ماذا تريد ان تكون ؟؟؟؟ ولماذا ؟؟؟؟

[أريش العين]

السلام عليكم ورحمة الله وبركاته
سؤال اوجهه للجميع
اولا:الطالبات والطلاب اللي في المدارس:
ماهو التخصص الذي ترغب بدراسته وماذا تريد ان تكون في المستقبل ؟؟ولماذا؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟طالبات وطلاب الجامعات والكليات والناس الذين يعملون:-هل انت راض بالتخصص الذي اخترته ودرسته ام انك نادم وتود ان تغيره ولو رجع الزمن الى الوراء فهل ستختار نفس التخصص ام لاء واذا كان لاء فما هو التخصص الذي كنت تطمح الى دراسته ولكنك لم تدرسه ؟؟؟
اختكم بنفسجة العين:shy:

[quite_angel]

[ردالسلام] وعليكم السلام ورحمة الله وبركاته[/ردالسلام]

سؤال حلو واايد :up:
أنا طالبة

وودي بعد مااخلص الثانوية أدخل كلية الهندسة واصير مهندسة كمبيوتر

:smile:
ماادري بس انا احب هالشغلة :cool2: وودي اصير مثل مقدمة برنامج الكمبيونت( برنامج ع الاولى بس طبعا مااقدم برامج )


وعلى فكرة انا لحد الحين ماقررت وبقالي 2 سنة يمكن اغير رايي خلالهم



ومشكووووووووره ع الموضوع الحلو
:smile:

[نــورة]

والله موضوووووووووووعج واااااااااااااايد حلو اختي بنفسجة العين :clap:

انا الحين في الجامعه وادرس تكنولوجيا المعلومات ويوم كنت في الثانوي كنت ادبي كلش ما يناسب صح؟؟:smile:

بس الحمدلله ما تحسفت على دخولي الادبي حبيته وايد وحبيت النحو والتاريخ والفلسفة :up:

وتخصصي حاليا احبه وااااااااايد ولله الحمد واول ماخذ البكالريوس افكر ادرس ماستر بس طبعا مو بالبحرين ان شااااء الله بلندن :up: وتوووووووني من ربع ساعه قاعده اتناقش مع ريلي بهالموضوع :cool2:

وبالنسبه لشنو بشتغل اتمنىىىىىىىىى افتح لي مشروع صغير عباره عن معهد للكمبيوتر للبنااااااات فقط وهذي امنيتي من يوم انا صغيره حتى اممممممم .. ذكرتوني بشي بسوي لكم سكان الحين وبحطه لكم .. :D2

[العيناوية]

مشكوره اختي بنفسجة العين على الموضوع ..

كنت يوم في المدرسه داخله أدبي لاني احب المواد الأدبيه

و ألحين أنا خريجة بكالوريوس من كلية الحقوق تخصص قانون و أعمل

محاميه ... واحتمال اشتغل في مكان غير المحاماه :smile:

و أفكر الحين اني أكمل الماجستير في القانون ...

والحمد الله ولاعمري ندمت على شئ لانه الي اخترته كان من رغبتي الشخصيه ....

وادعولي الله يوفقني :smile:

[أريش العين]

السلام عليكم ورحمة الله وبركاته
quite_angel: عيوونج الحلوة حبيبتي امممممممممم هندسة كمبيوتر حلووووو :clap::clap: يالله بالتوفيق ان شاء الله وعقبال ما اشوفج مهندسة :smile:وشكرا على ردج الحلو :smile:
الاخت نورة: حبوبة انتي الحلوة وبالتوفيق يالغالية عااد يوم تفتتحين المعهد بيي عندج سويلي دسكاونت انزييين :smile:تسلمين على المرور والرد:smile:
اختي الغالية العيناوية ::smile:حبيبتي لا شكر على واجب :smile:اممم تحبين المواد الادبية انتي عكسي ما شاء الله علييج محامية :up: يالله كملي ماجستير بالتوفيييق ان شاء الله والى الامام دائما وشكرا على المرور والرد :smile:
بنفسجة العين:shy:

[أريش العين]

افااااااااااااااااااااااا اااااااااااااااااء:eek2:
شووو وين الردود ؟؟؟؟؟:eek2:
ما عندكم طموح احلام ما تريدون تكونون شي في المستقبل :eek2:

[توته الصغيرونة]

هلالالالالالالالا اختي الصغنونة بنفسجة العين .. تعرفين انتي عسوولة مررة ..

سؤالك حلو ... انا الحين سنة اولى جامعة

وعاجبني تخصصي قبل كنت مكتئبة مرررة ومش عاجبني التخصص لاني كان ودي ادخل علم اجتماع او صحافة .. بس الله ما راد بس الحين متجننة على التخصص حقي واذا تخرجت ان شاء الله بكون معلمة لغة انجليزية ..


واتمنى لك التووووووووفيق

تحياااااااتي

تووووووووووووتة هلالالالالالالالا اختي الصغنونة بنفسجة العين .. تعرفين انتي عسوولة مررة ..

سؤالك حلو ... انا الحين سنة اولى جامعة

وعاجبني تخصصي قبل كنت مكتئبة مرررة ومش عاجبني التخصص لاني كان ودي ادخل علم اجتماع او صحافة .. بس الله ما راد بس الحين متجننة على التخصص حقي واذا تخرجت ان شاء الله بكون معلمة لغة انجليزية ..


واتمنى لك التووووووووفيق

تحياااااااتي

تووووووووووووتة

[أريش العين]

السلام عليكم ورحمة الله وبركاته
الاخت توتة الصغيرونة هلا والله
:o:o:o:o:oاحم احم انا عسووولة :o:oانتي عسولة وحبوبة وامورة :smile:

اها يعني بتطلعين ابلة انجليزي
Hi miss tootah how are you ??عااد هالله هالله بالطالبات ما اوصيج لا تعطينهم وايد واجبات ويسد امتحان واحد في السنة ولا تعصبين عليهم ولا تعاقبينهم ونص الحصة شرحي ونصها الثاني خليهم يلعبون ويسولفون ok

:D2:D2:D2:D2:D2:D2:D2:D2:D2:D2:D2:D2:D2:D2:D2:D2
ياتووووتة مشكوورة حبيبتي على مرورج وردج

[توته الصغيرونة]

هلا بنفسجة العييييييين

very well ,what about you ?

من صدقك انتي ؟؟ اذا قدني استاذة ما بخلي البنات يتنفسن بصوت عالي .. واللي تتأخر خمس دقايق بقول .. مع السلامة من غير مطرود واللي تنسى دفترها ... تنسى درجات الشفوي .. واللي تتكلم بالحصة .. يا بختها بمقابلة المديرة ... هي سااايبة ولا ساايبة ....:eek2:

هههههههههه امزح بس ... اكيد امتحان في السنة هذا اذا سويت امتحان:D2 ..

بدلعهن اخرر دلع

هههههه

تحيااااااااتي

توووووووووتة

[أمواج الليل]

أخت بنفسجة العين
موضوعج واايد حلو ومفيد
علشان الغير يستفيد من تجاربنا
انا خريجة :smile:من كليه الشريعة والقانون من سنه تقريبا ولا في يوم ندمت على تخصصي بالعكس
كنت متفوقة والكل يشجعني لما يعرف انه تخصصي قانون مع انه نظرة الكل كانت ضد النت انها تدرس الحقوق
بس اذا هي كانت مبدعة وتحب تخصصها بتكون نظرة وفكرة حلوة عن بنات تخصصها:up:
خاصة انه البنت الحين في كل شيء قدها وقدود وفإطار انوثتها
واتمنى اني اشتغل في السلك القاضي اذا اتاحت لي الفرصة يوم من الايام او اي مكان قانوني رفيع المستوى في الدوله

[العيناوية]

أمواج الليل ... ما شاء الله عليج دراستج نفسي ..وحتى طموحاتج

بس لايكون درستي معاي في الجامعه :cool2:

[الشهيده]

:up::up:

