانها تتعامل معاج انتي فيما يخص امور البيت..واذا هي تبا شي ..تيي تقولج انتي مو الزوج ... وخاصة وقت دفع الراتب لها..خلي زوجج يعطيج انتي راتبها وانتي سلميه لها مب هو ...واذا اضطريتي تطلعين من البيت لاي ظرف كان احرصي انج ما تخلين الخدامة مع زوجج بروحهم.....فاذا كان هو في البيت وانتي طالعة حاولي تاخذين الخدامة معاج..او تاخذينها بيت اهلج تقعد شوي لحد ما تخلصين انتي من مشوارج ...او تشغلينه هو يطلع اي مكان مع ربعه مثلا ..لحد ما ترجعين ...... (بعض الرياييل عيونهم زايغة ترى حتى لو كنتي واثقة فيه....لكن هذا ما يمنع من الحذر ) :shy:

السموحة عيوني اكيد طولت عليج :shy:

بس ان شاءالله تستفيدين من هالنصايح اللي عن خبرة ( مع اني مب متزوجة ) :shy: :up:

[الملكـــــــــه]

هلا وغلا ومررررررحباً

بالانثى وبالانوثه كلها

ماشاء الله عيني عليك بارده

آسفه ياقلبي تعبتك معاي الله يجزاك خير على كل حرف كتبتيه

وباين عليك فاهمه الشغله عدل

وان شاء الله اطبق اللي قلتيلي بحذافيره

الله يسعدك ويوفقك ويرزقك بزوج حبوب خلوق ويحطك بعيونه قولي آمين


طيب يابنات

سؤال مهم اول ماتوصل افتش اغراضها قدامها ؟

من وراها اخاف تكفشني اخاف اقولها روحي تروشي وافتش اغراضها

وتطلع علي وانا ماخلصت :pain: وتحقد علي من قلب

عادي اول ماتجي افتش اغراضها قدامها؟

واذا لقيت معاها شيء غريب وش اسوي فيه آخذه منها والا اخليه :eek2:

آآآآآآآآآآآآه ياربيه الله يعيني على هالبلوى والله اني مابيها بس مضطره

طيب بنات سؤال ثاني معليش تحملوني :o

ابيها تعتمد على نفسها في الاكل ماتعتمد على اني انا اعطيها او اسمحلها

شلون اخليها تصير جريئه من ناحية الاكل لان ماودي يكون في نفسها

شيء وانا ماعطيتها

وحده اعرفها تقول عجزت وانا اقولها خذي اللي تبين من الثلاجه واطبخي لك وصلحي اللي نفسك فيه بس مو راضيه الا معتمده على المدام

اذا عطتها والا ما كلت شيء

وبصراحه احياناً انا وزوجي مانشتهي غداء او عشاء او نطلع برى لمطعم

اخاف تحقد علي علشان كذا ابي اعودها تعتمد على نفسها شلون؟

معليش كثرت عليكم

والله يجزاء كل من رد علي خير ويوفقه يارب

[الأنثى]

رجعت مرة ثانية :D2

شسوي فاضية اليوم :cool2:

المهم عيوني الملكة شوفي :smile:

لا تفتشين اغراضها على طول اول ما توصل للبيت
خليها عادي جم يوم ....او الافضل انج مثلا بعد مرور يوم او يومين او ثلاثة او حتى اسبوع مثلا تاخذينها وترويحن لبيت اهلج ..على اساس تعرفين اهلج عليها مثلا وتخلينها معاهم وقولي لها انج بتطلعين مشوار وبترجعين عقب ساعة مثلا ....وارجعي انتي لبيتج خلال هالساعة وفتشي اغراضها وتطمني على انه كل شي تمام :up:
وقومي بهالتفتيش بصورة خل نقول دورية .. يعني مثلا كل شهر مرة ...مو شرط كل اسبوع ....خليها كل شهر مرة...استغلي اليوم اللي تزورين فيه اهلج وسوي نفس الطريجة ...تراها مضمونة :up:

