قولو لي وين أسافر؟؟؟؟؟؟؟؟؟؟؟

[أم رورو]

هلا يا بنات :smile:
أبيكم اتساعدوني و تقولولي وين أسافر في رحلة رومانسية مع ريلي لمدة 5 أيام بعد اجازة العيد على طول؟؟؟
بس بقول لكم شغله :o:oترى البجت مالي مو لهناك:confused:يعني بس 500 ريال (5000 درهم فقط لا غير):confused::confused:محوشتهم!!
فبليز عطوني رايكم علشان ادعيلكم:D2

[مملوحة]

هلا فيك اختي..اللي فهمته من كلامك انك تبين اتفاجئين زوجك برحله رومنسية ...وماتكلفك 5000 درهم

هذي فكرتي اللي بسويها ان شاء الله بعيد الاضحى الجاي ان شاء الله

شرايك بدبي ........حلوة اوتيلاتها ...والتمشى فيها حلو وبكون الجو روعه

ولا روحي المالديف اذا تبين الراحه والرومانسيه

ولا الكويت ...اتجنن ها الديرة سوق ..واماكن تمشى فيها حلو

انا محتارة بين الكويت ودبي ...ها الديرتين ماتكلفك وايد:smile:

[رنين العود]

سافروا الاردن وايد رخيصه الحين

[عروس قديمه]

انا من رايي تروحون جزر المالديف..بس ويك اند...

او تركيا...يعني هالبلدين يادوب تكفيكم الميزانيه..يعني اقعدوا بس خميس وجمعه...

وان شالله تستانسون

[العنيــــــدة™]

تركيااااااااااااااااااااا ااااااااااااااااااا :up:

وانشالله تستانسين وين ما سرتي..


العنيــــــدة™

[المكابره]

احجزي تذاكر للعمره ..وتوكلي على الله

والله لو اقولــك كيف حياتج بتتغير
ريلج بعدها كيف بيحبج وبيتعلق فيج ..


وليش تروحين اي دوله اجنبيه !!!
سيري العمره وصدقيني ما دام ان السفر كانت لله بتكون ما احـــلى ما يكون وبترتاحين لانه ما في مكان على وجه الارض ترتاحين فيه الا هالمكان الحلو ..

ونفس الوقت العمره كنج بـتبدأين حياه جديده من اول وجديد مع ريلج في دنيا ثانيه في دنيا خفيفه بس انتي وريلج وربكم ومعاكم في احلى من هذه السفره لا ما اعتقد


حلو والله ان كل زوجه تفاجأ ريلها بمثل هالسفره ..



وشعاري في حياه ::::

وما كان لله دام واتصل وماكان لغير الله انقطع وانفصل


ولتكن شعارك ايضا ...

والله يوفقج وين ما تسافرين ويسعدج
اختج في الله ..

[عسووووله]

يمدحون تركيا وايد وأنا وووووووووووودي أزورها بعد:s2 :s2

http://dahham89.jeeran.com/عسووولة.jpg

[ام سارونا]

بنات ماينفع تركيا يومين توني راجعة منها اجازة الصيف اقل شي اسبوع في استنبول ..يومين مايمديها ترتاح من الطائرة ..
نصيحة روحي دبي وتكفيك 5 ايام ..:clap:

[أم رورو]

مشكورين خواتي وااايد,,,وكل البلدان اللي قلتوها كانت بالفعل في بالي خصوصا المالديف :confused::confused:بس الرحله تكلف 5000 درهم للشخص,,,,وتركيا يقولون بتكون وايد بارده هالفتره,,,,,فأعتقد أنه مالي غير دبي أو الكويت مثل ما قلتو,,,
و تسلمووون :clap:

[RoOoOmy]

اختي ام رورو

انصحك بدبي دانة الدنيا

لأنها أكثر من رائعة وانا على كثر البلدان اللي زرتها ما عجبتني كثر دبي

ما شاء الله مثل الدول الأجنبية وأحسن

يا بخت أهل دبي

تحياتي لك

[لاليتا]

والله أنا مع الاخت المكابره.... اتخيلي كيف بتكون نظره ريلتش ليتش والله ما أظن أنه فيه رحله أروع ولا أحلى منها ..... وخاصه أول مره ... والله ولا أروع....
الله يوفقتش ان شالله

[شما الشامسي]

:shy: انا من نصيحتي تعاااالوا عندنا الامارات في مناطق وايد حلوه مب لازم دبي خور فكان وايد حلوه مثل ما يقولن (خور فكان كمدينة السحر والجمال ) وما تكلف وايد وتمي في الامارات وكل يوم اماره لمدة اسبوع.

[أم رورو]

أختي RoOoOmy_M و أختي لاليتا أشكركم عالمرور و ببدء أسئل على المكانين و الله الموفق ,,,,,,

[noor25n]

السلام عليكم ورحمة الله وبركاته
انا من رايي انج تروحين دبي لانها ما بتكلفج وايد وفيها سياحة وسوق وبيكون الجو زين ان شاء الله وبعدين تقدرين تسرين باقي الامارات الاخرى مثل ابوظبي والشارقة وغيرها .

[نورا2000]

العمره العمره وبس يا اختيييييييييييييي

هذا احسن مكان واريح مكان والله

[toti1]

السلام عليكم ورحمة الله وبركاته

اختي مين قالك ان دبي رخيصه؟؟والله لاهي رخيصه ولا شي,,,
هي حلوه بس ماهي رومانسيه يعني تصلح شوبينج ومع شله بنات
..هذا رأيي لاني رحت لها وزوجي مل لانها كلها اسواق,,

كنت بانصحك بماليزيا او المالديف بس بعيده عليك,,
ماليزيا مره رخيصه فكري فيها؟؟:cool2: