النيل لتبييض العرايس في الامارات [الأرشيف]

سود العيون

13/03/2004, 08:49 PM

السلام عليكم يا بنات المنتدى ...

المعروف في الامارات .. انه العرايس قبل العرس .. يحطون نيل .. على جسمهم عشاان بيبيضن ...
وانا اابا احط نيل .. عشاان .. ابيض لا نه عرسي جريب ..

فلو اي وحده عندها فكره عن هالموضوع .. ؟؟ بليييييييز .. لا تبخل عليي ..
وابا اعرف .. من وين يشترونه ..وكيف يسوونه ويحطووونه؟؟ ..

:smile::smile:

بليز لا تبخلوون علي.. بالرد .. واللي ما عندها فكره .. ترد ع الموضوع وتقول انها ما تعرف

Girl

14/03/2004, 05:57 AM

هلا الغاليه :shy:

اول شي مبروك على الزواج والله يهنيج يارب :smile:

النيل يبيعونه عند العطارين..اسأليهم وهم بيعطونج..شي نوعين بودره وشي مثل الحجر..اختاري البودره لانه مطحون...وتقدرين تقولين له يحط وياه خلطات مثل الصندل والكركم واشياء بعد وعقب تخلطين وياه ماي ورد قبل ماتسبحين وتفركين فيه جسمج تقريبا ربع ساعه وبعدين تغسلين جسمج بصابونة تبييض والصابونه هم يبيعونها بعد بتشوفين لونه الكرتونه خضرا والصابونه دائريه...اذا كنتي من الشارجه سيري السوق الجديم وين صوب العطارين وهم يعرفون بهالسوالف

اتمنى اكون افدتج

:smile:

حـــــــــواء

14/03/2004, 08:34 AM

:x_hello:

انا بعد عروس وعرسي قريب واستعمل نيل جربتة مرة وحده وحسيتة حلو للجسم :cool2:

انا اييبة من عند العطار مثل ما قالت Girl واحسن شي تاخذينة مطحون
انا استعملت معاه الكركم بس وخلطهم بالماي بس اتوقع ماي الورد احسن ابوايد

انا ما استعملتة مرثانية علشان صرت زرقة :D2
ما عجبني شكلي :pain:

وانا استعمل الحين شي ثاني استعمل السدر المطحون مع صابونة مبيضة باشرتنها وخالطتنها مع السدر واتسبح واتفرك بالسدر مع الصابونة كاني اغسل بالصابونة :cool2: شو رايج مو اسهر بدل ما تصيرين زرقة من النيل او صفرة من الكركم :cool2:

حــــــــــــــواء :shy:

سود العيون

14/03/2004, 07:00 PM

girl
مشكووره اختي عالرد .. واذا ما فيها كلافه ممكن تسمين لي كم صابونه تبييض ..

مشكووره حواااااااء عالرد ... حليلج .. استويتي زرقه .. يالله ما فيني اعيب .. واستوي اخس عنج .. اخاف استوي بنفسجيه مب زرقة ..
:D2

عبق المسك

14/03/2004, 07:14 PM

السلام عليكم ورحمة الله وبركاته>>>>>>>>>>لكل من يقرا
أولا : ألف ألف ألف ألف مبروك وبارك لكٍ وله وجمع بينكما على الخير والحب والرحمه والموده ورزقكم الذريه الصالحه إن شاء الله تعالى....:shy:

الحبيبه - معروف النيل + الورس أنهم يبيضون بس يبغي حمام مغربي في كل أسبوع مع عمل تدليك للجسم بزيت اللوز المر يصبح الجسم مثل الحرير.
لحبيبه -
بتحصلينه في سوق العطارين - دبي في الراس بجلنب سوق الذهب
ابوظبي السوق القديم - الشارقه سوق القديم.
:up:
اتمنى لك السعاده
...(u) مع حبي

Noura

14/03/2004, 07:20 PM

أختى النيل من زمان يستخدمونه العرايس وهو فعلا يبيض بس عقب الإستخدام تستخدمين منظف أو مزيل مكياج ممكن بيبي لوشن الوردي وتنظفين آثر الأزرق بس على فكرة لازم توقفين قبل العرس بأسبوع على الأقل عشان تطلع كل الآثار الزرقاء نهائيا.... والله يوفقك

زبرجدية

14/03/2004, 07:34 PM

ألف مبروك

كم الفترة اللي لازم تستخدمي فيها الخلطة علشان تبان النتيجة؟

مشكورين

موووت المشاعر

14/03/2004, 07:41 PM

ألف ألف مبروووك ع العرس....عسا الهنا فدربج ياارب...

الخواات كفوا ووفوا....:clap: :clap: وفي رايي انج تيربين النيل.....وماعليج من اللون....مسرع يخووز من جسمج........ولاتنسين تلبسين قلوفز(قفازات بلاستيك) عسب ظفورج مايصبغن بالازرق.......

واتمنى لج التوفيق ختيه....:up:

b6b6

14/03/2004, 07:49 PM

السلام عليكم الغاليه...
حبيت أهنيج وأقولج مبرووك وعسى السعادة ماتفرق شفاج انشاء الله
حبيبتي ...
أنا شفت أختيه قبل لا اتعرس تفرك جسمها بنيل وبكركم....
وفي أخوات نصحوها بهذا انها تستعمل سدر بس الفتره الي كانت تستخدم النيل اتغيرت وااايد وصارت أحلى وأحلى .....
خليج من الشكل أول الأيام بس المهم النتايج بعديين ....وتسلمين حبيبتي...:smile:

سود العيون

14/03/2004, 08:42 PM

عبق المسك

مشكووره اختي عالرد .. بس حبيت اسألج .. انا عرسي شهر 7 ؟. بس ناويه ابدا من احين .. اغير في شكلي .. واعدل من عمري .. حق العرس ؟؟ انتي شو راييج .؟؟ ولو عندج نصايح ؟؟ ولا خلطات .. ممكن تفديني ؟

noura

مشكوور ه اختي عالرد .. وانا اصلا كنت ناويه .. اوقف قبل العرس .. باسبوعين .. عشاان .. افضي عمري .. واريح من نفسيتي شوي :up:

زبرجدية

الصراحه انا ما اعرف كم يباله .. عشاان تظهر النتيجه بس انا ناويه .. ابدا من احين

موت المشاعر

مشكوره اختي ع النصيحه .. اتصدقيين هالشي راح عن بالي :up:

b6b6

تسلمين الغاليه .. عالرد .. يعني انتي تشوفين انه النيل اوكي .. :up:

موزة الحبوبة

26/03/2004, 06:05 AM

ما شاء الله عليكم انا كنت اسمع يدتي تقول

النيل و الكركم و الورس حق العرايس يدهونهن و يقادن بيض.......

دهن عود معتق

26/03/2004, 12:38 PM

مشكوررررررررررررررررررررر ات على النصائح

وانا بعد باستخدمه(r) :yes: :gum:

اماراتيه

27/03/2004, 01:22 AM

موزه الحبووببه ..
مشكووره اختي عالمداخله:clap:

دهن عود معتق ..

مشكووره اختى عالمشاركه

بنت ديره

27/03/2004, 01:54 AM

أول شئ مبروك :smile: والله يهنيج ان شاءالله ..

علي طاري النيل شوف اختى قبل ما تعرس استخدمت النيل كانت تدهن

جسمها تخليه وكل يوم تدهنه زيااااااااده حطي وياه اشوي زيت زيتون

عسب يوم تتسبحين يخوز بسرعه و عرسك في شهر 7 لو تبدئين من

الحين احسن يعني استخدميه شهر 4 و 5 شهرين بالضبط وشهر 6 ابدئي

بحمامات المغربيه كل اسبوع مع مسكات الصندل والكركم ..

بتحصلين ا لنيل عند سوق الدويات صوب سوق الذهب

مبروك مره ثانيه

تحياتي
بنت ديره
:shy:

مزيونة الفريج

28/03/2004, 05:13 AM

x_hello:
السلام عليكم ورحمة الله وبركاته
أول شي أحب أشكر كل من يشارك في هالمنتدى او بالاحرى الموسوعة الاكثر من رائعة من مشرفات وعضوات واتمنى تقبلوني عضوة يديدة معاكم ..........