واذا فرضنا لا سمح الله حصلتي شي مريب ... مثلا ادوات حادة ما لها داعي ... او تعاويذ على قولتهم من شغلات السحر مثلا فحاولي انج تاخذيها وحاولي تسألين فيها اي شخص من الاهل وتشوفين رايهم فيها ..اذا كان شي بسيط خلاص لا تخافين ورجعيه مكانه كانه ما صار شي ...بس اذا حسيتي بخوف من هالشي وكان خطير مثلا فالافضل تسفرينها على طول :down:
وجربي حظج بواحدة ثانية...لا تيأسي :D2

ومادي انتوا شقايل نظامكم في مكتب الخدم ...يعني نحن عندنا يعطينا مكتب الخدم مهلة شهرين من وصول الخادمة لنا ..نقدر خلال هالشهرين نرجع الخادمة لهم اذا ما عجبتنا لاي سبب...وما نرجع ندفع فلوس او شي لهم ويجيبون لنا خادمة ثانية مكانها ..... لكن بعد الشهرين اذا رجعناها لازم علينا ندفع فلوس من اول ويديد عشان يجيبون لنا خادمة ثانية :s2

لانه بصراحة الخادمة لها فايدة بهالزمن خاصة للزوجة اللي مثل وضعج الله يعينج حبيبتي :pain:

وبالنسبة للاكل ...في بعض الخادمات تلاقينهم ما يحبون ياكلون ولو اصريتي عليهم ..طبيعتهم جذيه .... انا واهلي مرت علينا مرة خادمة من هالنوع في البداية اول ما ياتنا كانت ما تحب تاكل وكانها تستحي حتى لو اصرينا عليها ..حتى امي خافت تموت من الجوع .... لكن مع الوقت هي تعودت شوي شوي تاكل..... حتى لما سافرت عنا عقب سنتين كانت دبة :D2 ... فلا تخافين عيوني اللي يقرصه الجوع بياكل بياكل :D2
انتي اعزمي عليها مرة مرتين...ما حبت بكيفها..خلي الاكل لها جدامها في المطبخ وهي لما ما بتشوفج موجودة وياها بتتشجع وبتاكل :cool2:
ولا تنسين بعد عيوني اذا طلعتي مع زوجج مطعم مثلا ..وخليتوا الخادمة في البيت ..لا تنسون تشترون عشا للخادمة لانها صارت مسؤولة منكم :up:

وقبل لا انسى غناتي ... اذا طلعتي انتي وزوجج مشوار لاي مكان..وخليتوا الخادمة في البيت ... لا تنسين تسكرين باب البيت الخارجي يعني تقفلينه بالمفتاح .... انا اختي جذي تسوي لما تطلع مع ريلها السوق او مشوار خفيف ..عشان ما تطلع الخادمة من وراها تكلم خدم الجيران او تطلع مكان محد يعرف عنه :down:

يالله شكلي ثرثرت وايد :D2

بالتوفيج عيوني :up:

[لولــي]

جوفي يوم بتييبين الخدامه ... لاتعلمينها على الطلعات برع البيت يعني لاطرشينها لبيت يرانكم ولاتخلينها أبداً تحتك بالبشاكير لأنهم بيخربونها ... حتى إذا بغيتي أطرشين أكل أو أي شي لبيت جيرانكم لا طرشينها... عشان ماتاخذ فرصه وتتكلم مع البشاكير ... هذي أهم نقطه:up:

[الجاسوسة]

:clap::clap: مشاءالله عليج اختى الانثى كفيتي ووفيتي:up::up:

في شغله بعد لا تخلينها تلبس على كيفها ضيج وحركات انتبهي

اذكر كان عندنا خدامه فليبينيه صغيره بالسن وحليوه :cool2: وكانت

تلبس على كيف كيفها جينز والبنطلونات اللى تدش بالفازلين :pain:

بس الحمدلله بيتنا كله بنات وما عندنا شباب :D2 وعقب طفشناها

>>>>>>>> مجرمه هي وخواتها :cool2:هههههههههه

[الملكـــــــــه]

هلاااااااااااا وغلاااااااااااااااا

بالانثى

آه ياربيه ثرثرتك عسل على قلبي

ولا يهمك يالغاليه نصائحك كلها فوق راسي ياتاج رأسي انتي

ونظام المكاتب عندنا نفس اللي عندكم:up:

اشكرك مره ثانيه مع بوستين على راسك

الله يوفقك حبيبتي

[الملكـــــــــه]

