مشاهدة النسخة كاملة : ANASTIM لــتساقط الشعر
الدعاء
19/01/2004, 12:08 PM
السلام عليكم
خواتي العزيزات
في حد مجرب هذا البخاخ لتساقط الشعر ؟
كـثـير ناس يمدحونه و انا بدأت استخدامه من فتره قصيره فما اقدر اقولكم على النتايج..
هو عبارة عن بخاخ و الشامبو ماله الشامبو اسمه ANAPHASE
البخاخ اسمه Anastim
و الشامبو Anaphase
من نفس الماركه Ducray
علاج لمدة ثلاث اشهر فقط يعيد نمو الشعره .
بكتبلكم بعض الكلام المكتوب على العلبه:
مستحضر ار تي اتش 16 لعلاج تساقط الشعر ( اناستـيم ) و لعلاج الامراض الجلدية يساعد على اطالة مرحلة بقاء الشعره ونمو الشعر.
تركيبة بـ ار تي اتش حصريه ي مستحضر أناستيم و حاصلة على براءة اختراع.
تقوم هذه الماده الفعاله باطالة مرحلة بقاء الشعره و المساعده في نمو الشعر و منع تساقطه.
استخدامه ثلاث مرات في الاسبوع لمدة ثلاث اشهر فقط. و يبيعونه في الصيدليات الكبيره.
الي جربته اتفيدنا الله يجزيكم الخير .
وانا ان شاء الله راح اكتبلكم النتايج بعد ما اخلص العلاج
بانتظار ردودكم..
bent_elnoor
20/01/2004, 06:24 AM
السلام عليكم
لا للاسف اول مره اسمع عنه !
هل شفتي نتايجه على احد و لا بس كذا اشتريتيه ؟
و بانتظار النتايج منك يا الدعاء
و شكرا
Ashwaq
20/01/2004, 05:47 PM
السلام عليكم...
سمعت وايد يمدحونه...وقالوا طال شعرهم بس انا ما جربته..
تحياتي:s2
عيون الامل
21/01/2004, 01:03 AM
صراحه انا جربته وايد نفع معاي وصفته لي خبيره في المركز الالماني في ابوظبي
bent_elnoor
22/01/2004, 06:41 AM
السلام عليكم ورحمة الله وبركاته
أختي عيون الأمل
ممكن اتقوليلنا الفوايد الي لقيتيها منه ؟!
يعني هل طال شعرج ام طلع لج شعر جديد او بس اوقف التساقط ؟
و كم المده اللي استخدمتيه فيها ؟! بس 3 اشهر ولا ممكن اكثر ؟
و مشكورة
الرهيبة
22/01/2004, 07:02 AM
هلالالالالالا أختي مشكووووووورة انا باخذ الاسم وبوديه لدكتور الجلديه وبسأله عنه
ممكن تقولين اذا له مضار ؟؟
bent_ebladee
22/01/2004, 07:10 AM
السلام عليكم و رحمة الله و بركاته !
اخواتي العزيزات يعني الصراحه ما اعرف كيف الأخت ( الدعاء) ناوية انها اترد على اسئلتكم !؟!؟
لأنه ها الموضوع هو موضوعي و منقول بالحرف الواحد من منتدى اخر !!
و استغربت الصراحه يوم قريت العنوان.. اتوقعت انها اتكون صدفه و لــكن للأسف طلع موضوعي منقول !
المهم..
عن نفسي انا الصراحه توني باديه استخدامه .. هذا الاسبوع الثاني و ما اقدر احكم عليه !!!!
و ان شاء الله ما له مضار و اهم شيء في الموضوع انه بعد استخدامه ما يرجع الشعر للتساقط ثانية بأذن الله ..
و يا بنات جزاكم الله خير لانكم تبون تفيدون البنات و لكن خلوا عندكم شوية ضمير عند نقل المواضيع يعني لو كان قصه مو مشكله و لكن موضوع مثل هذا فاعتقد انه من الغلط نقله بدون كتابة منقول لاني الصراحه مو قادره اتخيل كيف كانت الاخت راح اتفيدكم بالرد على اسئلتكم عن هذا الدواء...
الا طبعا اذا هي حكايتها مع هذا الدواء 100% مثل حكايتي فقالت بدل ما اتعب عمري و اكتب ... انقله لهم يكون وايد احسن !!!
**زهرة النرجس**
25/01/2004, 05:26 PM
thanks
:up::up::up:
مسافره مع النسيان
14/02/2004, 01:07 AM
خواتي اشتريت هالمنتج ب140 انا احس انه كويس كنك مغذيتو بزيت بس مايدهن مره انا في بدايات استخدامه ابغى اسال اللي جربوه ينفع للاطفال انا سالت الصيدلي قال لا اللي جربت لبنوتتها الصغيره تقول لان بنتي شعرها مره خفيف
*خوالي*
15/02/2004, 03:06 PM
:oفي انتظار النتائج جزاك الله خير شعري وايد يتساقط
رياح السلوى
17/02/2004, 07:25 AM
:eek2::eek2::eek2:
الله يعافيكم وين اقدر القاااه في الرياض
تكفوون ورانا زواجات:shy:
زبرجدية
08/03/2004, 09:05 PM
مرحبا
ما عندي فكرة الصراحة
بس بما انه الموضوع عن التساقط
حبيت أشارك
قصة حياتي .. ضروري تقرأوها كلكم
ما اعتقد في حد عانى مثلي في التساقط
حاولت كل الوصفات الطبيعية .. وما فادت معي
كان شعري كثيف جدا لدرجة إنه كان متعبني معاه
المهم بعد كل التجارب
كان الخيار الأخير .. والذي أصلا ما فكرت فيه وهو الطبيب
المهم عملت فحص للدم وطلع كل شئ تمام
واعتقد أن السبب هو سوء الحالة النفسية
* المهم
خيرني الدكتور بين علاجين
1. هرموني
2. فيتامينات
* طبعا ما حبيت ألعب بهرموناتي
واخترت الفيتامينات
* وصف لي فيتامينات PANTOGAR
( صنع ألماني)
* مصنوعة من أعشاب
* تمد الشعر بالفيتامينات اللازمة
( كيراتين .. كالسيوم .. وحاجات ثانية ما أذكرها )
* تقوي وتحسن من بنية الشعرة وتقويها
* توصف في حالات التساقط غير معروفة الأسباب
وفي حالات التساقط الذي يعود إلى سوء الحالة النفسية
* لا تفيد في حالات الصلع الوراثي
إلا أنه يقوي الشعر الموجود
* فترة الاستخدام:ينصح باستخدام الكبسولات من 3-6 شهور
* استشارة:
استشرت صديقتي وهي صيدلانية .. ومدحت لي الحبوب كثير كثير
وقالت لي توكلي على الله واستخدميها
**
***
****
*****
******
*******
*النتيجة:
بعد اسبوعين ونصف من الاستخدام المنتظم لاحظت انخفاض معدل التساقط إلى نصف الكمية تقريبا .. وانا مرتاحة من النتيجة .. وناوية أكمل الكورس حسب ما يوصف لي الطبيب
* نصيحة الدكتور:
نصحني بشرب كوب حليب صباحا وآخر مساء.
* شئ مهم:
لالكبسولات هذي ما تمتن أبدا وتساعد على نمو الشعر
وبس
المزيــــــونه
10/03/2004, 01:05 AM
السلام عليكم..
اختي زبرجديه..
الف شكر لك اختي على هالمعلومه...
بس عندي سؤالين..
