حايــــــره

[همسات القمر ~]

السلام عليكم كيف الحال
ادخل بالموضوع :
انا صار متزوجه 5 اشهر وماخذين شقه قريبه على شقة اهل زوجي يعني منفصلين عنهم .
اهل زوجي عددهم 3 .. الأم وخوات زوجي 2 مامتزوجات لسه .. اما ابوهم ف منفصل عن امهم وساكن مع اخوه .. انفاصلهم مو طلاق وانما مجرد هجر ..
المشكله انو الاب يريد يجي يسكن معانا انا وزوجي لان اخوه مايريده لكونه مريض ويحتاج عنايه واحنه شقتنه صغيره قياسآ بشقة اهل زوجي اضافه الى انو انا عن قريب اتوظف كيف حيكون وحده بالبيت وهو مريض !؟
.
يعني مو المفروض انو بناته همه اللي يداروا لان مو متزوجات ؟ مو المفروض يرجع لبيت زوجته ؟
وهمه اللي يلبون طلباته ؟

انا والله مو متعاجزه من شي لان هذا اجر ولو البنات متزوجات حيكون من الواجب على زوجي انو يجيب ابوه بس هسه همه متفرغات ومومتزوجات وانا افكر اذا حملت وصار عندي طفل البيت مراح يوسع لنا ..وخادمه اخاف اجيب لان من وراها تصير مشاكل
.
اريد نصيحة حضرتكم
ولكم جزيل شكري