مشكوره حبوبتي حصه

الله يعطيك العافيه ان شاء الله اطبق كلامك ولا يهمك

كفخيني بس ان خليتها تطل مع الباب :D2


الله يجزاك خير ويسعدك

تحياتي يالغاليه

[الملكـــــــــه]

ولكمووووووووووووووووو

الجاسوسه

خدامه فلبينيه وصغيره وتلبس جينز مايخش الا بالفازلين وش خليتي :s2

طيب على هالوضع موافقه تخدمكم :D2

شوفي عاد اما هذي النقطه مافيه امل والله والله مااااااااااااااااافيه امل

تلبس بنطلون لو تموت

مافيه الا انا ورجلي في البيت والله لو اشوفها لابسه

بنطلون في البيت ان يصير الدم للركب


ولو الجاسوسه مشكووووووره على الرد مره ثااااانيه

وتسلملي هالانامل ياعسل

واذا فيه امور اُخرى ترى ما استغني

كلما ذكرتو شي تعالوا اكتبوه عفيه

طيب بنات لو الآقي معاها طلاسم وتسخير والا طحين والا تراب وخرابيط

راح اخذهم منها على طول بعد ما استئذنها وراح اخليها عندي ماراح اسفرها

لانو صعب اسفرها وهي ماسوت شيء

وحده اعرفها اول ما جت خدامتها فتشتها على طول والخدامه واقفه ومالقت معاها الا ورقه

فيها طلاسم وتسخير وتقول تركتها معاها ما اخذتها ومع مرور الوقت قالت لها الخدامه

انها كانت تشتغل عند ناس يعاملونها بقسوه واذا احترق عندهم شيء بالفرن يهاوشونها ويقولون لها ماتشمين ويضربونها

قالت هالكلام بعد ما احترقت فطائر صديقتي وطلعتهم من الفرن وهي ساكته وتضحك مع الخدامه

بعدها فهمت صديقتي ان ورقه التسخير كانت جايبتها الخدامه من خوفها من التجربه الاولى والحمد لله سافرت الخدامه وماسوت شي بالعكس كانت تبكي وتشكر صديقتي على معاملتها الطيبه.

[الأنثى]

يا هلا والله بالملكة :salam:

وينج عيوني طولتي علينا (r)
طمنينا عليج دايم حبيبتي :handup: :shy:

بعد عمري بوسة على راسج بعد تسلمين لي :flower: :o

والاخوات ما قصروا والله بعد نصايحهم ممتازة :clap:

حبيت اقول بالنسبة لموضوع الملابس .... في عايلات يخلون الخدامة على راحتها يعني ما يدققون في موضوع ملابسها يخلونها تلبس على راحتها سواء جينز او تنورة وقميص ضيج او غيره ....
بالنسبة لعايلتي انا ..بصراحة ما نخليها تلبس من ملابسها هي اللي جابتها معاها من بلدها...لانه ملابسها كلها بناطلين وقمصان .....ونحن ممنوع نخلي خدامتنا تلبس بناطلين ابدااااا :mad:

مب ناقصين تخرب علينا اخواني والوالد :mad2:

امي تشتري للخدامة ملابس من النوعية اللي نلبسها في ديرتنا يعني جلابيات واسعة وطويلة ولازم تلبس تحتهم سروال :D2
يا ويلها لو طلعت بدون سروال :mad:
ولازم تغطي شعرها وتلبس حجاب ولا تبين اي شعرة :handup:

وبعد عشان هي في مسؤوليتنا ...امي بكل عيد تشتري لها ملابس يديدة عشان تفرح معانا بالعيد بعد :smile: ... يعني تقريبا ثوبين بكل عيد :up:
ونعطيها بعد عيدية يعني مبلغ من المال تفرح بالعيد.. ( هذا غير الراتب طبعا ) ..يا حليلها تستانس وايد :smile:

وبالنسبة للطلاسم ..صراحة ما مرت علينا خادمة سوت طلاسم وسحر والحمدلله :clap:
لكن سمعت من معارفنا هالحالات تصير احيانا ... والافضل اذا اشتبهتي بوجود سحر وطلاسم تستشيرين الوالدة اول .... وتشوفين شو ردها بيكون ... بس انا عن نفسي صراحة لو بشك بالخادمة تسوي سحر او طلاسم بنسفرها على طول :down:

اممممممم شو بعد ... ؟

حاليا ما في بالي شي :D2

لكن ان شاءالله بحاول اسأل الوالدة عن نصايح ثانية .. وبرد عليج حبيبتي :cool2:

اشوفج بافضل حال عيوني :shy:

[مناهل78]

آنه يابنات بعد مقدمة على خادمة مع أني ماحبهم خير شر بس شاسوي باولد هالشهر و لما آرجع الدوام ماقدر آخليه في بيتنا مع أمي بروحهم أمي راح تتعب من الشيل والحط فلازم أحد يساعدهاوخدامة بيتنا ماتلحق على خواتي فمابالكم بيبي صغير، شر لابد منه...

نصيحة لا تخلين الخدم يتكلمون بالتلفون لأن المصائب ماتجي إلا منه، يوم يتعودون راح يوزعون الرقم على كل خدم الفريج. آنه حماي عنده أندونيسية وأهل زوجي بعد ودوم في مشاكل بين الخدم على سالفة تسليف الفلوس ودوم إتصالات يطالبون بفلوسهم، حتى قلت حق زوجي أسمح لي يوم توصل الخدامة ماراح آخذها معانا بيت أمك علشان عن المشاكل...

ماقصرتوا يا الأخوات على نصايحكم وايد فادتنه,,,,,

[MissAnGeL]

حبوبه
كنت ابقي اسالج شو من الجنسيات الا تيبينهم ؟؟؟؟؟؟؟



لاني محتاره ما بين الجنسيات الا ابقي ايبهن

[شموع لاتنطفي]

هلا اختي الملكة

أولاً الله يسهل عليك ولادتك وتولدين بالسلامة

ثانياً ترى مو شرط تفتشين وهي مب موجودة قولي لها بطيبة معليش ارتب اغراضك انا وانتي

ورتبي ملا بسها كلها على جنب خلي لها دولاب خاص
عشـــــــــــان ما تحس انك تفتشين واذا لقيتي شي غريب قولي لها شنو هذا ؟؟؟؟ بهدوووء وعادي يعني

مو شرط انك تفتشين وهي تتروش والا شي
وعلى فكرة إذا لقيتي معها شي مثل روج والا كحل والا ميك اب بانواعه

اخذيه منها وقولي لها مافيه هنا ميك اب بعدين بابا زعلان :cool2:




واختي الانثى ماقصرت :D2 حتى انا استفدت
واذا تبغينها تحبكم زي ما قالت الانثى اشتري لها ثوب بالعيد ومبلغ من المال تسألينها
محتاجة شي ؟ تبغين اشتري لك شي ؟؟؟؟؟؟؟؟

وبتحس انك مرة حبوبة لدرجة انه شغالة عمتي يوم جا موعد سفرها وجهزوا لها كل شي وكانت فرحانه مارضت تروح

واجلوا سفرها لسنتين ثانية مارضت تبكي تقول انا ابغى اقعد هينا بعد

وتقعد تبوس في العيال وانا مستغربة (u) قطعت قلبي

عموماً أهم شي انك تكونين طيبة معها الا في الشي اللي متعمدة تسويه


8
8
8
8
8
8

تقبلي خالص تحياتي

[اليكه]

أنا عن نفسي وعن تجربه أقوللج:
أهم شي تكونين حازمه وياها أول الأيام أو أول الشهور وتأمرينها بكل الأشياء اللي لازم تسويها وتخلينها تسجل ملاحظات في دفتر عشان ما تنسى

وإذا نست أولاً عاتبيها وبيني لها انزعاجج لكن لا تصارخين في ويهها عامليها باحترام ابتسمي في ويهها عشان تحس بالراحة والأمان خاصة انها يايه من غربه لكن لا تعقين الميانه خليها تحترمج وتهابج أما إذا اتكرر النسيان شدي عليها شوي وعاقبيها وهدديها انج تخصمين من راتبها لأنج ما تدفعيلها الراتب صدقة كل شي له مقابل