هل هي مجرد فيتامينات عاديه؟؟ ومتأكده انها ماتسمن لان يمكن انتي من النوع الي ماعنده قابليه للسمنه؟؟
ومن وين شاريتها؟ يعني وين القاها بالرياض؟
هل هي توقف التساقط .....؟ والا تنبت شعر؟؟؟
بانتظار اجوبتك عزيزتي..
bent_elnoor
10/03/2004, 10:13 PM
السلام عليكم
انا كنت عند دكتورة جلديه قبل كم يوم و سألتها عن هذا المنتج
و قالت لي وايد زين و لكن نفس الشركه نزلت شي جديد و أحسن منه
مركز أكثر و نتائجه مثل المينوكسوديل و لكن بدون اثار جانبيه لانه طبيعي
اسمه
CHRONOSTIM (DUCRAY
سعره 199 درهم و فيه غرشتين للصبح و للمساء و يستخدم 3 مرات في الاسبوع فقط و ما يزيت بالشعر .. توني باديه في استخدامه ما اقدر اقولكم النتايج بس ان شاء الله خير..
يستخدم على الاقل 3 اشهر و يستحسن استخدامه مده اطول.
و قالت نتايجه حلوه و الله يعلم
ارنوبه
10/03/2004, 10:29 PM
السلام عليكم ورحمه الله وبركاته
بنات انا قريت عن البانتوجر اللي هو منتج الماني بس دورت عليه في بوظبي وماحصلتهه لكن اللي سمعت انه وايد زين بس ماااستشرت الدكتوره فيه كل ماقول بسالهها انسى وووبعدين تهيئلي من قوته بينبت لي شعر في كل جسمي لان دوووم نتيايج تطلع عوياااا
اما بالنسبه لبنت النور فحبيت اسالها عن المستحضر CHRONOSTIM (DUCRAYاللي تستخدمه ومن اي صيدليه بالظبط خذته وبعد مين اللي تتعاملين معاها واكون شااااااااااكره لج
انا الصراحه قريت عن مستحضر سورسير واهو ياباني واشتريته اهو والشامبو حقه واحس انه ينعم الشعر وو ماعاد اشوف القشره بس التساقط يطيح عده بس امكن اقل بشوي قلت ان خلصت العلبه ومابينت النتايج بغير لمستحضر بنت النور ووو بعد بستخدم حبوب بانتوجر لو مدحتها لي الدكتور يعني ماارااااح اسوي الا يوم اخبرها وسلامتكم وان شاء الله اوافيكم بمستجدات كشتي " امزح مب كشه بس لانت شوي من هل المستحضر":s2:s2
ياليت البنات يقولون عن تجااااربهم علشاااااااااان نستفيد
bent_elnoor
10/03/2004, 10:43 PM
اختي الله يخليج قوليلنا شو بتقولج الدكتوره عن حبوب بونتجار لاني افكر استخدمها ..
ما خلينا شي ما جربناه !! اتقولون فيران تجارب !!
و chronostim
انا الدكتوره مدحتلي اياه وانا اشتريته من صيدليه ابن سيناء اللي في السيتي سنتر و بتلقونه في اي صيدليه من الصيدليات الكبيره ..
و اي استفسار انا حاظره.. بنزل موضوع جديد عن هذا الدوا عشان افيد الجميع ..
ارنوبه
10/03/2004, 10:48 PM
هلا بنت النور
بالنسبه للحبوب انا سالت عنها كمن صيدليه في بوظبي ويقولن ماعندهم الي من بوظبي وعرفت وين هم تقول لنا وانا بيكون علي اسال الدكتوره عنهم :eek2::eek2: الله يستر لاتقول االدكتور انتي احسن شىء تعالجي بنفسج يوم كل يوم يايبه اسم دوااااااااااء ولا حبوب وابااا استخدم
:cool2:
bent_elnoor
10/03/2004, 11:18 PM
اتفضلوا شوفوا هذا الرابط
كتبت فيه عن الكرونوستيم
http://www.3roos.com/forums/showthread.php?s=&threadid=80449
:up: