مشاهدة النسخة كاملة : كريمااااااااااااااااااااا اااااااااااات
فتون الكويت
02/06/2002, 05:28 PM
مراحب على الموجودين
ابي من البنات الحلوات طلب
انا لما اروح حفلات عروس
القى بعض البنات كريمهم الاساس قمه
ويلمع ويلق
ولما اسالهم يقولون كم كريم اساس ونخلطهم مع بعض
فالله يخليكم اللي تضع خلطة كريمات اساس حلوه تخبرني
لان وراي حفلات ومكياج الصالونات مايناسبني بالمره
اختكم
فتون الكويت:confused:
مـــــــزون
02/06/2002, 07:22 PM
مرحبا فتون ..
والله يا فتون انا كان عندي وللحين يمكن نفس سؤالك
اشوف اساس البنات روعة ولايق عليهم ومخلي وجوهم مررررررررره ناعمة ولما اسالهم اكثرهم يخلون اساسين
يعني اساس فاتح اول شي وبعده اساس اسمر شوي
ويطلع الوجة صافي وناعم مررررررررررررره
انا جربت كذا وفعلا صار اوكي بس احس اني للحين ما طحت على الاساس المناسب لوجهي :confused:
بس انتي جربي اساس فاتح وبعده غامق بس بدرجات افتح واغمق من بشرتك
يعني اللي يناسب غيرك يمكن ما يناسبك
اتمنى اكون افدتك عزيزتي
بااااااااااااااااااااااي ..
فتون الكويت
03/06/2002, 11:16 AM
مشكوره على الرد يا اختي
بس انا ابي خلطة كريمات اساس باسمائها
تخلي الوجه ابيض وصافي ويلمع
اختكم
فتون الكويت
شوفي عزيزتى أنا أقوم بهذه الخلطة بس لما تكون عندي سهره يعنى هذه الخلطه ما تنفع الا للسهره أما في النهار طبعاً يكون غير عزيزتي أنا للسهره أخلط كريم أساس من ماكس فاكتر يعنى درجة أفتح من بشرتى وبعدين درجة أغمق من بشرتي وأمزجهم بنسب متساويه وشوفي أنتي عاد شو يطلع رهيييييييب بس لا تنسين في أخر خطوه قبل وضع البلاشر والروج بأن تضعي البودره وياليت تكون أفتح من لون البشره بدرجة واحده فقط كي لا يكون هناك تضارب في الدرجات وياليت عندما تريدين تشتري كريم أساس جربيها علي جبهتك أو خدك وليس علي معصمك لان بطبيعة الحال يكون اللون مختلف أنشاء الله أفدتك عزيزتي:o :o :p :o :o
فتون الكويت
03/06/2002, 03:39 PM
مشكوره اخت مريم
بس شنو البودره اللي تستخدمينها
وهل يطلع كريمك ابيض يلمع
بعدين انا ابيه للسهره طبعا لان مكياج النهار مقدور عليه
اختك
فتون الكويت
فتون الكويت
03/06/2002, 03:42 PM
انزين يا حلوات
شنو فايدة انه يكون كريم افتح واغمج شنو الحكمه
اختكم
فتون الكويت
عروس قديمه
03/06/2002, 04:20 PM
انا افضل كريم اساس نينا ريتشي..
لكن نازل الحين كريم اساس لامع من لانكوم....بكذا درجه...
روح الورد
10/06/2002, 01:41 AM
شوفي حبيبتي الطريقة اللي أستخدمها مع أني لحد الحين ماني راضية عن كريمات الأساس حقتي
لكن بعلمك ليش الفاتح والغامق
أنا وجهي تقريبا مدور وبشرتي من النوع المختلط فأحط كريم من جيرلان أغمق من لون بشرتي بشوي على الخدود وجبهتي أنفي والذقن لأنهم دهنيين أحطلهم من جيفينشي كريم أساس للبشرة الدهنية أفتح من لون بشرتي بشوي
وبعدين أحط بودرة من بودي شوب أو من هيلينا روبنشتاين بودرة سائبة وأثنينهم حلوين
تطلع البشرة مصقولة وحلوة حتى أنا انبهرت من النتيجة
وبعد نسيت لا قولكم أني توني شارية خافي عيوب من ايف سان لوران رهيب أحطه تحت عيوني وجوانب الأنف والفم (هذا الخافي ممتاز)
انشا الله أكون أفدتك
مع محبتي
فتون الكويت
10/06/2002, 10:20 AM
مشكوره
روح الورد
جزاك الله خير
اختك
فتون الكويت
هاي / آحلي شئ للأعراس روحي أخذي شارمل وأنتي مغمضه بس ديري بالك فى درجات مو أي درجه تطلعك حلوه خلي أحد يروح معاك ويختار لكدرجة تناسب وجهك / ولا تصلح للأستعمال يومي ابد لأنها ثقييله بس جد رووعه @ بس قبل العرس بجم يوم شدي حيلك بالمسكات العسل والروب ولما تجي المناسبه حطيه وادعي لي جد بتدعين لي غصب من حلاته:093::093: مو بكيفك ويارب فدتك عزيزتي الغالييه:p
أم مريم
15/07/2010, 05:26 PM
أختي انا اللي مدحوه لي البنات بالمنتدى كريم شيسدو دبل وير
طلع موووو حلو بالمره ما عجبني طقة ماكس فاكتور والله
اللي يمدحونه و الكل ماشين عليها و على قولة الاختfjor
شارمل روعه للوجه بس للمناسبات(ثقيييل و قوي و ألوانه صارخه,طبعاً قبله تأخذين بيس من شارمل راح يطلع روعه)
و إذا تبين غيره عندج كريولان الالماني.. الرعاص مو الجامد..
و الله يوفقج و الكريمات و كل شي حظظظظ و نصيييييب
كيكه قطرية
15/07/2010, 05:55 PM
حبيبتي انا ما استخدم كريمات اساس لان بشرتي دهنيه والكريمات تدهن بشرتي .. انا اخلط البودرات مع بعض .. يعني احط بودره كانيبو واحط فوقها بودره ثانيه من كانيبو بس بدرجه ثانيه .. واحط بلاشرات كريميه يعني اتحكم باللون ..
ومرات حق الاعراس احط بودره بن ناي مع بودره ماك واحط فوقهم كانيبو ..
وحق الطلعات الخفيفه احط كانيبو وشانيل مع بعض ويطلع اللوك ناعم ..
يعني انتي اخذي كم بودره ع لونج واخلطيهم والعبي بالبلاشر اخر شي ..