[%% جاردينيا%%]

السلام عليكم ورحمة الله وبركاته
مشكورة اخيتي على عرضك للموضوع

والله انا متخرجة من الجامعة من سنة ونصف وللان ما اشتغلت
معي بكالوريوس صحافة تلفزيونية 000 ومع اني للان مش مشتغلة
لكني لست بنادمة لان هذا التخصص كان حلمي من وانا صغيرة
وانشاءالله اقدر اشتغل في التلفزيون في الركن الاسلامي هذا حلمي
انشاءالله انه يتحقق0

بس اختي بنفسجية ما حكيتي عن حالك0
والله يجزاك الجنة0

اخيتك

جاردينيا00000 %%

[زوبعه]

انا خلاص راحت علي والعوض في عيالي ان شاء الله واتمنى يكونوا ناس مهمين في المجتمع

[منولة الحبوبة]

والله من ناحيتي كان تخصصي في الكلية قسم لغة إنجليزية

بس حسيته ممل ودخلت الآن برمجة كمبيوتر طموحي

إني أكون مهندسة كمبيوتر بس التخصص الموجود حاليا

هو برمجة كمبيوتر لما كنت بالمتوسط كانت الصحافة هي

حلم حياتي بس الآن البرمجة هي التخصص المفضل عندي

[أريش العين]

السلام عليكم ورحمة الله وبركاته في البداية مرحبا بكل اعضاء المنتدى بصراحة اشتقتلكم اشتقتلكم واااااااااااايد وحشتوني خاصة العيناوية وتوتة الصغيرونة وحبيبتي سحاب امل ومنو بعد؟؟؟؟؟؟؟؟ :oلحظة افكر :oنسيت:o المهم انه كلكم وحشتوني يا حلوين :smile:
توتة الصغيرونة الله يعين الطالبات عليج اذا جيه بتعاملينهم :down:نصيحتي هدي اعصابج وريلاكس ولا تعصبيني وخلي ويهج بشووووش عشان ما طفشين البنات من اول يوووم هههههههههههههههه:D2:D2
توووووتة قصدي مس توتة تراني امزح معاااااج
يالله سلااام يا احلى توتة :smile:بنفسجة العين

[أريش العين]

السلام عليكم ورحمة الله وبركاته
اختي امواج الليل : حبيبتي عيونج الحلوة :smile: انتي بعد قانون يعني مثل العيناوية يالله بالتوفيييج ان شاء الله وصدقج البنت في كل شي شطووورة وقدها وقدود مثلي يعني هههههههههه:shy:ويالله شدي حيلج ورفعي روسنا وبيضي ويوهنا :smile:تمنياتي لج بالتوفيق :smile:
الشهيدة ::up::up:شكرا لمرورج وعلى :up::up:
اختج بنفسجة العين

[أريش العين]

السلام عليكم ورحمة الله وبركاته
الاخت جاردينا لا شكر على واجب يا اختي وا ن شاء الله تشتغلين وتحققين حلمج :smile:
اختي بصراحة انا كنت احلم في الطب بس بعدين غيرت رايي ليش ما ادري والحين افكر في ITتقنية معلومات ليش بعد ما ادري :oويمكن بعدين اغير رايي مرة ثانية يالله ان شاء الله خير عندي فرصة 3 سنين افكر بس للاسف الين الحين ما رسيت على بر تدرين يمكن ادخل صحافة :smile:حلوة الصحافة ما ادري بشوووف :smile:وشكرا حبيبتي على مشاركتج الحلوة وان شاء الله يجزيني ويجزيج ويجزي كل امة محمد الجنة :smile:
اختج بنفسجة العين

[أريش العين]

السلام عليكم ورحمة الله وبركاته
الاخت زوبعة يالله ان شاء الله عيالج يرفعون راسج ويكونون ناس مهمين في المجتمع وشرا الغالية على مرورج :smile:
الاخت منولةالحبوبة بالتوفييييييق ان شاء الله وشكرا حبيبتي على مرورج :smile:
بنفسجة العين:shy: