مشاهدة النسخة كاملة : }{ يالملح والقبله يابنات الكويت تعالوووا}{
}{الـرقـيـقـة}{
25/05/2002, 02:57 AM
<center>
<font size="3" color=#FF00FF>
ياهلااااا والله وغلاااا ببنات الكويت
اولا ً ماني مصدقه اني راح ازور دولة الكويت الشهر الجاي ولاول مره بحياتي تخيلوووا من جد فرحانةةةة :D :)
عندي هناااك مناسبات زواج ومالي غيركم تساعدوني وتدلووني على افضل محل للتجميل " كوافيرات " تسوي الميك آب والشعر وشغلها حلووو وممتاز بليييز يابنات
وبرضو بعد العرس ودي بمحلات فيها جلابيات كويتيه تجينا دايم بسعوديه بس دامني في الكويت هالمره ابي ماخلي ولا جلابيه كويتيه الا اخذها معاي واقهر البنات هناا لانهم يموتووون عليها ;) :p
وبرضوو ابغى اي شي مثل الشيلات والعبائيات والبراقع :p
وين محلاتها فيه بضبط حتى لو كانت اسواق شعبيه عندكم عاادي
وبرضوو دخون مادخووون يعني الاشياء هذي وكل شي غريب الاقيه بالكويت حلو ومميز وما ينوجد بغيرها ;) :cool:
بناااات الكويت املي فيكم كبيررر ابي استمتع بروحتي لكويت القلوب بليز ومابي ارجع الا معي اشياء حلووووه تذكرني باحلى ايامي فيهاا
بنتظاااركم :)
ولكم كل الحب
(l)
مرحبا اختي الرقيقه
بالنسبه للطلب الاول لمحلات اللي يسون عندنا المكياج
عندنا محلات معروفه طبعا اذا كانت الماده عندج ممتازه طبعا اساعر المياج عندهم 35 دينار
عندج صالون فندق ساس
صالون فندق السفير
ومنتجع شيك ( دريم بلاس)
وسهام مجك هذا يكون بسوق كويت مجك
طبعا انا انصحج بالاخيره لان شغلها حلو ومميز
اما بالنسبه للبخور اذا تبيني بخور حلو روحي سوق المباركيه عندنا راح اتلاقيني شارع كامل كل اهل البخور فيه من القرشي للفودري للرصاصي للارجوان ومحلات كثيييييييييييييييييره كلها اتلاقينها بشارع واحد
اما بالنسبه للعبي وملافع في امكان متفرقه عندنا ما اقدر انصحج مكان واحد بس انا اعرف بلاك مووون
وعندج بعد يقولون في محلات بالفروانيه الملافع والعبي حلوه عندهم
وانشالله تعجبك الكويت واذا بغيتتي اي شئ ثاني انا في الخدمه
وانشالله باقي بنات الكويت يفيدووونج
وحياج الله القلب لج دار قبل المكان
}{الـرقـيـقـة}{
25/05/2002, 04:15 AM
<center>
<font size="3" color=#FF00FF>
فديت عمرررج انا ياحلى ود < من الان صايره تتكلم كويتي من الفرحه :D ;)
عيوني والله ماقصرتي ومتاكده من كل البنات بالكويت ماراح يقصرون
بس ياقلبي آخر واحد الي هو ... سهام مجك هذا يكون بسوق كويت مجك
اي منطقه هذا بالكويت بضبط واي شارع يعني ابي تحدديلي منعا لتوهان يعني :p
3
انا يهمني اكون كذا لليلة العرس :cool: مو مهم السعر هي مره وحده بالعمر هالروحه للكويت :p
الا عاد اذ تزوجت كويتي هذا شي ثاني :p :o
بخصوص الجلابيات ياعيني ما قلتي لي فيه محلات او مجمع معين فيه هالاجلابيات الي نشوفها ويقولون من الكويت !
وسلامت عمرك ربي يسعدك ويوفقك :)
تحياتي
(l)
هلا بج يا الرقيقه
بالنسبه لصالون سهام مجك هذا مجمع كبير عندنا اسمه كويت مجك هذا يكون على البحر اعتقد انه يكون تبع منطقة ابو حليفه يعني تقدرين اتقولين بالمنطقه العاشره على شارع البحر بس هو مجمع كبيييييييييييييير والكل يدله واذا ما تبين اتضيعين انا اقول لج طريقه سهله وحلوه دقي على تكسي وقولي له روح كويت مجك وهو راح يوصلك على طووول حتى لو كنتي معاج سياره خليه يمشي قبلج وانتي روحي مع العلم انه واضح يعني على شارع البحر المتد من الفحيحل الى داخل الكويت
اما بالنسبه للجلابيات فعندنا مجمع الاوقااااف الجلابيات فيها حلوه بس شوي غاليه لكن اذا بغيتي اسواق حلوه ورخيصه وتقدرين اتسوقين منها واتكون فيها جلابيات حلوه عندج الفحيحل والفروانيه دشي مجمعاتهم راح اتلاقين اشياء حلوه ورخيصه وانا ما ادري وش نوع الجلابيات اللي يجيبونها عندكم بالسعوديه علشان اقول لج وين مكانها
وانا ما زلت في الخدمه بس انتي اسالي وتلاقين الجواب :)
عـــــــــــروب
25/05/2002, 06:31 AM
ولا يهمك اختي الرقيقه غالي والطلب رخيص
شوفي مثل ما قالت اختي ود انصحك بسهام ماجيك فعلا مكياجها لا يعلى عليه وانا افضله عن الفنادق الي مثل سفير وساس ويا اختي ود ترى ميرفت اللي في دريم بالاس مو نفس قبل تغيرت سهام سكت عليها ..الحين العرايس والبنات كله عند سهام...
على فكره مو بس سهام هي اللي تسوي الماكياج عندها اختها مها وهي بعد مكياجها نفس اختها وبعد بنت سهام ماريا بس هي متخصصه بالناعم..وسهام للعرايس واختها للمرافقات....بس هاااااااااا لازم حجز عندها لاني اعرف بنات واجد ما حصلوا حجز عند الصالون مع ان عرسهم كان قبل شهر ؟؟؟؟؟ فلازم تقولين لقرايبك اللي عندنا يحجزولك...وسهام راح تاخذ منك 60 دينار يعني عندكم احتمال 700 ريال بس اتمني ما يكون عرسكم في ايام خميس واربعا لان سهام ما راح تستقبل غير العرايس هذا انتي وحظك....
ومكانه مثل ما قالت اختي ود ما يتوه لانه علىالبحر عند القريه التراثيه الموجوده في المجمع...والكل يعرفه..
ومحلات الدراريع او الجلابيات على قولتك معروفه في مجمع الاوقاف وبعد مجمع سلمان الدبوس اللي في الفحيحيل والفروانيه ..شوفي اللي بالاوقاف اغلبيه الغاليه واللي حق حفلات الاستقبال والفخمه واللي بسلمان الدبوس في الفحيحيل مثلا اذا كان عندكم عزومه ولا اي مناسبه خفيفه عندهم دراريع راقيه...
ومثل ما قالت ود بلاك موووون عنده عبي وملافع حلوه ويكون احسن اذا فصلتي عندهم وهو موجود في مجمع سلمان الدبوس اللي في الفحيحيل وفيه على فكره اكثر من محل للعبي...
واذا على الدخون فاسمعي كلام ود ....
وحياج بديرتج واي شي ترانا حاضرين انا وود
..ود من كلامج كانك من المنطقه العاشره؟؟؟؟ صح
}{الـرقـيـقـة}{
25/05/2002, 06:41 AM
<center>
<font size="3" color=#FF00FF>
ياهلا وغلا الله يطول عماركم ويسعدكم خواتي " ود " و " عــروب " ماقصرتوا يابنات الكويت الاصيلات http://www.eqla3.com/home/eqla3/www/vb/icons/icon3.gif
يالغاليات 700 بس في شغل الميك آب ولا ميك آب وشعر !
إذ بس ميك آب مره غاليين توقعت الكويت ارخص من السعودية
لو انا بس كان ارحم بس خواتي وبنات خالتي الان كلهم معتمدين علي اسئل لهم عن صالون تجميل بالكويت وكل الاسئله السابقه برضو
لو تكرمتو ا تشوفون لي برضو صالونات شغلهم تمام وحلو مو شرط في مجمعات لان عادة الي بالمجمعات غاليات وفيه صالونات نفس شغلهم !
إذ فيه غيرهم ولا امرنا لله :s
700 على كل راس < حشا صارو غنم مو بنات :p
ومشكورات على اسماء محلات الجلابيات والعبائيات الله يوفقكم ان شاء الله بنتظاركم ساعدوووني :o
والف شكر لذوقك :)
ولكم كل المحبة
http://ed3s50.jeeran.com/8.jpg
عـــــــــــروب
25/05/2002, 06:58 AM
حبيبتي رقيقه
700 ريال هذا شغل سهام
بس اختها مها 35 دينار او40 يعني عندكم اعتقد 500 ريال..
وفيه صالون في منطقه المنقف اسمه بريجيت بس صالونه مرررررررررررررره حلو وعلى 35 دينار مع الشعر او يمكن غلوا اسعارهم...
واللي تسوي في بريجيت هي نفها بريجيت وامال مكياجهم راقي حتى الشعر يظبطونه.
وحياج انتي واهلج
}{الـرقـيـقـة}{
25/05/2002, 07:04 AM
<center>
<font size="3" color=#FF00FF>
الله يحييك غاليتي عروب
طيب ياعيني عطيني اسماء صالونات غيرهم برضو
لو مالقيت حجز او ... الخ
اكون ماخذه حسابي وعارفه عنوان غيرهم
وتسلمين لي دوم
تحياتي
http://www.moonandbackgraphics.com/rosestopsmall.jpg
مرحبا يا الرقيقه وتحياتي لج بعد يا عرووب
بصراحه بالنسبه لزحمه عند سهام مجك والله مدري ان عندهم حجز على خبري ان حنا ناخذ ورقه فيها رقم وكل واحد يصف بالدور مدري اذا غيرت طريقتها بس ترى شغلها حييييييييييل ممتاز
بس ترى انا اشوف 35 دينار حق مكياج بس شغل مضبوط ميه بالميه ترى حلو بس اذا انتي بغيتي صالونات ثانيه انا مستعده اسال لج
وفي وحده اعرفها شغلها حلو وتجي داخل البيوت بس انتي علميني تاريخ عرسكم علشان اشوف اذا فاضيه وقولي انتم كم بنت علشان اعرف اكلمها واوفر عليج سعر المكالمه واذا طلعت فاضيه حجزت لج وعطيتج الرقم رقم التليفون وانتي عطيها العنوان
وبحاول بعد اجيب لج صالونات ثانيه اذا قدرت بس انتي ما قلت لينا وين عرسكم في اي منطقه اذا ما فيه احراج علشان اقدر اساعدج واجيب لج اقريب من بيتكم
اما بالنسبه لبرجيت ترى شغلها يمكن يكون حلو بس ترى اكريمها مو شئ يعني في نهاية اليوم تقطع
انا انصحج بسهام مجك ولا ساس على الاقل كريم حلو وشغل هم حلو 35 + 10 للشعر
انتي شوفي وعلمينا وش تبيين وحنا بالخدمه
الخيالة
26/05/2002, 06:39 AM
يا هلاااااااا ومرحباااااااااا يا لرقيقه (f)
بداية نرحب فيك بين اهلك وناسك ... وحياك الله دايما :)
بالنسبه للماكياج انصحك باللي قالوه البنات ((سهام ماجيك))لكن اهم شي الحجز..لانه اكثر صالون زحمه بالكويت
فيه بعد صالون((لامود )) بفندق كويت انتركوننتنتال..عندهم وحده اسمها ((ايلا)) مكياجها غريييييييييب وطريقة تدرجها للالوان روعه
اما اذا تبين خدمة منازل.... فيه وحده مغربيه مكياجها رهيييييييييييب ويهبل... يعني جنااااااان
انا عن نفسي مجربته.... بس ما تطلع لاقل من خمس بنات؟؟؟ اذا تبين رقمها راسليني او حتى اذا تبين احجز لك انا حاضره ((لان معرفتي فيها شخصيه)) يعني راح اوصيها عليك عدل
بالنسبة للدراريع.... عندك مثل ما قالوا البنات مجمع الاوقاف بمدينة الكويت... ومجمع سلمان الدبوس بالفحيحيل
وعلى فكره هالمجمع اكثر المحلات اللي فيه يبيعون دراريع حلوة وسعرهم مناسب... واحلى محل بالمجمع اسمه ((السفيره الشرقيه ))
وعندك بعد مبارك الصيفي بالاس بمنطقة الفروانيه....... ومعرض ((سالي مودا )) بالسالميه هذا عندهم دراريع رهيييييييبه بس غالي شوي وتقدرين تخيطين عندهم بعد
هالمعرض تلقينه بشارع الخليج العربي مقابل مطعم مركز سلطان
اما اذا تبين تخيطين ما انصحك الا ((مجمع العربيد ))بالفروانيه ..... هذا شغلهم حلو ورخيص وسريييييييييع؟؟بس فيهم عيب واحد..انك اذا خيطتي دراعه بعد يومين كل المحلات عارضين نفسها
(( بس انتي ما عليك انتي بالسعوديه))
على فكره العربيد ترى يخيطون لك والخام من عندهم بعد.... يعني ما يحتاج تحاتين انك تشترين الخام
الحين جينا للعبي والملافع ... امممممممممم روحي الله يسلمك لمجمع سلمان الدبوس..طبعا حفظتي مكانه...صح؟؟ راح تلقين محل اسمه ((الحلوة)) ومحل ثاني اسمه ((البدر)) و((بلاك موون طبعا))..وفيه بعد محل بالسرداب اسمه ((مهاتي)) هذا روووعه واسعاره زينه
على فكره العبي والملافع اللي عندكم احسن من اللي عندنا مليووووووون مره
وصلنا لاحلى شي ......... العود والبخور :p
بالنسبه للاطياب والبخور... انصحك بمعارض (( الشايع )) وهذي راح تلقين كل اللي تبينه عندهم.. وفروعهم منتشره بالكويت... فيه فرع ((كويت ماجيك)) و ((المهلب)) و((الفنار )) و..و...و..يعني بكل مكان
فيه معرض ثاني اسمه معرض ((ام نورة)) وله اسم ثاني ((القناع الاسود)) شغلهم حلوووووو وموثوق
وعندك بعد معارض (( الفودري )) هالمعرض عندهم خلطات للفراش والملابس روووووووعه وتثبت رحيتها لاكثر من يوم
وطبعا معارض (( اجمل )) الاماراتيه شغلهم معروووووف وحلو ومنتشره بكل الكويت .. اي مجمع تروحين له راح تلقين له فرع فيه
وانشاءالله اكون افدتك انا والاخوات..واذا تبين شي ما يردك الا لسانك واحنا تحت امرك يالغاليه
على فكره انا اهلي يسموني (((( الدليل السياحي)))) خصوصا للاسواق!!!!! يعني اذا تبين افر فيك كل مجمعات الكويت انا حاضره
بس على شرط :rolleyes: :rolleyes:
كل شي تشترينه لك تشترين منه دبل....... لي ولك!!!!!!! لاتصدقين اضحك معاك ههههههههههه
(l) (l) الخيــــــــــالة (l) (l)
dmoo3_el7ob
26/05/2002, 10:09 AM
حبيباتي بنات الكويت..
أنا من الإمارات و بتزوج كويتي و بييكم انشاءالله شهر 8و لو تسمحون أبا أعرف عناوين صالونات حق كل شي مثل سشوار وقص و بديكير و منكير وغيره.. و بعد ياريت تقولون لي إذا في صالون عنده غرف منفصلة حق الحلاوة. بصراحة أنا رحت كذا صالون في الرقعي و كلهم عندهم فواصل بس و ما ارتحت أبد.. و بعد (أدري مصختها) أبا أعرف عنوان المغربية اللي تروح البيوت.. وعلى فكرة أنا جربت مكياج صالون مودا وكان روعة فياريت تقولون لي عن صالونات بنفس المستوى.. ياريت تفيدوني ولكم الشكر.. وسامحوني طولت عليكم
}{الـرقـيـقـة}{
26/05/2002, 11:04 PM
<center>
<font size="3" color=#FF00FF>
هلا وغلا عيوني الود
ياختي وهقه هذي طوابير وحاله اخوف يفوتنا العرس :confused:
خصوصا الان وقت اعراس وحفلات وغيره وغيره
عطيني رقم الي تجي البيوت الله لا يهينك اذ شغلها حلو بليز اهم شي يكون حلو ولا امرنا لله نروح سهام
وراح اسال بضبط وين العرس فيه علشان تدليني على اقرب شي بعد افضل
مشكوورة يالغاليه
تحياتي
:)
}{الـرقـيـقـة}{
26/05/2002, 11:08 PM
<center>
<font size="3" color=#FF00FF>
فديت قلبج وروحج ياحلى خيالةةةة
ياربي عليك وربي رهيبه واحلى دليل سياحي ماقصرتي ياعسل ربي يسعدك
برضو ياليت ترسلي لي رقم المغربيه هذا اذ شغلها ثقه وحلوووو اهم شي يكون حلوووو
واحنا اكثر من 5 ماقول غير الله يعينهاا بس قولي لها حلوات ما يتعبون :p
والف الف شكر على اسماء واماكن المحلات ماقصرتي وماهي بشينه والله تدلينا هناك كان وناسه هههههههه
مشكوووره يالغاليه بنتظااارك
تحياتي
(l) :) (l)
}{الـرقـيـقـة}{
26/05/2002, 11:10 PM
<center>
<font size="3" color=#FF00FF>
هلا وغلا اختي دموع الحب
الف الف مبروووك يالغاليه
اتمنى لك السعاده والتوفيق
ومين قدك بعد يابختك تعيشين بالكويت روووعه واهلها عسل سدر خالص :cool:
ان شاء الله نستفيد سوا من البنات ومانضيع بالكويت باذن الله ;)
تحياتي
:)
dmoo3_el7ob
27/05/2002, 12:43 AM
تسلمين ياعمري يالرقيقة وفيك الخير.. وانشاءالله تستمتعين بوقتك في الكويت وانشاءالله أقدر أفيدك بشي في دبي وفي الكويت بعد لأني زرتها وايد وأعرف وايد أماكن فيها.. :D
اختى العزيزة
الاخوات ما قصروا عطوك كل الى تبينة لكن انا احب اضيف شى بسيط
انة هالايام عندنا موضة جديدة وهى ان فى بنات كويتيان يحطون مكياج
للعرايس وغيرهم وبصراحة شغلهم ما يعلى علية عندك مثلا الكويتية
ليلى العرادى عندها صالون اسمة بول ميتشل فى السالمية خلف
مجمع ليلى جاليرى بعد الستشفى البريطانى
وفى بنت ثانية اسمها الاء دشتى ايضا مكياجها حلو وناعم صالونها بمنطقة الجابرية
وفى صالون اسمة ميكب فور يو تملكة كويتية وتعمل فية ايضا اسمها
نبيلة الروضان ايضا مكياجها حلو ايضا بالجابرية
وعندك بعد صالون نسيت اسم صاحبتة بس هو معروف جدا باسم
الماكرة وهو ميكب فور ايفر
وفى صالون فى حولى مكياجة حلو والى يشتغلون فية روسيات اسمة
شارمل وعندك سفير الرقعى شغلة ايضا حلو
وكل الصالونات اسعارهم متقاربة الشعر والمكياج كلهم بحدود من 50 -
الى 70 دينار كويتى بس لما تروحين العرس ما فى احد راح يعرفك يتغير
شكلك 100%
واذا كان العرس فى المنطقة العاشرة يعنى فى الفحاحيل وضواحيها
فى صالون شغلة مرتب فى ابو حليفة اسمة شانيل سنتر انا شفت
وحدة بعرس وسالتها عن مكياجها وقالت لى هالاسم وسجلتة عندى
للاحتياط وحضرت عرس وحدة معاى بالدوام وكان مكياجها رهيب
وعاملتة عند بريجت ومثل ما قالوا سهام ماجيك ايضا شغلة حلو
ومحلات الدراريع مثل ما قالوا لك فى الفحاحيل والفروانية وفى محل
بمجمع النقرة الجنوبى
والعبى عندك مجمعين ا كبار فى الفروانيى واحد للخام وواحد للعبى
واحد اسمة النمران والثانى البيدان
ارجو ان اكون قد افدتك
اختك
الخيالة
27/05/2002, 02:20 AM
مبروووووووووووووووووووووو ك (l)
بالرفاء والبنين....... والله يرزقك السعاده والذ ريه الصالحه انشاءالله
بالنسبه لقص الشعر والسشوار والمانيكير والبديكير.......... ما انصحك الا بصالون الشركه الكويتيه للتجميل ((جاك))
عندهم وحده اسمها ((انصاف)) تقص الشعر بطريقة رهيييييييييييبه....... انا شخصيا ما اقص شعري الا عندها
حتى اذا تبين تصبغين شعرك...... لاتصبغين الا عندها ((مع انها غاليه شوي)) بس صدقيني ما تطلعين من عندهم الا وانتي راضيه ;)
بالنسبه للحلاوة ...... اعذريني ما اعرف صالونات للحلاوة عدل..... لاني اسوي شغلي بالبيت ما احب الصالونات بهالشغله بالذات ;) ;)
فيه وحده اسمها ((ابتسام)) مكياجها حلوووو تشتغل بصالون بالرقعي.......بس والله مضيعه اسمه؟؟((اسال لك عنه وارد لك خير ..اوكي))
اما بالنسبه للمغربيه........... انا راح ارسل لك رقمها انتي والرقيقه بالايميل...اوكي
(l) (l) الخيـــــــــــالة (l) (l)
dmoo3_el7ob
27/05/2002, 02:29 AM
تسلمين ياعمري ما قصرتي. وايد استانست والله.. بالنسبة لجاك أعرفها ومجربه شغلها وتراه روعة مثل ماتقولين. وبالنسبة لباقي الأشياء بانتظر ردك.(l)
عـــــــــــروب
27/05/2002, 03:24 AM
يا ود انا اخر مره رحت عند بريجيت كان مكياجي مظبوط والكريم على كيف كيفج ما اخترب
وكان هذا شهر تسعه واذكر كريمها من شارمل ...انا مثلج سمعت قبل عن كريمها بس الناس قالوا انها غيرته.....بس مكياجها رووووعه
بس ما يجي طبعا مثل سهام
الظاهر بعد الخياله طلعت من المنطقه العاشره بعد....
الرقيقه اذا تبين الارقام تراني حاضره لانها عندي...بس قولي لي اذا كنتي تبينها
اوكي
}{الـرقـيـقـة}{
27/05/2002, 05:50 AM
<CENTER>
<TABLE BORDER=1 WIDTH=500 Background="http://www.alwajdan.com/backbghearts.gif">
<TR><TD ALIGN=CENTER><h1>
<center><h3> <font size="3" color=#FF00FF>
ياهلا وغلا اختي رتاج
ماقصصصرتي ياعسل ايه كذا عجبتيني في ذكرك لاكثر من صالون تجميل بس لو تكتبون مع كل صالون رقمه علشان اتصل عليهم ونتفاهم كان مافيش احلى من كدااا :D
بخصوص الدرعات ماقصرتو سجلت اسماء المحلات عندي وان شاء الله بحيل الله راح ماتلاقون ولا دراعه حلوه بعدي باخذها كلهاا :cool:
تسلمين ياعسل بنتظار الارقام وماقصصصرتي
</marquee></TD></TR></TABLE></center>
<CENTER>
}{الـرقـيـقـة}{
27/05/2002, 05:53 AM
<CENTER>
<TABLE BORDER=1 WIDTH=500 Background="http://www.classicland.net/heart.gif">
<TR><TD ALIGN=CENTER><h1>
<center><h3> <font size="3" color=#FF00FF>
هلا وغلا عزيزتي خيالة ماقصرتي ربي يسعدك ويوفقك
بنتظار رقم المغربيه والف شكر ياعسل :)
</marquee></TD></TR></TABLE></center>
<CENTER>
}{الـرقـيـقـة}{
27/05/2002, 05:55 AM
<CENTER>
<TABLE BORDER=1 WIDTH=500 Background="http://www.classicland.net/e'7trna-lkm/back3.gif">
<TR><TD ALIGN=CENTER><h1>
<center><h3> <font size="3" color=#FF00FF>
هلا وغلا عزيزتي عـــروب
ياليت ياعــروب ترسلينها باسرع فرصه
ودي اكلمهم مره وحده واشوف الافضل منهم واتفق معها من بدري
وماتقصرون يالغاليات :)
لكم كل الحب (l)
</marquee></TD></TR></TABLE></center>
<CENTER>
مرحبا خواتي
والله بصراحه رفعتوا راسي يا بنات الكويت دايم شقرديات
:)
بغيت الله لا يهينكم رقم المغريبه انا بعد ابي وحده حلوه ابيها حق الصبح لعرسي
وبغيت منكم الله لا ينهكم مكان حلو بالكويت يسوي عبايه حق عروس واذا تعرفون موديل حلو ترى انا اختكم وعروس بعد ثلاث شهور وشغاله في التجهيز يعني اذا شايفين شئ حلو انصحوني الله يجزاكم خير
:)
وانا ابي من الرقيقه خدمه انا خابره عندكم بالسعوديه فلاتات في لبس العبي عطيني فكره حلوه وجديده
والله يجزاكم خير
dmoo3_el7ob
28/05/2002, 12:22 AM
أختي الود.. ألف مبروك مقدما والله يهنيك..
أنا مب من الكويت ولا السعودية.. أنا وحدة ملقوفة من الإمارات.. حبيت أقولك ان العبي عندنا وايد روعة وناعمة.. فإذا يعني ترضين إني أدز وجهي وأساعدك أنا كلي لك.. بس آمري.. :p
مرحبا اختي دموع الحب وانشالله دموع الفرح على طووووول
اي والله ما عندي مانع انج اتساعديني وهذا من طيب اصلج
واذا تقدرين ادزين لي صور حق عبي حلوووووووه والله اتكونين مشكوووره
ويعطيييج الف عافيه
}{الـرقـيـقـة}{
28/05/2002, 05:58 PM
<center>
<font size="3" color=#FF00FF>
يسعد مساكم
يالخياااله الله يهديك ارسلي رقم المغربيه على الخاص بسسسرعه :o
غاليتي ود فعلا الموديلات في تجدد مستمر لكن فيه شي يناسب اذ كنتي طويله وفي شي يناسب اذ كنتي قصيره
فيه تجيك تتقفل من بنص وبدال مايبان لبسك وكذا تكون فيه درفه ثالثه بنص وبابالاطراف ما نحط شي قيطان بس تصير انيقه
والشيله هي الي فيها التطريز او اي شي تبينه
هذا اذ مو حقت مناسبات
اذ حقت مناسبات تكون مقفله من بنص عند الصدر ومن تحته باديه مفتوحه والبس يطلع واطرافها مشكوكه اليدين ومن تحت قبل طرف العباه من تحت بمسافه معقوله
والطرحه بنفس نقشتها
اكيد الصور اوضح واوافي بس ماعرف كيف اضيف صور من برا اللنت للاسف :(
اتمنى تكوني فهمتي كلامي اي سؤال انا بالخدمه :)
تحياتي
:)
عزيزتى الرقيقة
لقد حصلت على بعض ارقام الهواتف وسارسلها لك على الخاص
اما البقية فاعذريتى لكن ساحاول الحصول على الباقى وارسلهم لك او
من الممكن ان يساعدونا الاخوات بالارقام او ممكن اهلك المجودين هنا
يحصلون على الارقام من البدالة
اما اختى دموع الحب
ان كنت تريدين قص شعرك مل اليك الا صالون قصر الكرستال صراحة
قصة روعة وما فى منة انا تونى قاصة شعرى عندهم الشهر الى فات
وبالذات سوزان ما شاء الله عليها ايدها حلوة على الشعر وسريعة
وتذكر الله عليك وهى تقصة وسيشوارهم للشعر ايضا روعة ومكياجهم
ايضا يعنى شغلهم كلة حلو
او عندك صالون لافينوس هو صالون ممتاز وروادة من الشخصيات لكن
فية عيب واحد انك لازم تحجزى موعد لقص الشعر يعنى ما يصير تجين
وتقولين ابى اقص لا كل وحدة لها وقت بس شغلهم ما فى علية كلام
وحتى مكياجهم حلو واسعارة مثل باقى الصالونات واذا كنت تريدين
رقمه ممكن ارسلة على الخاص
اما عزيزتى الرقيقة اذا كنت ناوية تشوفين صالونات اسعارها مناسبه
فى صالون بالجابرية تملكة وحدة ايرانية اسمها وردة ومسمية صالوناتها
باسمها يمكن عندها سبعة الله يبارك لها لكن شغلها بالمكياج ناعم
وحلو واسعارها رخيصة جدا وعندها فلبينية اسمها سوزان هى الى
تحط المكياج الناعم وعندها ايرانية اظن اسمها شهناز تحط لك مكياج
لكن انا افضل سوزان
اختى الخيالة انا ايضا انتظر منك رقم المغربية على الخاص لو سمحت
اختكم :D
اول شي هلا ومرحبا فيج بالكويت نورتينا مقدما وانشالله تستانسين وااينا يالله ناطرينج لا تتأخرين بسرعه :p
اول بالنسبه للصالونات :
صالون اسمه (وردة الجابريه ) خوش صالون على كيف كيفج والميك أب مالهم روعه ورخيص موت يعني الميك أب والرموش والمثبت كله بـــــ15 دينار بس صدقيني خوش صالون ومجرب على ضمانتي بس اذ رحتي لا تخلين احد يحطلج غير الفليبينيه
هم صالون (سهام ماجيك ) خوش صالون بس عليهم زحمه يعني لازم حجز قبلها وهم صالون بريجيت في منطقه (المنقف) وااااايد حلو وراح يعجبج
اما اذا تبين قص شعر وصبغ شعر وحف حواجب نصيحه لا تروحين الا حق صالون(جاك)
خلصنا من الصالونات .......................
نروح حق العبي والملافع والنقبات
عندج هالمحلات وايد شغلهم روعه(بلاك مون) (البرواز) (المشعل)
في مجمع سلمان الدبوس في منطقه الفحيحيل تلاقين عندهم جاهز او على حسب طلبج انتي اللي تبينه
الحين وصلنا حق الدخون والبخور
عندج (اجمل ) (الشايع ) في كويت ماجيك وهم سوق المباركيه عندنا راح تلاقينهم في شارع كامل كل اهل البخور فيه من القرشي والفودري وارصاصي والربع كلهم ومحلات وااايد انشالله نعجبج اقولج تعبت اكمل باجر
:p
dmoo3_el7ob
29/05/2002, 12:35 AM
تسلمين ياقلبي ماقصرتي..
هلا حبيبتى
هذا واجب علينا للحبايب الى راح ينورون الكويت
نسيت اقول ان صالون مس ون شغله حلو جدا خصوصا بالقص والصبغ
اختى صبغت عندهم والكل يسال عن صبغتها
والمذيعة منيرة عاشور عندها صالون اسمة سمايل يقولون شغله حلو
ومكياجهم جايبينة من برة وهو الى يستخدمونة الممثلين لاخفاء العيوب
انشالله حبايبى لما تجون الكويت تحبونها لانها بلد حلوة وهى بلد جابر
الخير وكل الى فيها يرحبون فيكم من الحين فحللتم اهلا ووطاتم سهلا
اختكم :D
}{الـرقـيـقـة}{
29/05/2002, 02:15 PM
<CENTER>
<TABLE BORDER=1 WIDTH=500 Background="http://www.classicland.net/heart.gif">
<TR><TD ALIGN=CENTER><h1>
<center><h3> <font size="3" color=#FF00FF>
مشكووورة اختي رتاج ماقصرتي :)
هلا وغلا اختي جمولة ماقصرتي وربي ياعسل على الي ارسلتي بالخاص الله يسعدك يااارب :)
مشكورين يابنات ماقصرتوا معاي الله يقدرني واردها لكم متى ماحبيتوا تزورون الرياض ;)
تحياتي
:)
</marquee></TD></TR></TABLE></center>
<CENTER>
اختى الغالية
صدقينى هذا واجب علينا نساعد بعض واهلا فيك فى بلدك الثانى بين
اهلك واخوانك
اختك بنت الكويت :D
هلا بج يالرقيقه
وحياج والف مرحب فيج بالكويت
تو بتنور الكويت
لاتنسين تسيرين علينا بالبيت
عن المكياج ياحبيبتي
في اكثر من مكان الكويت الحين صارت مفوله مكياج
صالون دريم لاند
فندق ساس
فندق شيراتون
صالون مس ون
اما الدراريع تبقينهم بمجمع الاوقاف
والعطورات بكل مكان وانتو الله وكيلك متخصصين يالسعوديه بالعطور
وحياج بالكويت
}{الـرقـيـقـة}{
02/06/2002, 08:37 AM
<center>
<font size="3" color=#FF00FF>
شكرا رتاج هذا من ذوقك ياقمر
هلا اختي ريوف
الله يحييك ياعيني
بس ماسالت عن العطور ترا :p :o
عموما مشكوره ياعسل
تحياتي
:)
شهد78
10/06/2002, 07:40 AM
الرقيقة كيفك ؟
ايش اخبارك ؟
والله اني اشتقت للمنتدى كثير
طبعا المثل القائل اهل مكة ادرى بشعابها
وانا صحيح اني عشت في الكويت مدة 5 سنوات بس هذا الكلام كان في 99 آخر مرة كنت في الكويت الحبيبة وانتي تدرين ما شاء اللها الكويت بلد العمران دائما بتطور دايم عموما انا كان يعجبني من اسواقها سوق الصالحية هذا السوق تلاقين فيه اشهر الماركات وموجدو بشارع الجهرا اذا ما خانتني الذاكرة
بنات الكويت اذا انا غلطانة صححوا لي علشان حبيبتنا الرقيقة ما تتوه في الكويت
وعموما الكويت توووونس ( الوناسة) اما الأسواق الشعبية غرامي سوق المباركية لانه بالفعل موكل شيء غالي حلو احيانا ممكن يكون شيء رخيص بس حلو ويبهرك حتى جلابيات ودراريع راح تلاقينها هناك انتي بس قولي لهم سوق المباركية وهم يوصلونك
اما الصالونات للمكياج ما اقدر اقولك لاني ولا مرة رحت للصالون وعملت مكياج علشان اكون صادقة معاك واعتقد الاخوات الي بالكويت ما قصروا معك عطوك معلومات وافية
انا بس حبيت المشاركة لانك اخت عزيزة وغالية على قلبي
واتمنى لك قضاء وقت ممتع في ربوع الكويت وما تنسين انك تستمتعي بكل لحظة هناك
good luck;)