مشاهدة النسخة كاملة : غسيل الشعر يوميا هل هو مضر؟؟
ريم البحرين
13/03/2004, 06:03 AM
السلام عليكم ورحمة الله وبركا
اخواتى العزيزات اعضاء المنتدى احترت واحتار دليلى :down::down:
انا قريت كثير مواضيع عن تكثيف الشعر وعزمت التوكل على موضوع الحلبه
وقلت راح اجربها بس هذى الخلطه لازم يوميا احط حلبه فى شعرى
بالنسبه لى مافى اى مشاكل بس فى شى اخر ان الكل يجمع على غسل
الشعر يوميا مضر جدا بالشعر،،،، فانا ابى شوركم وش اسوى زواجى قرب
وابى احد يعينى شاسوى ماعرف هل اتوكل واسويها يوميا واغسل شعرى
يوميا ولا شنو الحل الاخر
العين الساحرة
13/03/2004, 06:25 AM
شوفي حبيبتي انا عندي خلطة عجيييييبة تكثف وتوقف التساقط والله انها عجييبة انا امجربتها وشعري كان يتساقط والحين صاير روعة وما فيها اي ريحة وهي:
جرجير ملء قبضة يدو استكانة زيت زيتون ساخن مرتين او ثلاث مرات في الاسبوع والوقت متاح بس ما يقل عن نص ساعة
وادعيلي
3athra
13/03/2004, 07:17 AM
استخدمي الزيوت بانواعها مثل زيت الزيتون والخروع وزيت اللوز مع عمل مساج بسيط ولا تكثري من الشامبو لانه ينشف الشعر
ريم البحرين
13/03/2004, 10:55 AM
شكرا على التواصل يعنى الراى مو كويس يوميا الشامبو صح
خسارة كنت محتمسه يوميا احط الخلطه
bent_elnoor
15/03/2004, 09:52 PM
السلام عليكم ورحمة الله وبركاته
اذا كنتي تستخدمين شامبو للاستخدام اليومي فمافي ضرر ان شاء الله
انا اغسله يو و ترك و الحمدالله شعري احسن من الاول
سندريلا المشاكسه
15/03/2004, 10:01 PM
..العين الساحره يا ليت تقولي طريقتك بالتفصيل الممل..:D2
وشعرك سار كثيف ولا شويه.. ومتى بان؟؟
ريم البحرين
16/03/2004, 10:15 AM
خلاص اجل كل يوم بسوى الخلطه والتوكل على الله
هبة المهندسة
05/02/2008, 11:46 AM
رجاء ساعدوني لان شعري صارله شهر يتساقط بطريقة تبكيني لانه كان طويل وكثيف والان يتساقط وخفيف ساعدوني الله يوفقكم اريد اسهل وصفة للتطويل وعلاج التساقط
هبة المهندسة
05/02/2008, 11:50 AM
مرحبا يا بنت النور الله يوفقج فيديني بوصفة سهلة ومضمونة لتطويل الشعر واريد اعرف ما هو الجرجير انا من العراق اذا تسمحين شنو اسمه باللهجة العراقية
هلا اختي ريم
نصيحة لاتحطين اي خلطة او اي زيت بشكل يومي جذيه راح تجهدين فروة شعرج المفروض تعطينه فترة راحة ويتنفس مب كل يوم تحطينها .. هاذي شغله .. الشغله الثانيه .. في ناس شعرهم دهني ويحتاجون يغسلون شعرهم كل يوم يعني على حسب نوعية الشعر اذا يحتاج كل يوم او لا انا اغسل شعري يوم وترك ودايما ارطبه وماغسله بس بشامبو يعني قبل لا اتسبح احط فيه كريم واسوي مساج ومره احط زيت ومره سدر وماي الزعتر واذا ماحطيت قبل لا اتسبح شي احط بسلم او ماسك مغذي او حمام زيت بس على شعري من تحت الاذون ونازل يعني رطبي شعرج قبل او عقب ماتغسلينه والخلطات والزيت خليها 3 مرات بالاسبوع
وكل وحده وطريقتها ونوعية شعرها اكيد تعرف شنو اللي يناسبه اكثر وجم مره تغسله
تحياتي لج
انا شعري دهني واغسلة بالشانبو كل يوم
بس اوقات اعطيه راحه يعني يوم بعد يوم اغسلة
لانو الدهون والزيوت التي يفرزها الشعر مفيده للشعر
وهذا رابط عن عسل الشعر يوميا
http://go.3roos.com/pxYO8BBxoCB
واتنمى اني افدتك بشي