فحص الانابيب

[sara wish]

بنات منو سوت هاي الفحص تخبرني وهل هي مؤلمة
:eek2:

[غرٌِابه]

والله حتى انا ودي اسال هل احد جربها


:down:

[بنت الامارات2]

انا سويت فحص الانابيب

[fatma]

بنت الامارات2
خبريني حسيتي باي الم ؟؟؟ وانشاءالله من بعدها عرفتي المشكله وانشاءالله مافيج الا العافيه :up:

[غديران]

:flower: :flower: :flower:
:z_sorry:
:flower: :flower: :flower:

[أوركيـــــــــد]

هيه صح بنات،،، انا خاطري اعرف بعد،،، لاني سمعت انه ألامه مثل آلام الولادة الله يكافينا الشر،،، وفي وحدة تقول انها لما سألت الطبيبة قالتلها مول ما تعور ولا تحسين بأي الم ويوم سوتها تقول كأنها كانت تولد،،،، انا الصراحة وايد اتردد ولو فكرت اسويها وايد ازييغ،،، صح هاي الرمسة والا يبالغون؟

الغالية بنت الامارات،،، الله يهديج بعد ردي على سؤال البنت مرة وحدة،،، لازم بالاقساط،،،،هيه قصدها تبى تعرف اذا تألمتي والا لا؟!!!

بنات ردوا الله يجزيكم خير

[محبه لله الواحد 444]

وانا كمان عايزه رد للموضوع دة
بس انا سمعت ان الوحده ممكن تاخد بنج علشان الالم ولو واحده مجربه تقول لنا وجزاها الله خير
sara wishبارك الله فيك

[بنت الامارات2]

اسمحولي والله بنات .....على التاخير ........

اما بخصوص هذا الفحص انا ظربوني بنج وبعد كان يالمنى ما ادري شو الاحساس اللي اتحسينها لحظتها.......
كنت اقول في خاطرية متى يخلصون:cool2:.......انا ما ابا اخوفكم بس هذا اللي حصل معايه
وطلعت النتيجة عندي انه الانبوب الايسر مسدود..وسرت الهند وسويت عملية لفتح الانبوب.............بس خايفة للحين اسوي فحص الانابيب مرة ثانية علشان اتاكد انه انفتح........:shy:

واي استفسار انا في الخدمة

[غرٌِابه]

يعني بختصار يعورولا لاء ؟؟

ويوم فتحتي الانبوب تعور كانت العمليه ؟؟؟


والله يحفظك من كل مكروووه

[التوأم]

وانا اقرأ ردج بنت الامارات2 احس ويع يعني يالسه اتالم وين يوم بسويه

الله لا يقول واحتاجه بس صدق الله يعينا نحن الحريم وانشاء الله كل بيكون

كفاره واجر يحتسب عند الله قولو آآآآآآآآآآآآآآآمين

[بنت الامارات2]

اللّهم آمــــين

هيه خواتي يعور

[جرح السنين]

انا سويت الفحص على الانابيب اللي يكون عن طريق الاشعة بالصبغة

وهي تالم في البداية مثل الم الدورة وبعدين يزيد اكثر من الدورة يقولون

المها مثل الولادة وانا بصراحة ماجربت الولادة علشان كذا ماادري المهم

انها تالم وانا اخذت قبلها حبوب مهدئة وابرة بنج ومع هذا تالمت وانا ماكنت

اعرف انها كذا شان ماسويتها لاني خفت من الادوات اللي دخلوها انا

مابي اخوفكم لاني سمعت انها مفيدة وكثير يحملون بعدها على فكرة بعد

ما تسوينها ينزل منك ماي ودم ويتوقف بسرعة

[هيونه الكويتيه]

السلام عليكم فحص الأنايب نوعين

الأول بالصبغه ...يعنو يدخلون حديدتين بجهة الأنابيب ويفرغون الصبغه

هي تعور بس يعطون قبلها حبوب مسكن وهذي الطريقه تفتح الأنابيب....


والطريقه الثانيه ...منظار بالبطن يعني فتحه صغيره بالسره بنج كامل

وهذي أسهل طبعا وأحسن لأنهم يشوفون الأنابيب أوضح...

والأثنين أنا جربتهم

[بنت الامارات2]

هيونه الكويتيه
هلا اختي بس حبيت اسالج؟؟؟

هل جابت معاج نتيجة؟.........وإن شاء الله خير

وبخصوصو المنظار يطلعون لج كل شئ فيج والا لا شو ياليت اختي اتوضحين لنا

واكون لج شاكرة

[جرح السنين]

اهلا اختي هيونة الكويتية
فحص الانابيب اللي عن طريق الفتحة بالسر هي دقيقة تعطي نتائج ادق من اللي تكون بالاشعة بالصبغة وصحيح انها ماتالم لان يكون فيها بنج كامل بس لها سلبيات فقد تسبب التصاقات في الانابيب

[فوانيس]

هلا فيكم خواتي جميعا...
منظار البطن من أفضل الطرق للكشف على صلاحية الأنابيب و المبايض و الرحم...أو أي ورم ( لا سمح الله) غير واضح بالتصوير..
و لا يسبب أي إلتصاقات...لأنه الفتحة تكون بالبطن و قريبة من السرة و أعتقد و الله أعلم يقومون الأطباء بإدخال كاميرا دقيقة جدا...للكشف على الجهاز التناسلي الداخلي للمرأة..
فإنشاءالله ما في أي ألم و لا مضره من هذا الفحص...
بالعكس انا شوفه افضل..عشان يفكج من جميع الفحوصات
الثانية المؤلمة:up:

الله يعطيكم العافية..:smile:

[مرايم قطر]

انا سويت فحص الأنابيب بس كنت ماخذه مهدئ قبل بربع ساعه ولاحسيت بأي ألم بس شوي مثل ألام الدوره في البطن من داخل وطلعت الأنابيب كلها مسكره وفتحوها لي ببنج كامل الحمد لله

[ذره من المجره]

أنا بشرحلكم بالتفصيل الممل أول شي بيعطونج أبره مسكن أو بنج خفيف لمنطقة الحوض طبعا في المؤخره (كرمتو) ويخلونج عشر دقايق حتى يبدا مفعول الأبره بعدين يدخلونج غرفة الأشعه تفصخين كل ملابسج وتلبسين بالطو مال العمليات وتتمددين على السرير يكون فوقج جهاز الأشعه والغرفه شبه مظلمه طبعا ( لاتخافون مش فلم رعب ) وشاشه عرض على يسارج علشان انتي والدكتوره تشوفون الرحم والأنابيب بتثني السستر المساعده رجولج وتوجه أضاءه على المنطقه التناسليه يعني مثل وضع الولاده بتدخل أداه لتوسيع المهبل بعد ما تثبت الأداه في المهبل طبعا بتحسين بالأنزعاج شوي الحين عاد بندخل في الجد اتدخل أنبوب في عنق الرحم يبدأ الألم والتقلصات مثل ألم الدوره لما يكون شديد شوي بس مش لدرجة الصراخ والصياح أبدا مجرد تأوهات وبالتدريج تدفع الدكتوره الصبغه في عنق الرحم بتشوفين الرحم والأنابيب بوضوح في الشاشه وأذا في انسداد راح تشوفين الرحم بس أو الرحم وأنبوب واحد بعد ماتوضح الصوره في الشاشه تمرر الدكتوره جهاز الأشعه من فوقج وتطلب منك الثبات التام وتاخذ صوره وبعدين أتطله الأدوات كلها وتقولج قومي بس لما تقومين تمسكج السستر وتساعدج علشان تلبسين وبتعطيج كلينكس تحطينه لأن راح تنزل بقع دم وباقي الصبغه من الرحم تلبسين وتطلعين شوي شوي على مهلك لأن التقلصات راح تبدا بعد ماتخلصين بتوصفلج الدكتوره مضاد حيوي وهذا ضروري علشان ماتصير ألتهابات وغيره وبتعطيج صوره من الأشعه ولمدة يوم كامل بتحسين كأن فيج الدوره حطي مطاره دافيه وخليج متمدده في البيت لاتتحركين زياده
ولاتخافون بنات العمليه كلها ماتاخذ أكثر من 20 دقيقه والألم مثل الدوره مايخوف عادي شده وتزول
اللي لازم تفحص أنابيبها هي :
كل سيده أجريت لها جراحه في منطقه الحوض سابقا مثل / عملية الزائده + العمليه القيصريه + جراحه في البطن ) والسبب أن يكون أحتمال أن حدث التهاب في الحوض بعد العمليه وخاصه القيصريه وأنا لأني كنت عامله العمليه القيصريه في ولادتي الأولى وماصار عندي حمل 6 سنوات قالتلي الدكتوره لازم أفحص الأنابيب علشان أتأكد أن مافيها ألتصاقات سويتها والحمد لله كل شي سليم 0