ارحميها وريحيها ساعات بس لا تبينيلها ولا تقولينلها "ياحليلج تعبتي اليوم" ريحيها بدون ما تحس ولا تخلينها تتعود على الكسل أو تتحجج بالتعب أو المرض بينيلها انها لازم تنجز عملها سواء مريضة أو لا عشان ما اتم تتميرض تتهرب من الشغل لأنها بتاخذ راتبها كامل فلازم تشتغل شغلها كامل

وأنا مادري ليش انتي شاله هم الأكل!!
صدقيني محد يموت من اليوع والله فيه بشاكير إذا ياعت بتاكلج لا تحاتينها انتي بس قوليلها كلي أي شي تبينه وبتلقينها قضت على كل شي لا ويمكن بعد تتطلب تقوللج ييبيلي مادري شو واشتريلي ماعرف شو فانتي لاتعودينها تشتريلها اللي تباه لأن الأكل موجود وهيه خليها تاكل الموجود وترضابه وإذا بغت أي شي ثاني قوليلها :"هذا غالي أنا ميزانيتي ما تسمح أشتريه إذا تبينه انتي ادفعي"...

وأنا مع أخواتي راقبيها باستمرار ولا تخلينها ترابع البشاكير إلا اللي تعرفينهم

[عروس دبي]

ما شاء الله الأخت الأنثى ما قصرت وسبحان الله كأني انا اللي كاتبة


الموضوع لأن نفس اللي كتبته انا طبقته على بشكارتي .......


ونفس الشيء انزلها في بيت اهلي وافتش اغراضها مرة حصلتها شالة


عود كنت حاطنه في الصالة يعني مب كله طبعا شوي منه بس ما قلت


لها شيء قلت بشوفها لأي حد توصل والحمدلله كان هالشيء بس......


بالنسبة للتلفون شليه قبل ما تطلعين لأن بشكارتي كانت جدامي تتكلم


بالتلفون وتستخدم البطاقة فأنا امنت منها ولما يتنا فاتورة التلفون اكتشفت


انها كانت تتكلم وفاتورتها 300 درهم طبعا خليت زوجي يتدخل عشان


تخاف منه..........


واقفلي الباب عليها لما تطلعين وحاولي انج تعطينها اي شيء تسويه


وتابعي الشغل لما ترجعين مثل كوي او غسيل ......الخ لأن يلستهم


من دون شغل تخليهم يسون مصايب


بالنسبة للأكل افضل انج انتي تحطيلها ولا تعودينها على انها تشل من دون


ما تقولج لأنج لو شاريه شيء حقج وحاطنه في الثلاجة بتاكله.......


يعني مثلا لو شاريه فواكه حطيلها في صحنها كمية او في كيس وقوليلها


كلي منه اذا تبغين بعدين قوليلي و اذا اشتريتي عصير او بارد اعطيها


نصيبها بس لا تعودينها تاخذ من دون استئذان ..........لأنها طريقة غلط....


بالنسبة لريلج قوليلها اول ما يدخل خلها على طول تطلع من المكان يعني


الصالة او غيره وما تكلمه ابدا وبينيلها انه هو قال هالكلام مب انتي عشان


تلتزم ..........


وديها وياج السوق من فترة لثانية بس مب دايما وقوليلها اي شيء تبغينه


تشتريه من معاشج طبعا غير الأشياء الضرورية مثل شامبو وكريم ومعجون


الخ.........


من فترة لثانية اشتريلها هدايا بس مب كل ما تطلعين تين وفي ايدج شيء


عشان ما تتعود يعني كل 3 شهور او 4 شهور مرة وقوليلها انا اشتريتلج


لأنج زينه ويايه و كل ماكنتي انتي احسن بكون احسن منج وبشتريلج....


المهم كلام تشجيعي .......


ولا تخلينها تنظف غرفة نومج الأحسن انج انتي ترتبينها بس اذا اضطريتي


كوني متواجدة وقت تنظيف الغرفة ...........


وعوديها من اول يوم على انها تشتغل وتكرف لأنها اذا تعودت على الراحة


خلاص بعدين ما بتشتغل طبعا في حدود المعقول .........


