تحمّلوا قصائدي النبطية فأنا شاعر فصحى

[حمدان]

يادارنا تبقين مرفوعة الراس = نورٍ سطع في عنق الأمجاد ماسة
عطرٍ يسافر بالبساتين نسناس = يزيل عن راس المعنّى عماسه
يسعد صباحك بالكرامة والاوناس = يا دارنا دار الشرف والقداسة
يامملكتنا الغالية مالك اجناس = المجد لو ينطق عطاك الرياسة
حكامك آل سعود عذبين الانفاس = لطّامة العايل اليا شتد باسه
دارٍ ابو متعب لها اليوم نبراس = هنيّها بسرورها والوناسة
البارع اللي شارب المجد بالكاس = من يوم صغره مرضعينه سياسة
ليّن لشعبه للمعادين ضرّاس = بساطته تشعل لهيب الحماسة
ولي عهده صافي العرق والسّاس = خصمه يعيش بحسرته وانتكاسه
سلمان معذورين لو جوله الناس = بقلوبهم حُبّه تجاوز قياسه
عينه على امن الوطن عين عساس = وعن حاجة المظلوم ماحط راسه
يا دارنا ماعاث بترابك انجاس == ترابك الطاهر حصينٍ مداسه
اللي نواك بشر يرجع بالافلاس = حولك أسودٍ يعشقون الحراسه
نثبت على حدودك جنودِ وحرّاس = مدحور من عاداك ملعون ساسه
لا دقّت طبول الملاقى والاجراس = نعشق مواجه خصمنا وافتراسه
صغيرنا في بحر الإقدام غطاس = يطير لا نادى المنادي نعاسه
نموت دونك ياثرى العز لا باس = هذا كفنّا رافعينٍ لباسه
عدوّنا في ساحة الحرب محتاس = من زود رعبه ناشفاتٍ انفاسه
في راسه المجنون مليون وسواس = وفي قلبه المرعوب حقد وخساسة

[أمانيـــز]

مبدع دائماً في الفصحى
وقصائدك رائعة بالشعر النبطي

شكراً لك شاعرنا .

[ماذا اقول]

ربي يحمي السعودية وأرضها المقدسة من كيد الكائدين
ومشكور شاعرنا على هذا الشعر الرائع