اللي جربوا ازالة الشعر بالليزر يتفضلون

[femme_nmh]

السلام عليكم ورحمة الله وبركاته
بنات اللي جربت الليزر لازالة شعر الجسم والوجه بشكل خاص ممكن يفيدونا لاني سمعت انه ممكن يسبب بقع داكنه وممكن يوسع المسام بعد سنه او سنتين من ازالته فمادري ممكن تفيدوني الله يعافيكم؟:down:

[العنقاء]

هلااا جبيبتى

انا بقولج عن تجربتى انا إنشالله عروس بااااجر يوم الأربعا :shy: ومن تقريبا شهر سويت ليز اللى ما يتسوا إلا في مكان واااحد عدنا أسمه مركز سوفت لايت

وما أعرف إذا يتسوا في مركز ثانى
بصراحة اللى أشوفه لين ألحين شغل المركز أكثر من رائع وفيه أقبال كبير عليهم

حبيبتى أنا مب من النوع الشعرانى يعنى انا الشعر فيه خفيف مره مره والحمدالله
بس اتعرفين عاد البنات :cool2:

المهم سويت ليز للوجه كامل وبعد أسبوعين ايسون لج جلسه مجانى ويعد شهر يطلبون اتراجعينهم عشان يتأكدون من خلو الوجهه من الشعر

المهم سألتها عن البنات اللى شعرهم كثيف
قالت لى إنه هذيل هم اللى ايبين فيهم الليزر اكثر لانه الليز أصلا للمشعرات واللى فيهم شعر كثيف وهم بالنسبه لنا أسهل من البنات اللى شعرهم خفيف

وشغلهم مثل ماقالت ماله آثار جانبيه ولين الحين أنا اوووووووكي
وبعد خواتى سسسوووا ليزرفي نفس المركز وإنشالله بنات خالى بيسووون :up:

[wardyah11]

مبروك اختي العنفاء والله يتمم عليج:smile:

انا صار لي الحين سنتين من سويت الليزر والحمد الله مافي بقع ولا شي بالعكس بشرتي صارت وايد احسن من بعد الليزر:up:

كنا وين صرنا وين الحمد الله :shy:

[جـويـل]

ورديه يا عمري وين سويتيه بالكويت؟ بس وجهج ؟

[domoo3]

بنات تكفون الي تعرف
اي مكان بمكة او جدة يسون ليزر
بالجهاز الجديد (جنتل ليز)
تقولي عليه الا المركز الاستشاري
ما ابغاه بالمرة تكفون الله يسعدكم
ابيه بسرعة

[همس الرياح]

حبيبتي أنا استعملت الليزر وكان ممتاز
لكن مارح يختفي الشعر من الظهور نهائيا..يطلع بس قليل وخفيف جدا
ولا تظهر بقع داكنه أو يتأثر الجلد..بالعكس..المنطقه نظيفه وكأنها تنظفت بالحلاوه..أتمنى لك التوفيق:smile:

[ياتاعبني]

أنا بسويه :shy:إن شاء الله
وشو أحسن مركز في الرياض مجرب من قبل أخواتي في منتدى عروس

[eeman_b]

بنات اللي تعرف وين يسوون الليزر بالمنطقة الشرقية أو الرياض أو جده تقول لي..


الله يعطيكم العافية..



في أمان الله..:shy:

[بنت ديره]

http://members.tripod.com/~Breanna__/bluejewline.gif


انا اسوي الليز في منطقه الذقن والشارب :pain: بس الحمدالله يطلع لي

خفيف مب مثل قبل وراح اسوي الجلسه اليايه هذا الاسبواع ان شاءالله

العكس الوجه يطلع نظيف وناعم , الاثار علي حسب بشرتج حساسه ولا

عاديه وان شاءالله راح اسوي الايدي واريولي لاني انا من النوع الشعرانيه

ووووايد ..

توكلي علي الله وسويه بس في مكان مظمون
تحياتي
بنت ديره
:smile:

http://members.tripod.com/~Breanna__/bluejewline.gif

[stay_connected]

بنات
بكم سويتو الوجه كامل الجلسات كلها يعني كله على بعضه بجم يطلع عليج


وشكرا لصاحبة الموضوع لانه يهمنا كلنا نعرف:clap:

[deena]

مشكورين وماقصرتو

بنات حبيت اسأل عملتو ليزر بمنطقة الابط

وكم مره بالسنه ترجعي تعملي ليزر ارجو الرد الله يوفقكم:shy:

[ياتاعبني]

مقدر اعطيك سعر محدد
لكن وحده شالت جسمها كللله وهي جسمها صغيرونه ونحيفه
تقريبا ب 10 الآف ريال
عاد شلون انا طويله ومليان جسمي كم يطلع لي :D2
بس هي اللي سواه لها رجل الله يهديها ..مدري كيف خلته يشيلها جسمها كله ....

[ام محمد]

ياليت الي سوت اليزر بالدمام وصارلها سنه من سوته تقولنا وين سوته وش النتيجه وبكم كلفها

بليييييييييز:sad:

[&رفاعية&]

السلام عليكم

بنات انا صار لي تقريبا سنتين مع الليزر بس اشيل وجهي والحمدلله استفدت وايد وفتكيت من الحفاف وبالعكس يطلع الوجه صافي وناعم وبالنسبة للسعر على حسب الشعر اللي في الوجه انا ياخذ علي الدكتور على كل جلسة 15 دينار لان ما فيني شعر وايد :up:
وشكرا لصاحبة الموضوع :smile:

[ام محمد]

الأخت رفاعيه سنتين وانتي تشيلين وجهك بس ! ؟؟ كثير اجل لو بشيل جسمي كم سنه باخذ ؟؟؟؟
وبعدين شنو طبيعه شعر وجهك قبل الليزر يعني شعر كثيف ولا عادي ؟؟
وكم الفتره الي بين الجلسه والثانيه ؟؟

انتظر الرد منك بليز


:z_bye:

[wardyah11]

هلا اختي جويل
اسفه على تاخيري بالرد:pain:
انا سويته عند دلال التركيت
وسويت وجهي كله بخمسين للجلسه الوحده
واذا تبين عنوانها انا حاضر بس تلاقين رقمها بالجرايد صفحة العيادات الخاصه

[&رفاعية&]

هلا اختي محمد
انا الشعر اللي في وجهي قليل بس الشعرة تجيك متينة وخشنة وطويلة وكنت قبل ما اخبي عنك اتأذي في الصالون كل اسبوع لازم اروح اشيل الشعر بالخيط بس... الحين الحمدلله ياخذ لي تقريبا 4 اشهر ما اروح اشيل بس طبعا في البداية كان يطلع بسرعة اكثر يعني كل شهرين اروح بس مع الوقت خف وايد وقامت المدة تطول وقام الشعر اللي يطلع خفيف وايد وناعم وحتى المنطقة تصير ناعمة وخف الشعروايد بصراحة.
اتمنى اني افدتج واي شي انا حاظرة إذا تبين رقم العيادة في البحرين

[جـويـل]

هلا ورديه انا اعرف عيادة دلال التركيت و اعرف وحده مسويه عندها و صج وجه البنت :up: يجنن و الكل يمدح دلال بس انا طبيعتي متردده اسوي ليزر خايفه له مضار بس لما اشوف كلامكم اتحمس بعد فترة أرد أتردد لوووول

[wardyah11]

هلا اخت جويل بصراحه انا كنت خايفه مثلج وترددت وايد:down:
سنتين تقريبا:confused:
بس لمن تشجعت وسويت الليزر بصراحه واااااااااايد راحه:D2
انا انصحج تسوينه

تحياتي:shy:

[خيول الفجر]

اختي انا من السعوديه اذا احد يعرف احد بالمنطقه الغربيه من جدة او مكه او الطائف يسويها يكون حلووو والله راحه

[GHAZALAH]

الأخوات اللي طالبين مكان طيب وموثوق به لازالة الشعر بالليزر في جدة انا اقولهم على مستشفى الملك فيصل التخصصي بجدة عند الدكتور محمد قاري انا لي سنتين من بدأت اشيل شعر وجهي والنتيجة ممتازة ولله الحمد انا في البداية كنت اشيل كل ستة اسابيع الآن كل ستة اشهر والحمد لله بشرتي تحسنت عن اول كثير وماله اي آثار جانبيه طالما اتبعت تعليمات طبيبك وابتعدت عن التعرض المباشر للشمس واستخدمت واقي الشمس اتمنى اكون افدتكم.

[كونان]

انا سويت ليزر حق ريولي وكل شي تمام:up:

[Miss.B]

بنات الكويت منو احسن وحده غير دلال التركيت ؟؟ عيزت و انا ادق على عيادتها بس محد يرد !!!

[red-eye]

انا اشيل وجهي وتحت الابط والنتيجة:up::up:روووعة خف الشعر واااجد



وانا سويته في الرياض في السعودي الالماني



رفاااااااااعية اذا ما عليك كلافة ممكن رقم العيادة:smile:

[امــــوره]

انا بعد مسويه ويطلع الشعر خفيف وغير عن قبل .............بس تحملي المكان اللي فيه شعر خفيف من الاصل لا تسوينه ترى بيزيد عندج :up::up:

[جــوري]

والله شجعتوني اني اسويه لاني كنت متردده

واخواتي اللي سألوا وين يسونه بمكه اوجده انا اعرف عياده الصيرفي بمكه بس اسعاره شوي غاليه لكن في الليزر ما عندي اي معلومه على السعر ........

[الجادل]

احسن ليزر بالكويت عند ثلاثة




احمد رشيد في بوشهري كلينك



ودلال التركيت



وقنال الصايغ

[Miss.B]

الجادل مشكورة حبيبتي :smile: بس تصدقين ثلاثتهم مو قادرة احصلهم



دقيت على عيادة رشيد قالولي اللي تسوي الليزر توها والدة كلمينا بعد شهرين عشان نعطيج موعد يعني شوفي متى يصير دوري .. قنال الصايغ و دلال التركيت اطلعت رووووحي و انا ادق محد يرد بعياداتهم !!!!


قلت خيرة يمكن ربي بيحفظني بعد ما تدرين ..

[فوانيس]

:smile:

أفضل الطرق لأزاله شعر الوجه الآن الليزر

و لازم يستخدم كريم الشمس عشان ما تطلع البقع

أنا اسوي ليزر من 4 سنوات

و بمنتصف هذي الفتره حملت:o

فإضطريت أوقف الجلسات

على الرغم انه المركز قالولي بإمكانج تكملين جلساتج من الشهر السابع لانه عندهم زبونات حوامل عادي و يسوون ليزر بالأشهر الأخيرة
بس أنا خفت:rolleyes::pain:

فظليت يمكن سنة كاملة ما سويت ليزر و لا حفيت الحمدلله

و حاليا كل 6 شهور اسوي ليزر مره:cool2:

[serenity]

انا سويت و ما نفعني وايد... صحيح الشعر الخشن راح نهائيا,, لاكن الشعر الناعم زاد و صار يتعبني.. و متردده اسوي مره ثانيه لاني اخاف تطلعلي عله ثانيه :(

[صعبة المنال 55]

يا اختي ودي استفسر عن دكتورة جلدية تسوي كويس ليزر للوجه لاني تعبت من كثر ما اشيل دلوني على وحدة شغلها حلو ..

[دارين1]

(f) سلام عليكم أخت domoo 3 أنا قريت علي سؤالك عن اليزر وجهاز الجنتل ليز وحابه أقولك وعن تجربه شخصيه إن عيادات جويل بجده هي المحل المناسب يالي تسوين فيه إزالة الشعر بليزر وتنعيم البشره وعندهم كمان أجهزة تخسيس مره رائعه وتفتيح بشره وأنصحك تروحيلهم ومكانهم بحي الرضه غرب كوبري المربع فوق البنك السعودي الهولندي هاتف
يمنع وضع ارقام الهواتف على العام