وان شاء الله اكون افدتج............:smile:

[شوق ووله]

ادعو الله ان يرزقك الله الخادمه التي تخافه

وانصحك ان تلبسيه الحجاب داخل وخارج المنزل

[visitor]

بالنسبه لي الخدامات حظوظ

مثل البطيخ :D2

بعضهم يبردو قلب صاحبه البيت

وبعضهم يطلعو ليها قرون

مثلي انا اتمنى متى يخلص هالشهرين

وافتك من هذي الي عندي جايبه لي الضغط :down:

والمشكله الواحد ما يقدر يستغنى عنهم

بس الي تقدر تستغني انصحها ما تجيب اليها

اريح ...:shy:

[الملكـــــــــه]

حيااااااااااااااااااااك يالانثى حيااااااك

وتسلملي هالطلات اللي متل العسل :shy:

قايلتلك يبه تاج فوق راسي انتي

فكرة السروال اللي تحت الجلابيه :up:

واكيد بالعيد راح اعطيها عيديه وملابس جديده لازم افرحها معانا

كويس اللي نبهتيني على هالنقطه

وبالنسبه للوالده ماعندها ماعند جدتي :D2 جابتنا وزوجتنا بعد الله وهي مادخلت بيتها خدامه :rolleyes:

طول عمرها عايشه بكرف وما تعرف شيء عن الخدم وتخاف منهم لدرجة انها احياناً تغني في خدامة اختي اذا جت عندها :pain: :D2


تشكرااااات يا احلى انثى


:z_thanks:

[الملكـــــــــه]

هلا والله

رانيا البحرينيه

ابشري راح احرص عليها من هالناحيه

وعلى قولت القايل شحادك على المر قال اللي امر منه

ميغسي حبوبتي على مرورك

[الملكـــــــــه]

هلا والله

MissAnGeL


الفلبينيه حلوه بس عيبها تكون شايفه نفسها شوي

وغير كذا يوم الجمعه إجازه ماتشتغل سمعت كذا

علشان كذا بالنسبه لي راح اقدم على اندونيسيه

[الملكـــــــــه]

هلا والله بالمطنشه


يسلملي هالمرور

فكرة اني ارتب اغراضها معاها فكره حلوه وكمان ناويه اشتري لها بعض

الاغراض من ملابس وكريمات وغيره علشان اوريهياه وانا ارتب معاها

وماتحس اني جالسه افتشها مع انهم مو جاهلين في الشي هذا

وبالنسبه للروج والكل ما اعتقد اني اذا قلت بابا زعلان :cool2:

انها بتخش مزاجها والله انهم ملاكيع وبتدري انو انا اللي زعلان مو بابا :D


والطيبه اكيد مطلب اساسي في الموضوع


تشكرااااااااات المطنشه اللي ما طنشتني

احلى تحيه الك

[الملكـــــــــه]

مراااااااااااااااحب

اليكه

والله انتي كذا :up:

تحيا الشده

تصدقين انتي ذكرتي اشياء صغيره بس والله انها حساسه مره

مثل ارتاحي انتي تعبتي اليوم انا متأكده اني راح اقولها في يوم من الايام

هالكلام بس كويس نبهتيني الله يجزاك خير

والله فكرت فيه وصدق لقيته مو عدل بيخربها علي

ومنكم نستفيد

احلى تحيه لك ياليكه والف شكر حبوبتي على مشاركتك المهمه

[الملكـــــــــه]

هلا وغلا

عروس دبي


الا عروس العالم كله :cool2:


الأنثى ماقصرت كفت ووفت وانتو بعد الله لايحرمني منكم ولايحرمكم

الاجر يارب

الله يعطيك العافيه والف شكر على هالنصائح استفدت منها كثييييييير

بس انا الحين شلت هم بيتي صغير وبسرعه انظمه وامسحه وارتبه في ساعتين اكون خالصه من البيت كله يعني هي بتلقلى وقت كبييييير بتصير فيه فاضيه

وكنت شايله هم انها بتطفش لاني من النوع البيتوتي طلعاتي يمكن مره اوبالكثير مرتين بالاسبوع واكيد ماراح اخذها معاي كل مره

حاسه انها بتحقد علي :s

وانتي الحين خوفتيني اذا صار الفراغ بيجيب مصايب الله يستر

بالله قولو لي ايش ممكن اني اشغل وقتها فيه لاني اتوقع

لها نصف اليوم راح تكون فاضيه وحاسه انها هي اللي من فراغها راح تراقبني :( الله يعيني عليها

[الملكـــــــــه]

شوق ووله


الله يعطيك العافيه والف شكر على الدعاء والنصيحه

الله يجزاك خير يارب

[الملكـــــــــه]

أريج القمر


هلا والله حياك

الله يهديك شهيتيني بالبطيخ الاحمر محشوم تشبهين الخدامه فيه :D2

مشكوره حبيبتي على مشاركتك

وان شاء الله يكون حظي مع الخدامه كويس

تشكرات

[الأنثى]

يا مرحبا الملكة :smile:

سألتي أمي ونبهتني لشغلة اقولها لج :cool2:

من اول اسبوع ..لما تكلفينها تنظف غرفة من غرف البيت مثلا..جربي قبل لا تنادينها تتعمدين تحطين على الارض مبلغ من المال يعني خل نقول خمس او عشر ريالات ..يعني ترمينها على الارض او على الكوميدينو مال التسريحة في الغرفة او اي مكان يكون واضح .. وجربي اطلعي من الغرفة وخليها هي تنظف ... ولما تخلص ... شوفي اذا هي خادمة أمينة راح يكون لها حلين ... إما إنها لما تلاقي الفلوس راح تقولج ماما لقيت فلوس وتعطيج اياهم .. او تخليهم على الطاولة بالغرفة وين ما لقتهم ...... وبالحالتين تكون امينة .. :up:
أما لو ما كانت أمينة راح تلاقيها تاخذ الفلوس تحطهم بجيبها بسرعة .. وما تقول لج عليهم وتروح تكمل شغلها ولا كأنه صاير شي :s2

فالحين اختي .. اذا هي امينة وقالت لج عن الفلوس فهنيه خذيهم منها واشكريها وقولي لها ماشاءالله انتي امينة اريدج جذيه دايما :shy: ..... واختاري اي فرصة بعد فترة واعطيها هدية بسيطة بتفرح فيها .. :smile:
ولا بأس تكرري هالحركة انج تخلين فلوس على الارض بين فترة والثانية خل نقول كل شهر مرة ... وشوفيها هل بتظل على امانتها والا لا :cool2:
أما اذا كانت مو أمينة .. واخذت الفلوس وما قالت لج عنهم .. ... في هالحالة لا تكلمينها بالموضوع ابدا ولا تقولين لها كان في فلوس بالغرفة وينهم ولا تهاوشينها ... لا .. طنشي الموضوع لكن من هالوقت وطالع كوني دايما على حذر منها ولا تخلين جدامها فلوس او اشياء ثمينة.. :down: .. انتبهي منها انتي وزوجج طبعا :up:


والله يوفقج :shy:

[طيووف]

:shy:

[الملكـــــــــه]

هلا والله بالانثى

معليش آسفه على التأخير في الرد تعرفين مشاغل الدنيا

وهمومها :confused:

والله يالغاليه ماقصرتي ما اقولك الا الله يوفقك دنيا وآخره

والفكره خياااااااااااال الله يعافي الوالده


ت

















ت



















تؤبريني يا احلى انثى

[سوسو الكويت]

اختى الفاضله لابد لك من الدخول معها فى المطبخ وتعليمها ماتريدين لانها تختلف من بيت الى بيت ومن بلد الى بلد ولابد ان تلتزم بالنظافه ان تكونى لمده شهر على الاقل حتى لو تجلسين على الكرسى وتعطينها الاوامر بهدوء وتعاملينها معامله طيبه دون التمادى معها فى الضحك الزائد اول الايام وتعطينها فرصه ترتاح فيها فتره الظهر وكذلك الاشراف على الغرف

[الملكـــــــــه]

طيووف


تشكرات على المرور


:shy:

[المرقوعه]

السلام عليكم يا بنات حبيت اسالكم وين اقدر احصل يونيفورم فيالشارجه ولا دبي مرتب للخادمات ولكم جزيل الشكر

[Noura81]

في الشارجه بتحصلين في محلات أكرم في الشهبا عدال الدانه بلازا...أسعارهم زينه..اليونيفورم على 15 - 20 درهم