ادري طوووووولت عليكم ..... ستحملوني شوي هاي أول مشاركة ليواتمنى تنفعكم

بالنسبة للخوات إلي يسألن عن النيل ... بصراحة أنا جربته قبل عرسي بشهرين وكنت اخلط النيل مع الكركم وأفرك فيه جسمي كله فالليل وانام فيه للصبح وبعدين أغسله بصابون عادي بس يفضل لو تستعملين الصابون الي يبيض وهو يخوز بسرعة مع الماي بس يباله شوي فرك بسيط وبعدين أفرك جسمي بزيت اللوز خاصة المناطق الداكنه ............
بصراحة فاتكم ما شفتوني كيف صرت غديت كأني ليت من البياض :up:

وسلامتكم

أتمنى اني اكون نفعتكم بهالمعلومه

*خوالي*

28/03/2004, 07:39 AM

اختي سود العيون
ألف مبروك والله يكملج على خير

الأخت مزيونة الفريج
يعني الجسم يرجع مثل ما كان والبياض يروح

شو رايكم أسوي الوصفة مال النيلة وأفاجئ بو العيال عقب 19 سنة زواج
واستوي عروس مثلكم:D2

موفقين انشاء الله

ღ ميمي قطر ღ

30/03/2004, 06:49 PM

مشكورين حبيباتي على الأفكار :up:

الملاك الحزين

22/09/2004, 11:15 AM

السلام عليكم ورحمة الله وبركاته

:eek2:

احب عيمان

24/09/2004, 12:45 PM

انا بعدني ما بعرس ولاشي

عادي اتسخدم هالخلطه ؟؟؟؟؟

والا بس حق العراس

؟

rawaan

24/09/2004, 01:37 PM

حبيبتي كيف المقادير يعني يكون كمية الكركم نفس كمية النيل والورس ولما أحط عليه ماي الورد تكون الخلطة غليظة ولا سايحه؟
وشاكرة لكم التواصل

طيووف

24/09/2004, 02:39 PM

:shy:

tiny

25/09/2004, 09:11 AM

السلام عليكم ورحمة الله وبركاته

حبيباتي صابونة التبييض كيميائية ولا طبيعية الصنع وهل لازم استخدمها ولا ؟؟؟

عروسة بدو

25/09/2004, 10:11 PM

السلام عليكم ورحمة الله وبركاته

ما شاء الله تبارك الله

والله فوائد من وراكن يا الحبيبات

الله يبارك لكن وعليكن يا رب

((( ادعو لي ترى قرّب موعد العرس )))

foodi

27/09/2004, 10:20 AM

مشكورات على هالموضوع الحلو و المفيد

الشمعة المضيئة

02/10/2004, 01:17 PM

بنات رجاء جاوبوا على اسئلة روان و تني

وشكرا :smile:

إبنه رجل

09/10/2004, 03:35 AM

ممكن تقولون لنا التفاصيل اكثر ...

زواجي بعد 3 شهور

النيل مطحون ... والورس والكركم .... كيف الكميات اخلطهم بزيت او مويه ورد

رجاء احد يرد

نسايم دلع

13/01/2009, 10:34 AM

بنات تسلمو عالموضوع الروعه بس بغيت اسأل سنو الورس؟

ايمان رؤوف

13/01/2009, 11:51 AM

اهلين انا عرسي قرب واب اعرف اشياء لتبيض الوجه و تبيض الجسم بليس

ايمان رؤوف

13/01/2009, 12:01 PM

وين ممكن القي الردود ممكن تساعدوني

ღاحلاهمღ

13/01/2009, 04:12 PM

النيل والورس وشو هو نبات عشب طبيعي ولا وشو؟؟؟؟؟؟؟؟
مايضر الجسم ؟ عادي استخدمه للاماكن الحساسه والوجه؟؟
ردو على اسالتي لاتطنشون