مشاهدة النسخة كاملة : يابنات الكويت .. يالغاليات اليوم يومكن ... تعالن ولا تقصرن علي بالمساعده
ريمونـــــــا
13/05/2004, 02:29 AM
صباح الخير جميعا
كيفكم بنات وش احوالكم
ابي منكم خدمه يابنات الكويت وتمنى انكم ماتقصرون معااي ونا عرفتكم يابنات الكويت من خلال هالمنتدى المبارك ومن خلال منديات اخرى انكن محبات للخير وتحبن مساعده الغير ,,, وهي الهقوه فيكن
انا اخوي عندكم بالكويت وقبل شهرين تقريبا صابه جدري مائي والحمدلله تعافى وطااب من الي فيه بس الحبوب شووه وجهه بشكل كبير لدرجه انه تعبان نفسيا منه ومسبب له قلق وهو صعب عليه يجي لسعوديه عشان يتعالج بسبب ضروف عمله
<-------- تقص قصه حياته
المهم
الي ارجووه مكن كل وحده تقولي عن افضل دكتور جلديه او دكتوره ويكون بالكويت وعن تجربه ويكون دكتور متمكن من مشاكل البشره
انتظر ردودكن وياليت ماتقصرون معااي
والله يوفقها وسعدهاا ويفرج لها كربهاا ويرزقها راحه البال الي بتساعدني
تحيااااتي
ريمونا
جـويـل
13/05/2004, 04:18 PM
هلا اختي العزيزة ريمونا
اولا حمدلله على سلامة اخوك ومايشوف شر
بالنسبة للاطباء اللي سمعتهم زينه بالكويت من خلال كلام الناس هم هيلين وعيادتها بالسالميه و عندك دلال التركيت عيادتها بمنطقة خيطان :up::up: بس انا اقول يمكن هيلين احسن بعد و ترى اسعارها زينه
تحياتي
اختك جويل
ريمونـــــــا
13/05/2004, 08:52 PM
الله يجزاك خير اختي جـــــــــــــويل
الله يوفقك ويسعدك على هالفائده ويكتب لك الاجر فيهااا
وماننحرم منك يالغاليه ...........
..........
ولله اني عتبانه على بنات الكويت يعني بس جويــــــــــــــــل الي بالكويت ؟؟
بنات الكويت وينكم ... وين مشورتكم .... وين نصايحكم ... ترا مانستغني
انا انتظركم .... لا تبخلون علي بالفائده
تحياااااتي
ريمونا
نوران الكويت
13/05/2004, 10:58 PM
السلام عليكم ورحمة الله وبركاته
احسن شي يراجع مستوصف يحوله لمستفى الامراض الجلديه وهناك يفحصونه لو عالجوه خير وبركه ولو ما نفعوه يسأل الطبيب اللي عاينه عن طبيب جلديه خاص ينفع اخوج
ومن كلامج احس ان اخوج يبي تقشير وهو اللي يشيل اثر اي حبوب ويصفي الوجه
وعن تجربه انا تعالجت عند د صالح الجريوي بعمارة الاطباء بحولي وهو دكتور كبير بالسن وعنده خبره خلصني من اكزيما في وجهي
والله اعلم
ريمونـــــــا
14/05/2004, 07:55 AM
أختي نوران الكويت :
الف شكر على هالمعلومه وعلى الأفاده وصدقيني دونت عندي اسم الدكتور وعنوانه بورقه عشان اعطيهم لاخوي الي انتي عطيتيني يااه والي عطتني جويل الله يجزاها خير
والف شكر لك اختي والله يوفقك ويكتب لك الاجر والثوبه
..................
وخزيـــــــــــــــــاه .... وينكم يابنات الكويت ... وش فيكم .... وربي مو عادتكم تجحدوون المنفعه على احد ... عبروني .... وعلموني عن تجاربكم
انتظر ردودكم
تحيااااااااااااتي
ريمونا
حوريةالكويت
14/05/2004, 11:12 AM
والله مرت خالي يا ريمونا.. قبل عرسها باسبوع صار فيها جدري الماء وصارت تخرع .. مع انه اهي بشرتها من البيبي من كثر ماهي صافيه تقول انه عين ونفس الله يعلم .. المهم فقيره تخيلي بشهر عسلها ويهها ما يبين من الحبوب معالمه ضايعه فقالت لها وحده.. تنقين (مرة) وحطيها فبطل وكل يوم بقطنه مسحي فيها على ويهج بالليل او الصبح وخليه فتره على ويهج.. والله يا ريمونا انه ماظل اثر حبه وحده بويه مرت خالي وردت ماشالله بشرتها مثل ماكنت.. ليما سألت قالوا لان المره عباره عن مطهر ومضاد وحق اي نوع من انواع حب الشباب تستخدم
جـويـل
14/05/2004, 02:26 PM
صالح الجريوي جربته وما فادني لحبوب وجهي مادري يمكن الغلط مني لاني ما كنت ملتزمه بالمواعيد و العلاج و التقشير عنده :down: بس في اثنين نعرفهم عالجوا عنده و نفع وياهم و الاخت نوران بعد !! مادري ليش مو انا :pain:
اذا اخوك يبي يسوي تقشير يروح لهيلين او دلال التركيت لانهم احسن شي في التقشير
ريمونا يا قلبي لا تعتبين عالبنات يمكن مشغولين او ما يعرفون انشاءالله مايقصرون معاك
جويل
wardyah11
14/05/2004, 02:58 PM
هلا اختي الغاليه
والله ماندري شصار بجونا حتى الكبار حاشهم الجدري مع ان صاير فيهم من قبل:pain:
الظاهر اخوج كان يحك وجهه وايد :down: انا حماتي صار فيها وعمرها16 فكانت خالتي الي هي امها تربط ايدها عشان لا تحك:D2:D2
المهم اطباء الجلديه عندنا وايد عندج مثل ما قالت اختي جويل :smile:
دلال التركيت ممتازه وانا مجربتها بس مو جدري:D2
وفيه قنال الصايغ ممتازه بعد مجربينها حق حب الشباب:up:
وعندنا بوحمره بس ماجربته:pain:
واتمنى باقي البنات يفيدونج:shy:
نوران الكويت
14/05/2004, 03:41 PM
جربي المره المنقوعه مثل ما ذكرت اختنا حوريه الطبيعي ينفع ولا يضر ولو ما استفاد يجرب الاطباء
اختي جويل سبحان الله لو نفس العله عند طبيب واحد ممكن واحد يستفيد وواحد ثاني لأ كل مريض واستجابته:shy:
ريمونـــــــا
14/05/2004, 08:40 PM
حوريه الكويت :
الله يجزاك خير على الافاده يالغاليه ولله لايحرمك اجرها
الف شكر لك وماننحرم وربي ردك ورد الاخوات اثلج صدري
ونتي صادقه المره ممتازه لحب الشباب بس اخووي وعرفه مايطيق المره وريحتهاا وعجاااز بقووه مايصبر على شي
الله يجزاك الجنه ويخلي لك غالينك
...............................
هلا بحبيبتي جويــــــــــــل :
الف شكر على المرور وصدقيني ماعتبت على بنات الكويت الا لمعزتهم عندي
....................
wardyah11 الغاليه :
الف شكر على مرورك العذب وعلى الفائده أسأل المولى عز وجل انه مايحرمك أجرها وهذي هقوتي فيكم يابنات الكوويت الله يخليك لاهلكم
بس بغيت أسألك الدكتوره قنال الصايغ وين عيادتهااا
ياليت تقولين لي وينهاا عشان انا جالسه ادون اسك كل دكتوره او دكتور تشورون عليه انتم
ياليت ماتتاخرين علي بالرد
..............................
نوران الكويت
<-------- صديقتها اسمها نوران
شلونك نوران وش اخبارك ؟
الف شكر على مرورك وعلى اعطاء الفائده الله يجزاك خير ويفرج لك كل كربه
...................
