الصراصير ملعوزتني تكفووون أبي حل

[شجـــون]

مرحبا ..

حبيباتي الموضوع معروف من عنوانه .. أبي مبيد قوي للصراصير :pain:.. عندي في بيتنا صراصير من النوع الصغير مو الكبار كأنهم في حجم النمله وأكبر شوي ، إستخدمت معاهم كل أنواع المبيدات ولا نفع .. جبت شركة للرش بالمبيدات وبعد رجعوا في نفس اليوم طلعوا لا وإنتشروا ووصلوا في بعض الغرف يعني إنتشارهم مو طبيعي بالمره .. تصدقون ..:down:

شالحل معاهم اللي عندها حل تقوللي تكفون :pain:

[أم حميد]

اختي استخدمتي بف باف ؟

سيري الجمعية وبتحصلين شرات البودرة تنثرينها على اطراف الغرفة ..


اتمنى اكون افدج



اختج

أم حميــــــــــد

[نوران الكويت]

السلام عليكم ورحمة الله وبركاته
اتصلي بالشركه تنظف لكم البواليع كرمج الله او اغسلس الحوش والحمامات والمطبخ او مسحهم بماء وبعض الجاز ريحته تطفش الصراصير
من فتره غسلنا مطبخنا بماء وجاز عشان كان مصبوغ وحبينا شي يشيل بقع صبغ على الكاشي اول ما غسلناه لقينا بواليع الحوش كرمج الله تطفح صراصير :D2 اثاريه من ريحة الجاز القويه اختنقو:D2
بس لا تكثرين ولا تقربينه يم مكان فيه نار لو مره بالاسبوع بس مساح :up:

[شجـــون]

مشكورره عزيزتي على الإفاده والمشاركة

بس أحب أقولج أني إستخدمت البودره اللي تنباع بالجمعيات تصدقين أختي ولا فادت حتى المبيد الإسبراي أرشه عليهم ولا يموتون !! :pain:

بس بجرب طريقة الجاز انشالله تنفع

ومشكوووره

واللي عندها تجربه تشارك معانا

[النوري]

والله حلول مفيده.

[ام لولوة]

السلام عليكم ورحمة الله وبركاته....

الله يعييييييييييييييييييييييي ييينج أختي ...

عاد انه اكررررررررررررررررررهه شي اسمه صراصير ..

تلووووووووع جبدي منهم ولا شكلهم كرررريهه والله لو اجوف واحد صغير في غرفتي انه ما ادشها و لا ارقد فيها ...

أختي اذا اثاث المبطخ خشب انصحج تغيرينه و تسوينه المنيوم ووقت ما تشيلينهم من المطبخ اتصلي في هذلين مال المبيدات و ايون يرشون البيت كامل و كذلك الحمام و ان شاء الله راح تفتكين منهم ...

الله يعينج عليهم :cry: :cry: :cry:

تحياتي لج اختي ..

[حلم السنين]

السلام عليكم ورحمة الله وبركاته
اختي شجون لقد قرات كل ماكتبوه واقول لك تجربتي بالقضاء على الصراصير حيث انني عانيت منها كثير
1 احضري محلول سائل اسمه بايجون يباع بقوارير بالبقالات وانتبهي عند استخدامه بلبس كفوف بيديك ومن المفضل ترك البيت يومين بعد ان ترشيه بجميع بواليع البيت بما فيها فتحات غرف الغسيل ان وجدت
2 قبل ذلك احضري بخاخ ريد القوي الذي يدوم لعدة اسابع وااعابة انبوب اصفر طويل يمكنك ان تدخليه بجميع الشقوق والفتحات بامطبخ او الحمام ورشها بهذا المبيد قد تحتاجي 12-15 علبه حسب كبر المطبخ والحمامات 3 3 البسي كمام وكفوف والبسي شخص اخر معل الخادمه او زوجك او اخوك وابدءو عملية الرش بريد بعد ان تفضو جميع الدواليب بالمطبخ وتحاولي تركزي على كل شق اوفتحة تجدينها حتى لوكانت فتحة قفل دواليب المطبخ ان وجدت وان كان بالمطبخ طاولة طعام رشي اسفلها وبجميع زواياها من الأسفل وجري الجاز ونظفي حوله وان كان يعمل على الكهرباء ادخلي انبوب ريد بالفتحات من الداخل ورشي .
4 شوفي كل الأماكن الدافئه بالبيت رشيها لان الصراصير تحب الأماكن الدافئه وتضع البيض فيها للتكاثر هذا من واقع تجربتي اثناء الرش اكتشفته مثل تحت احواض الزرع اوتحت الأدوات الكهربائيه التي تعمل ليل نهار مثل المحولات الكهربائية
5 هذه العملية قد تأخذ منك النهار كله من الصباح للعصر ثم صبي بايجون بالمجاري وافضل غادري المنزل على الأقل 24 ساعه ثم ارجعي المنزل وكنسي واحصدي الصراصير وشوفي النتيجه
6 حتى خلف الكنب بالمجالس خصوصا المستخدمه دائما او غرف الطعام رشي جميع السجاد في زوايا الغرفه هذا المبد ريد يدوم لعدة اسابيع ستجدي انشاء الله الصراصير بعد كده تموت لحالها كلما مشت هناك
7 يبغالك تطولي بالك ذلك اليوم وترشي باتقان ولا تنسي الكمام واذا في احد عنده حساسيه او عندك طيور او سمك افضل اجعليهم يغادرو المنزل قبلك
انا سويت كده والحمد لله قضيت عليهم ملرات بالليل اجد واح او اثنين من البواليع والله اعلم ومرات بلاقيهم ميتين من اثر الرش
8 بعد ذلك رشي بالبوالي كازلعدم رجوعها

[شجـــون]

مشكورين كلكم خواتي الغاليات

أختي حلم السنين مشكوووره كثير على الشرح المفصل تعبتج معاي ،

المهم أقولج من فترة أسبوعين او 3 تقريباً جاو عندي شركة رش المبيدات

ورشوا شقتي كلها وطلعنا منها حوالي 3 ساعات ولما رجعنا لقينا الصراصير منهم الميتين ومنهم الحيين اللي ماماتوا ، تصدقين حتى المبيد القوي ماقدر عليهم ، ولي حد ألحين أحس إن ماتغير شي هذا الحال ماتغير ، أقولج عندهم مقاومه للمبيد عجيبه وغريبه ..

