مشاهدة النسخة كاملة : شعري( بليز ساعدوني)
_مريم
09/02/2004, 03:23 PM
مرحبا بنات
المشكله في شعري انه طويل والحمد كثيف بس هب واليد وبحاول استخدم جوز الهند مع الحلبه سمعت انها اوكي بس المشكله انه مقصف فشوووووووووو اسوي عسب اخفف التقصف منه
بليززززززززززززززززززز بنات ساعدوني
تسلمون
salema
09/02/2004, 05:01 PM
هلا اختي انصحج بالخلطه هذى :shy:
اخلطي ملعقه عسل مع ملعقتي زيت زيتون وصفار بيضه ويخلط جيدا . دلكي شعرك باخذ خصلات صغيره وتدليكها ثم غطيها بطاقيه الحمام واتركيهالمده نصف ساعه ثم اغسليها
إبتسام العمر
09/02/2004, 07:20 PM
هلا اختي مريم ..
اناا مشكلتي كاانت مثلك .. طووويل بس خفييف مرره
ومقصف ..
كل ماالي قلب اقصصه عشاان انه طووويل بس قصيييته
لانه صاار ماامنه فااايده ..
اخاف اقوولش قصييه تقووولي وش تقوول المجنووونه :shy::shy:
استخدمي زيت دابر املا كل اسبوووع شوووي حطيه فييه
اناا قالو الي عنه مرره زين .. ومن بعد مااقصييت شعري بديت احط في شعري يعني بوواصل وبشووف النتيجه ..:shy::shy:
تحياتي ..
حلم المستقبل
10/02/2004, 10:54 AM
وأني شعري خفيف جدااااااااااااااااااااااا اااااااااااااااااا وأمس بدأت خلطة الحلبة مع زيت جوز الهند لأني سمعت أعضاء واااااااااااااااااااااااا اااااااااااايد يمدحون فيها إنها تنفع للتقصف ولتكثيف الشعر وإن شاء الله أستفيد عليها يارب وبقول لكم النتايج .
جربيها وبالتوفيق
الفارسيه
10/02/2004, 11:00 AM
كاتب الرسالة الأصلية : _مريم
مرحبا بنات
المشكله في شعري انه طويل والحمد كثيف بس هب واليد وبحاول استخدم جوز الهند مع الحلبه سمعت انها اوكي بس المشكله انه مقصف فشوووووووووو اسوي عسب اخفف التقصف منه
بليززززززززززززززززززز بنات ساعدوني
تسلمون
عزيزتي اذا بالفعل شعرج تقصف خلاص لازم تقصين الاطراف الي تقصفت كلها يعني شوفي وين نهايه التقصف من الاعلى وقصيه ترى لو تركتيه يزيد التقصف ويعلا لفوج وشكله يكون بالمستقبل منتف
الحمدلله انج تجولين شعرج طويل وكثيف طيب عزيزتي ليش اهملتي قص الاطراف السفليه بين فتره وفتره
لو كنت تهتمين بقص انج واحد كل شهرين ماصار التقصف هذا
الحين عالجي المشكله بسرعه بقص الشعر المتقصف من الاسفل واهتمي فيه
لا تخافين مشكلتج مو عويصه وان شاء الله تنحل :up:
_مريم
17/02/2004, 09:43 AM
تسلمون كل اللي ردوا
انا فكرت اقص شعري بس الوالده الله يهديها هب راضيه بس الظاهر راح اقص الاطراف قريب
salema
اختي تسلمين على الخلطة بس انتي متاكده من النتيجه يعني في احد جربها
بس كم مره استخدمها في الاسبوع
يا ريت تعطيني خبر
تسلمين
الباقين تسلمون ما قصرتوا وبما انكم نصحتوني اقص شعري بقص الاطراف ان شاء الله وبستخدم زيت جوز الهند(دابر املا) ويا الحلبه وان شاء الله يفيد
_مريم