ومازلت انتظر ردود باقي بنات الكوويت وتمنى مايتأخرون علي
تحياااااااااتي
ريمونا
نفنوف
04/07/2004, 12:44 PM
جربي الدكتور طلال سليمان فلاح العلي وعيادته بالشعب شارع ابن الخطيب يم مجمع فاطمه
سيدة الكويت
04/07/2004, 11:46 PM
السلام عليكم ورحمة الله وبركاته
مايشوف شر أخوش
دكتور صالح الجريوى ((ممتاز )) ومتمكن .............:up:
مره كم أستشارى قالوا فينى مرض جلدى غريب :confused:
قلت أروح أشوف ....قام يضحك على الدكاتره ....والحمد الله
بفضل الله سبحانه وتعالى الحين أحسن
عيادته بالنقره بجانب مجمع النقره الجنوبى
بجانب الخياطين عماره الأطباء
منال7966
06/07/2004, 06:56 PM
المرة ماتنفع لحالة اخوك,,,,,,,:down:
افتحي الجريدة:D2 واخذي رقم الدكتور بوحمرة وهو ممتاز اعرف حالات كثيرة عالجوا عنده وفادهم بامر الله...:up:
ودمتم,,,,,,,,,,,,,,
صباح الخير جميعا
كيفكم بنات وش احوالكم
ابي منكم خدمه يابنات الكويت وتمنى انكم ماتقصرون معااي ونا عرفتكم يابنات الكويت من خلال هالمنتدى المبارك ومن خلال منديات اخرى انكن محبات للخير وتحبن مساعده الغير ,,, وهي الهقوه فيكن
انا اخوي عندكم بالكويت وقبل شهرين تقريبا صابه جدري مائي والحمدلله تعافى وطااب من الي فيه بس الحبوب شووه وجهه بشكل كبير لدرجه انه تعبان نفسيا منه ومسبب له قلق وهو صعب عليه يجي لسعوديه عشان يتعالج بسبب ضروف عمله
<-------- تقص قصه حياته
المهم
الي ارجووه مكن كل وحده تقولي عن افضل دكتور جلديه او دكتوره ويكون بالكويت وعن تجربه ويكون دكتور متمكن من مشاكل البشره
انتظر ردودكن وياليت ماتقصرون معااي
والله يوفقها وسعدهاا ويفرج لها كربهاا ويرزقها راحه البال الي بتساعدني
تحيااااتي
ريمونا
مرحبا عزيزتي ما انصحج بالدكتور بوحمرآ نهائيآ فلوس علي الفاضي ودينا امي خذا علينا 500 دينار ولا عطها كرتيزون وتعبت وأخر شئ علاجه طلع تخيلي جم بسوريا 10 دنانيير وكل شئ تخيلي طقها إبر مكان الأكزيما وصارت زينه ما خلينا مكان وربي شاهد حته مطووعه رحنا سبحان الله وعلاجها كان بسييط والدكاتره لعبه فينا عشان روح وتعال وفلووس المهم/ انا اعرف دكتورة دلال التركيت إذا معزمه عليها دشي علي واتوسط لج عندها وانا حاظر واخدمج بعيوني وإذا تبين الي بسوريا اعطييج رقمه حاضر والله يوفقنا ويشقي كل مريض ياااارب ياكريم
زهرهالنرجس
29/07/2010, 08:22 PM
صحيح الموضوع لبنات الكويت ههههه قشور الرمان اذا سحق قشرالرمان ثم خلط بعسل وطلي به اثر الجدري وغيرها ايام متواليه اذهب اثرها واذا يخاف يعاود عليه يشرب الشومر بلسكر وانشاء الله الشفاء العاجل اماعلاج الدكتور انا ماانصح فيه لان اخي كان يعالج عند اكثر من دكتور ولم يفيده احد
مهاا والحلا لهاا
29/07/2010, 08:58 PM
الموضوع من 6 سنوااااااااااات @@