أخاف أختي أرش من جديد المبيدات اللي بالجمعيات مع بايجون ، وتضرنا ..!
شالحل والله الواحد منا يخاف من تأثير هالمبيدات على الإستنشاق والصحة الله أعلم شتسوي لما نشمها .. يعني أحنا اللي بننضر والصراصير بعدهم ..

يلله الله كريم ..

بس خواتي اللي عندها تجربه مفيده بعد لاتبخل علينا ..

والشكر موصول للجميع

مع تحياتي ..:up:

[طيووف]

عااااااااد أأأأأنا أأأموت ولالالالا أأأأأأشوف



صرصور :confused::confused:

[ومضه]

بسم الله الرحمان الرحيم\\\\\\الى الاخت الحايره من الصراصير في دواء فعال جدا للصراصير ينباع عند الشركات الي تنظف المنازل على شكل ابر تتوزع على جميع ارجاء البيت\في كل زاويه\وعليه ضمان لمدة سنه\ إن :up:شاء الله تستفيدين منه

[جود الأخلاق]

نعمممم أنا مع الأخت حلم السنين ...

ملعقة وحدة من بايجون بالبلاعه الله يكرمكم .. وتطلع كل صرصير البيت متصرعه ..

وجهزي المكنسه الله يعينك على لمهم ....

تحياتي ،،،،

[جلينار]

عندي لج حل رخيص ومميت للصراصير والزواحف


جيبي كاز وصبيه في البواليع الخارجية والداخلية والله انج بتشوفينهم صرعى على الارض .


هذا الشي انا جربته وفادني الحمد لله وايد .. لاشركة تنظيف ولا خرابيط .. بس اذا حطيتي كاز لازم تطلعين من البيت لان ريحتة قوية

[الهندباء]

السلام عليكم ورحمة الله وبركاته
جربت أختي هذه الوصفة ونجحت معها وقد حصلت عليها من أحد المنتديات

الوصفه هي:

1 علبه حمض البوريك borik acid ويوجد في الصيدليه .
نصف كوب حليب بودره
نصف كوب سكر مطحون

طبعا تخلطوا هادي المقادير مع بعض وترشوها في زوايا المطبخ بخط رفيع وفي زوايا خزانات المطبخ وزوايا الحمام وكل مكان ممكن يكون فيه صراصير .
بعدين بعدها بتقريبا 4 ايام والله والله ما راح تشوفي ولا صرصور ولا حتى راح تشوفي الصراصير الميته عارفين ليش؟

بس خلي المسحوق لمده اسبوعين وبعدين كنسيها بالمكنسه العاديه.

وأتمنى تفيدكم

[zishto]

مافي على بيت جدتي في الصراصير
مملكه الصراصير في بيت جدتي .. تلاقين هناك كل انواع واحجام الصراصير.
الحين ما عندهم ولا صرصور وطريقه بسيطه
خلي شركه المبيدات تجي ترش لكم او انتي اشتري مكينه رش ومبيد ورشي بروحج.
عقب اسبوع ردي رشي البيت كامل وهكذا لين ما تلاقين ولا ربع صرصور.
اذا عندج مطبخ خشب غيريه لأن مهما رشيتين بترجع الصراصير.
حافظي على المكان جاف لأن الصراصير تحب الرطوبه.

[جـويـل]

مافي مثل الجاز :D2 تأكدي من ان ما عندكم فتحات في البيت تطلع منها الصراصير .. واذا في فتحات بالديكور او الطوف او البيبان حاولي تسدينها لان الصراصير تعيش بالفتحات او انها تجي من بواليع الشارع قدام بيتكم

[جـويـل]

بعدين شركات التنظيف اكبر نصابين والله شكثر ناس جابوهم و الصراصير قامت تزيد :down:

[ام دواس]

السلام عليكم ورحمة الله وبركاته اختي شجون عندي طريقه جربيها ولا تستغربين لا صديقتي كانت عندها نفس المشكله شوفي اختي اول شي روحي الى صيدليه البيطريه واشتري دواء الجرب مع علبه رش ورشي على مناطق الحواف في البيت وانتظري وراح تدعيلي

[ام دواس]

السلام عليكم ورحمة الله وبركاته اختي شجون عندي طريقه جربيها ولا تستغربين لا صديقتي كانت عندها نفس المشكله شوفي اختي اول شي روحي الى صيدليه البيطريه واشتري دواء الجرب مع علبه رش ورشي على مناطق الحواف في البيت وانتظري وراح تدعيلي :up:

[الهندباء]

السلام عليكم ورحمة الله وبركاته

أختي العزيزة يوجد حل يدرسونا في المدارس للتخلص من كائن ضع معه عدوه الطبيعي للحفاظ على البيئة وأنا عندي قطه صياده ماهره ما تخلي حشرة تلوح في المكان إلا طارتها وقتلتها
ولذلك أنصحك بتربية قطة صغيرة سوف تخلق لك جو من المرح في البيت وبعد سوف تخلصك من الصراصير

شو رايج